ਯੂ-ਟਿਊਬ ਤੋਂ ਵੀਡੀਓ ਡਾਊਨਲੋਡ ਕਰਨ ਲਈ ਵੱਖ-ਵੱਖ ਪ੍ਰਕਾਰ ਦੇ ਸਾਫਟਵੇਅਰ ਆਨ-ਲਾਈਨ ਮਾਰਕੀਟ 'ਚ ਉਪਲੱਬਧ ਹਨ। ਇਨ੍ਹਾਂ 'ਚੋਂ ਕੁਝ ਪੈਸੇ ਵਾਲੇ ਹਨ ਅਤੇ ਕੁਝ ਫ੍ਰੀ ਸਾਫਟਵੇਅਰ ਹਨ। ਪੜ੍ਹੋ ਯੂ-ਟਿਊਬ ਤੋਂ ਵੀਡੀਓ ਡਾਊਨਲੋਡ ਕਰਨ ਦੇ ਵੱਖ-ਵੱਖ ਤਰੀਕੇ:
ਇੰਟਰਨੈੱਟ ਬ੍ਰਾਊਜ਼ਰ 'ਤੇ ਐਕਸਟੈਂਸ਼ਨ ਇੰਸਟਾਲ ਕਰਨਾ-
ਯੂ-ਟਿਊਬ ਤੋਂ ਵੀਡੀਓ ਡਾਊਨਲੋਡ ਕਰਨ ਦਾ ਸਭ ਤੋਂ ਸੌਖਾ ਤੇ ਸਸਤਾ ਤਰੀਕੇ ਹੈ ਇੰਟਰਨੈੱਟ ਬ੍ਰਾਊਜ਼ਰ 'ਤੇ ਐਕਸਟੈਂਸ਼ਨ ਇੰਸਟਾਲ ਕਰਨਾ। ਤੁਸੀਂ ਚਾਹੇ ਕ੍ਰੋਮ ਬਰਾਊਜ਼ਰ ਵਰਤ ਰਹੇ ਹੋ ਜਾਂ ਮੋਜ਼ਿਲਾ ਫਾਇਰਫਾਕਸ, ਦੋਹਾਂ 'ਤੇ ਹੀ ਯੂ-ਟਿਊਬ ਵੀਡੀਓ ਡਾਊਨਲੋਡ ਕਰਨ ਲਈ ਕਈ ਬਹੁਤ ਚੰਗੇ ਤੇ ਫ੍ਰੀ ਐਕਸਟੈਂਸ਼ਨ ਉਪਲੱਬਧ ਹਨ। ਤੁਸੀਂ ਇਨ੍ਹਾਂ 'ਚੋਂ ਕਿਸੇ ਨੂੰ ਵੀ ਇੰਸਟਾਲ ਕਰ ਸਕਦੇ ਹੋ।
ਕ੍ਰੋਮ ਬ੍ਰਾਊਜ਼ਰ 'ਤੇ ਕਿਹੜੇ ਐਕਸਟੈਂਸ਼ਨ ਆਉਂਦੇ ਹਨ ਕੰਮ-
ਕ੍ਰੋਮ ਬ੍ਰਾਊਜ਼ਰ 'ਤੇ ਯੂ-ਟਿਊਬ ਡਾਊਨਲੋਡ ਐਕਸਟੈਂਸ਼ਨ ਡਾਊਨਲੋਡ ਕਰਨ ਲਈ ਤੁਸੀਂ ਕ੍ਰੋਮ ਡਾਟ ਗੂਗਲ ਡਾਟ ਕਾਮ, ਵੈੱਬਸਾਈਟ 'ਤੇ ਜਾਵੋ ਅਤੇ ਉੱਥੇ ਯੂ-ਟਿਊਬ ਵੀਡੀਓ ਡਾਊਨਲੋਡਰ ਸਰਚ ਕਰੋ। ਅਜਿਹਾ ਕਦੇ ਹੀ ਕਈ ਐਕਸਟੈਂਸ਼ਨ ਦੀ ਲਿਸਟ ਖੁੱਲ੍ਹ ਜਾਵੇਗੀ ਜਿਨ੍ਹਾਂ 'ਤੇ ਉਸ ਦੀ ਰੇਟਿੰਗ, ਫੀਚਰਸ ਅਤੇ ਹੋਰ ਡਿਟੇਲ ਲਿਖੀ ਰਹਿੰਦੀ ਹੈ। ਤੁਸੀਂ ਇਨ੍ਹਾਂ 'ਚੋਂ ਕਿਸੇ ਵੀ ਇਕ ਨੂੰ ਆਪਣੀ ਸਹੂਲਤ ਅਨੁਸਾਰ ਇੰਸਟਾਲ ਕਰ ਸਕਦੇ ਹੋ।
ਕ੍ਰੋਮ ਐਕਸਟੈਸ਼ਨ ਦੀ ਮਦਦ ਨਾਲ ਕਿਵੇਂ ਡਾਊਨਲੋਡ ਕਰੋ ਵੀਡੀਓ-
