ਨਵੀਂ ਦਿੱਲੀ- ਕਮਜ਼ੋਰ ਸੰਸਾਰਕ ਰੁਖ ਦੇ ਵਿਚਾਲੇ ਗਹਿਣੇ ਅਤੇ ਫੁਟਕਰ ਵਿਕਰੇਤਾਵਾਂ ਦੀ ਮੰਗ ਕਮਜ਼ੋਰ ਪੈਣ ਨਾਲ ਰਾਸ਼ਟਰੀ ਰਾਜਧਾਨੀ ਦੇ ਸਰਾਫਾ ਬਾਜ਼ਾਰ 'ਚ ਸ਼ਨੀਵਾਰ ਨੂੰ ਸੋਨੇ ਦੀ ਕੀਮਤ 100 ਰੁਪਏ ਦੀ ਗਿਰਾਵਟ ਦੇ ਨਾਲ 28,400 ਰੁਪਏ ਪ੍ਰਤੀ 10 ਗ੍ਰਾਮ ਰਹਿ ਗਈ। ਉਦਯੋਗਿਕ ਇਕਾਈਆਂ ਅਤੇ ਸਿੱਕਾ ਨਿਰਮਾਤਾਵਾਂ ਦੀ ਕਮਜ਼ੋਰ ਮੰਗ ਦੇ ਕਾਰਨ ਚਾਂਦੀ ਦੀ ਕੀਮਤ ਵੀ 65 ਰੁਪਏ ਟੁੱਟ ਕੇ 40,065 ਰੁਪਏ ਪ੍ਰਤੀ ਕਿਲੋਗ੍ਰਾਮ ਰਹਿ ਗਈ। ਬਾਜ਼ਾਰ ਸੂਤਰਾਂ ਨੇ ਕਿਹਾ ਕਿ ਮੌਜੂਦਾ ਪੱਧਰ 'ਤੇ ਗਹਿਣੇ ਅਤੇ ਫੁਟਕਰ ਵਿਕਰੇਤਾਵਾਂ ਦੀ ਮੰਗ ਵਿਚ ਗਿਰਾਵਟ ਤੋਂ ਇਲਾਵਾ ਕਮਜ਼ੋਰ ਸੰਸਾਰਕ ਰੁਖ ਦੇ ਕਾਰਨ ਮੁੱਖ ਤੌਰ 'ਤੇ ਕੀਮਤੀ ਧਾਤਾਂ ਦੀਆਂ ਕੀਮਤਾਂ ਵਿਚ ਗਿਰਾਵਟ ਆਈ ਹੈ।
ਘਰੇਲੂ ਕੀਮਤਾਂ ਦਾ ਰੁਖ ਨਿਰਧਾਰਨ ਕਰਨ ਵਾਲੇ ਬਾਜ਼ਾਰ ਨਿਊਯਾਰਕ 'ਚ ਸੋਨੇ ਦੀ ਕੀਮਤ 0.6 ਫੀਸਦੀ ਦੀ ਗਿਰਾਵਟ ਦੇ ਨਾਲ 1,292.60 ਡਾਲਰ ਪ੍ਰਤੀ ਔਂਸ ਅਤੇ ਚਾਂਦੀ ਦੀ ਕੀਮਤ 0.3 ਫੀਸਦੀ ਦੀ ਗਿਰਾਵਟ ਦੇ ਨਾਲ 18.30 ਡਾਲਰ ਪ੍ਰਤੀ ਔਂਸ ਰਹਿ ਗਈ। ਰਾਸ਼ਟਰੀ ਰਾਜਧਾਨੀ ਵਿਚ ਸੋਨਾ 99.9 ਅਤੇ 99.5 ਫੀਸਦੀ ਸ਼ੁੱਧਤਾ ਦੀ ਕੀਮਤ 100-100 ਰੁਪਏ ਦੀ ਗਿਰਾਵਟ ਦੇ ਨਾਲ ਕ੍ਰਮਵਾਰ 28,400 ਰੁਪਏ ਅਤੇ 28,200 ਰੁਪਏ ਪ੍ਰਤੀ 10 ਗ੍ਰਾਮ ਰਹਿ ਗਈ। ਸ਼ੁੱਕਰਵਾਰ ਨੂੰ ਇਸ 'ਚ 150 ਰੁਪਏ ਦੀ ਤੇਜ਼ੀ ਆਈ ਸੀ।
ਥੋੜ੍ਹੇ-ਬਹੁਤ ਸੌਦਿਆਂ ਦੇ ਕਾਰਨ ਸੀਮਿਤ ਦਾਇਰੇ ਵਿਚ ਉਤਰਾਅ-ਚੜ੍ਹਾਅ ਦੇ ਬਾਅਦ ਗਿੰਨੀ ਦੀ ਕੀਮਤ 24,000 ਰੁਪਏ ਪ੍ਰਤੀ ਅੱਠ ਗ੍ਰਾਮ ਪਹਿਲੇ ਵਾਲੇ ਪੱਧਰ 'ਤੇ ਰਹੀ। ਕਮਜ਼ੋਰ ਆਮ ਰੁਖ ਦੇ ਮੁਤਾਬਕ ਚਾਂਦੀ ਤਿਆਰ ਦੀ ਕੀਮਤ 65 ਰੁਪਏ ਦੀ ਗਿਰਾਵਟ ਦੇ ਨਾਲ 40,035 ਰੁਪਏ ਪ੍ਰਤੀ ਕਿਲੋਗ੍ਰਾਮ ਅਤੇ ਹਫਤੇਵਾਰੀ ਡਿਲੀਵਰੀ ਦੀ ਕੀਮਤ 225 ਰੁਪਏ ਦੀ ਗਿਰਾਵਟ ਦੇ ਨਾਲ 39,875 ਰੁਪਏ ਪ੍ਰਤੀ ਕਿਲੋਗ੍ਰਾਮ ਰਹਿ ਗਈ। ਦੂਜੇ ਪਾਸੇ ਚਾਂਦੀ ਸਿੱਕਿਆਂ ਦੀ ਕੀਮਤ ਲਿਵਾਲ 65,000 ਰੁਪਏ ਬਿਕਵਾਲ 66,000 ਰੁਪਏ ਪ੍ਰਤੀ ਸੈਂਕੜਾ ਪਹਿਲੇ ਵਾਲੇ ਪੱਧਰ 'ਤੇ ਰਹੀ।
ਗਣਤੰਤਰ ਦਿਵਸ 'ਤੇ ਜੈੱਟ ਏਅਰਵੇਜ਼ ਨੇ ਦਿੱਤਾ ਸਸਤੇ ਟਿਕਟ ਦਾ ਆਫਰ
NEXT STORY