ਬਾਲੀਵੁੱਡ ਦੀ ਬਿੰਦਾਸ ਹੀਰੋਇਨ ਕੰਗਨਾ ਹੁਣ ਵੀ ਉਸੇ ਤਰ੍ਹਾਂ ਦੀ ਹੈ ਜਿਹੋ ਜਿਹੀ ਉਹ ਬਚਪਨ ਵਿਚ ਸੀ। ਕਿਸੇ ਤੋਂ ਡਰਨਾ ਨਹੀਂ ਅਤੇ ਮਨ ਦੀ ਕਹਿ ਦੇਣਾ। ਉਸ ਦੀਆਂ ਲਗਾਤਾਰ ਸਫਲ ਹੁੰਦੀਆਂ ਫਿਲਮਾਂ ਨੂੰ ਦੇਖ ਕੇ ਤਾਂ ਲੱਗਦਾ ਹੈ ਕਿ ਉਸਨੂੰ ਸਭ ਕੁਝ ਬੜੀ ਆਸਾਨੀ ਨਾਲ ਮਿਲ ਗਿਆ। ਕੰਗਨਾ ਨੇ ਆਪਣੀ ਜ਼ਿੰਦਗੀ ਵਿਚ ਸਫਲਤਾ ਹਾਸਲ ਕਰਨ ਲਈ ਕੀ ਕੁਝ ਨਹੀਂ ਕੀਤਾ। ਸਖਤ ਸੰਘਰਸ਼ ਕਰਨਾ ਪਿਆ। ਇਸ ਸਭ ਬਾਰੇ ਜਾਨਣ ਲਈ ਅਸੀਂ ਉਸ ਨਾਲ ਗੱਲਬਾਤ ਕੀਤੀ। ਪੇਸ਼ ਹਨ ਉਸ ਦੇ ਮੁੱਖ ਅੰਸ਼ :
* ਕੀ ਤੁਹਾਨੂੰ ਲੱਗਦਾ ਸੀ ਕਿ ਇਕ ਦਿਨ ਮਸ਼ਹੂਰ ਹੋ ਜਾਓਗੇ?
—ਘਰ 'ਚ ਮੇਰੇ ਭਰਾ ਨੂੰ ਸਾਰਿਆਂ ਦੀ ਅਟੈਨਸ਼ਨ ਲੈਣੀ ਚੰਗੀ ਤਰ੍ਹਾਂ ਆਉਂਦੀ ਸੀ ਪਰ ਮੈਨੂੰ ਨਹੀਂ ਪਤਾ ਸੀ ਕਿ ਮੈਂ ਮਾਂ ਦੀਆਂ ਨਜ਼ਰਾਂ ਵਿਚ ਕਿਵੇਂ ਆਵਾਂ। ਮੈਂ ਹਮੇਸ਼ਾ ਕਹਿੰਦੀ ਸੀ ਕਿ ਮੈਂ ਪ੍ਰਸਿੱਧੀ ਖੱਟਣੀ ਹੈ ਅਤੇ ਮਾਂ ਮੈਨੂੰ ਕਹਿੰਦੀ ਕਿ ਬਰਤਨ ਧੋਣਾ ਸਿੱਖ ਲੈ। ਘਰ ਵਿਚ ਮੈਨੂੰ ਸਾਰੇ ਚਿੜਾਉਂਦੇ ਕਿ ਇਹ ਕੁੜੀ ਰਾਜਪੂਤਾਂ ਦਾ ਨਾਂ ਖਰਾਬ ਕਰੇਗੀ ਤੇ ਇਸ ਨੂੰ ਇਸਦੇ ਸਹੁਰੇ ਘਰ ਵਾਲੇ ਦੌੜਾ ਦੇਣਗੇ। ਮੈਂ ਛੋਟੀ ਸੀ ਤੇ ਮੈਨੂੰ ਗੁੱਸਾ ਆਉਂਦਾ ਸੀ, ਇਸ ਲਈ ਮੈਂ ਕਹਿੰਦੀ, '' ਮੈਂ ਇਕ ਦਿਨ ਫੇਮਸ ਬਣਾਂਗੀ ਤੇ ਇਸ ਤਰ੍ਹਾਂ ਦੇ ਕੰਮ ਨਹੀਂ ਕਰਾਂਗੀ।''
* ਤੁਹਾਡੀਆਂ ਫਿਲਮਾਂ ਵਿਚ ਆਉਣ ਦੀ ਯੋਜਨਾ ਸ਼ੁਰੂ ਤੋਂ ਹੀ ਸੀ?
