ਮੁੰਬਈ- ਦੇਸ਼ ਦੇ ਸਭ ਤੋਂ ਵੱਡੇ ਵਣਜਕ ਬੈਂਕ ਭਾਰਤੀ ਸਟੇਟ ਬੈਂਕ (ਐਸ.ਬੀ.ਆਈ.) ਨੇ ਕਰਜ਼ਾ ਅਦਾ ਨਾ ਕਰ ਸਕਣ ਵਾਲਿਆਂ ਦੀਆਂ ਜ਼ਬਤ ਕੀਤੀਆਂ ਗਈਆਂ 1200 ਕਰੋੜ ਰੁਪਏ ਕੀਮਤ ਦੀਆਂ 300 ਜਾਇਦਾਦਾਂ ਦੀ ਆਨਲਾਈਨ ਨਿਲਾਮੀ ਪ੍ਰਕਿਰਿਆ ਅੱਜ ਸ਼ੁਰੂ ਕੀਤੀ। ਬੈਂਕ ਨੇ ਰਿਹਾਇਸ਼ੀ ਇਮਾਰਤਾਂ, ਪਲਾਟਾਂ ਅਤੇ ਕਿੱਤਾਮੁਖੀ ਜਾਇਦਾਦਾਂ ਅਤੇ ਫੈਕਟਰੀਆਂ ਦੀ ਨਿਲਾਮੀ ਦੀ ਜਿੰਮਾ ਅਹਿਮਦਾਬਾਦ ਦੀ ਕੰਪਨੀ ਆਕਸਨ ਟਾਈਗਰ ਨੂੰ ਸੌਂਪਿਆ ਅਤੇ ਨਿਲਾਮੀ ਲਈ ਰੱਖੀਆਂ ਗਈਆਂ ਜਾਇਦਾਦਾਂ ਆਨਲਾਈਨ ਰੀਐਲਟੀ ਮਾਰਕੀਟ ਪਲੇਸ ਮੈਜਿਕ ਬ੍ਰਿਕਸ ਡਾਟ ਕਾਮ 'ਤੇ ਮੁਹੱਈਆ ਹਨ।
ਸਟੇਟ ਬੈਂਕ ਦੇ ਜੋਖਿਮ ਜਾਇਦਾਦ ਸਮੂਹ ਦੇ ਉੱਪ ਪ੍ਰਬੰਧਕ ਪੀ. ਕੇ. ਮਲਹੋਤਰਾ ਨੇ ਕਿਹਾ ਕਿ ਉਨ੍ਹਾਂ ਦਾ ਬੈਂਕ ਇਸ ਤਰ੍ਹਾਂ ਦੀਆਂ ਜਾਇਦਾਦਾਂ ਨੂੰ ਬਕਾਇਦਾ ਵੇਚਦਾ ਰਹਿੰਦਾ ਹੈ ਪਰ ਉਨ੍ਹਾਂ ਦੀ ਕੀਮਤ ਬਾਜ਼ਾਰੂ ਕੀਮਤ ਤੋਂ ਘੱਟ ਹੁੰਦੀ ਹੈ। ਬੈਂਕ ਦਾ ਅਜਿਹਾ ਮੰਨਣਾ ਹੈ ਕਿ ਆਨਲਾਈਨ ਨਿਲਾਮੀ ਨਾਲ ਵੱਧ ਤੋਂ ਵੱਧ ਲੋਕਾਂ ਨੂੰ ਉਸ ਵਿਚ ਭਾਗ ਲੈਣ ਦਾ ਮੌਕਾ ਮਿਲੇਗਾ ਅਤੇ ਉਸ ਨਾਲ ਕੀਮਤ ਵੀ ਵੱਧ ਮਿਲੇਗੀ। ਨਿਲਾਮੀ ਪ੍ਰਕਿਰਿਆ ਵਿਚ ਭਾਗ ਲੈਣ ਵਾਲਿਆਂ ਨੂੰ ਪਹਿਲਾਂ ਸਬੰਧਤ ਜਾਇਦਾਦ ਦੀ ਰਾਖਵੀਂ ਕੀਮਤ ਡਿਮਾਂਡ ਡ੍ਰਾਫਟ ਜਾਂ ਆਨਲਾਈਨ ਭੁਗਤਾਨ ਰਾਹੀਂ ਜਮਾਂ ਕਰਵਾਉਣੀ ਪੈਂਦੀ ਹੈ। ਬੈਂਕ ਕੁਝ ਜਾਇਦਾਦਾਂ 'ਤੇ ਸਫਲ ਬੋਲੀ ਲਾਉਣ ਵਾਲਿਆਂ ਲਈ ਕਰਜ਼ ਵੀ ਪ੍ਰਧਾਨ ਕਰਦਾ ਹੈ।
ਨਿਲਾਮੀ ਵਾਲੀਆਂ ਜਾਇਦਾਦਾਂ ਦੀ ਸੂਚੀ ਬੈਂਕ ਦੀ ਵੈਬਸਾਈਟ 'ਤੇ ਉਪਲੱਬਧ ਹੈ। ਬੈਂਕ ਦੀ ਵੈਬਸਾਈਟ ਅਨੁਸਾਰ ਈ-ਨਿਲਾਮੀ ਵਿਚ ਭਾਗ ਲੈਣ ਲਈ ਪਹਿਲਾਂ ਲਾਗਇਨ ਆਈ. ਡੀ. ਬਣਾਉਣੀ ਪੈਂਦੀ ਹੈ ਅਤੇ ਪਾਸਵਰਡ ਹਾਸਲ ਕਰਨਾ ਹੁੰਦਾ ਹੈ। ਇਸ ਲਈ ਡਿਜੀਟਲ ਸਬੂਤ ਦੀ ਵੀ ਲੋੜ ਹੁੰਦੀ ਹੈ, ਜਿਸ ਰਾਹੀਂ ਬੋਲੀ ਲਾਉਣ ਵਾਲੇ ਦੀ ਪਛਾਣ ਯਕੀਨੀ ਕੀਤੀ ਜਾਂਦੀ ਹੈ। ਬੋਲੀ ਦੀ ਮਿਆਦ ਵਧਾਈ ਮਲਹੋਤਰਾ ਨੇ ਕਿਹਾ ਕਿ ਵਧੇਰੇ ਬੋਲੀ ਕਾਰਨ ਵੈਬਸਾਈਟ ਹੌਲੀ ਹੋ ਗਈ ਅਤੇ ਅਸੀਂ ਨਹੀਂ ਚਾਹੁੰਦੇ ਕਿ ਕਿਸੇ ਦੇ ਹੱਥੋਂ ਇਹ ਮੌਕਾ ਨਿਕਲੇ। ਇਸ ਤੋਂ ਪਹਿਲਾਂ ਬੋਲੀ ਦੀ ਮਿਆਦ ਸ਼ਾਮ 5 ਵਜੇ ਤੱਕ ਸੀ, ਜਿਸ ਨੂੰ 1 ਘੰਟਾ ਵਧਾ ਕੇ 6 ਵਜੇ ਤੱਕ ਕਰ ਦਿੱਤਾ ਗਿਆ।
ਐਡੀਡਾਸ ਨੂੰ ਰੀਬੌਕ ਬ੍ਰਾਂਡ ਦੇ ਨਵੇਂ ਬਾਜ਼ਾਰਾਂ 'ਚ ਵਧਣ ਦੀ ਉਮੀਦ
NEXT STORY 
