ਨਵੀਂ ਦਿੱਲੀ- ਕੋਰੀਆਈ ਕੰਪਨੀ ਐਲ.ਜੀ. ਬਾਜ਼ਾਰ 'ਚ ਪਕੜ ਬਣਾਉਣ ਲਈ ਇਕ ਜ਼ਬਰਦਸਤ ਸਮਾਰਟਫੋਨ ਪੇਸ਼ ਕਰਨ ਦੀ ਤਿਆਰੀ 'ਚ ਹੈ। ਇਹ ਫੋਨ ਤਮਾਮ ਆਧੁਨਿਕ ਫੀਚਰ ਨਾਲ ਲੈਸ ਹੋਵੇਗਾ ਅਤੇ ਕੈਮਰਾ ਸੈਮਸੰਗ ਦੇ ਗਲੈਕਸੀ ਨੋਟ4 ਨੂੰ ਟੱਕਰ ਦੇਵੇਗਾ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਸਮਾਰਟਫੋਨ ਜੀ ਸੀਰੀਜ਼ ਦੇ ਤਹਿਤ ਵਿਕਸਿਤ ਕੀਤਾ ਜਾ ਰਿਹਾ ਹੈ।
ਇਸ 'ਚ ਵੱਡੀ ਕੰਪਨੀਆਂ ਦੇ ਫੋਨ ਦੇ ਸਾਰੇ ਫੀਚਰ ਹੋਣਗੇ। ਇਸ ਦਾ ਨਾਮ ਸ਼ਾਇਦ ਜੀ4 ਹੋਵੇਗਾ ਅਤੇ ਇਸ 'ਚ ਸਟਾਇਲਸ ਵੀ ਹੋਵੇਗਾ, ਜਿਸ ਨਾਲ ਫੋਨ ਦੀ ਸਕਰੀਨ 'ਤੇ ਕਮਾਂਡ ਦੇਣ ਤੋਂ ਲੈ ਕੇ ਮੈਸੇਜ ਲਿਖਣ ਤਕ ਦਾ ਕੰਮ ਕੀਤਾ ਜਾ ਸਕੇਗਾ। ਇਕ ਰਿਪੋਰਟ ਅਨੁਸਾਰ ਇਸ ਦੀ ਸਕਰੀਨ ਕਿਊ.ਐਚ.ਡੀ. ਡਿਸਪਲੇ ਵਾਲੀ ਹੋਵੇਗੀ। ਇਹ ਸਨੈਪਡਰੈਗਨ 810 64 ਬਿਟ ਪ੍ਰੋਸੈਸਰ ਨਾਲ ਲੈਸ ਹੋਵੇਗਾ ਅਤੇ ਇਸ ਦੀ ਰੈਮ 4 ਜੀ.ਬੀ. ਦੀ ਹੋਵੇਗੀ।
ਕਿਹਾ ਜਾ ਸਕਦਾ ਹੈ ਕਿ ਇਸ ਦਾ ਕੈਮਰਾ 20.7 ਮੈਗਾਪਿਕਸਲ ਹੋਵੇਗਾ ਅਤੇ ਇਸ ਦੀ ਬੈਟਰੀ 3500 ਐਮ.ਏ.ਐਚ. ਦੀ ਹੈ। ਯਾਨੀ ਕੈਮਰਾ ਅਤੇ ਬੈਟਰੀ ਦੋਵੇਂ ਹੀ ਬੜੇ ਸ਼ਕਤੀਸ਼ਾਲੀ ਹੋਣਗੇ। ਇਸ ਸਮਾਰਟਫੋਨ ਨੂੰ ਹਰ ਸਾਲ ਹੋਣ ਵਾਲੇ ਮੋਬਾਈਲ ਵਰਲਡ ਕਾਂਗਰਸ 'ਚ ਪੇਸ਼ ਕੀਤਾ ਜਾਵੇਗਾ ਜੋ ਮਾਰਚ 'ਚ ਹੋਵੇਗਾ। ਇਸ ਫੋਨ ਦੇ ਬਾਰੇ 'ਚ ਐਲ.ਜੀ. ਨੇ ਚੁੱਪੀ ਸਾਧੇ ਰੱਖੀ ਹੈ। ਅਜੇ ਤਕ ਕੋਈ ਸਾਫ ਜਾਣਕਾਰੀ ਕੰਪਨੀ ਵਲੋਂ ਨਹੀਂ ਆਈ ਹੈ।
ਸਿਰਫ 6 ਸੈਕਿੰਡ 'ਚ ਹਥੋਂ-ਹੱਥ ਵਿੱਕ ਗਏ 40000 ਇਹ ਸਮਾਰਟਫੋਨ
NEXT STORY 
