ਨਵੀਂ ਦਿੱਲੀ- ਰਾਸ਼ਟਰੀ ਰਾਈਫਲ ਦੇ ਨਾਇਕ ਨੀਰਜ ਕੁਮਾਰ ਸਿੰਘ ਤੇ ਮੇਜਰ ਮੁਕੁੰਦ ਵਰਦਰਾਜਨ ਨੂੰ ਮਰਨ ਉਪਰੰਤ ਸ਼ਾਂਤੀਕਾਲ 'ਚ ਦਿੱਤੇ ਜਾਣ ਵਾਲੇ ਦੇਸ਼ ਦੇ ਸਭ ਤੋਂ ਉੱਚੇ ਵੀਰਤਾ ਪੁਸਰਕਾਰ ਅਸ਼ੋਕ ਚੱਕਰ ਨਾਲ ਸਨਮਾਨਿਤ ਕੀਤਾ ਗਿਆ। ਨਾਇਕ ਨੀਰਜ ਕੁਮਾਰ ਨੇ ਕਸ਼ਮੀਰ ਦੇ ਕੁਪਵਾੜਾ ਜਿਲੇ 'ਚ ਇਕ ਤਲਾਸ਼ੀ ਅਭਿਆਨ ਦੌਰਾਨ ਅੱਤਵਾਦੀਆਂ ਨਾਲ ਲੋਹਾ ਲੈਂਦਿਆਂ ਸ਼ਹਾਦਤ ਦਿੱਤੀ।
ਮੇਜਰ ਮੁਕੁੰਦ ਵਰਦਰਾਜਨ ਨੇ ਪਿਛਲੇ ਸਾਲ ਅਪ੍ਰੈਲ 'ਚ ਜੰਮੂ ਕਸ਼ਮੀਰ ਦੇ ਸ਼ੋਪੀਆਂ ਜਿਲੇ 'ਚ ਅੱਤਵਾਦੀਆਂ ਨਾਲ ਮੁਕਾਬਲੇ 'ਚ ਹਿਜਬੁਲ ਮੁਜ਼ਾਹੂਦੀਨ ਦੇ ਤਿੰਨ ਅੱਤਵਾਦੀਆਂ ਨੂੰ ਢੇਰ ਕਰ ਦਿੱਤਾ। ਉਨ੍ਹਾਂ ਨੂੰ ਪਿਛਲੇ ਸਾਲ 15 ਅਗਸਤ ਨੂੰ ਅਸ਼ੋਕ ਚੱਕਰ ਦੇਣ ਦਾ ਐਲਾਨ ਕੀਤਾ ਗਿਆ ਸੀ। ਇਸ ਤੋਂ ਇਲਾਵਾ ਤਿੰਨ ਫੌਜੀਆਂ ਨੂੰ ਕ੍ਰੀਤੀ ਚੱਕਰ, 12 ਨੂੰ ਸ਼ੌਰਿਆ ਚੱਕਰ, 48 ਨੂੰ ਵੀਰਤਾ ਲਈ ਸੋਨ ਪਦਕ, ਦੋ ਨੂੰ ਵੀਰਤਾ ਲਈ ਨੌਸੈਨਾ ਪਦਕ ਤੇ 11 ਨੂੰ ਵੀਰਤਾ ਲਈ ਵਾਯੂ ਸੈਨਾ ਪਦਕ ਨਾਲ ਸਨਮਾਨਿਤ ਕੀਤਾ ਜਾਵੇਗਾ। ਇਸ ਤੋਂ ਇਲਾਵਾ 28 ਫੌਜੀਆਂ ਨੂੰ ਪਰਮ ਵਸ਼ਿਸ਼ਟ ਸੇਵਾ ਪਦਕ, ਤਿੰਨ ਨੂੰ ਉੱਤਮ ਯੁੱਧ ਸੇਵਾ ਪਦਕ, 53 ਨੂੰ ਅਤਿ ਵਸ਼ਿਸ਼ਟ ਸੇਵਾ ਪਦਕ, 13 ਨੂੰ ਯੁੱਧ ਸੇਵਾ ਪਦਕ, 42 ਨੂੰ ਸੇਨਾ ਪਦਕ, ਅੱਠ ਨੂੰ ਨੌਸੇਨਾ ਪਦਕ, 19 ਨੂੰ ਸੇਨਾ ਪਦਕ ਤੇ 124 ਨੂੰ ਵਸ਼ਿਸ਼ਟ ਸੇਵਾ ਪਦਕ ਨਾਲ ਸਨਮਾਨਿਤ ਕੀਤਾ ਜਾਵੇਗਾ।
Live : 66ਵਾਂ ਗਣਤੰਤਰ ਦਿਵਸ ਅੱਜ, ਭਾਰਤ ਦੀ ਸੈਨਿਕ ਸ਼ਕਤੀ ਦੇਖਣਗੇ ਬਰਾਕ ਓਬਾਮਾ
NEXT STORY 