ਕ੍ਰੋਮ ਐਕਸਟੈਂਸਨ ਇੰਸਟਾਲ ਕਰਨ ਤੋਂ ਬਾਅਦ ਤੁਸੀਂ ਕ੍ਰੋਮ ਬ੍ਰਾਊਜ਼ਰ 'ਚ ਉੱਪਰ ਇਕ ਨਵਾਂ ਆਈਕਨ ਇੰਸਟਾਲ ਦਿਖਾਉਣ ਲੱਗੇਗਾ, ਜਦੋਂ ਵੀ ਤੁਹਾਨੂੰ ਵੀਡੀਓ ਡਾਊਨਲੋਡ ਕਰਨਾ ਹੋਵੇ ਤਾਂ ਤੁਸੀਂ ਉਸ ਆਈਕਨ 'ਤੇ ਕਲਿਕ ਕਰੋ ਡਾਊਨਲੋਡ ਹੋਣਾ ਸ਼ੁਰੂ ਹੋ ਜਾਵੇਗਾ। ਇਸ ਦੀ ਸਹਾਇਤਾ ਨਾਲ ਤੁਸੀਂ ਵੀਡੀਓ ਐੱਮ.ਪੀ 4. ਐੱਫ.ਐੱਲ.ਵੀ ਜਾਂ 3ਜੀਪੀ ਫਾਈਲ ਫਾਰਮੈੱਟ 'ਚ ਵੀ ਸੇਵ ਕਰ ਸਕਦੇ ਹੋ।
ਮੋਜ਼ਿਲਾ ਫਾਇਰਫਾਕਸ 'ਚ ਕਿਵੇਂ ਕਰੋ ਵੀਡੀਓ ਡਾਊਨਲੋਡ-
ਮੋਜ਼ਿਲਾ ਫਾਇਰਫਾਕਸ 'ਚ ਵੀ ਗੂਗਲ ਕ੍ਰੋਮ ਵਾਂਗ ਐਕਸਟੈਂਸ਼ਨ ਹੁੰਦੇ ਹਨ ਜਿਨ੍ਹਾਂ ਨੂੰ ਐਡ-ਆਨ ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ। ਤੁਸੀਂ ਸਿੱਧਾ ਗੂਗਲ 'ਚ ਵੀ ਸਰਚ ਕਰ ਸਕਦੇ ਹੋ ਜਾਂ ਫਿਰ ਮੋਜ਼ਿਲਾ ਬ੍ਰਾਊਜ਼ਰ 'ਚ ਐਡ-ਆਨਸ ਮੋਜ਼ਿਲਾ ਡਾਟ ਓ.ਆਰ.ਜੀ ਟਾਈਪ ਕਰੋ। ਛੇਤੀ ਹੀ ਤੁਹਾਡੇ ਸਿਸਟਮ 'ਤੇ ਨਵੀਂ ਵਿੰਡੋ ਖੁੱਲ੍ਹ ਜਾਵੇਗੀ ਜਿਸ 'ਚ ਤੁਸੀਂ ਯੂ-ਟਿਊਬ ਵੀਡੀਓ ਡਾਊਨਲੋਡਰ ਐਡ-ਆਨ ਲਿਖ ਕੇ ਸਰਚ ਕਰੋ ਜਿਸ ਤੋਂ ਬਾਅਦ ਤੁਹਾਡੇ ਸਾਹਮਣੇ ਇਕ ਪੂਰੇ ਸੂਚੀ ਖੁੱਲ੍ਹ ਜਾਵੇਗੀ। ਇਸ 'ਚ ਤੁਸੀਂ ਆਪਣੀ ਸਹੂਲਤ ਅਨੁਸਾਰ ਫ੍ਰੀ ਜਾਂ ਪੇਡ ਕੋਈ ਵੀ ਐਡ-ਆਨ ਸਿਲੈਕਟ ਕਰਕੇ ਐਡ-ਟੂ ਫਾਇਰਫਾਕਸ 'ਤੇ ਕਲਿਕ ਕਰ ਦੇਵੋ। ਐਡ-ਆਨ ਤੁਹਾਡੇ ਬ੍ਰਾਊਜ਼ਰ 'ਚ ਇੰਸਟਾਲ ਹੋ ਜਾਵੇਗਾ।
ਮੋਜ਼ਿਲਾ ਐਡ-ਆਨ ਕਿਵੇਂ ਕੰਮ ਕਰਦਾ ਹੈ-
