ਨਵੀਂ ਦਿੱਲੀ— ਵਟਸਐਪ ਯੂਜ਼ ਕਰਨ ਦੀ ਆਦਤ ਅਜਿਹੀ ਹੈ, ਜਿਸ ਨੂੰ ਛੱਡਣਾ ਅੱਜ ਦੀ ਪੀੜ੍ਹੀ ਦੇ ਵੱਸ ਦੀ ਗੱਲ ਨਹੀਂ ਹੈ ਪਰ ਇਸ ਐਪ ਦੀਆਂ ਕੁਝ ਕਮੀਆਂ ਕਾਰਨ ਤੁਸੀਂ ਇਸ ਨੂੰ ਯੂਜ਼ ਕਰਨ ਤੋਂ ਕਈ ਵਾਰ ਝਿਜਕਦੇ ਹੋ ਪਰ ਜੇ ਚਲਾਕੀ ਨਾਲ ਵਟਸਐਪ ਨੂੰ ਯੂਜ਼ ਕੀਤਾ ਜਾਵੇ ਤਾਂ ਇਨ੍ਹਾਂ ਖਾਮੀਆਂ ਨੂੰ ਦੂਰ ਕੀਤਾ ਜਾ ਸਕਦਾ ਹੈ। ਜਾਣੋ ਕੀ ਹਨ ਉਹ ਚਲਾਕ ਤਰੀਕੇ—
1. ਲਾਸਟ ਸੀਨ ਛਿਪਾਉਣ ਦਾ ਚੋਰ ਦਰਵਾਜ਼ਾ— ਕੁਝ ਲੋਕਾਂ ਨੂੰ ਹਮੇਸ਼ਾ ਹੀ ਡਰ ਲੱਗਾ ਰਹਿੰਦਾ ਹੈ ਕਿ ਉਨ੍ਹਾਂ ਦੀ ਲਾਸਟ ਸੀਨ ਦੀ ਆਪਸ਼ਨ ਉਨ੍ਹਾਂ ਦਾ ਕੱਚਾ-ਚਿੱਠਾ ਉਨ੍ਹਾਂ ਲੋਕਾਂ ਅੱਗੇ ਖੋਲ੍ਹ ਕੇ ਰੱਖ ਦੇਵੇਗੀ, ਜਿਨ੍ਹਾਂ ਤੋਂ ਉਹ ਛਿਪਾਉਣਾ ਚਾਹੁੰਦੇ ਹਨ। ਇਸ ਲਈ ਕਈ ਲੋਕ ਆਮ ਤੌਰ 'ਤੇ ਆਫਲਾਈਨ ਹੋ ਕੇ ਮੈਸੇਜ ਪੜ੍ਹਦੇ ਹਨ। ਜੇ ਅਜਿਹਾ ਹੈ ਤਾਂ ਐਂਡਰਾਇਡ ਯੂਜ਼ਰਸ ਇਸ ਸਮੱਸਿਆ ਤੋਂ ਨਿਜ਼ਾਤ ਪਾ ਸਕਦੇ ਹਨ। ਐਂਡਰਾਇਡ ਯੂਜ਼ਰਸ ਪਲੇਅਸਟੋਰ ਤੋਂ 'ਹਾਈਡ ਸਟੇਟਸ' ਨਾਂ ਦੀ ਐਪਲੀਕੇਸ਼ਨ ਡਾਊਨਲੋਡ ਕਰਨ। ਇਸ ਐਪ ਨੂੰ ਡਾਊਨਲੋਡ ਕਰਨ ਤੋਂ ਬਾਅਦ ਤੁਸੀਂ ਜਦੋਂ ਵੀ ਵਟਸਐਪ ਖੋਲ੍ਹੋਗੇ ਤਾਂ ਤੁਹਾਡਾ ਵਾਈਫਾਈ ਅਤੇ ਮੋਬਾਈਲ ਡਾਟਾ ਕੁਨੈਕਸ਼ਨ ਆਪਣੇ-ਆਪ ਬੰਦ ਹੋ ਜਾਵੇਗਾ ਤੇ ਤੁਸੀਂ ਜਿਵੇਂ ਹੀ ਵਟਸਐਪ ਤੋਂ ਬਾਹਰ ਆਵੋਗੇ ਤੁਹਾਡਾ ਇੰਟਰਨੈੱਟ ਦੁਬਾਰਾ ਚੱਲਣ ਲੱਗੇਗਾ। ਇਸ ਨਾਲ ਤੁਹਾਡੇ ਲਾਸਟ ਸੀਨ ਦਾ ਕਿਸੇ ਨੂੰ ਪਤਾ ਨਹੀਂ ਲੱਗ ਸਕੇਗਾ।
