ਧਰਮ ਦੇ ਵਿਰੁੱਧ ਕਰਮ ਕਰਨ ਵਾਲੇ ਪ੍ਰਾਣੀਆਂ ਨੂੰ ਨਰਕ ਤੋਂ ਇਲਾਵਾ ਅਗਲੇ ਜਨਮ ਵਿਚ ਛੋਟੀਆਂ-ਛੋਟੀਆਂ ਸਜ਼ਾਵਾਂ ਭੁਗਤਣੀਆਂ ਪੈਂਦੀਆਂ ਹਨ। ਧਾਰਮਿਕ ਗ੍ਰੰਥਾਂ ਅਨੁਸਾਰ ਮਾਸ ਲਈ ਜੀਵ ਹੱਤਿਆ ਦੇ ਕਾਰਨਾਂ 'ਚ 8 ਵਿਅਕਤੀ ਦੋਸ਼ੀ ਹੁੰਦੇ ਹਨ (1) ਜੀਵ ਨੂੰ ਮਾਰਨ ਵਾਲਾ (2) ਜੀਵ ਨੂੰ ਮਰਵਾਉਣ ਵਾਲਾ (3) ਜੀਵ ਦਾ ਸਰੀਰ ਕੱਟਣ ਵਾਲਾ (4) ਮਾਸ ਵੇਚਣ ਵਾਲਾ (5) ਮਾਸ ਖਰੀਦਣ ਵਾਲਾ (6) ਮਾਸ ਪਕਾਉਣ ਵਾਲਾ (7) ਪਰੋਸਣ ਵਾਲਾ ਅਤੇ (8) ਖਾਣ ਵਾਲਾ। ਇਸ ਤਰ੍ਹਾਂ ਸਵਾਮੀ ਅਤੇ ਸੇਵਕ ਦੋਵੇਂ ਹੀ ਨਰਕਵਾਸੀ ਹੁੰਦੇ ਹਨ।
ਇਸੇ ਤਰ੍ਹਾਂ ਮਾਇਆਚਾਰੀ ਪੁਰਖ-ਕੁੱਤਾ, ਮਹਾਮਾਇਆਚਾਰੀ-ਖਰਗੋਸ਼, ਲਾਲਚੀ ਵਿਅਕਤੀ- ਸੱਪ, ਮਹਾਲੋਭੀ- ਚਮਰੀ ਮਿਰਗ, ਘੁਮੰਡੀ ਵਿਅਕਤੀ- ਮੱਛੀ ਜਾਂ ਅਜਗਰ, ਔਗੁਣਾਂ ਵਾਲਾ ਵਿਅਕਤੀ- ਸੂਰ, ਗਲਤ ਰਸਤੇ 'ਤੇ ਚੱਲਣ ਵਾਲਾ- ਮੁਰਗਾ, ਝੂਠ ਬੋਲਣ ਵਾਲਾ- ਰਿੱਛ, ਧਨ 'ਤੇ ਮਾਣ ਕਰਨ ਵਾਲਾ- ਮਗਰਮੱਛ, ਰੂਪ 'ਤੇ ਮਾਣ ਕਰਨ ਵਾਲਾ- ਗਧਾ, ਜਾਤ 'ਤੇ ਮਾਣ ਕਰਨ ਵਾਲਾ- ਚੀਤਾ, ਹਿੰਸਾ ਵਿਚ ਆਨੰਦ ਪ੍ਰਾਪਤ ਕਰਨ ਵਾਲਾ- ਬੱਕਰਾ ਅਤੇ ਚੋਰ ਜਾਂ ਆਦਤਨ ਝੂਠ ਬੋਲਣ ਵਾਲਾ- ਤਾਂਗੇ ਅੱਗੇ ਜੁਤਣ ਵਾਲਾ ਘੋੜਾ ਬਣਦਾ ਹੈ। ਹਰੇ-ਭਰੇ ਰੁੱਖ ਕੱਟਣ ਵਾਲਾ ਇਨਸਾਨ ਬੇਔਲਾਦ ਅਤੇ ਵਾਰ-ਵਾਰ ਗਰਭਪਾਤ ਕਰਵਾਉਣ ਵਾਲੀ ਇਸਤਰੀ ਬਾਂਝ ਹੁੰਦੀ ਹੈ। —ਸੰਜੇ ਚਾਣੱਕਯ
ਹਰ ਕਰਮ ਦਾ ਫਲ ਸਾਨੂੰ ਮਿਲਦਾ ਹੈ
NEXT STORY 
