ਨਵੀਂ ਦਿੱਲੀ- ਵਿੱਤ ਮੰਤਰੀ ਅਰੁਣ ਜੇਟਲੀ ਨੇ ਉਮੀਦ ਜਤਾਈ ਕਿ ਲੰਬੇ ਸਮੇਂ ਤੋਂ ਪੈਂਡਿੰਗ ਪਿਆ ਬੀਮਾ ਕਾਨੂੰਨ ਸੋਧ ਬਿਲ ਸੰਸਦ ਦੇ ਆਗਾਮੀ ਸਰਦ ਰੁਤ ਸੈਸ਼ਨ ’ਚ ਪਾਸ ਹੋ ਜਾਵੇਗਾ। ਇਸ ਨਾਲ ਬੀਮਾ ਖੇਤਰ ’ਚ ਪ੍ਰਤੱਖ ਵਿਦੇਸ਼ੀ ਨਿਵੇਸ਼ (ਐੱਫ.ਡੀ.ਆਈ.) ਦੀ ਹੱਦ ਵਧਾ ਕੇ 49 ਫੀਸਦੀ ਕਰਨ ਦੀ ਵਿਵਸਥਾ ਹੈ। ਵਿੱਤ ਮੰਤਰੀ ਨੇ ਐਤਵਾਰ ਨੂੰ ਭਾਰਤ ਸੰਸਾਰਕ ਮੰਚ ਦੀ ਬੈਠਕ ’ਚ ਕਿਹਾ ਕਿ ਅਸੀਂ ਵੱਖ-ਵੱਖ ਖੇਤਰਾਂ ਵਿਚ ਨਿਵੇਸ਼ ਨੂੰ ਖੋਲ੍ਹਿਆ ਹੈ। ਮੈਨੂੰ ਉਮੀਦ ਹੈ ਕਿ ਸਰਦ ਰੁਤ ਵਿਚ ਮੈਂ ਬੀਮਾ ਬਿਲ ਨੂੰ ਪਾਸ ਕਰਵਾਉਣ ਵਿਚ ਕਾਮਯਾਬ ਰਹਾਂਗਾ।
ਸੰਸਦ ਦਾ ਪੂਰੇ ਮਹੀਨੇ ਚਲਣ ਵਾਲਾ ਸੈਸ਼ਨ 24 ਨਵੰਬਰ ਤੋਂ ਸ਼ੁਰੂ ਹੋ ਰਿਹਾ ਹੈ। ਫਿਲਹਾਲ ਬੀਮਾ ਖੇਤਰ ’ਚ ਐੱਫ.ਡੀ.ਆਈ. ਦੀ ਹੱਦ 26 ਫੀਸਦੀ ਹੈ। ਲੰਬੇ ਸਮੇਂ ਤੋਂ ਪੈਂਡਿਗ ਪਏ ਬੀਮਾ ਬਿਲ ਨੂੰ ਸੰਸਦ ਦੀ ਸਲੈਕਟ ਕਮੇਟੀ ਨੂੰ ਭੇਜਿਆ ਗਿਆ ਹੈ। ਇਸ ਬਿਲ ’ਚ ਸ਼ਰਤ ਇਹ ਹੈ ਕਿ ਪ੍ਰਬੰਧਕੀ ਕੰਟਰੋਲ ਭਾਰਤੀ ਸੰਸਥਾਪਕਾਂ ਦੇ ਹੱਥ ਰਹਿਣਾ ਚਾਹੀਦਾ ਹੈ। ਇਹ ਬਿਲ ਰਾਜਸਭਾ ਵਿਚ 2008 ਤੋਂ ਪੈਂਡਿੰਗ ਹੈ।
ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ’ਚ ਆਈ ਗਿਰਾਵਟ
NEXT STORY 