2. ਗਰੁੱਪ ਵਿਚ ਕੌਣ ਕਰ ਰਿਹੈ ਇਗਨੋਰ— ਜੇਕਰ ਤੁਸੀਂ ਵਟਸਐਪ 'ਤੇ ਗਰੁੱਪ ਬਣਾਇਆ ਹੈ ਤਾਂ ਹੁਣ ਤੁਸੀਂ ਇਹ ਵੀ ਜਾਣ ਸਕਦੇ ਹੋ ਕਿ ਤੁਹਾਡੇ ਮੈਸੇਜ ਕੌਣ ਪੜ੍ਹਦਾ ਹੈ ਤੇ ਕੌਣ ਗਰੁੱਪ ਵਿਚ ਤੁਹਾਨੂੰ ਇਗਨੋਰ ਕਰਦਾ ਹੈ। ਇਸ ਦਾ ਤਰੀਕਾ ਵਟਸਐਪ ਵਿਚ ਇਨਬਿਲਟ ਹੈ ਪਰ ਬਹੁਤ ਘੱਟ ਲੋਕ ਇਸ ਬਾਰੇ ਜਾਣਦੇ ਹਨ। ਜੇਕਰ ਤੁਸੀਂ ਗਰੁੱਪ ਵਿਚ ਭੇਜੇ ਗਏ ਆਪਣੇ ਮੈਸੇਜ ਨੂੰ ਉਂਗਲੀ ਨਾਲ ਪ੍ਰੈੱਸ ਕਰ ਕੇ ਰੱਕੋ ਤਾਂ ਉਹ ਸਿਲੈਕਟ ਹੋ ਜਾਵੇਗਾ। ਇਸ ਦੇ ਨਾਲ ਹੀ ਉੱਪਰ ਵੱਲ ਇਕ ਆਈ ਬਟਨ ਦਿਖਾਈ ਦੇਵੇਗਾ, ਇਸ ਤੇ ਕਲਿਕ ਕਰੋ। ਤੁਹਾਨੂੰ ਪਤਾ ਲੱਗ ਜਾਵੇਗਾ ਕਿ ਗਰੁੱਪ ਵਿਚ ਕੌਣ-ਕੌਣ ਤੁਹਾਡਾ ਮੈਸੇਜ ਪੜ੍ਹ ਚੁੱਕੇ ਹਨ ਤੇ ਕੌਣ ਨਹੀਂ।
3. ਵਟਸਐਪ ਦੀਆਂ ਤਸਵੀਰਾਂ ਗੈਲਰੀ ਵਿਚ ਨਾ ਜਾਣ— ਵਟਸਐਪ 'ਤੇ ਲੋਕ ਕਈ ਤਰ੍ਹਾਂ ਦੀਆਂ ਤਸਵੀਰਾਂ ਭੇਜਦੇ ਹਨ, ਜਿਨ੍ਹਾਂ ਵਿਚੋਂ ਜ਼ਿਆਦਾਤਰ ਤਾਂ ਡਿਲੀਟ ਕਰਨ ਲਾਇਕ ਹੁੰਦੀਆਂ ਹਨ। ਕਈ ਵਾਰ ਉਨ੍ਹਾਂ ਵਿਚ ਕੁਝ ਪ੍ਰਾਈਵੇਟ ਤਸਵੀਰਾਂ ਵੀ ਹੁੰਦੀਆਂ ਹਨ। ਜੇਕਰ ਤੁਸੀਂ ਚਾਹੋ ਤਾਂ ਅਜਿਹੀ ਵਿਵਸਥਾ ਕਰ ਸਕਦੇ ਹੋ ਕਿ ਵਟਸਐਪ ਦੀਆਂ ਤਸਵੀਰਾਂ ਤੁਹਾਡੀ ਗੈਲਰੀ ਦੇ ਫੋਲਡਰ ਵਿਚ ਨਾਲ ਸੇਵ ਹੋਣ। ਐਂਡਰਾਇਡ ਯੂਜ਼ਰਸ ਨੂੰ ਇਸ ਲਈ ਵਟਸਐਪ ਇਮੇਜੇਸ ਜਾਂ ਵਟਸਐਪ ਵੀਡੀਓ ਵਾਲੇ ਫੋਲਡਰ ਵਿਚ ਇਕ .