ਤੁਸੀਂ ਮਾਈਕ੍ਰੋਵੇਵ 'ਚ ਕਾਫੀ ਕੁਝ ਬਣਾਉਂਦੇ ਹੋਵੋਗੇ ਪਰ ਕੀ ਤੁਸੀਂ ਕੇਲੇ ਦੇ ਚਿਪਸ ਕਦੇ ਟਰਾਈ ਕੀਤੇ ਹਨ? ਭਾਰਤ 'ਚ ਕੇਲੇ ਦੇ ਚਿਪਸ ਬਹੁਤ ਜ਼ਿਆਦਾ ਪਸੰਦ ਕੀਤੇ ਜਾਂਦੇ ਹਨ। ਸ਼ਾਮ ਦੇ ਸਮੇਂ ਚਾਹ ਦੇ ਨਾਲ ਕੇਲੇ ਦੇ ਚਿਪਸ ਇਕ ਚੰਗੀ ਆਪਸ਼ਨ ਹੁੰਦੀ ਹੈ। ਮਾਈਕ੍ਰੋਵੇਵ 'ਚ ਕੇਲੇ ਦੇ ਚਿਪਸ ਪਕਾਉਂਦੇ ਸਮੇਂ ਨਾ ਤਾਂ ਜ਼ਿਆਦਾ ਸਮਾਂ ਲੱਗਦਾ ਹੈ ਅਤੇ ਨਾ ਹੀ ਇਸ ਨੂੰ ਖਾਣ ਨਾਲ ਸਿਹਤ 'ਤੇ ਕੋਈ ਮਾੜਾ ਅਸਰ ਪੈਂਦਾ ਹੈ। ਇਸ ਤਰ੍ਹਾਂ ਨਾਲ ਤੁਸੀਂ ਆਲੂ ਦੇ ਵੀ ਚਿਪਸ ਤਿਆਰ ਕਰ ਸਕਦੇ ਹੋ।
ਸਮੱਗਰੀ:-
ਕੇਲੇ- 2 ਕੱਚੇ
ਨਮਕ- 1 ਚਮਚ
ਮਸਾਲਾ
ਤੇਲ- 1-2 ਚਮਚ
ਵਿਧੀ:-
ਸਭ ਤੋਂ ਪਹਿਲਾਂ ਮਾਈਕ੍ਰੋਵੇਵ ਸੇਫ ਪਲੇਟ 'ਚ ਤੇਲ ਲਗਾ ਲਓ। ਫਿਰ ਉਸ 'ਚ ਕੱਟੇ ਹੋਏ ਕੇਲੇ ਦੇ ਪੀਸ ਰੱਖੋ। ਕੇਲੇ ਦੇ ਪੀਸ ਵੱਖ-ਵੱਖ ਰੱਖੋ ਨਾ ਕਿ ਇਕ-ਦੂਜੇ ਦੇ ਉੱਪਰ। ਇਸ ਨੂੰ 1 ਮਿੰਟ ਲਈ ਹਾਈ ਹੀਟ 'ਤੇ ਮਾਈਕ੍ਰੋਵੇਵ ਕਰੋ। ਹੁਣ ਕੇਲੇ ਦੇ ਚਿਪਸ ਨੂੰ ਇਕ-ਇਕ ਕਰਕੇ ਪਲਟ ਦਿਓ ਅਤੇ ਉੱਪਰ ਮਸਾਲਾ ਅਤੇ ਨਮਕ ਛਿੜਕੋ। ਹੁਣ ਇਸ ਨੂੰ 2 ਮਿੰਟ ਲਈ ਹਾਈ ਹੀਟ 'ਤੇ ਮਾਈਕ੍ਰੋਵੇਵ ਕਰੋ। ਇਸ ਨਾਲ ਤੁਹਾਡੇ ਚਿਪਸ ਕ੍ਰਿਸਪੀ ਬਣ ਜਾਣਗੇ। ਜੇਕਰ ਅਜਿਹਾ ਨਹੀਂ ਹੈ ਤਾਂ ਤੁਸੀਂ 30 ਸੈਕਿੰਡ ਲਈ ਹੋਰ ਪਕਾ ਸਕਦੇ ਹੋ।
ਟਿਪਸ:-
* ਇਹ ਜ਼ਰੂਰੀ ਹੈ ਕਿ ਤੁਸੀਂ ਚਿਪਸ ਨੂੰ ਇਕ ਰਾਊਂਡ ਤੋਂ ਬਾਅਦ ਪਲਟ ਦਿਓ। ਨਹੀਂ ਤਾਂ ਕੇਲੇ ਦੇ ਪੀਸ ਆਪਸ 'ਚ ਚਿਪਕ ਜਾਣਗੇ।
* ਜੇਕਰ ਤੁਸੀਂ ਕੇਲੇ ਦੇ ਚਿਪਸ ਨੂੰ ਬਹੁਤ ਪਤਲਾ ਕੱਟੋਗੇ ਤਾਂ ਉਹ ਪੱਕਣ ਤੋਂ ਬਾਅਦ ਟੁੱਟ ਜਾਣਗੇ।
...ਤਾਂ ਕਦੇ ਵੀ ਨਹੀਂ ਝੜਨਗੇ ਤੁਹਾਡੇ ਵਾਲ
NEXT STORY 
