ਜਲੰਧਰ- ਪਿਆਰ ਭਰੀ ਆਵਾਜ਼ ਤੇ ਸਾਈਂ ਜੀ ਦੇ ਸੁਨੇਹੇ ਨਾਲ ਭਰਿਆ ਗੀਤ 'ਮੇਰੇ ਸਾਈਂ ਨੇ ਮੌਜਾਂ ਲਾ ਦਿੱਤੀਆਂ' ਇਨ੍ਹੀਂ ਦਿਨੀਂ ਕਾਫੀ ਚਰਚਾ ਵਿਚ ਹੈ। ਹੋਵੇ ਵੀ ਕਿਉਂ ਨਾ ਗੀਤ ਨੂੰ ਸੁਣ ਕਿ ਜਿਹੜਾ ਅਹਿਸਾਸ ਤੇ ਸ਼ਾਂਤੀ ਮਨ ਨੂੰ ਮਿਲਦੀ ਹੈ, ਉਹ ਸ਼ਾਇਦ ਅੱਜਕਲ ਦੇ ਗੀਤਾਂ 'ਚ ਨਹੀਂ ਮਿਲੇਗੀ। ਇਸ ਗੀਤ ਨੂੰ ਪੰਜਾਬੀ ਗਾਇਕ ਜਸ਼ਨ ਸਿੰਘ ਨੇ ਗਾਇਆ ਹੈ, ਜਦਕਿ ਇਸ ਦਾ ਸੰਗੀਤ ਜੈਦੇਵ ਕੁਮਾਰ ਨੇ ਦਿੱਤਾ ਹੈ। ਗੀਤ ਦਾ ਹਰੇਕ ਬੋਲ ਰੂਹਾਨੀਅਤ ਭਰਿਆ ਹੈ, ਜਿਸ ਨੂੰ ਅਸ਼ਵਨੀ ਵਾਸੂਦੇਵ ਨੇ ਲਿਖਿਆ ਹੈ।
ਅਜਿਹੇ ਗੀਤਾਂ ਦਾ ਪ੍ਰਚਾਰ ਵੱਧ ਤੋਂ ਵੱਧ ਹੋਣਾ ਚਾਹੀਦਾ ਹੈ ਤਾਂ ਜੋ ਇਸ ਅਜੋਕੇ ਯੁੱਗ 'ਚ ਸੰਗੀਤ ਪ੍ਰੇਮੀਆਂ ਨੂੰ ਰੱਬ ਨਾਲ ਜੁੜਨ ਦਾ ਸੁਨੇਹਾ ਮਿਲਦਾ ਰਹੇ। ਜਸ਼ਨ ਸਿੰਘ ਦਾ ਇਹ ਗੀਤ ਸੁਣ ਕੇ ਇਹ ਕਹਿਣਾ ਗਲਤ ਨਹੀਂ ਹੋਵੇਗਾ ਕਿ ਪੰਜਾਬੀ ਸੰਗੀਤ ਇੰਡਸਟਰੀ 'ਚ ਇਕ ਨਵਾਂ ਸਟਾਰ ਗਾਇਕ ਮਿਲਣ ਜਾ ਰਿਹਾ ਹੈ। ਆਵਾਜ਼ ਦੇ ਨਾਲ-ਨਾਲ ਇਨਸਾਨ ਦੀ ਸੋਚ ਜੇਕਰ ਚੰਗੀ ਹੋਵੇ ਤਾਂ ਅਜਿਹੇ ਚੰਗੇ ਗੀਤ ਬਣਾਉਣ ਤੋਂ ਕਿਸੇ ਨੂੰ ਨਹੀਂ ਰੋਕਿਆ ਜਾ ਸਕਦਾ। ਤੁਸੀਂ ਵੀ ਸੁਣੋ ਇਹ ਗੀਤ ਤੇ ਦਿਓ ਆਪਣੇ ਵਿਚਾਰ।
ਦੇਖੋ ਆਪਣੇ ਫੇਵਰੇਟ ਸਿਤਾਰਿਆਂ ਦੀਆਂ ਓਰਿਜ਼ਨਲ ਆਟੋਗ੍ਰਫਾਸ ਵਾਲੀਆਂ ਤਸਵੀਰਾਂ
NEXT STORY 
