ਇਥੇ ਆਚਾਰੀਆ ਚਾਣੱਕਯ ਕਹਿੰਦੇ ਹਨ ਕਿ ਗੰਦੇ ਵਸਤਰ ਪਹਿਨਣ ਵਾਲੇ, ਦੰਦਾਂ 'ਤੇ ਮੈਲ ਜਮਾਈ ਰੱਖਣ ਵਾਲੇ, ਬੇਹੱਦ ਭੋਜਨ ਖਾਣ ਵਾਲੇ, ਕਰੜੇ ਤੇ ਕੌੜੇ ਬੋਲ ਬੋਲਣ ਵਾਲੇ, ਸੂਰਜ ਚੜ੍ਹਨ ਅਤੇ ਸੂਰਜ ਛਿਪਣ ਤੱਕ ਸੌਣ ਵਾਲੇ ਨੂੰ ਭਾਵੇਂ ਉਹ ਸਾਕਸ਼ਾਤ ਵਿਸ਼ਨੂੰ ਹੀ ਕਿਉਂ ਨਾ ਹੋਣ, ਲਕਸ਼ਮੀ ਤਿਆਗ ਦਿੰਦੀ ਹੈ।
ਭਾਵ ਅਜਿਹੇ ਵਿਅਕਤੀ ਆਲਸੀ, ਕੰਮਚੋਰ, ਪੇਟੂ, ਗੁੱਸੇਖੋਰ ਅਤੇ ਨਿਕੰਮੇ ਹੁੰਦੇ ਹਨ। ਅਜਿਹੇ ਲੋਕਾਂ ਕੋਲ ਧਨ-ਜਾਇਦਾਦ ਕਦੇ ਨਹੀਂ ਆਉਂਦੀ। ਜੇਕਰ ਆਉਂਦੀ ਵੀ ਹੈ ਤਾਂ ਉਹ ਛੇਤੀ ਨਸ਼ਟ ਹੋ ਜਾਂਦੀ ਹੈ ਪਰ ਜੋ ਵਿਅਕਤੀ ਸਾਫ-ਸੁਥਰਾ ਰਹੇਗਾ, ਦ੍ਰਿੜ੍ਹ ਹੋਵੇਗਾ, ਉਹ ਦੌਲਤ ਅਤੇ ਸ਼ੋਹਰਤ ਜੁਟਾਉਣ ਵਿਚ ਸਫਲ ਹੁੰਦਾ ਹੈ।
