ਨਵੀਂ ਦਿੱਲੀ- ਮੋਦੀ ਸਰਕਾਰ ਨੇ ਹਵਾਬਾਜ਼ੀ ਨੀਤੀ ਦਾ ਨਵਾਂ ਮਸੌਦਾ ਪੇਸ਼ ਕੀਤਾ ਹੈ। ਜਿਸ ’ਚ ਜਨਤਕ ਖੇਤਰ ਦੀ ਏਅਰਪੋਰਟਸ ਅਥਾਰਟੀ ਆਫ ਇੰਡੀਆ ਅਤੇ ਹੈਲੀਕਾਪਟਰ ਕੰਪਨੀ ਪਵਨਹੰਸ ਨੂੰ ਸ਼ੇਅਰ ਬਾਜ਼ਾਰਾਂ ’ਚ ਰਜਿਸਟਰਡ ਕਰਵਾਉਣ ਦੀ ਸਿਫਾਰਿਸ਼ ਕੀਤੀ ਗਈ ਹੈ। ਏਅਰ ਇੰਡੀਆ ਦਾ ਭਵਿੱਖ ਤੈਅ ਕਰਨ ਬਾਰੇ ਇਕ ਰੋਡਮੈਪ ਵੀ ਬਣਾਇਆ ਜਾਵੇਗਾ। ਉਥੇ ਏਅਰਪੋਰਟ ਅਥਾਰਟੀ ਆਫ ਇੰਡੀਆ (ਏ. ਏ. ਆਈ.) ਦੇ ਸ਼ੇਅਰਾਂ ਨੂੰ ਬਾਜ਼ਾਰ ’ਚ ਰਜਿਸਟਰਡ ਕਰਵਾਉਣ ਤੋਂ ਬਾਅਦ ਉਸ ਦੀ ਨਿਗਮੀਕਰਨ ਕੀਤਾ ਜਾਵੇਗਾ ਜਿਸ ਨਾਲ ਇਸ ਦੀ ਨਿਪੁੰਨਤਾ ’ਚ ਸੁਧਾਰ ਲਿਆਉਣ, ਪਾਰਦਰਸ਼ਤਾ ਵਧਾਉਣ ਅਤੇ ਅਹਿਮ ਰੂਪਰੇਖਾ ਤਿਆਰ ਕਰਨ ਵਾਸਤੇ ਇਕ ਮਾਹਿਰ ਕਮੇਟੀ ਵੀ ਗਠਿਤ ਕੀਤੀ ਜਾਵੇਗੀ।’’
ਏ. ਏ. ਆਈ, ਪਵਨਹੰਸ ਹੋਣਗੀਆਂ ਰਜਿਸਟਰਡ
ਮਿੰਨੀਰਤਨ ਦਰਜਾ ਪ੍ਰਾਪਤ ਏਅਰਪੋਰਟ ਅਥਾਰਟੀ ਆਫ ਇੰਡੀਆ (ਏ. ਏ.ਆਈ.) ਅਤੇ ਹੈਲੀਕਾਟਰ ਕੰਪਨੀ ਪਵਨਹੰਸ ਨੂੰ ਸ਼ੇਅਰਬਾਜ਼ਾਰ ’ਚ ਰਜਿਸਟਰਡ ਕੀਤਾ ਜਾ ਸਕਦਾ ਹੈ ਤਾਂ ਜੋ ਉਥੇ ਪਾਰਦਰਸ਼ਤਾ ਅਤੇ ਨਿਪੁੰਨਤਾ ਆਏ। ਇਨ੍ਹਾਂ ਦੋਵਾਂ ਦੇ ਨਿਜੀਕਰਨ ਦਾ ਪ੍ਰਸਤਾਵ ਸ਼ਹਿਰੀ ਹਵਾਬਾਜ਼ੀ ਮੰਤਰਾਲਾ ਦੀਆਂ ਯੋਜਨਾਵਾਂ ’ਚ ਕੀਤਾ ਗਿਆ ਹੈ। ਪਵਨਹੰਸ ਦੇ ਕੋਲ 47 ਹੈਲੀਕਾਟਰ ਹਨ ਜਦਕਿ ਏ. ਏ. ਆਈ. ਦੇਸ਼ ਭਰ ’ਚ 125 ਹਵਾਈ ਅੱਡਿਆਂ ਨੂੰ ਸੰਚਾਲਿਤ ਕਰਦੀ ਹੈ, ਜਿਸ ’ਚ 11 ਕੌਮਾਂਤਰੀ, 81 ਘਰੇਲੂ ਏਅਰਪੋਰਟ ਅਤੇ 8 ਸਰਹੱਦੀ ਟੈਕਸ ਹਵਾਈ ਅੱਡੇ ਹਨ। ਇਹ ਫੌਜ ਦੇ ਹਵਾਈ ਖੇਤਰਾਂ ’ਚ 25 ਸਿਵਲ ਏਨਕਲੇਵ ਦਾ ਵੀ ਪ੍ਰਬੰਧ ਕਰਦੀ ਹੈ।
ਇਹ ਵੀ ਹਨ ਮਸੌਦੇ ’ਚ ਪ੍ਰਸਤਾਵ
ਜਨਤਕ ਖੇਤਰ ਦੀ ਏਅਰਪੋਰਟ ਅਥਾਰਟੀ ਆਫ ਇੰਡੀਆ ਅਤੇ ਹੈਲੀਕਾਪਟਰ ਕੰਪਨੀ ਪਵਨਹੰਸ ਨੂੰ ਸ਼ੇਅਰ ਬਾਜ਼ਾਰਾਂ ’ਚ ਰਜਿਸਟਰਡ ਕਰਵਾਉਣ ਦੀ ਸਿਫਾਰਿਸ਼।
ਏਅਰ ਇੰਡੀਆ ਸੰਚਾਲਣ ਨੂੰ ਦਰੁਸਤ ਕਰਨ ਲਈ ਕਦਮ ਚੁੱਕਣ ਅਤੇ ਇਸ ਦੇ ਸ਼ੇਅਰ ਵੀ ਵੇਚਣ ਦਾ ਸੰਕੇਤ।
ਖੇਤਰੀ ਹਵਾਈ ਸੰਪਰਕ ਵਧਾਉਣਾ, 6 ਮੈਟਰੋ ਹਵਾਈ ਅੱਡਿਆਂ ਨੂੰ ਕੌਮਾਂਤਰੀ ਕੇਂਦਰ ਬਣਾਉਣਾ, ਜਨਤਕ-ਨਿੱਜੀ ਹਿੱਸੇਦਾਰੀ ਨਾਲ ਹੋਰ ਵੀ ਹਵਾਈ ਅੱਡਿਆਂ ਦਾ ਵਿਕਾਸ ਹੋਵੇ।
ਜੈਟ ਈਂਧਨ ਲਾਗਤ ਨੂੰ ਕੰਟਰੋਲ ਕਰਨਾ, ਏਅਰ ਕਾਰਗੋ, ਜਹਾਜੀ ਰੱਖਰਖਾਅ ਅਤੇ ਮੁਰੰਮਤ ਅਤੇ ਹੈਲੀਕਾਪਟਰ ਸੰਚਾਲਣ ਦੇ ਕੰਮਾਂ ਨੂੰ ਉਤਸ਼ਾਹ ਦੇਣਾ ਅਤੇ ਯਾਤਰੀ ਸਹੂਲਤਾਂ ’ਚ ਸੁਧਾਰ ਕਰਨਾ।
ਭਾਰਤੀ ਏਅਰ ਲਾਈਨ ਨੂੰ ਵਿਦੇਸ਼ੀ ਉਡਾਨ ਦੀ ਮਨਜ਼ੂਰੀ ਦੇਣ ਦੇ ਮੌਜੂਦਾ ਨਿਯਮਾਂ ਦੀ ਸਮੀਖਿਆ ਕਰਨ ਦਾ ਪ੍ਰਸਤਾਵ।
ਜਾਣੋ ਇੰਟਰਨੈਟ 'ਤੇ ਕਮਾਈ ਦੇ ਠਿਕਾਨੇ, ਹੋ ਜਾਓ ਮਾਲਾਮਾਲ
NEXT STORY 