ਐਡ-ਆਨ ਤੁਹਾਡੇ ਮੋਜ਼ਿਲਾ ਫਾਇਰਫਾਕਸ ਬ੍ਰਾਊਜ਼ਰ 'ਚ ਇੰਸਟਾਲ ਹੋ ਜਾਵੇਗਾ ਤਦ ਉਹ ਮੈਨਿਊਬਾਰ ਹੇਠਾਂ ਇਕ ਨਵਾਂ ਆਈਕਨ ਦਿਖਾਉਣ ਲੱਗੇਗਾ। ਜਦੋਂ ਵੀ ਤੁਹਾਨੂੰ ਵੀਡੀਓ ਡਾਊਨਲੋਡ ਕਰਨੀ ਹੋਵੇ, ਫਾਇਰਫਾਕਸ 'ਚ ਦਿਖਾਏ ਗਏ ਨਵੇਂ ਆਈਕਨ 'ਤੇ ਕਲਿਕ ਕਰੋ ਅਤੇ ਵੀਡੀਓ ਨੂੰ ਕਿਸੇ ਵੀ ਫਾਰਮੈੱਟ 'ਚ ਡਾਊਨਲੋਡ ਕਰ ਲਵੋ।
ਯੂ-ਟਿਊਬ ਵੀਡੀਓ ਆਨਲਾਈਨ ਵੀ ਡਾਊਨਲੋਡ ਕਰ ਸਕਦੇ ਹੋ-
ਜੇਕਰ ਤੁਸੀਂ ਬਿਨਾਂ ਐਕਸਟੈਂਸ਼ਨ ਡਾਊਨਲੋਡ ਕੀਤੇ ਵੀਡੀਓ ਡਾਊਨਲੋਡ ਕਰਨਾ ਚਾਹੁੰਦੇ ਹੋ ਤਾਂ ਇਸ ਲਈ ਵੀ ਇਕ ਤਰੀਕਾ ਹੈ। ਵਰਤਮਾਨ 'ਚ ਕਈ ਆਨ-ਲਾਈਨ ਸਾਈਟਸ ਅਜਿਹੀਆਂ ਸਹੂਲਤਾਂ ਮੁਹੱਈਆ ਕਰਾ ਰਹੀਆਂ ਹਨ। ਇਨ੍ਹਾਂ 'ਚੋਂ ਇਕ ਹੈ ਡਬਲਯੂ.ਡਬਲਯੂ.ਡਾਟ ਕੀਪਵਿਦ ਡਾਟ ਕਾਮ। ਜਿਵੇਂ ਹੀ ਤੁਸੀਂ ਇਸ ਸਾਈਟ ਨੂੰ ਖੋਲੋਗੇ ਇਹ ਤੁਹਾਡੇ ਤੋਂ ਯੂਟਿਊਬ ਵੀਡੀਓ ਦਾ ਯੂ.ਆਰ.ਐੱਲ ਲਿੰਕ ਮੰਗੇਗਾ। ਤੁਸੀਂ ਜਿਹੜੀ ਵੀ ਵੀਡੀਓ ਨੂੰ ਡਾਊਨਲੋਡ ਕਰਨਾ ਚਾਹੁੰਦੇ ਹੋ ਉਸ ਦਾ ਯੂ.ਆਰ.ਐੱਲ ਇੱਥੇ ਪੇਸਟ ਕਰ ਦੇਵੋ ਅਤੇ ਮਨਚਾਹੇ ਫਾਰਮੈੱਟ 'ਚ ਵੀਡੀਓ ਡਾਊਨਲੋਡ ਕਰੋ।
ਡਾਊੁਨਲੋਡ ਸਾਫਟਵੇਅਰ ਦੀ ਮਦਦ ਨਾਲ ਵੀ ਡਾਊਨਲੋਡ ਹੁੰਦੇ ਹਨ ਵੀਡੀਓ-
ਕੁਝ ਡਾਊਨਲੋਡ ਸਾਫਟਵੇਅਰ ਜਿਵੇ ਡੀ.ਏ.ਪੀ (ਡਾਊਨਲੋਡ ਐਕਸੀਲੇਰੇਟਰ ਪਲੱਸ) ਅਤੇ ਇਸੇ ਤਰ੍ਹਾਂ ਦੇ ਹੋਰ ਸਾਫਟਵੇਅਰ ਵੀ ਇਹ ਸਹੂਲਤ ਦਿੰਦੇ ਹਨ। ਤੁਸੀਂ ਫ੍ਰੀ, ਪੇਡ ਜਾਂ ਟ੍ਰਾਈਲ ਵਰਜ਼ਨ ਕੋਈ ਵੀ ਇੰਸਟਾਲ ਕਰ ਲਓ। ਜਦੋਂ ਵੀ ਤੁਹਾਨੂੰ ਵੀਡੀਓ ਡਾਊਨਲੋਡ ਕਰਨੀ ਹੋਵੇ, ਤੁਸੀਂ ਉਸ ਦਾ ਯੂਆਰਐੱਲ ਸਾਫਟਵੇਅਰ 'ਚ ਫੀਡ ਕਰ ਦੇਵੋ, ਕੁਝ ਹੀ ਦੇਰ 'ਚ ਵੀਡੀਓ ਆਪਣੇ ਓਰਿਜ਼ਨਿਲ ਫਾਰਮੈੱਟ 'ਚ ਤੁਹਾਡੇ ਕੰਪਿਊਟਰ 'ਤੇ ਸੇਵ ਹੋ ਜਾਵੇਗੀ।
