ਚੰਡੀਗੜ੍ਹ-ਪਤੀ-ਪਤਨੀ ਦਾ ਰਿਸ਼ਤਾ ਸਾਰਿਆਂ ਰਿਸ਼ਤਿਆਂ ਤੋਂ ਉੱਪਰ ਹੁੰਦਾ ਹੈ। ਇਕ ਪਤਨੀ ਆਪਣੇ ਪਤੀ 'ਤੇ ਵਿਸ਼ਵਾਸ ਕਰਦੀ ਹੈ ਅਤੇ ਆਪਣਾ ਸਾਰਾ ਕੁਝ ਉਸ ਨੂੰ ਸਮਝਦੀ ਹੈ ਪਰ ਜਦੋਂ ਪਤੀ ਹੀ ਆਪਣੀ ਮਰਿਆਦਾ ਭੁੱਲ ਜਾਵੇ ਤਾਂ ਪਤਨੀ ਲਈ ਇਸ ਤੋਂ ਵੱਡੀ ਦੁੱਖਦਾਈ ਗੱਲ ਕੋਈ ਨਹੀਂ ਹੁੰਦਾ। ਅਜਿਹਾ ਹੀ ਇਕ ਮਾਮਲੇ ਜਲੰਧਰ 'ਚ ਸਾਹਮਣੇ ਆਇਆ ਹੈ। ਐਨ.ਆਰ.ਆਈ. ਪਤੀ ਨੇ ਬੈੱਡਰੂਮ 'ਚ ਮੇਰਾ ਵੀਡੀਓ ਬਣਾ ਕੇ ਬਲੈਕਮੇਲ ਕੀਤਾ। ਇਹ ਦੋਸ਼ ਹੈ ਇੰਗਲੈਂਡ ਦੀ ਨਿਵਾਸੀ ਮਹਿਲਾ ਦਾ। ਇੰਗਲੈਂਡ ਨਿਵਾਸੀ ਸੋਨੀਆ ਹਾਂਡਾ ਨੇ ਆਪਣੇ ਪਤੀ ਅਤੇ ਸਹੁਰੇ ਪਰਿਵਾਰ ਵਾਲਿਆਂ 'ਤੇ ਤਸੀਹੇ ਦੇਣ ਦਾ ਦੋਸ਼ ਲਗਾਇਆ ਹੈ। ਸੋਨੀਆ ਅਨੁਸਾਰ ਐਨ.ਆਰ.ਆਈ. ਥਾਣੇ 'ਚ ਸ਼ਿਕਾਇਤ ਕਰਨ ਤੋਂ ਇਕ ਮਹੀਨੇ ਬਾਅਦ ਵੀ ਪਰਚਾ ਦਰਜ ਨਹੀਂ ਹੋਇਆ। ਐਨ.ਆਰ.ਆਈ. ਕਮਿਸ਼ਨ ਨੇ ਵਿਭਾਗ ਨੂੰ ਜਾਂਚ ਕਿਸੇ ਸੀਨੀਅਰ ਅਫਸਰ ਨੂੰ ਸੌਂਪਣ ਲਈ ਕਿਹਾ ਪਰ ਅਜੇ ਤੱਕ ਕੋਈ ਕਾਰਵਾਈ ਨਹੀਂ ਹੋ ਰਹੀ ਹੈ। ਸੋਨੀਆ ਨੇ ਪ੍ਰੈਸ ਕਾਨਫਰੰਸ 'ਚ ਦੱਸਿਆ ਕਿ ਜਲੰਧਰ ਨਿਵਾਸੀ ਹਰਵਿੰਦਰ ਸਿੰਘ ਸੇਹਰਾ ਪੜ੍ਹਾਈ ਲਈ ਇੰਗਲੈਂਡ ਗਿਆ ਸੀ। ਉਥੇ ਸਾਨੂੰ ਇਕ-ਦੂਜੇ ਨਾਲ ਪਿਆਰ ਹੋ ਗਿਆ ਅਤੇ ਪਰਿਵਾਰਾਂ ਦੀ ਰਜ਼ਾਮੰਦੀ ਨਾਲ ਅਸੀਂ ਵਿਆਹ ਕਰਵਾ ਲਿਆ। ਉਨ੍ਹਾਂ ਦਾ ਪੰਜ ਸਾਲ ਦਾ ਇਕ ਬੇਟਾ ਵੀ ਹੈ। ਪੰਜਾਬ ਆਉਣ ਤੋਂ ਬਾਅਦ ਕੁਝ ਸਾਲਾਂ ਤੱਕ ਸਭ ਠੀਕ ਚੱਲਦਾ ਰਿਹਾ ਪਰ ਬਾਅਦ 'ਚ ਹਰਵਿੰਦਰ ਦਾ ਵਰਤਾਓ ਬਦਲ ਗਿਆ।
