ਲੰਡਨ - ਆਪ੍ਰੇਸ਼ਨ ਦੌਰਾਨ ਦਰਦ ਦਾ ਮਹਿਸੂਸ ਹੋਣਾ, ਘੱਟ ਕਰਨ ਅਤੇ ਬੇਚੈਨੀ ਤੋਂ ਬਚਣ ਲਈ ਨਰਸ ਨਾਲ ਗੱਲਾਂ ਕਰਨਾ, ਡੀ. ਵੀ. ਡੀ. ਦੇਖਣਾ ਜਾਂ ਸਟ੍ਰੈੱਸ ਬਾਲ ਦੀ ਵਰਤੋਂ ਮਦਦਗਾਰ ਸਾਬਤ ਹੋ ਸਕਦੀ ਹੈ। ਇਕ ਤਾਜ਼ਾ ਖੋਜ ਵਿਚ ਇਹ ਗੱਲਾਂ ਕਹੀਆਂ ਗਈਆਂ ਹਨ।
ਖੋਜ ਵਿਚ ਲੇਖਕ ਅਤੇ ਬ੍ਰਿਟੇਨ ਵਿਚ ਸਰੇ ਯੂਨੀਵਰਸਿਟੀ ਵਿਚ ਪ੍ਰੋਫੈਸਰ ਜੇਨ ਓਗਡੇਨ ਨੇ ਕਿਹਾ ਕਿ ਬਿਨਾਂ ਬੇਹੋਸ਼ ਕੀਤੇ ਹੋਣ ਵਾਲੇ ਆਪ੍ਰੇਸ਼ਨ ਮਰੀਜ਼ਾਂ ਲਈ ਬਹੁਤ ਹੀ ਘਬਰਾਹਟ ਪੈਦਾ ਕਰਨ ਵਾਲੇ ਹੁੰਦੇ ਹਨ।
ਉਨ੍ਹਾਂ ਕਿਹਾ ਕਿ ਸਾਡੀ ਖੋਜ ਮੁਤਾਬਕ ਮਰੀਜ਼ਾਂ ਨੂੰ ਪੇਸ਼ ਆਉਣ ਵਾਲੀ ਇਸ ਸਮੱਸਿਆ ਨੂੰ ਬੇਹੱਦ ਘੱਟ ਖਰਚੇ ਵਿਚ ਆਸਾਨੀ ਨਾਲ ਸੁਲਝਾਇਆ ਜਾ ਸਕਦਾ ਹੈ। ਬਿਨਾਂ ਬੇਹੋਸ਼ ਕੀਤੇ ਹੋਣ ਵਾਲੇ ਹੋਰ ਆਪ੍ਰੇਸ਼ਨਾਂ ਵਿਚ ਵੀ ਇਸ ਨੂੰ ਉਪਯੋਗ ਕੀਤਾ ਜਾ ਸਕਦਾ ਹੈ।
ਯੂਰਪ ਦੇ ਰਸਾਲੇ 'ਪੇਨ' ਦੇ ਤਾਜ਼ਾ ਅੰਕ ਵਿਚ ਛਪੀ ਖੋਜ ਮੁਤਾਬਕ ਇਸ ਅਧਿਐਨ ਵਿਚ 398 ਮਰੀਜ਼ਾਂ ਨੂੰ ਸ਼ਾਮਿਲ ਕੀਤਾ ਗਿਆ ਅਤੇ ਉਨ੍ਹਾਂ ਨੂੰ ਚਾਰ ਹਿੱਸਿਆਂ ਵਿਚ ਵੰਡਿਆ ਗਿਆ। ਪਹਿਲੇ ਸਮੂਹ ਦੇ ਮਰੀਜ਼ਾਂ ਨੂੰ ਆਪ੍ਰੇਸ਼ਨ ਦੌਰਾਨ ਸੰਗੀਤ ਸੁਣਾਇਆ ਗਿਆ, ਜਦੋਂਕਿ ਦੂਜੇ ਸਮੂਹ ਨੂੰ ਦੀਵਾਰ 'ਤੇ ਲੱਗੀ ਡੀ. ਵੀ. ਡੀ. ਦੇਖਣ ਦੀ ਸਹੂਲਤ ਦਿੱਤੀ ਗਈ। ਤੀਜੇ ਸਮੂਹ ਦੇ ਮਰੀਜ਼ਾਂ ਨਾਲ ਆਪ੍ਰੇਸ਼ਨ ਦੌਰਾਨ ਪੂਰੇ ਸਮੇਂ ਉਸ ਦੇ ਕੋਲ ਖੜ੍ਹੀ ਨਰਸ ਨਾਲ ਗੱਲ ਕਰਦੀ ਰਹੀ ਅਤੇ ਚੌਥੇ ਸਮੂਹ ਨੂੰ ਪੰਜੇ ਨਾਲ ਦਬਾਉਣ ਯੋਗ ਸਟ੍ਰੈੱਸ ਬਾਲ ਦਿੱਤੀ ਗਈ। ਬਾਕੀ ਸਾਰੇ ਤਜਰਬਿਆਂ ਨਾਲੋਂ ਜਿਹੜਾ ਸਮੂਹ ਨਰਸ ਨਾਲ ਗੱਲਾਂ ਕਰ ਰਿਹਾ ਸੀ, ਉਨ੍ਹਾਂ ਵਿਚ 30 ਫੀਸਦੀ ਬੇਚੈਨੀ ਘੱਟ ਹੋਈ।
ਪੈਰਾਂ 'ਚ ਹੋਣ ਵਾਲੇ ਦਰਦ ਤੋਂ ਇੰਝ ਪਾਓ ਛੁੱਟਕਾਰਾ (ਦੇਖੋ ਤਸਵੀਰਾਂ)
NEXT STORY 