ਸਿੱਧਾ ਯੂਟਿਊਬ ਤੋਂ ਵੀ ਹੁੰਦੇ ਹਨ ਵੀਡੀਓ ਡਾਊਨਲੋਡ-
ਜੇਕਰ ਤੁਸੀਂ ਇਨ੍ਹਾਂ 'ਚੋਂ ਕੁਝ ਵੀ ਨਹੀਂ ਕਰਨਾ ਚਾਹੁੰਦੇ ਅਤੇ ਫਿਰ ਵੀ ਵੀਡੀਓ ਫਾਈਲ ਸੇਵ ਕਰਨੀ ਹੈ ਤਾਂ ਇਸ ਦੇ ਲਈ ਸਭ ਤੋਂ ਸੌਖਾ ਤਰੀਕਾ ਹੈ ਤੁਸੀਂ ਵੀਡੀਓ ਦੇ ਯੂਆਰਐੱਲ ਲਿੰਕ 'ਤੇ ਜਾਵੋ। ਉੱਥੇ ਯੂਆਰਐੱਲ ਦੀ ਸ਼ੁਰੂਆਤ 'ਚ ਡਬਲਯੂ.ਡਬਲਯੂ.ਡਬਲਯੂ ਡਾਟ ਯੂਟਿਊਬ ਡਾਟ ਕਾਮ ਲਿਖਿਆ ਹੁੰਦਾ ਹੈ, ਉੱਥੇ ਇਸ ਨੂੰ ਬਦਲ ਕੇ ਡਬਲਯੂ.ਡਬਲਯੂ.ਡਬਲਯੂ. ਡਾਟ ਐੱਮ.ਐੱਸ.ਯੂਟਿਊਬ ਡਾਟ ਕਾਮ ਲਿਖ ਦੇਵੋ। ਇਸ ਤੋਂ ਬਾਅਦ ਯੂਟਿਊਬ ਤੁਹਾਨੂੰ ਕਈ ਤਰ੍ਹਾਂ ਦੇ ਫਾਈਲ ਫਾਰਮੈੱਟ 'ਚ ਦਿਖੇਗਾ ਅਤੇ ਆਪਣੇ ਮਨਚਾਹੇ ਫਾਰਮੈੱਟ 'ਚ ਫਾਈਲ ਸੇਵ ਕਰ ਲਵੋ।
ਕਾਨੂੰਨੀ ਪੇਚੇਗਿਰੀਆਂ ਤੋਂ ਬਚਾਅ-
ਇੰਟਰਨੈੱਟ 'ਤੇ ਉਪਲੱਬਧ ਵੀਡੀਓਸ ਕਾਪੀਰਾਈਟ ਦੇ ਘੇਰੇ 'ਚ ਆਉਂਦੇ ਹਨ। ਉਨ੍ਹਾਂ ਦਾ ਪਰਸਨਲ ਜਾਂ ਕਾਰੋਬਾਰੀ ਉਪਯੋਗ ਸੋਚ-ਸਮਝ ਕੇ ਹੀ ਕਰੋ। ਜੇਕਰ ਕਰਨਾ ਹੀ ਹੈ ਤਾਂ ਚੰਗਾ ਹੋਵੇਗਾ ਕਿ ਤੁਸੀਂ ਜਾਂ ਤਾਂ ਸਬੰਧਿਤ ਵਿਅਕਤੀ ਜਾਂ ਕੰਪਨੀ ਤੋਂ ਲਿਖ਼ਤੀ ਮਨਜੂਰੀ ਲੈ ਲਵੋ ਜਾਂ ਫਿਰ ਵੀਡੀਓ ਦਾ ਐਮਬੈਡ ਕੋਡ ਦਾ ਇਸਤਮਾਲ ਕਰੋ। ਇਸ ਨਾਲ ਤੁਸੀਂ ਕਾਨੂੰਨ ਪੇਚਾਗਿਰੀਆਂ ਤੋਂ ਬੱਚ ਜਾਵੋਗੇ।
ਵਿਦੇਸ਼ੀ ਪੂੰਜੀ ਭੰਡਾਰ ਵਧਿਆ
NEXT STORY 
