ਨਵੀਂ ਦਿੱਲੀ- ਟੈਲੀਕਾਮ ਕੰਪਨੀ Îਭਾਰਤੀ ਏਅਰਟੈੱਲ ਦੇ ਪੂਰੇ ਦੇਸ਼ ਦੇ ਪ੍ਰੀ-ਪੇਡ ਗਾਹਕ ਹੁਣ ਮੁਫਤ |'ਚ ਇੰਟਰਨੈੱਟ ਦੀ ਵਰਤੋਂ ਕਰ ਸਕਣਗੇ। ਏਅਰਟੈੱਲ ਛੇਤੀ ਹੀ 'ਵਨ ਟੱਚ ਇੰਟਰਨੈੱਟ' ਦੇ ਨਾਂ ਨਾਲ ਇਹ ਸੇਵਾ ਲਾਂਚ ਕਰਨ ਵਾਲੀ ਹੈ। ਇਸ ਸੇਵਾ ਦੇ ਅਧੀਨ ਏਅਰਟੈੱਲ ਦੇ ਗਾਹਕ ਵੱਖ-ਵੱਖ ਸੇਵਾਵਾਂ ਜਿਵੇਂ ਫੇਸਬੁੱਕ, ਯੂ-ਟਿਊਬ, ਟਵਿਟਰ, ਆਨਲਾਈਨ ਸ਼ੌਪਿੰਗ, ਰੇਲਵੇ ਟਿਕਟ ਬੁਕਿੰਗ ਆਦਿ ਮੁਫਤ 'ਚ ਕਰ ਸਕਦੇ ਹਨ। 10 ਦਿਨਾਂ ਤੱਕ ਗਾਹਕ ਮੁਫਤ 'ਚ ਇਨ੍ਹਾਂ ਸੇਵਾਵਾਂ ਨੂੰ ਟ੍ਰਾਇਲ ਦੇ ਤੌਰ 'ਤੇ ਵਰਤ ਸਕਦੇ ਹਨ, ਉਸ ਪਿੱਛੋਂ ਆਪਣੀ ਲੋੜ ਮੁਤਾਬਿਕ ਡਾਟਾਪੈਕ ਖਰੀਦ ਸਕਦੇ ਹਨ।
ਏਅਰਟੈੱਲ ਦੇ ਜਿਹੜੇ ਪ੍ਰੀ-ਪੇਡ ਗਾਹਕਾਂ ਕੋਲ ਇੰਟਰਨੈੱਟ ਨਹੀਂ ਹੈ, ਉਹ 'ਵਨ ਟੱਚ ਇੰਟਰਨੈੱਟ' ਸੇਵਾ ਵਰਤਣ ਲਈ 111 'ਤੇ ਫ੍ਰੀ ਕਾਲ ਕਰਕੇ ਇਸ ਸੇਵਾ ਦਾ ਲਾਭ ਲੈ ਸਕਦੇ ਹਨ। ਇਸ ਪਿੱਛੋਂ ਉਨ੍ਹਾਂ ਨੂੰ ਐੱਸ.ਐੱਮ.ਐੱਸ. ਲਿੰਕ ਮਿਲੇਗਾ, ਜਿਸ 'ਤੇ ਕਲਿਕ ਕਰਨ 'ਤੇ 'ਵਨ ਟੱਚ ਇੰਟਰਨੈੱਟ' ਦੀ ਵੈੱਬਸਾਈਟ ਖੁੱਲ੍ਹ ਜਾਏਗੀ। ਇਸ ਪਿੱਛੋਂ ਵੱਖ-ਵੱਖ ਸੇਵਾਵਾਂ ਦਾ ਫ੍ਰੀ ਟ੍ਰਾਇਲ 10 ਦਿਨਾਂ ਤੱਕ ਕੀਤਾ ਜਾ ਸਕੇਗਾ।
ਭਾਰਤੀ ਏਅਰਟੈੱਲ ਦੇ ਉਪਭੋਗਤਾ ਮਾਮਲਿਆਂ ਦੇ ਡਾਇਰੈਕਟਰ ਸ਼੍ਰੀਨਿਵਾਸਨ ਗੋਪਾਲਨ ਦਾ ਕਹਿਣਾ ਹੈ ਕਿ ਦੇਸ਼ 'ਚ ਵੱਡੀ ਗਿਣਤੀ 'ਚ ਅਜਿਹੇ ਗਾਹਕ ਹਨ, ਜਿਨ੍ਹਾਂ ਕੋਲ ਸਮਾਰਟਫੋਨ ਹਨ ਪਰ ਉਹ ਇੰਟਰਨੈੱਟ ਦੀ ਵਰਤੋਂ ਨਹੀਂ ਕਰਦੇ। ਇਸ ਪਹਿਲ ਕਾਰਨ ਉਹ ਮੁਫਤ ਵਿਚ ਇੰਟਰਨੈੱਟ ਦੀ ਵਰਤੋਂ ਕਰਕੇ ਆਪਣੀ ਲੋੜ ਮੁਤਾਬਿਕ ਡਾਟਾ ਪੈਕ ਖਰੀਦ ਸਕਦੇ ਹਨ। ਏਅਰਟੈੱਲ ਨੇ ਇਹ ਸਭ ਪੂਰੇ ਦੇਸ਼ ਵਿਚ ਇੰਟਰਨੈੱਟ ਦੀ ਵਰਤੋਂ ਨੂੰ ਉਤਸ਼ਾਹਿਤ ਕਰਨ ਲਈ ਕੀਤਾ ਹੈ।
6 ਆਸਾਨ ਤਰੀਕੇ ਅਤੇ ਬਦਲ ਜਾਵੇਗੀ ਫੋਨ ਕੰਪਨੀ
NEXT STORY 
