ਵਾਸ਼ਿੰਗਟਨ— ਅਮਰੀਕਾ ਵਿਚ ਹੋਈਆ ਮੱਧਕਾਲੀ ਚੋਣਾਂ ਅਮਰੀਕੀ ਰਾਸ਼ਟਰਪਤੀ ਬਰਾਕ ਓਬਾਮਾ ਲਈ ਜਿੱਥੇ ਵੱਡਾ ਝਟਕਾ ਸਾਬਤ ਹੋਈਆਂ ਹਨ, ਉੱਥੇ ਇਕ ਵਾਰ ਫਿਰ ਭਾਰਤੀਆਂ ਨੇ ਆਪਣਾ ਦਮ ਦਿਖਾ ਦਿੱਤਾ ਹੈ। ਇਨ੍ਹਾਂ ਚੋਣਾਂ ਦੇ ਨਤੀਜਿਆਂ ਦੇ ਨਾਲ ਹੀ ਵਿਰੋਧੀ ਰੀਪਬਲਿਕਨ ਪਾਰਟੀ ਨੇ ਅਮਰੀਕੀ ਸੈਨੇਟ 'ਤੇ ਕਬਜ਼ਾ ਕਰ ਲਿਆ ਪਰ ਇਨ੍ਹਾਂ ਚੋਣਾਂ ਵਿਚ ਭਾਰਤੀਆਂ ਦਾ ਝੰਡਾ ਵੀ ਬੁਲੰਦ ਰਿਹਾ। ਜਾਣਦੇ ਹਾਂ ਇਨ੍ਹਾਂ ਭਾਰਤੀਆਂ ਬਾਰੇ—
1. ਨਿੱਕੀ ਹੈਲੀ— ਭਾਰਤੀ ਮੂਲ ਦੀ 42 ਸਾਲਾ ਨਿੱਕੀ ਹੈਲੀ ਆਪਣੇ ਵਿਰੋਧੀ ਉਮੀਦਵਾਰ ਵਿਨਸੇਂਟ ਸ਼ਿਹੀਨ ਨੂੰ ਹਰਾ ਕੇ ਇਕ ਵਾਰ ਫਿਰ ਸਾਊਥ ਕੈਰੋਲੀਨਾ ਦੀ ਗਵਰਨਰ ਬਣ ਗਈ ਹੈ। ਹੈਲੀ, ਬੌਬੀ ਜਿੰਦਲ ਤੋਂ ਬਾਅਦ ਅਮਰੀਕਾ 'ਚ ਦੂਜੀ ਭਾਰਤੀ ਮੂਲ ਦੀ ਗਵਰਨਰ ਹੈ। ਜ਼ਿੰਦਲ ਲੂਸੀਆਨਾ ਦੇ ਗਵਰਨਰ ਹਨ।
2. ਕਮਲਾ ਹੈਰਿਸ— ਭਾਰਤੀ ਮੂਲ ਦੀ ਕਮਲਾ ਹੈਰਿਸ ਨੇ ਇਕ ਵਾਰ ਫਿਰ ਅਟਾਰਨੀ ਜਨਰਲ ਦੇ ਚਾਰ ਸਾਲਾ ਕਾਰਜਕਾਲ ਦੇ ਲਈ ਚੁਣੀ ਗਈ ਹੈ।
3. ਜਨਕ ਜੋਸ਼ੀ— ਕੋਲੋਰੋਡੋ ਵਿਚ ਰੀਪਬਲਿਕਨ ਪਾਰਟੀ ਦੇ ਜਨਕ ਜੋਸ਼ੀ ਸੋਹਲਵੇਂ ਜ਼ਿਲੇ ਤੋਂ ਪ੍ਰਤੀਨਿਧੀ ਸਭਾ ਲਈ ਚੁਣੇ ਗਏ ਹਨ।
4. ਨੀਰਜ ਅੰਤਾਨੀ— 23 ਸਾਲਾ ਅੰਤਾਨੀ ਓਹੀਓ ਸੂਬੇ ਦੀ ਵਿਧਾਨ ਸਭਾ ਦੇ ਸਭ ਤੋਂ ਛੋਟੀ ਉਮਰ ਦੇ ਮੈਂਬਰ ਦੇ ਰੂਪ ਵਿਚ ਚੁਣੇ ਗਏ ਹਨ। ਉਨ੍ਹਾਂ ਨੇ ਡੈਮੋਕ੍ਰੇਟਿਕ ਪਾਰਟੀ ਦੇ ਪੈਟਿਰਕ ਮੋਰਸ ਨੂੰ ਮਾਤ ਦਿੱਤੀ।
5. ਪ੍ਰਸਾਦ ਸ਼੍ਰੀਨਿਵਾਸਨ— ਸ਼੍ਰੀਨਿਵਾਸਨ ਕਨੇਕਿਟਕਿਟ ਸੂਬੇ ਦੀ ਵਿਧਾਨ ਸਭਾ ਦੇ 31ਵੇਂ ਜ਼ਿਲੇ ਤੋਂ ਰੀਪਬਲਿਕਨ ਪਾਰਟੀ ਦੇ ਉਮੀਦਵਾਰ ਵਜੋਂ ਖੜ੍ਹੇ ਸਨ। ਇਸ ਸੀਟ 'ਤੇ ਉਨ੍ਹਾਂ ਨੇ ਬਿਨਾਂ ਕਿਸੇ ਵਿਰੋਧ ਦੇ ਜਿੱਤ ਦਰਜ ਕੀਤੀ।
6. ਸੈਮ ਸਿੰਘ— ਡੈਮੋਕ੍ਰੇਟਿਕ ਪਾਰਟੀ ਦੇ ਭਾਰਤੀ ਮੂਲ ਦੇ ਉਮੀਦਵਾਰ ਸੀਮਰ ਸੈਮ ਸਿੰਘ ਨੇ ਮਿਸ਼ੀਗਨ ਸੂਬੇ ਦੀ ਵਿਧਾਨ ਸਭਾ ਦੇ 69ਵੇਂ ਜ਼ਿਲੇ ਤੋਂ ਦੁਬਾਰਾ ਜਿੱਤ ਪ੍ਰਾਪਤ ਕਰਕੇ ਇਕ ਵਾਰ ਫਿਰ ਭਾਰਤੀਆਂ ਦਾ ਝੰਡਾ ਅਮਰੀਕਾ ਵਿਚ ਬੁਲੰਦ ਕਰ ਦਿੱਤਾ।
ਈਰਾਨ ਨੀਤੀ 'ਚ ਕੋਈ ਬਦਲਾਅ ਨਹੀਂ : ਵ੍ਹਾਈਟ ਹਾਊਸ
NEXT STORY 
