ਅੰਮ੍ਰਿਤਸਰ- ਸੀ.ਆਈ.ਸੀ.ਸੀ.ਆਈ. ਦੇ ਸੰਮੇਲਨ 'ਚ ਉਦਯੋਗਪਤੀਆਂ ਅਤੇ ਵਪਾਰੀਆਂ ਨੂੰ ਸੰਬੋਧਨ ਕਰਦਿਆਂ ਚੀਨ ਦੇ ਰਾਜਦੂਤ ਲੀ ਯੁਚੇਂਗ ਨੇ ਕਿਹਾ ਕਿ ਚੀਨ 5 ਸਾਲ 'ਚ ਭਾਰਤ 'ਚ 20 ਬਿਲੀਅਨ ਡਾਲਰ ਦਾ ਨਿਵੇਸ਼ ਕਰਨ ਦੇ ਆਪਣੇ ਵਾਅਦੇ ਨੂੰ ਹਰ ਹਾਲ 'ਚ ਨਿਭਾਏਗਾ। ਉਨ੍ਹਾਂ ਕਿਹਾ ਕਿ ਪੰਜਾਬ 'ਚ ਉਦਯੋਗਾਂ ਦੀਆਂ ਬੇਹੱਦ ਸੰਭਾਵਨਾਵਾਂ ਹਨ, ਇਸ ਲਈ ਚੀਨੀ ਕੰਪਨੀਆਂ ਇਥੇ ਨਿਵੇਸ਼ ਕਰਨ ਦੀਆਂ ਚਾਹਵਾਨ ਹਨ। ਉਨ੍ਹਾਂ ਕਿਹਾ ਕਿ ਚੀਨ ਪੰਜਾਬ 'ਚ 5000 ਕਰੋੜ ਦਾ ਨਿਵੇਸ਼ ਕਰੇਗਾ।
ਲੀ ਨੇ ਇਹ ਵੀ ਕਿਹਾ ਕਿ ਮਈ-ਜੂਨ 'ਚ ਭਾਰਤ ਦੇ ਪ੍ਰਧਾਨ ਮੰਤਰੀ ਦੀ ਚੀਨ ਯਾਤਰਾ ਸਾਡੇ ਲਈ ਕਾਫ਼ੀ ਅਹਿਮ ਹੋਵੇਗੀ ਅਤੇ ਇਸ ਦੌਰਾਨ ਕਈ ਅਹਿਮ ਸਮਝੌਤਿਆਂ ਨੂੰ ਅਮਲੀਜਾਮਾ ਪੁਆਉਣ ਦੀ ਸਾਨੂੰ ਆਸ ਹੈ। ਭਾਰਤ ਅਤੇ ਚੀਨ ਦਰਮਿਆਨ ਆਰਥਿਕ ਅਤੇ ਵਪਾਰਕ ਸਬੰਧਾਂ ਦੀ ਮਜ਼ਬੂਤੀ ਲਈ ਚੀਨ ਦੇ ਰਾਜਦੂਤ ਲੀ ਯੁਚੇਂਗ ਆਪਣੀ ਪਤਨੀ ਨਾਲ ਕਨਫੈਡਰੇਸ਼ਨ ਆਫ ਇੰਟਰਨੈਸ਼ਨਲ ਚੈਂਬਰ ਆਫ ਕਾਮਰਸ (ਸੀ.ਆਈ.ਸੀ.ਸੀ.ਆਈ.) ਦੇ ਸੱਦੇ 'ਤੇ ਅੱਜ ਅੰਮ੍ਰਿਤਸਰ ਪਹੁੰਚ ਗਏ ਹਨ। ਉਨ੍ਹਾਂ ਦੀ ਯਾਤਰਾ ਦੇ ਸਬੰਧ 'ਚ ਵਿਸਥਾਰ ਨਾਲ ਦੱਸਦੇ ਹੋਏ ਸੀ.ਆਈ.ਸੀ.ਸੀ.ਆਈ. ਦੇ ਨਿਰਦੇਸ਼ਕ ਅਸ਼ੋਕ ਸੇਠੀ ਨੇ ਕਿਹਾ ਕਿ ਚੀਨੀ ਪੰਜਾਬ 'ਚ ਆਪਣੇ ਛੋਟੇ ਅਤੇ ਮਧ-ਵਰਗੀ ਉਦਯੋਗਾਂ ਜਿਵੇਂ ਸੋਲਰ ਊਰਜਾ, ਖੇਤੀਬਾੜੀ, ਫੂਡ ਪ੍ਰੋਸੈਸਿੰਗ, ਫਿਸ਼ਰੀ, ਟੈਕਸਟਾਈਲ, ਬਿਜਲੀ ਅਤੇ ਟੈਲੀਕਾਮ ਸੈਕਟਰ ਦੀ ਬਿਹਤਰੀ ਦੀਆਂ ਸੰਭਾਵਨਾਵਾਂ ਲੱਭਣ ਦਾ ਕਾਫ਼ੀ ਚਾਹਵਾਨ ਹੈ।
ਪੰਜਾਬ 'ਚ ਨਿਵੇਸ਼ ਕਰਨ ਸਬੰਧੀ ਸੰਭਾਵਨਾਵਾਂ ਦੇ ਬਾਰੇ ਪੰਜਾਬ ਬਿਊਰੋ ਆਫ ਇਨਵੈਸਟਮੈਂਟ ਪ੍ਰੋਮੋਸ਼ਨ ਦੇ ਐਡੀਸ਼ਨਲ ਸੀ.ਈ.ਓ.ਡੀ.ਕੇ. ਤਿਵਾੜੀ ਨੇ ਚੀਨੀ ਵਫਦ ਨੂੰ ਦੱਸਿਆ ਕਿ ਰਿਜ਼ਰਵ ਬੈਂਕ ਆਫ ਇੰਡੀਆ ਦੀ ਰਿਪੋਰਟ 2012-13 ਅਨੁਸਾਰ ਭਾਰਤ 'ਚ ਪੰਜਾਬ ਤੀਸਰੇ ਸਥਾਨ 'ਤੇ ਹੈ ਜਿਥੇ ਬਿਹਤਰ ਨਿਵੇਸ਼ ਕੀਤਾ ਜਾ ਸਕਦਾ ਹੈ। ਪੰਜਾਬ 'ਚ 2 ਅੰਤਰਰਾਸ਼ਟਰੀ ਹਵਾਈ ਅੱਡੇ ਹਨ ਅਤੇ 3 ਘਰੇਲੂ ਹਵਾਈ ਅੱਡੇ ਹਨ, ਇਸ ਤੋਂ ਇਲਾਵਾ ਹਾਈ ਕੁਆਲਿਟੀ ਦੀਆਂ ਸੜਕਾਂ ਵੀ ਹਨ। ਪੰਜਾਬ ਪਾਵਰ ਸਰਪਲਸ ਸਟੇਟ ਵੀ ਹ। ਪੰਜਾਬ ਸਰਕਾਰ ਵਿਦੇਸ਼ੀ ਨਿਵੇਸ਼ ਲਈ ਲਗਾਤਾਰ ਕੋਸ਼ਿਸ਼ ਵੀ ਕਰ ਰਹੀ ਹੈ।
Hurry Up, ਆਈਫੋਨ 6 'ਤੇ ਮਿਲ ਰਿਹੈ 9000 ਰੁਪਏ ਦਾ ਕੈਸ਼ਬੈਕ
NEXT STORY 
