ਨਵੀਂ ਦਿੱਲੀ- ਵੱਧ ਖਰਚ ਦੇ ਚਲਦੇ ਕੋਲ ਇੰਡੀਆ ਦਾ ਏਕੀਕ੍ਰਿਤ ਸ਼ੁੱਧ ਲਾਭ ਮੌਜੂਦਾ ਮਾਲੀ ਸਾਲ ਦੀ ਦੂਜੀ ਤਿਮਾਹੀ ’ਚ ਲਗਭਗ 28 ਫੀਸਦੀ ਘੱਟ ਕੇ 2,192 ਕਰੋੜ ਰੁਪਏ ਰਹਿ ਗਿਆ। ਕੰਪਨੀ ਨੇ ਬੀ.ਐੱਸ.ਈ. ਨੂੰ ਸੂਚਿਤ ਕੀਤਾ ਹੈ ਕਿ ਪਿਛਲੇ ਸਾਲ ਇਸੇ ਤਿਮਾਹੀ ਵਿਚ ਉਸ ਨੇ 3052 ਕਰੋੜ ਰੁਪਏ ਦਾ ਮੁਨਾਫਾ ਕਮਾਇਆ ਸੀ। ਕੋਲ ਇੰਡੀਆ ਦੁਨੀਆ ਦੀ ਸਭ ਤੋਂ ਵੱਡੀ ਕੋਲਾ ਮਾਈਨਿੰਗ ਕੰਪਨੀ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਇਸੇ ਤਿਮਾਹੀ ਦੇ ਦੌਰਾਨ ਉਸ ਦਾ ਖਰਚ ਲਗਭਗ ਅੱਠ ਫੀਸਦੀ ਵਧਿਆ ਜਦੋਂਕਿ ਵਿਕਰੀ ਵਿਚ ਵਾਧਾ ਸਥਿਰ ਰਿਹਾ। ਇਸ ਦਾ ਅਸਰ ਕੰਪਨੀ ਦੀ ਵਿੱਤੀ ਕਾਰਗੁਜ਼ਾਰੀ ’ਤੇ ਰਿਹਾ। ਜੁਲਾਈ-ਸਤੰਬਰ ਦੀ ਸਮਾਂ ਮਿਆਦ ਵਿਚ ਕੰਪਨੀ ਦਾ ਕੁਲ ਖਰਚ ਵੱਧ ਕੇ 14,144 ਕਰੋੜ ਰੁਪਏ ਹੋ ਗਿਆ। ਇਸ ਖਰਚ ਵਿਚ ਇਕ ਵੱਡਾ ਹਿੱਸਾ ਕਰਮਚਾਰੀਆਂ ਨੂੰ ਦਿੱਤੀ ਜਾਣ ਵਾਲੀ ਤਨਖਾਹ ਅਤੇ ਲਾਭ ਆਦਿ ਦਾ ਹੈ। ਇਸੇ ਤਿਮਾਹੀ ਦੇ ਦੌਰਾਨ ਕੰਪਨੀ ਦੀ ਸ਼ੁੱਧ ਵਿਕਰੀ ਵੱਧ ਕੇ 15,677 ਕਰੋੜ ਰੁਪਏ ਹੋ ਗਈ ਜੋ ਬੀਤੇ ਸਾਲ 15,411 ਕਰੋੜ ਰੁਪਏ ਸੀ।
ਗਾਹਕ ਸੰਤੁਸ਼ਟੀ ਸਰਵੇ ’ਚ ਮਾਰੂਤੀ ਸੁਜ਼ੁਕੀ ਪਹਿਲੇ ਨੰਬਰ ’ਤੇ
NEXT STORY 
