ਨਵੀਂ ਦਿੱਲੀ-ਭੱਜ-ਦੌੜ ਵਾਲੀ ਜ਼ਿੰਦਗੀ ਅਤੇ ਵਾਤਾਵਰਣ ਪ੍ਰਦੂਸ਼ਣ ਦੀ ਵੱਧਦੀ ਸਮੱਸਿਆ ਅਤੇ ਖਾਣ-ਪੀਣ ਵਿਚ ਸਾਵਧਾਨੀ ਨਾ ਵਰਤਣ ਕਾਰਨ ਲੜਕੀਆਂ (ਪਾਲੀਸੀਸਿਟਕ ਓਵੇਰੀਅਨ ਸਿੰਡ੍ਰੋਮ (ਪੀ. ਸੀ. ਓ. ਐਸ.) ਤੋਂ ਪੀੜਤ ਹੋ ਜਾਂਦੀਆਂ ਹਨ। ਜੇ ਸਮੇਂ ’ਤੇ ਇਸਦਾ ਇਲਾਜ ਨਾ ਕਰਵਾਇਆ ਜਾਵੇ ਤਾਂ ਇਹ ਬੀਮਾਰੀ ਮਾਂ ਬਣਨ ਦੀ ਸਮਰੱਥਾ ਤੋਂ ਵਾਂਝੀ ਕਰ ਸਕਦੀ ਹੈ।
ਭਾਂਵੇ ਇਹ ਪ੍ਰਜਣਨ ਉਮਰ ਵਿਚ ਹੋਣ ਵਾਲੀ ਇਕ ਆਮ ਸਮੱਸਿਆ ਮੰਨੀ ਜਾਂਦੀ ਹੈ ਪਰ ਪਿਛਲੇ ਇਕ ਦਹਾਕੇ ਵਿਚ ਛੋਟੀ ਉਮਰ ਦੀਆਂ ਲੜਕੀਆਂ ਵੀ ਇਸ ਬੀਮਾਰੀ ਤੋਂ ਅਛੂਤੀਆਂ ਨਹੀਂ ਰਹੀਆਂ ਹਨ। ਇਕ ਅਨੁਮਾਨ ਮੁਤਾਬਕ ਅੱਜ-ਕੱਲ ਹਰ 10 ’ਚੋਂ ਇਕ ਲੜਕੀ ਪੀ. ਸੀ. ਓ. ਐ¤ਸ. ਬੀਮਾਰੀ ਨਾਲ ਜੂਝ ਰਹੀ ਹੈ। ਅਸਲ ਵਿਚ ਇਹ ਨੌਜਵਾਨ ਲੜਕੀਆਂ ਦਰਮਿਆਨ ਇਕ ਆਮ ਸਮੱਸਿਆ ਬਣ ਗਈ ਹੈ।
ਮੁੰਬਈ ਦੇ ਲੀਲਾਵਤੀ ਹਸਪਤਾਲ ਅਤੇ ਨਵੀਂ ਦਿੱਲੀ ਫੋਰਟਿਸ ਲਾ-ਫੇਮ ਹਸਪਤਾਲ ਵਿਚ ਔਰਤਾਂ ਦੇ ਰੋਗਾਂ ਅਤੇ ਬਾਝਪਨ ਮਾਹਰ ਡਾ. ਰਿਸ਼ੀਕੇਸ਼ ਪਾਈ ਦੱਸਦੇ ਹਨ ਕਿ ਪੀ. ਸੀ. ਓ. ਐ¤ਸ. ਇਕ ਓਵੇਰੀਅਰ ਸਿੰਡ੍ਰੋਮ ਹੈ ਜੋ ਬੱਚੇਦਾਨੀ ਨੂੰ ਪ੍ਰਭਾਵਿਤ ਕਰਦਾ ਹੈ। ਆਮ ਭਾਸ਼ਾ ਵਿਚ ਪਾਲੀਸੀਸਿਟਕ ਓਵੇਰੀਅਨ ਦੇ ਮਤਲਬ ਬੱਚੇਦਾਨੀ ਅੰਦਰ ਬਹੁਤ ਸਾਰੇ ਛੋਟੇ ਅਲਸਰ ਦਾ ਪਾਇਆ ਜਾਣਾ ਹੈ। ਉਨ੍ਹਾਂ ਕਿਹਾ ਕਿ ਵੱਧ ਮਾਤਰਾ ਵਿਚ ਖੰਡ ਅਤੇ ਵੱਧ ਕਾਰਬੋਹਾਈਡ੍ਰੇਟਸ ਦਾ ਸੇਵਨ ਕਰਨ ਵਾਲਿਆਂ ਵਿਚ ਘੱਟ ਉਮਰ ਵਿਚ ਹੀ ਪੀ. ਸੀ. ਓ. ਐ¤ਸ. ਦੀ ਸੰਭਾਵਨਾ ਵੱਧ ਜਾਂਦੀ ਹੈ। ਵੱਧ ਮਾਤਰਾ ਵਿਚ ਖੰਡ ਅਤੇ ਕਾਰਬੋਹਾਈਡ੍ਰੇਟ ਇੰਸੁਲਿਨ ਦੇ ਪੱਧਰ ਨੂੰ ਵਧਾ ਦਿੰਦਾ ਹੈ, ਜੋ ਹਾਰਮੋਨ ਨੂੰ ਪ੍ਰਭਾਵਿਤ ਕਰਦਾ ਹੈ। ਡਾ. ਪਾਈ ਨੇ ਕਿਹਾ ਕਿ ਇਸ ਦੇ ਪ੍ਰਮੁੱਖ ਲੱਛਣਾਂ ਵਿਚ ਭਾਰ ਦਾ ਵੱਧਣਾ, ਗਰਦਨ ਅਤੇ ਹੋਰ ਥਾਵਾਂ ’ਤੇ ਧੱਬੇ ਪੈਣਾ, ਮਾਹਾਵਾਰੀ ਵਿਚ ਅਨਿਯਮਿਤਤਾ, ਅਣਚਾਹੇ ਵਾਲਾਂ ਦਾ ਆਉਣਾ ਅਤੇ ਮੁਹਾਸੇ ਸ਼ਾਮਲ ਹਨ।
ਕੇਜਰੀਵਾਲ ਦੇ ਬੋਲੇ ਕੌੜੇ ਬੋਲ, ਭਾਜਪਾ 'ਤੇ ਲਾਏ ਗੰਭੀਰ ਦੋਸ਼
NEXT STORY 
