ਨਵੀਂ ਦਿੱਲੀ- ਭਾਰਤ ਅਤੇ ਅਮਰੀਕਾ ਦੇ ਆਪਸੀ ਸੰਬੰਧਾਂ 'ਚ ਨਵਾਂ ਇਤਿਹਾਸ ਰਚਦੇ ਹੋਏ ਅੱਜ ਯਾਨੀ ਕਿ ਗਣਤੰਤਰ ਦਿਵਸ ਦੇ ਮੌਕੇ 'ਤੇ ਪਰਮਾਣੂ ਸਹਿਯੋਗ ਨੂੰ ਅਮਲੀਜਾਮਾ ਪਹਿਨਾਉਣ 'ਚ ਰੁਕਾਵਟ ਨੂੰ ਦੂਰ ਕਰਨ ਲਈ ਅਤੇ ਰੱਖਿਆ ਖੇਤਰ 'ਚ ਫੌਜ ਟ੍ਰੈਫਿਕ ਜਵਾਜ਼ ਦੇ ਉਪਕਰਣਾਂ, ਜਾਹਜ਼ਾਂ ਅਤੇ ਜੈੱਟ ਇੰਜਨਾਂ ਦੇ ਸਹਿ-ਨਿਰਮਾਣ ਅਤੇ ਸਹਿ-ਵਿਕਾਸ ਕਰਨ ਦਾ ਫੈਸਲਾ ਲਿਆ। ਦੋਵੇਂ ਦੇਸ਼ਾਂ ਨੇ 10 ਸਾਲ ਪਹਿਲਾਂ ਹੋਏ ਰੱਖਿਆ ਫ੍ਰੇਮਵਰਕ ਸਮਝੌਤੇ ਦਾ ਨਵੀਨੀਕਰਨ ਕਰਕੇ ਨਵੇਂ ਸਿਰੇ ਨਾਲ 10 ਸਾਲ ਹੋਰ ਵਧਾਉਣ ਅਤੇ ਅੱਤਵਾਦ ਦੇ ਖਿਲਾਫ ਮੁਹਿੰਮ 'ਚ ਵੱਧ ਇੱਕਮੁੱਠਤਾ ਨਾਲ ਕੰਮ ਕਰਨ ਦੀ ਵੱਚਨਬੱਧਤਾ ਵੀ ਜ਼ਾਹਰ ਕੀਤੀ। 66ਵੇਂ ਗਣਤੰਤਰ ਦਿਵਸ ਸਮਾਰੋਹ 'ਤੇ ਮੁੱਖ ਮਹਿਮਾਨ ਦੇ ਤੌਰ 'ਤੇ ਪਹੁੰਚੇ ਅਮਰੀਕਾ ਦੇ ਰਾਸ਼ਟਰਪਤੀ ਬਰਾਕ ਓਬਾਮਾ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਇਥੇ ਹੈਦਰਾਬਾਦ ਹਾਊਸ 'ਚ ਹੋਈ ਮੀਟਿੰਗ 'ਚ ਦੋਵੇਂ ਦੇਸ਼ਾਂ ਦੇ ਸੰਬੰਧਾਂ ਦੀ ਇਹ ਨਵੀਂ ਇਬਾਰਤ ਲਿਖੀ। ਮੋਦੀ ਅਤੇ ਓਬਾਮਾ ਨੇ ਭਾਰਤ ਅਤੇ ਅਮਰੀਕਾ ਦੇ ਮੁੱਖ ਨੇਤਾਵਾਂ ਵਿਚ ਹੌਟਲਾਈਨ ਸਥਾਪਿਤ ਕਰਨ ਦਾ ਵੀ ਫੈਸਲਾ ਕੀਤਾ। ਸ਼੍ਰੀ ਓਬਾਮਾ ਨੇ ਸੰਯੁਕਤ ਰਾਸ਼ਟਰ ਪ੍ਰੀਸ਼ਦ 'ਚ ਭਾਰਤ ਦੀ ਸਥਾਈ ਮੈਂਬਰਤਾ ਦੇ ਦਾਅਵੇ ਦਾ ਸਮਰਥਨ ਕੀਤਾ। ਦੋਹਾਂ ਦੇਸ਼ਾਂ ਵਿਚ ਸੰਬੰਧਾਂ 'ਤੇ ਹੋਈ ਇਸ ਤਰੱਕੀ ਬਾਰੇ 'ਚ ਚਰਚਾ ਕਰਦੇ ਹੋਏ ਵਿਦੇਸ਼ ਦੇ ਸਕੱਤਰ ਸੁਜਾਤਾ ਸਿੰਘ ਨੇ ਕਿਹਾ ਪਰਮਾਣੂ ਮੁੱਦੇ 'ਤੇ ਰੁਕਾਵਟ ਨੂੰ ਦੂਰ ਕਰਨ ਲਈ ਰਾਜਨੀਤਿਕ ਅਗਵਾਈ ਦੀ ਸਭ ਤੋਂ ਮਹੱਤਵਪੂਰਨ ਭੂਮਿਕਾ ਰਹੀ। ਮੋਦੀ ਨੇ ਹੈਦਰਾਬਾਦ ਹਾਊਸ 'ਚ ਪ੍ਰਤੀਨਿਧੀ ਮੰਡਲ ਦੀ ਮੀਟਿੰਗ ਤੋਂ ਪਹਿਲਾਂ ਓਬਾਮਾ ਦੇ ਨਾਲ ਦੁਪਹਿਰ ਦਾ ਭੋਜਨ ਕੀਤਾ ਅਤੇ ਉਨ੍ਹਾਂ ਨਾਲ ਇਕੱਲੇ ਮੀਟਿੰਗ ਦੌਰਾਨ ਉਨ੍ਹਾਂ ਨੂੰ ਆਪਣੇ ਹੱਥਾਂ ਨਾਲ ਚਾਹ ਵੀ ਬਣਾ ਕੇ ਪਿਲਾਈ। ਮੋਦੀ ਨੇ ਇਸ ਤੋਂ ਪਹਿਲਾਂ ਪ੍ਰੋਟੋਕਾਲ ਤੋੜ ਕੇ ਖੁਦ ਹਵਾਈ ਅੱਡੇ 'ਤੇ ਸਵੇਰੇ ਉਨ੍ਹਾਂ ਦੀ ਸੁਆਗਤ ਵੀ ਕੀਤਾ।