ਨੋਮੀਡੀਆ ਫਾਈਲ ਬਣਾਉਣੀ ਪਵੇਗੀ। ਇਸ ਲਈ ਇਕ ਫਾਈਲ ਨੂੰ ਐਕਸਪਲੋਰਰ ਦੀ ਲੋੜ ਪਵੇਗੀ। ਜਿਵੇਂ ਈ ਐੱਸ ਫਾਈਲ ਐਕਸਪਲੋਰਰ ਦੇ ਅੰਦਰ ਤੁਸੀਂ ਇਮੇਜੇਸ ਜਾਂ ਵੀਡੀਓ ਦੇ ਫੋਲਡਰ ਵਿਚ ਜਾਓ। ਹੇਠਾਂ ਖੱਬੇ ਪਾਸੇ ਨਿਊ ਬਟਨ 'ਤੇ ਕਲਿਕ ਕਰੋ, ਫਾਈਲ ਸਿਲੈਕਟ ਕਰੋ ਅਤੇ ਨਵੀਂ ਫਾਈਲ ਬਣਾਓ, ਜਿਸ ਦਾ ਨਾਂ ਰੱਖੋ ਡਾਟ ਨੋਮੀਡੀਆ (.nomedia) ਇਸ ਤੋਂ ਬਾਅਦ ਵਟਸਐਪ ਦੀਆਂ ਤਸਵੀਰਾਂ ਤੁਹਾਡੀ ਗੈਲਰੀ ਵਿਚ ਸੇਵ ਨਹੀਂ ਹੋਣਗੀਆਂ।
4. ਨੰਬਰ ਤਾਂ ਬੰਦ ਹੈ ਪਰ ਵਟਸਐਪ ਆਨ ਹੈ— ਤੁਸੀਂ ਆਪਣਾ ਵਟਸਐਪ ਨੰਬਰ ਕਿਸੇ ਵੀ ਸਮੇਂ ਬਦਲ ਸਕਦੇ ਹੋ। ਇਸ ਲਈ ਤੁਹਾਨੂੰ ਵਟਸਐਪ ਨੂੰ ਡਿਲੀਟ ਕਰਕੇ ਫਿਰ ਇੰਸਟਾਲ ਕਰਨ ਦੀ ਲੋੜ ਨਹੀਂ ਹੈ। ਵਟਸਐਪ ਦੀ ਸੈਟਿੰਗ 'ਚ ਜਾਓ। ਫਿਰ 'ਅਕਾਊਂਟ' 'ਚ ਜਾਓ ਅਤੇ ਫਿਰ 'ਚੇਂਜ ਨੰਬਰ' ਵਿਚ। ਬੱਸ ਫਿਰ ਕੀ ਨੰਬਰ ਪਾ ਕੇ ਵੈਰੀਫਾਈ ਕਰੋ। ਯਾਦ ਰੱਖੋ ਕਿ ਵਟਸਐਪ ਦਾ ਨੰਬਰ ਸਿਰਫ ਡਿਸਪਲੇਅ ਦਾ ਨੰਬਰ ਹੁੰਦਾ ਹੈ। ਜਦੋਂ ਕਿ ਤੁਸੀਂ ਵਟਸਐਪ ਲਈ ਇਕ 'ਸਵਿਚਡ ਆਫ' ਨੰਬਰ ਦੀ ਵਰਤੋਂ ਵੀ ਕਰ ਸਕਦੇ ਹੋ। ਇਸ ਦੌਰ ਵਿਚ ਲੜਕੀਆਂ ਦੇ ਲਈ ਇਹ ਟਰਿਕ ਬੜੇ ਕੰਮ ਦੀ ਚੀਜ਼ ਹੈ। ਵਟਸਐਪ ਨੂੰ ਜਿਸ ਨੰਬਰ 