ਦੇਇ ਮੁਹਾਰ ਲਗਾਮ ਪਹਿਰਾਵਉ। ।
ਸਗਲਤ ਜੀਨੁ ਗਗਨ ਦਉਰਾਵਉ। । 1। ।
ਇਸ ਪਵਿੱਤਰ ਸ਼ਬਦ ਵਿਚ ਕਬੀਰ ਸਾਹਿਬ ਬਖਸ਼ਿਸ਼ ਕਰਦੇ ਹਨ ਕਿ ਮੈਂ ਆਪਣੇ ਮਨ ਰੂਪੀ ਘੋੜੇ ਨੂੰ ਨਿੰਦਾ-ਚੁਗਲੀ, ਉਸਤਤਿ ਆਦਿ ਤੋਂ ਰੋਕਣ ਵਾਸਤੇ ਪਿਆਰ ਦੀ ਲਗਾਮ ਪਾਉਂਦਾ ਹਾਂ ਕਿਉਂਕਿ ਪ੍ਰਮਾਤਮਾ ਸਰਬ-ਵਿਆਪਕ ਹੈ। ਮਨ ਨੂੰ ਪ੍ਰਭੂ ਪਿਆਰ ਵਿਚ ਜੋੜ ਕੇ ਪ੍ਰੀਤਮ ਦੇ ਦੇਸ਼ ਵਿਚ ਇਸ ਮਨ ਰੂਪੀ ਘੋੜੇ ਨਾਲ ਉਡਾਰੀਆਂ ਮਰਵਾਉਂਦਾ ਹਾਂ।
ਅਪਨੈ ਬੀਚਾਰਿ ਅਸਵਾਰੀ ਕੀਜੈ। ।
ਸਹਜ ਕੈ ਪਾਵੜੈ ਪਗੁ ਧਰਿ ਲੀਜੈ । । 1। । ਰਹਾਉ। ।
ਸਾਡਾ ਅਸਲਾ ਕੀ ਹੈ, ਭਾਵ ਮੂਲ ਕੀ ਹੈ, ਇਨ੍ਹਾਂ ਵਿਚਾਰਾਂ ਦਾ ਘੋੜਾ ਬਣਾ ਕੇ (ਆਪਣੇ ਵਿਚਾਰਾਂ ਦਾ) ਉਸ ਉਪਰ ਅਸਵਾਰੀ ਕਰ ਲਈਏ ਅਤੇ ਆਪਣੀ ਅਕਲ ਰੂਪੀ ਪੈਰਾਂ ਨੂੰ ਸਹਿਜ ਅਵਸਥਾ ਦੀ ਰਕਾਬ ਰੱਖੀ ਰੱਖੀਏ ਤਾਂ ਕਿ ਮਨ ਸਹਿਜ ਅਵਸਥਾ ਵਿਚ ਰਹੇ, ਭਟਕੇ ਨਾ ਰਹਾਉ । । 1। ।
- ਬਾਬਾ ਸੁਖਬੀਰ ਸਿੰਘ ਖਾਲਸਾ
ਭਾਈ ਕਾਨ੍ਹ ਸਿੰਘ ਨਾਭਾ
NEXT STORY 
