ਬਟਾਲਾ (ਸੈਂਡੀ)-ਬੀਤੀ ਰਾਤ ਪ੍ਰੇਮ ਨਗਰ ਬਹੋੜਾ ਵਾਲ ਦੇ ਇਕ ਵਿਅਕਤੀ ਨੂੰ ਉਸ ਦੇ ਸਹੁਰਿਆਂ ਵਲੋਂ ਜ਼ਹਿਰ ਦੇ ਕੇ ਮਾਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਬਟਾਲਾ ਦੇ ਸਿਵਲ ਹਸਪਤਾਲ ਜ਼ੇਰੇ ਇਲਾਜ਼ ਮਨਜਿੰਦਰ ਸਿੰਘ ਪੁੱਤਰ ਸੁਲੱਖਣ ਸਿੰਘ ਵਾਸੀ ਪ੍ਰੇਮ ਨਗਰ ਬਹੋੜਾਵਾਲ ਨੇ ਕਥਿਤ ਤੌਰ ’ਤੇ ਆਰੋਪ ਲਗਾਉਂਦਿਆਂ ਦੱਸਿਆ ਕਿ ਡੇਢ ਸਾਲ ਪਹਿਲਾਂ ਮੇਰਾ ਵਿਆਹ ਡੇਰਾ ਰੋਡ ’ਤੇ ਮੁਹੱਲਾ ਸ਼ੁਕਰਪੁਰਾ ਵਿਖੇ ਹੋਇਆ ਸੀ ਅਤੇ ਮੇਰੀ ਇਕ ਬੇਟੀ ਵੀ ਹੈ। ਉਸ ਨੇ ਦੱਸਿਆ, ਕਿ ਮੇਰੀ ਪਤਨੀ ਅਕਸਰ ਆਪਣੇ ਪੇਕੇ ਘਰ ਹੀ ਰਹਿੰਦੀ ਹੈ ਅਤੇ ਜਦੋਂ ਕਿਤੇ ਸਾਡੇ ਘਰ ਆਉਂਦੇ ਤਾਂ ਮੈਨੂੰ ਆਪਣੇ ਪੇਕਿਆਂ ਵਲੋਂ ਮਰਵਾਉਣ ਦੀਆਂ ਧਮਕੀਆਂ ਦਿੰਦੀਆਂ ਹੈ। ਬੀਤੇ ਦੋ ਦਿਨ ਪਹਿਲਾਂ ਵੀ ਮੇਰੇ ਪਤਨੀ ਆਪਣੇ ਪੇਕੇ ਗਈ ਅਤੇ ਬੀਤੀ ਰਾਤ ਜਦੋਂ ਵਾਪਸ ਆਈ, ਤਾਂ ਉਸ ਦੇ ਨਾਲ ਉਸ ਦਾ ਪਿਤਾ ਅਤੇ ਮਾਤਾ ਵੀ ਸੀ।
ਉਸ ਨੇ ਦੱਸਿਆ ਕਿ ਮੈਂ ਆਪਣੇ ਘਰ ਵਿਚ ਇਕੱਲਾ ਸੀ ਅਤੇ ਉਨਾਂ ਨੇ ਮੈਨੂੰ ਜ਼ਬਰਦਸਤੀ ਇਕ ਲੱਡੂ ਵਿਚ ਕੋਈ ਜ਼ਹਿਰੀਲੀ ਚੀਜ਼ ਪਾ ਕੇ ਖੁਆਇਆ ਅਤੇ ਲੱਡੂ ਖਾਣ ਤੋਂ ਕੁਝ ਦੇਰ ਬਾਅਦ ਮੈਨੂੰ ਉਲਟੀਆਂ ਹੋਣੀਆਂ ਸ਼ੁਰੂ ਹੋ ਗਈਆਂ। ਜਿਸ ਤੋਂ ਬਾਅਦ ਮੇਰੇ ਸਹੁਰਿਆਂ ਨੇ ਮੈਨੂੰ ਇਕ ਪ੍ਰਾਈਵੇਟ ਹਸਪਤਾਲ ਦਾਖਲ ਕਰਵਾ ਦਿੱਤਾ। ਇਸ ਸੰਬਧੀ ਜਦੋਂ ਮੇਰੇ ਮਾਤਾ-ਪਿਤਾ ਨੂੰ ਪਤਾ ਲੱਗਾ ਤਾਂ, ਉਹ ਹਸਪਤਾਲ ਆਏ ਪਰ ਮੇਰੇ ਸਹੁਰੇ ਪਰਿਵਾਰ ਹਸਪਤਾਲ ਚੋਂ ਦੌੜ ਗਏ ਅਤੇ ਪ੍ਰਾਈਵੇਟ ਹਸਪਤਾਲ ਵਾਲਿਆਂ ਨੇ ਮੇਰੀ ਹਲਾਤ ਸੀਰੀਅਸ ਦੱਸੀ ਤਾਂ ਮੇਰੇ ਮਾਤਾ-ਪਿਤਾ ਨੇ ਤੁਰੰਤ ਮੈਨੂੰ ਬਟਾਲ ਦੇ ਸਿਵਲ ਹਸਪਤਾਲ ਦਾਖਲ ਕਰਵਾਇਆ। ਇਸ ਸੰਬਧੀ ਅਸੀ ਥਾਣਾ ਸਿਵਲ ਲਾਈਨ ਦੀ ਪੁਲਸ ਨੂੰ ਸੂਚਤ ਕਰ ਦਿੱਤਾ ਹੈ। ਇਸ ਸਬੰਧੀ ਜਦੋਂ ਕਾਣਾ ਸਿਵਲ ਲਾਈਨ ਨਾਲ ਗੱਲਬਾਤ ਕੀਤੀ , ਤਾਂ ਉਨਾਂ ਕਿਹਾ ਕਿ ਸਾਡਾ ਮਾਮਲਾ ਸਾਡੇ ਧਿਆਨ ਵਿਚ ਹੈ। ਜੋ ਵੀ ਕਾਨੂੰਨੀ ਕਾਰਵਾਈ ਹੋਵੇਗੀ। ਉਹ ਦੋਸ਼ੀਆਂ ਖਿਲਾਫ਼ ਕੀਤੀ ਜਾਵੇਗੀ।
ਨਾ ਲਾਵਾਂ ਲਈਆਂ, ਨਾ ਬਾਰਾਤ ਆਈ, ਨਾ ਫੇਰੇ ਹੋਏ ਐਵੇਂ ਈ ਬਣ ਗਿਆ ਮੈਰਿਜ ਸਰਟੀਫਿਕੇਟ
NEXT STORY 