—ਮੇਰੀ ਕੋਈ ਯੋਜਨਾ ਨਹੀਂ ਸੀ। ਸਾਡੇ ਘਰ ਵਾਲੇ ਐਕਟਿੰਗ ਦੇ ਕੰਮ ਨੂੰ ਬੁਰਾ ਮੰਨਦੇ ਸਨ। ਮੈਂ ਅਖਬਾਰਾਂ ਵਿਚ ਫਿਲਮੀ ਲੋਕਾਂ ਬਾਰੇ ਪੜ੍ਹਦੀ ਸੀ। ਸੋਚਦੀ ਸੀ ਕਿ ਇਹ ਲੋਕ ਆਖਿਰ ਕਿੱਥੋਂ ਆਉਂਦੇ ਹਨ? ਇਹ ਕਿੰਨੇ ਵੱਖਰੇ ਦਿਸਦੇ ਹਨ? ਮੈਂ ਕਦੇ ਲਿਪਸਟਿਕ ਨੂੰ ਛੂਹਿਆ ਵੀ ਨਹੀਂ ਸੀ। ਮੇਰੀ ਮਾਂ ਵੀ ਬਿਲਕੁਲ ਮੇਕਅੱਪ ਨਹੀਂ ਕਰਦੀ ਸੀ। ਇਸੇ ਲਈ ਤਾਂ ਇਹ ਲੋਕ ਮੇਰੇ ਲਈ ਏਲੀਅਨ ਦੀ ਤਰ੍ਹਾਂ ਸਨ ਪਰ ਮੈਂ ਕੁਝ ਕਰਨਾ ਚਾਹੁੰਦੀ ਸੀ ਕਿ ਮੇਰਾ ਵੀ ਵਜੂਦ ਹੈ ਭਾਵੇਂ ਭਰਾ ਜਿੰਨਾ ਨਹੀਂ ਪਰ ਫਿਰ ਵੀ ਮੈਂ ਕੁਝ ਕਰ ਸਕਦੀ ਹਾਂ।
* ਫਿਲਮਾਂ 'ਚ ਤੁਹਾਡੀ ਪਹਿਲੀ ਬ੍ਰੇਕ?
—ਲੋਕਾਂ ਨੂੰ ਲੱਗਦਾ ਹੈ ਕਿ ਅਨੁਰਾਗ ਬਾਸੁ ਨੇ ਮੈਨੂੰ ਸ਼ੌਪ 'ਤੇ ਦੇਖਿਆ ਤੇ 'ਗੈਂਗਸਟਰ' ਲਈ ਸਾਈਨ ਕਰ ਲਿਆ ਪਰ ਅਜਿਹਾ ਕੁਝ ਨਹੀਂ ਹੈ। ਫਿਲਮ ਦਾ ਆਡੀਸ਼ਨ ਦੇਣ ਤੋਂ ਬਾਅਦ ਮੈਨੂੰ ਪਤਾ ਲੱਗਾ ਕਿ ਇਸ ਰੋਲ ਲਈ ਚਿਤਰਾਂਗਦਾ ਸਿੰਘ ਸਹੀ ਰਹੇਗੀ ਕਿਉਂਕਿ ਹੀਰੋਇਨ ਨੂੰ ਪੰਜ ਸਾਲ ਦੇ ਬੱਚੇ ਦੀ ਮਾਂ ਬਣਨਾ ਹੈ ਪਰ ਚਿਤਰਾਂਗਦਾ ਨੇ ਫਿਲਮ ਛੱਡ ਦਿੱਤੀ। ਫਿਰ ਮੈਨੂੰ ਕਾਲ ਆਈ ਤੇ ਪੁੱਛਿਆ ਗਿਆ, ਕੀ ਤੁਹਾਡੇ ਕੋਲ ਪਾਸਪੋਰਟ ਹੈ? ਮੈਂ ਕਿਹਾ ਨਹੀਂ। ਇਸ ਤੋਂ ਬਾਅਦ ਦੁਬਾਰਾ ਫੋਨ ਆਇਆ ਕਿ ਤੁਸੀਂ ਹਫਤੇ ਵਿਚ ਪਾਸਪੋਰਟ ਬਣਾ ਸਕਦੇ ਹੋ? ਮੈਂ ਕਿਹਾ ਕਿ ਪੂਰੀ ਕੋਸ਼ਿਸ਼ ਕਰਾਂਗੀ ਤੇ ਇਸ ਤਰ੍ਹਾਂ ਮੈਨੂੰ ਇਹ ਰੋਲ ਮਿਲ ਗਿਆ। ਹੋਰ ਉਨ੍ਹਾਂ ਕੋਲ ਕੋਈ ਆਪਸ਼ਨ ਨਹੀਂ ਸੀ।
* ਉਸ ਤੋਂ ਬਾਅਦ ਕੀ ਹੋਇਆ?
—ਸ਼ਾਇਦ ਅਸੀਂ ਇਕ-ਦੂਜੇ ਲਈ ਬਣੇ ਹਾਂ। ਇਹ ਇਕ ਪਰਫੈਕਟ ਕਾਂਬੀਨੇਸ਼ਨ ਹੈ। ਮੈਨੂੰ ਲੱਗਦਾ ਹੈ ਕਿ ਗੈਂਗਸਟਰ ਤੋਂ ਬਾਅਦ ਭੱਟ ਸਾਹਿਬ ਮੇਰੇ ਤੋਂ ਕਾਫੀ ਪ੍ਰਭਾਵਿਤ ਸਨ। ਉਹ 'ਐਕਟ੍ਰੈੱਸ' ਨਾਂ ਦੀ ਇਕ ਸਕ੍ਰਿਪਟ 'ਤੇ ਕੰਮ ਕਰ ਰਹੇ ਸਨ। ਇਸਦੇ ਲਈ ਉਨ੍ਹਾਂ ਨੇ ਮੈਨੂੰ ਬੁਲਾ ਕੇ ਕਿਹਾ, ''ਤੁਸੀਂ ਮੇਰੀ ਫਿਲਮ ਵਿਚ ਲੀਡ ਰੋਲ ਕਰ ਰਹੇ ਹੋ।
ਮੈਂ ਵੀ ਹਾਂ ਕਹਿ ਦਿੱਤੀ ਤੇ ਅਨੁਰਾਗ ਬਾਸੁ 'ਲਾਈਫ ਇਨ ਮੈਟ੍ਰੋ' 'ਤੇ ਕੰਮ ਕਰ ਰਹੇ ਸਨ। ਇਸ ਫਿਲਮ ਵਿਚ ਵੀ ਮੈਨੂੰ ਕਾਸਟ ਕੀਤਾ ਗਿਆ। ਇਹ ਸਭ ਇਕ ਹੀ ਸਾਲ ਵਿਚ ਹੋਇਆ।
* ਫਿਰ ਤੁਸੀਂ ਕਿਹੜੀਆਂ ਫਿਲਮਾਂ ਕੀਤੀਆਂ?
