ਆਂਡੇ ਸਾਡੀ ਸਿਹਤ ਲਈ ਕਾਫੀ ਚੰਗੇ ਮੰਨੇ ਜਾਂਦੇ ਹਨ ਕਿਉਂਕਿ ਇਸ 'ਚ ਢੇਰ ਸਾਰਾ ਪ੍ਰੋਟੀਨ ਹੁੰਦਾ ਹੈ। ਇਸ ਤੋਂ ਇਲਾਵਾ ਕੜੀ 'ਚ ਆਲੂ ਵੀ ਪਾਏ ਜਾਂਦੇ ਹਨ ਜਿਸ ਨਾਲ ਗ੍ਰੇਵੀ ਗਾੜੀ ਹੋ ਜਾਂਦੀ ਹੈ ਅਤੇ ਸੁਆਦ ਵੀ ਲੱਗਦੀ ਹੈ। ਆਂਡੇ ਆਲੂ ਸਾਲਨ ਨਾਰਥ ਇੰਡੀਆ 'ਚ ਕਾਫੀ ਮਸ਼ਹੂਰ ਹੈ। ਜੇਕਰ ਤੁਸੀਂ ਆਂਡੇ ਅਤੇ ਆਲੂ ਦੋਵਾਂ ਨੂੰ ਹੀ ਪਸੰਦ ਕਰਦੇ ਹੋ ਤਾਂ ਤੁਹਾਨੂੰ ਇਹ ਡਿਸ਼ ਜ਼ਰੂਰ ਬਣਾਉਣੀ ਚਾਹੀਦੀ ਹੈ।
ਸਮੱਗਰੀ:-
ਆਂਡੇ-3-4
ਆਲੂ ਕੱਟੇ ਹੋਏ-2
ਪਿਆਜ-1
ਟਮਾਟਰ- 1
ਹਰੀ ਮਿਰਚ-4
ਅਦਰਕ, ਲਸਣ ਦਾ ਪੇਸਟ- 3 ਚਮਚ
ਲਾਲ ਮਿਰਚ ਪਾਊਡਰ- 1 ਚਮਚ
ਗਰਮ ਮਸਾਲਾ ਪਾਊਡਰ- 1 ਚਮਚ
ਹਲਦੀ ਪਾਊਡਰ-1/2 ਚਮਚ
ਧਨੀਆ ਪਾਊਡਰ-1/2 ਚਮਚ
ਨਮਕ ਸੁਆਦ ਅਨੁਸਾਰ
ਤੇਲ
ਵਿਧੀ:-
ਸਭ ਤੋਂ ਪਹਿਲਾਂ ਆਂਡੇ ਅਤੇ ਆਲੂ ਨੂੰ ਵੱਖ-ਵੱਖ ਉਬਾਲ ਕੇ ਰੱਖੋ। ਫਿਰ ਕੜਾਹੀ ਲਓ, ਉਸ 'ਚ ਤੇਲ ਗਰਮ ਕਰੋ। ਜਦੋਂ ਤੇਲ ਗਰਮ ਹੋ ਜਾਵੇ ਤਾਂ ਉਸ 'ਚ ਕੱਟੇ ਪਿਆਜ, ਹਰੀ ਮਿਰਚ ਅਤੇ ਅਦਰਕ, ਲਸਣ ਦਾ ਪੇਸਟ ਪਾ ਕੇ ਹਿਲਾਓ। ਜਦੋਂ ਪਿਆਜ ਭੁੱਜ ਜਾਣ ਤਾਂ ਇਸ 'ਚ ਕੱਟੇ ਹੋਏ ਟਮਾਟਰ ਪਾ ਕੇ 3 ਮਿੰਟ ਪਕਾਓ। ਉਸ ਤੋਂ ਬਾਅਦ ਇਸ 'ਚ ਆਲੂ ਅਤੇ ਆਂਡੇ ਪਾ ਕੇ ਉਸ ਦੇ ਨਾਲ ਲਾਲ ਮਿਰਚ ਪਾਊਡਰ, ਗਰਮ ਮਸਾਲਾ ਪਾਊਡਰ, ਹਲਦੀ ਅਤੇ ਧਨੀਆ ਪਾਊਡਰ ਪਾ ਕੇ ਹਿਲਾਓ। ਕੁਝ ਦੇਰ ਬਾਅਦ ਇਸ 'ਚ 2-3 ਕੱਪ ਪਾਣੀ ਅਤੇ ਨਮਕ ਪਾ ਕੇ 10 ਮਿੰਟ ਤੱਕ ਹੌਲੀ ਅੱਗ 'ਤੇ ਪਕਾਓ। ਜਦੋਂ ਗ੍ਰੇਵੀ ਗਾੜੀ ਹੋ ਜਾਵੇ ਤਾਂ ਗੈਸ ਬੰਦ ਕਰ ਦਿਓ ਅਤੇ ਇਸ ਨੂੰ ਗਰਮਾ-ਗਰਮ ਚੌਲਾਂ ਨਾਲ ਖਾਓ।
ਆਪ੍ਰੇਸ਼ਨ ਸਮੇਂ ਨਰਸ ਨਾਲ ਕਰੋ ਗੱਲਾਂ, ਬੇਚੈਨੀ ਹੋਵੇਗੀ ਘੱਟ
NEXT STORY 
