ਗੋਡਿਆਂ ਦਾ ਦਰਦ (ਆਰਥਰਾਈਟਿਕ ਨੀ ਪੇਨ) ਜ਼ਿਆਦਾ ਦਰਦ ਦੇਣ ਵਾਲਾ ਹੁੰਦਾ ਹੈ। ਇਸ ਦੇ ਸਬੰਧ ਵਿਚ ਬਹੁਤ ਸਾਰੇ ਵਹਿਮ ਲੋਕਾਂ ਵਿਚ ਮੌਜੂਦ ਹਨ। ਆਓ ਜਾਣਦੇ ਹਾਂ ਇਨ੍ਹਾਂ ਵਹਿਮਾਂ ਅਤੇ ਇਨ੍ਹਾਂ ਦੇ ਸੱਚ ਬਾਰੇ-
ਵਹਿਮ-1 : ਇਹ ਕੈਲਸ਼ੀਅਮ ਅਤੇ ਵਿਟਾਮਿਨ ਡੀ ਦੀ ਕਮੀ ਨਾਲ ਹੁੰਦਾ ਹੈ
ਓਸਿਟਓਆਰਥਰਾਈਟਿਸ ਸਰੀਰ ਦੀ ਉਮਰ ਵਧਣ ਦੀ ਆਮ ਪ੍ਰਕਿਰਿਆ ਕਾਰਨ ਹੁੰਦਾ ਹੈ। ਅੱਖਾਂ ਵਿਚ ਜਿਵੇਂ ਮੋਤੀਆ ਉਤਰਨਾ ਅਤੇ ਵਾਲਾਂ ਦਾ ਚਿੱਟਾ ਹੋਣਾ। ਕੁਝ ਲੋਕਾਂ ਵਿਚ ਇਹ ਛੇਤੀ ਪੈਦਾ ਹੋ ਜਾਂਦਾ ਹੈ ਜਦੋਂ ਕਿ ਕਈਆਂ ਵਿਚ ਦੇਰ ਨਾਲ। ਕੈਲਸ਼ੀਅਮ ਅਤੇ ਵਿਟਾਮਿਨ ਡੀ ਦੀ ਘਾਟ ਨਾਲ ਹੱਡੀਆਂ ਵਿਚ ਦਰਦ ਅਤੇ ਥਕਾਵਟ ਪੈਦਾ ਹੁੰਦੀ ਹੈ ਨਾ ਕਿ ਜੋੜਾਂ ਦਾ ਦਰਦ।
ਵਹਿਮ-2 : ਨੈਚਰੋਪੈਥੀ ਅਤੇ ਮਸਾਜ ਹੀ ਇਸਦਾ ਹੱਲ ਹੈ
ਆਇਲ ਮਸਾਜ ਜਿਵੇਂ ਨੈਚੁਰਲ ਟ੍ਰੀਟਮੈਂਟ ਅਸਥਾਈ ਤੌਰ 'ਤੇ ਖੂਨ ਦੇ ਪ੍ਰਵਾਹ ਨੂੰ ਵਧਾ ਕੇ ਗੋਡਿਆਂ ਦੇ ਦਰਦ ਵਿਚ ਰਾਹਤ ਦਿੰਦੇ ਹਨ ਅਤੇ ਕੁਝ ਦੇਰ ਲਈ ਦਰਦ ਵੀ ਦੂਰ ਹੋ ਜਾਂਦੀ ਹੈ। ਫਿਜ਼ਿਓਥੈਰੇਪੀ ਦੀ ਅਸਲ ਭੂਮਿਕਾ ਜੋੜਾਂ ਦੇ ਨੇੜੇ-ਤੇੜੇ ਦੀਆਂ ਮਾਸਪੇਸ਼ੀਆਂ ਦੀ ਤਾਕਤ ਅਤੇ ਸਟੈਮਿਨਾ ਨੂੰ ਸੁਧਾਰਨ 'ਚ ਹੈ, ਜਿਸ ਨਾਲ ਜੋੜਾਂ 'ਤੇ ਪੈਣ ਵਾਲੇ ਦਬਾਅ ਘੱਟ ਹੋ ਸਕਦੇ ਹਨ।