—'ਵੋ ਲਮਹੇਂ' ਅਤੇ 'ਲਾਈਫ ਇਨ ਮੈਟ੍ਰੋ' ਤੋਂ ਬਾਅਦ ਮੈਂ ਸੋਚਿਆ ਕਿ ਮੇਰੇ ਕੋਲ ਫਿਲਮਾਂ ਦੀ ਲਾਈਨ ਲਗ ਜਾਵੇਗੀ ਪਰ ਅਜਿਹਾ ਕੁਝ ਨਹੀਂ ਹੋਇਆ। ਦੋ ਸਾਲ ਤੱਕ ਮੇਰੇ ਕੋਲ ਕਰਨ ਲਈ ਕੁਝ ਨਹੀਂ ਸੀ। ਉਦੋਂ ਮੈਨੂੰ ਕਰੈਕਟਰ ਰੋਲ ਆਫਰ ਹੋਣ ਲੱਗੇ ਪਰ ਮੈਂ ਕੁਝ ਚੰਗਾ ਕਰਨ ਲਈ ਉਨ੍ਹਾਂ ਨੂੰ ਮਨ੍ਹਾ ਕਰ ਦਿੱਤਾ। ਕੁਝ ਰੋਲ ਰਿਜੈਕਟ ਕਰਨ ਤੋਂ ਬਾਅਦ ਮੈਂ 'ਫੈਸ਼ਨ' ਨੂੰ ਹਾਂ ਕਰ ਦਿੱਤੀ।
* ਕੀ ਤੁਸੀਂ ਨਿਰਦੇਸ਼ਨ ਵੀ ਕਰ ਰਹੇ ਹੋ?
—ਸ਼ਾਰਟ ਫਿਲਮ 'ਦਿ ਟੱਚ' ਕਰਨ ਤੋਂ ਬਾਅਦ ਮੈਂ ਇਕ ਸਰਟੀਫਾਈਡ ਡਾਇਰੈਕਟਰ ਬਣ ਗਈ। ਜਦੋਂ ਮੈਂ ਹੀਰੋਇਨਾਂ ਨਾਲ ਫਿਲਮ ਦੀ ਐਡੀਟਿੰਗ ਦੀ ਗੱਲ ਕੀਤੀ ਤਾਂ ਬਤੌਰ ਡਾਇਰੈਕਟਰ ਮੈਨੂੰ ਕਾਫੀ ਕੁਝ ਸਿੱਖਣ ਨੂੰ ਮਿਲਿਆ। ਇਹ ਇਕ ਚਾਰ ਸਾਲ ਦੇ ਬੱਚੇ ਦੀ ਡੌਗੀ ਦੀ ਕਹਾਣੀ ਸੀ ਜੋ ਅੰਗਰੇਜ਼ੀ ਭਾਸ਼ਾ ਵਿਚ ਸੀ।
* ਸਲਮਾਨ ਖਾਨ ਨੇ ਇਹ ਕਿਹਾ ਸੀ ਕਿ ਤੁਹਾਨੂੰ ਮਾਣ ਹੋ ਗਿਆ ਹੈ?
—ਫਿਲਮ 'ਕਵੀਨ' ਤੋਂ ਬਾਅਦ ਮੈਂ ਸਕ੍ਰਿਪਟ ਰਾਈਟਿੰਗ ਦਾ ਕੋਰਸ ਕਰਨ ਲਈ ਲੰਮੇ ਬ੍ਰੇਕ 'ਤੇ ਨਿਉੂਯਾਰਕ ਚਲੀ ਗਈ। ਉਦੋਂ ਉਨ੍ਹਾਂ ਨੇ ਮੈਨੂੰ ਕਾਲ ਕੀਤਾ ਅਤੇ ਕਿਹਾ, 'ਇਕ ਹਿੱਟ ਫਿਲਮ ਦਿੱਤੀ ਤੇ ਤੁਹਾਡਾ ਦਿਮਾਗ ਖਰਾਬ ਹੋ ਗਿਆ ਹੈ।'' ਮੇਰਾ ਮੰਨਣਾ ਹੈ ਕਿ ਇਹ ਦੂਸਰਿਆਂ ਲਈ ਪਾਗਲਪਨ ਹੋ ਸਕਦਾ ਹੈ ਪਰ ਮੇਰੇ ਲਈ ਇਹ ਜ਼ਰੂਰੀ ਸੀ।
ਪੱਥਰ-ਯੁੱਗ ਦਾ ਅਨੋਖਾ ਕੈਂਪ
NEXT STORY