ਸੋਨੀਆ ਅਨੁਸਾਰ ਹਰਵਿੰਦਰ ਦੂਜਾ ਵਿਆਹ ਕਰਵਾਉਣਾ ਚਾਹੁੰਦਾ ਹੈ ਪਰ ਜਦੋਂ ਮੈਂ ਉਸਦਾ ਵਿਰੋਧ ਕੀਤਾ ਤਾਂ ਉਸ ਮੇਰੇ ਨਾਲ ਕੁੱਟਮਾਰ ਕੀਤੀ। ਸਹੁਰੇ ਪਰਿਵਾਰ ਵਾਲੇ ਵੀ ਹਰਵਿੰਦਰ ਦੇ ਪੱਖ 'ਚ ਹਨ। ਉਨ੍ਹਾਂ ਲੋਕਾਂ ਨੇ ਹਰਵਿੰਦਰ ਵਲੋਂ ਖੀਂਚੀ ਉਸਦੇ ਸੈਮੀ ਨਿਊਡ ਫੋਟੋ ਇੰਟਰਨੈਟ 'ਤੇ ਪਾਉਣ ਦੀ ਧਮਕੀ ਦਿੱਤੀ। ਸਹੁਰੇ ਪਰਿਵਾਰ ਵਾਲਿਆਂ ਨੇ ਉਸਦੇ ਬੈੱਡਰੂਮ 'ਚ ਕੈਮਰਾ ਲਾ ਕੇ ਵੀਡੀਓ ਬਣਾਇਆ ਅਤੇ ਉਸਦੇ ਜ਼ਰੀਓ ਬਲੈਕਮੇਲ ਕੀਤਾ।
ਆਖਿਰ 'ਚ ਮੈਨੂੰ ਘਰ 'ਚ ਹੀ ਬੰਦੀ ਬਣਾ ਰੱਖ ਲਿਆ ਅਤੇ ਮੇਰਾ ਬੇਟਾ ਵੀ ਖੋਹ ਲਿਆ। ਮੇਰੇ 'ਤੇ ਇਹੀ ਦਬਾਅ ਬਣਾਇਆ ਜਾਂਦਾ ਰਿਹਾ ਕਿ ਉਹ ਤਲਾਕ ਲਈ ਇਕ ਸਮਝੌਤੇ 'ਤੇ ਹਸਤਾਖਰ ਕਰ ਦੇਵੇ। ਸੋਨੀਆ ਨੇ ਕਿਹਾ ਕਿ ਉਸਦੇ ਮਾਤਾ-ਪਿਤਾ ਨੂੰ ਇੰਗਲੈਂਡ ਤੋਂ ਬੁਲਾਇਆ ਗਿਆ, ਉਨ੍ਹਾਂ ਨੂੰ ਵੀ ਧਮਕੀ ਦਿੱਤੀ ਗਈ। ਆਖਿਰਕਾਰ ਡਰ ਕੇ ਉਸਨੇ ਸਮਝੌਤੇ 'ਤੇ ਹਸਤਾਖਰ ਕਰ ਦਿੱਤੇ ਪਰ ਸਮਝੌਤੇ ਅਨੁਸਾਰ ਉਸਨੂੰ ਰਕਮ ਨਹੀਂ ਦਿੱਤੀ ਗਈ। ਉਸਨੇ ਐਨ.ਆਰ.ਆਈ. ਥਾਣੇ 'ਚ ਸ਼ਿਕਾਇਤ ਕੀਤੀ ਪਰ ਕੋਈ ਕਾਰਵਾਈ ਨਹੀਂ ਹੋ ਰਹੀ ਹੈ।
ਪੰਜਾਬ 'ਚ ਸੰਗੀਤ ਕਲਾਕਾਰਾਂ ਦੀ ਕਮਾਈ ਦਾ ਜ਼ਰੀਆ ਹੁੰਦੇ ਹਨ ਵਿਆਹ
NEXT STORY 
