ਆਰਾ (ਬਿਹਾਰ)- ਬਿਹਾਰ ਦੇ ਭੋਜਪੁਰ ਜ਼ਿਲੇ ਦੇ ਆਰਾ ਅਦਾਲਤ ਕੰਪਲੈਕਸ 'ਚ ਹੋਏ ਬੰਬ ਧਮਾਕੇ 'ਚ ਮਾਰੀ ਗਈ ਔਰਤ ਦੀ ਪਛਾਣ ਹੋ ਗਈ। ਉਹ ਉੱਤਰ ਪ੍ਰਦੇਸ਼ ਦੇ ਬਲੀਆ ਜ਼ਿਲੇ ਦੀ ਰਹਿਣ ਵਾਲੀ ਹੈ। ਭੋਜਪੁਰ ਦੇ ਪੁਲਸ ਕਮਿਸ਼ਨਰ ਨੇ ਦੱਸਿਆ ਕਿ ਧਮਾਕੇ 'ਚ ਮਾਰੀ ਗਈ ਔਰਤ ਦੀ ਪਛਾਣ ਬਲੀਆ ਦੇ ਬਸੇਰੀ ਵਾਸੀ ਰੀਨਾ ਗੌੜ ਦੇ ਰੂਪ 'ਚ ਹੋਈ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਮਹਿਲਾ ਦੇ ਪਰਿਵਾਰ ਵਾਲਿਆਂ ਨੂੰ ਇਸ ਦੀ ਸੂਚਨਾ ਦੇ ਦਿੱਤੀ ਗਈ ਹੈ ਅਤੇ ਔਰਤ ਦੇ ਵਿਸ਼ੇ 'ਚ ਵਿਸ਼ੇਸ਼ ਜਾਂਚ-ਪੜਤਾਲ ਲਈ ਆਰਾ ਤੋਂ ਪੁਲਸ ਟੀਮ ਬਲੀਆ ਰਵਾਨਾ ਕਰ ਦਿੱਤੀ ਗਈ ਹੈ। ਹੁਸੈਨ ਨੇ ਦੱਸਿਆ,''ਸ਼ੁਰੂਆਤੀ ਜਾਂਚ ਅਨੁਸਾਰ ਧਮਾਕੇ 'ਚ ਇਸਤੇਮਾਲ ਬੰਬ ਕਾਫੀ ਸ਼ਕਤੀਸ਼ਾਲੀ ਸੀ। ਸ਼ੱਕ ਹੈ ਕਿ ਧਮਾਕੇ ਲਈ ਪਾਈਪ ਬੰਬ ਦੀ ਵਰਤੋਂ ਕੀਤੀ ਗਈ ਹੋਵੇ।''
ਜ਼ਿਕਰਯੋਗ ਹੈ ਕਿ ਆਰਾ ਵਿਵਹਾਰ ਅਦਾਲਤ ਕੰਪਲੈਕਸ 'ਚ ਸ਼ੁੱਕਰਵਾਰ ਨੂੰ ਹੋਏ ਬੰਬ ਧਮਾਕੇ 'ਚ ਇਕ ਔਰਤ ਸਮੇਤ 2 ਵਿਅਕਤੀ ਦੀ ਮੌਤ ਹੋ ਗਈ ਸੀ। ਪੁਲਸ ਅਨੁਸਾਰ ਧਮਾਕੇ 'ਚ ਮ੍ਰਿਤਕ ਔਰਤ ਹੀ ਬੰਬ ਲੈ ਕੇ ਅਦਾਲਤ ਕੰਪਲੈਕਸ 'ਚ ਦਾਖਲ ਹੋਈ ਸੀ। ਬੰਬ ਧਮਾਕੇ ਤੋਂ ਬਾਅਦ ਪੇਸ਼ੀ ਲਈ 2 ਕੈਦੀ ਲੰਬੂ ਸ਼ਰਮਾ ਅਤੇ ਅਖਿਲੇਸ਼ ਉਪਾਧਿਆਏ ਫਰਾਰ ਹੋ ਗਏ। ਪੁਲਸ ਫਰਾਰ ਕੈਦੀਆਂ ਦੀ ਗ੍ਰਿਫਤਾਰੀ ਲਈ ਛਾਪੇਮਾਰੀ ਕਰ ਰਹੀ ਹੈ। ਜ਼ਿਕਰਯੋਗ ਹੈ ਕਿ ਲੰਬੂ ਸਾਲ 2009 'ਚ ਵੀ ਅਦਾਲਤ ਕੰਪਲੈਕਸ 'ਚ ਹੋਏ ਬੰਬ ਧਮਾਕੇ ਤੋਂ ਬਾਅਦ ਫਰਾਰ ਹੋ ਗਿਆ ਸੀ। ਇਸ ਘਟਨਾ 'ਚ ਇਕ ਐਡਵੋਕੇਟ ਦੀ ਮੌਤ ਹੋ ਗਈ ਸੀ। ਪੁਲਸ ਮ੍ਰਿਤਕ ਔਰਤ ਅਤੇ ਫਰਾਰ ਕੈਦੀਆਂ ਦਰਮਿਆਨ ਸੰਬੰਧ ਲੱਭਣ ਦੀ ਵੀ ਕੋਸ਼ਿਸ਼ ਕਰ ਰਹੀ ਹੈ।
ਸੋਨੇ-ਚਾਂਦੀ ਦੀਆਂ ਕੀਮਤਾਂ ਘਟੀਆਂ, ਜਾਣੋ ਅੱਜ ਦੇ ਭਾਅ
NEXT STORY 