ਵਹਿਮ-3 : ਦਵਾਈਆਂ ਨਾਲ ਹਰ ਚੀਜ਼ ਦਾ ਇਲਾਜ
ਗੋਡਿਆਂ ਦੇ ਦਰਦ ਦੇ ਸ਼ੁਰੂਆਤੀ ਦੌਰ ਵਿਚ ਦਵਾਈਆਂ ਦਰਦ ਨੂੰ ਘੱਟ ਕਰ ਸਕਦੀਆਂ ਹਨ ਪਰ ਦਵਾਈਆਂ ਦਾ ਲੰਮੇ ਸਮੇਂ ਤੱਕ ਇਸਤੇਮਾਲ ਸਾਡੇ ਲਿਵਰ ਅਤੇ ਗੁਰਦਿਆਂ ਨੂੰ ਨਸ਼ਟ ਕਰ ਸਕਦਾ ਹੈ। ਜੁਆਇੰਟ ਵਿਟਾਮਿਨਸ ਸ਼ੁਰੂਆਤੀ ਪੜਾਅ ਵਿਚ ਸਹਾਇਕ ਹੋ ਸਕਦੇ ਹਨ ਪਰ ਤਿੰਨ ਮਹੀਨੇ ਬਾਅਦ ਇਨ੍ਹਾਂ ਦੀ ਕੋਈ ਭੂਮਿਕਾ ਗੋਡਿਆਂ ਦਾ ਦਰਦ ਘੱਟ ਕਰਨ ਵਿਚ ਨਹੀਂ ਰਹਿੰਦੀ।
ਵਹਿਮ-4 : ਸੋਟੀ ਦਾ ਇਸਤੇਮਾਲ ਨਹੀਂ
ਸੋਟੀ ਦੀ ਵਰਤੋਂ ਨਾਲ ਦਰਦ ਤੋਂ ਪੀੜਤ ਗੋਡਿਆਂ ਨੂੰ ਆਰਾਮ ਮਿਲਦਾ ਹੈ ਅਤੇ ਸਰੀਰ ਨੂੰ ਸਥਿਰਤਾ ਮਿਲਦੀ ਹੈ। ਵਿਸ਼ੇਸ਼ ਕਰਕੇ ਅਜਿਹੀ ਥਾਂ 'ਤੇ ਚਲਦੇ ਹੋਏ ਜੋ ਸਮਤਲ ਨਾ ਹੋਵੇ। ਸੋਟੀ ਫੜ ਕੇ ਚੱਲਣਾ ਗੋਡਿਆਂ ਦੇ ਦਰਦ ਤੋਂ ਪੀੜਤ ਵਿਅਕਤੀ ਦੀ ਸੁਤੰਤਰਤਾ ਦਾ ਸੰਕੇਤ ਹੈ।
ਵਹਿਮ-5 : ਗੋਡਿਆਂ ਦੇ ਇੰਜੈਕਸ਼ਨ ਅਪਾਹਿਜ ਬਣਾ ਸਕਦੇ ਹਨ
ਅਜਿਹੇ ਇੰਜੈਕਸ਼ਨ ਸਿਰਫ ਆਰਥੋਪੈਡਿਕ ਸਰਜਨ ਹੀ ਦੇ ਸਕਦੇ ਹਨ, ਇਸ ਲਈ ਇਹ ਸੁਰੱਖਿਅਤ ਹਨ। ਇਨ੍ਹਾਂ ਦੇ ਸਾਈਡ ਇਫੈਕਟਸ ਹੋ ਸਕਦੇ ਹਨ ਪਰ ਉਹ ਵੱਧ ਗੰਭੀਰ ਨਹੀਂ ਹੁੰਦੇ। ਆਰਥਰਾਈਟਸ ਨੀ ਪੇਨ ਵਿਚ ਇਹ ਕਾਫੀ ਰਾਹਤ ਦਿੰਦੇ ਹਨ।
ਬੱਚਿਆਂ ਦੇ ਸਟੇਮ ਸੈੱਲ ਨੂੰ ਸੁਰੱਖਿਅਤ ਰੱਖਣਾ
NEXT STORY 