'ਤੇ ਵੈਰੀਫਾਈ ਕਰੋ। ਬਾਅਦ ਵਿਚ ਉਸ ਨੰਬਰ ਨੂੰ ਬੰਦ ਕਰ ਦਿਓ। ਇਕ ਵਾਰ ਵੈਰੀਫਿਕੇਸ਼ਨ ਤੋਂ ਬਾਅਦ ਵਟਸਐਪ ਇਹ ਨਹੀਂ ਦੇਖਦਾ ਕਿ ਇਹ ਨੰਬਰ ਚਾਲੂ ਹੈ ਜਾਂ ਨਹੀਂ। ਇਸ ਤੋਂ ਬਾਅਦ ਦੂਜੇ ਨੰਬਰ ਤੋਂ ਆਪਣਾ ਨੈੱਟ ਚਲਾਓ ਅਤੇ ਵਟਸਐਪ ਯੂਜ਼ ਕਰੋ। ਸਾਰਿਆਂ ਨੂੰ ਤੁਹਾਡਾ ਪੁਰਾਣਾ ਨੰਬਰ ਹੀ ਡਿਸਪਲੇਅ ਹੋਵੇਗਾ। ਕੋਈ ਉਸ 'ਤੇ ਕਾਲ ਕਰੇਗਾ ਤਾਂ ਫੋਨ ਬੰਦ ਆਵੇਗਾ। ਇਹ ਟਰਿਕ ਉਨ੍ਹਾਂ ਕੁੜੀਆਂ ਲਈ ਬਹੁਤ ਲਾਭਦਾਇਕ ਹੈ, ਜੋ ਛੇਤੀ ਆਪਣੇ ਦੋਸਤਾਂ ਨੂੰ ਆਪਣਾ ਨੰਬਰ ਨਹੀਂ ਨਹੀਂ ਦੇਣਾ ਚਾਹੁੰਦੀਆਂ ਪਰ ਵਟਸਐਪ 'ਤੇ ਗੱਲਾਂ ਮਾਰਨੀਆਂ ਚਾਹੁੰਦੀਆਂ ਹਨ।
5. ਤੁਹਾਡੇ ਬੈਸਟ ਫਰੈਂਡ ਕੋਣ ਹਨ— ਜੇਕਰ ਤੁਹਾਡੀ ਆਪਣੇ ਵਟਸਐਪ ਦੇ ਅੰਕੜਿਆਂ ਵਿਚ ਰੁੱਚੀ ਹੈ ਤਾਂ ਤੁਹਾਨੂੰ ਇਹ ਐਪ ਪਸੰਦ ਆਏਗੀ। ਐਪਲੀਕੇਸ਼ਨ 'ਵਟਸਟੇਟ' ਦੀ ਮਦਦ ਨਾਲ ਤੁਸੀਂ ਵਟਸਐਪ 'ਤੇ ਆਪਣੀ ਚੈਟਿੰਗ ਦਾ ਪੂਰਾ ਹਿਸਾਬ-ਕਿਤਾਬ ਦੇਖ ਸਕਦੇ ਹੋ ਜਿਵੇਂ ਤੁਹਾਡੇ ਟਾਪ ਫਰੈਂਡਸ ਕੌਣ ਹਨ, ਟਾਪ ਗਰੁੱਪ ਕਿਹੜਾ ਹੈ ਜਾਂ ਦਿਨ ਭਰ ਵਿਚ ਤੁਸੀਂ ਕਿਸ ਸਮੇਂ ਵਟਸਐਪ 'ਤੇ ਸਭ ਤੋਂ ਜ਼ਿਆਦਾ ਐਕਟਿਵ ਰਹਿੰਦੇ ਹੋ ਜਾਂ ਤੁਹਾਡੇ ਕਿੰਨੇ ਫੀਸਦੀ ਮੈਸੇਜ ਡਿਲੀਵਰ ਹੋਣੇ ਅਜੇ ਬਾਕੀ ਹਨ।
ਚੀਨ ਦੀ ਵਾਧਾ ਦਰ ਦੀ ਬਰਾਬਰੀ ਕਰੇਗਾ ਭਾਰਤ : ਜੇਤਲੀ
NEXT STORY 
