ਨਵੀਂ ਦਿੱਲੀ - ਕੇਂਦਰੀ ਚੇਤੰਨਤਾ ਕਮਿਸ਼ਨ (ਸੀ. ਵੀ. ਸੀ.) ਨੇ ਬੈਂਕਿੰਗ ਖੇਤਰ ਨਾਲ ਜੁੜੇ ਭ੍ਰਿਸ਼ਟਾਚਾਰ ਦੇ ਮਾਮਲਿਆਂ 'ਚ ਜਨਤਕ ਖੇਤਰ ਦੇ ਬੈਂਕ ਅਧਿਕਾਰੀਆਂ ਦੀ ਮਦਦ ਲੈਣ ਦਾ ਫੈਸਲਾ ਕੀਤਾ ਹੈ । ਸੀ. ਵੀ. ਸੀ. ਨੇ ਜਨਤਕ ਖੇਤਰ ਦੇ ਬੈਂਕਾਂ ਨੂੰ ਪੱਤਰ ਲਿਖ ਕੇ ਇੱਛੁਕ ਉਪ ਮਹਾਪ੍ਰਬੰਧਕ (ਡੀ. ਜੀ. ਐੱਮ.) ਪੱਧਰ ਦੇ ਅਧਿਕਾਰੀਆਂ ਦੀ ਸੂਚੀ ਮੰਗੀ ਹੈ ਜੋ ਕਮਿਸ਼ਨ ਵਿਚ ਸਲਾਹਕਾਰ ਦੀ ਭੂਮਿਕਾ ਨਿਭਾਅ ਸਕਦੇ ਹਨ । ਕਮਿਸ਼ਨ ਬੈਂਕਿੰਗ ਖੇਤਰ ਨਾਲ ਸਬੰਧਤ ਚੇਤੰਨਤਾ ਮਾਮਲਿਆਂ ਵਿਚ ਸਰਕਾਰੀ ਬੈਂਕਾਂ ਦੇ ਉਪ ਮਹਾਪ੍ਰਬੰਧਕ ਪੱਧਰ ਦੇ ਅਧਿਕਾਰੀਆਂ ਦੀ ਮਦਦ ਲੈਂਦਾ ਰਿਹਾ ਹੈ । ਜਨਤਕ ਖੇਤਰ ਦੇ ਬੈਂਕਾਂ ਦੇ ਮਹਾਪ੍ਰਬੰਧਕਾਂ ਨੂੰ ਲਿਖੇ ਪੱਤਰ ਵਿਚ ਸੀ. ਵੀ. ਸੀ. ਨੇ ਕਿਹਾ ਹੈ, 'ਇਹ ਅਧਿਕਾਰੀ ਕਮਿਸ਼ਨ ਵਿਚ ਸਲਾਹਕਾਰ ਦੇ ਅਹੁਦੇ 'ਤੇ ਹੋਣਗੇ ਪਰ ਬੈਂਕ ਵਿਚ ਬਣੇ ਰਹਿਣਗੇ ਜੋ ਉਨ੍ਹਾਂ ਦੀਆਂ ਸੇਵਾਵਾਂ ਨਾਲ ਸਬੰਧਤ ਸਾਰੇ ਵਿੱਤੀ ਫਰਜ਼ ਨਿਭਾਏਗਾ ।' ਫਿਲਹਾਲ ਜਨਤਕ ਖੇਤਰ ਦੇ ਬੈਂਕਾਂ ਦੇ 3 ਅਧਿਕਾਰੀ ਕਮਿਸ਼ਨ ਵਿਚ ਕੰਮ ਕਰ ਰਹੇ ਹਨ । ਨਜ਼ਦੀਕ ਭਵਿੱਖ 'ਚ ਬੈਂਕਿੰਗ ਸਲਾਹਕਾਰਾਂ ਦੀ ਹੋਰ ਜ਼ਰੂਰਤ ਪੈਦਾ ਹੋ ਸਕਦੀ ਹੈ ।
ਸਖ਼ਤ ਕਰੰਸੀ ਨੀਤੀ ਦੇ ਰੁਖ਼ ਨੂੰ ਜਾਰੀ ਰੱਖੇ ਰਿਜ਼ਰਵ ਬੈਂਕ
NEXT STORY 