ਪ੍ਰੈਸ ਨਾਲ ਗੱਲਬਾਤ 'ਚ ਦੋਵੇਂ ਨੇਤਾਵਾਂ ਨੇ ਰਸਮਾਂ ਤੋਂ ਹੱਟਦੇ ਹੋਏ ਇਕ ਦੂਜੇ ਨੂੰ ਬਰਾਕ ਅਤੇ ਮੋਦੀ ਕਹਿ ਕੇ ਸੰਬੋਧਿਤ ਕੀਤਾ। ਮੋਦੀ ਨੇ ਕਿਹਾ ਕਿ ਨੇਤਾਵਾਂ ਵਿਚ ਕੈਮਿਸਟਰੀ ਹੀ ਦੇਸ਼ਾਂ ਵਿਚ ਮਜਬੂਤ ਸੰਬੰਧਾਂ ਦੀ ਰੁਕਾਵਟ ਬਣਦੀ ਹੈ। ਓਬਾਮਾ ਨੇ ਵੀ ਉਨ੍ਹਾਂ ਦੀ ਗੱਲ 'ਤੇ ਸਹਿਮਤੀ ਜ਼ਤਾਉਂਦੇ ਹੋਏ ਕਿਹਾ ਦੋ ਨੇਤਾਵਾਂ ਵਿਚ ਅਜਿਹੀ ਆਤਮ ਮਨਮਾਨ ਅਤੇ ਪਿਆਰ ਨੂੰ ਕੰਮ ਦੇ ਰੂਪ 'ਚ ਕਰਨਾ ਸੌਖਾ ਹੁੰਦਾ ਹੈ।
ਮੀਟਿੰਗ 'ਚ ਦੋਵੇਂ ਨੇਤਾਵਾਂ ਨੇ ਸਵੱਛ ਉਰਜਾ ਦੇ ਖੇਤਰ 'ਚ ਵੀ ਸਹਿਯੋਗ ਵਧਾਉਣ ਦਾ ਫੈਸਲਾ ਕੀਤਾ। ਅਮਰੀਕਾ ਭਾਰਤ ਦੀ 100 ਜੀਗਾਵਾਟ ਅਤੇ ਸੂਰਜੀ ਉਰਜਾ ਦੇ ਮਕਸਦ 'ਚ ਵੀ ਸਹਿਯੋਗ ਕਰੇਗੀ। ਅਮਰੀਕਾ, ਅਜਮੇਰ, ਵਿਸ਼ਾਖਾਪਟਨਮ ਅਤੇ ਇਲਾਹਾਬਾਦ ਨੂੰ ਸਮਾਰਟ ਸਿਟੀ ਬਣਾਉਣ 'ਚ ਸਹਿਯੋਗ ਦੇਵੇਗਾ। ਮੋਦੀ ਅਤੇ ਓਬਾਮਾ ਨਾਲ ਗੱਲਬਾਤ ਦੌਰਾਨ ਅਮਰੀਕਾ ਦੇ ਭਾਰਤੀ ਵੀਜ਼ਾ ਸੰਬੰਧੀ ਚਿੰਤਾਵਾਂ ਨੂੰ ਉਠਾਇਆ ਅਤੇ ਅਮਰੀਕੀ ਇਮੀਗ੍ਰੇਸ਼ਨ ਨਿਤੀ 'ਤੇ ਵਿਸਥਾਰ ਤੌਰ 'ਤੇ ਚਰਚਾ ਕੀਤੀ। ਓਬਾਮਾ ਨੇ ਇਨ੍ਹਾਂ ਚਿੰਤਾਵਾਂ 'ਤੇ ਗੌਰ ਕਰਨ ਦਾ ਭਰੋਸਾ ਦਿੱਤਾ ਹੈ। ਅਮਰੀਕਾ ਹਰ ਸਾਲ ਰੋਜ਼ਗਾਰ ਲਈ ਆਉਣ ਵਾਲੇ ਲੋਕਾਂ ਲਈ ਵੀਜ਼ਾ ਦੀ ਗਿਣਤੀ ਨਿਰਧਾਰਿਤ ਕਰੇਗਾ। ਅਮਰੀਕਾ ਦੇ ਇਮੀਗ੍ਰੇਸ਼ਨ ਨਿਯਮ ਹਮੇਸ਼ਾ ਚਰਚਾ 'ਚ ਰਹਿੰਦੇ ਹਨ। ਇਸ ਸਾਲ ਅਮਰੀਕਾ ਨੇ ਰੋਜ਼ਗਾਰ ਲਈ ਅਮਰੀਕਾ ਆਉਣ ਵਾਲੇ ਲੋਕਾਂ ਲਈ 65 ਹਜ਼ਾਰ ਵੀਜ਼ਾ ਜਾਰੀ ਕਰਨ ਦਾ ਮਕਸਦ ਰੱਖਿਆ ਹੈ।
ਓਬਾਮਾ ਬੋਲੇ, 'ਮੋਦੀ ਕੁੜਤਾ' ਪਹਿਨਣ ਦੀ ਸੋਚ ਰਿਹਾ ਸੀ
NEXT STORY 
