ਅਦਰਕ ਨਾ ਸਿਰਫ ਖਾਣੇ ਦੇ ਸਵਾਦ ਨੂੰ ਦੁੱਗਣਾ ਕਰਦਾ ਹੈ, ਸਗੋਂ ਸਾਡੇ ਸਰੀਰ ਨੂੰ ਕਈ ਰੋਗਾਂ ਤੋਂ ਮੁਕਤੀ ਦਿਵਾਉਣ 'ਚ ਵੀ ਸਹਾਇਕ ਹੈ। ਅਦਰਕ ਦੇ ਸੇਵਨ ਨਾਲ ਡਾਇਬਟੀਜ਼ ਟਾਈਪ-2 ਦੇ ਖਤਰੇ ਨੂੰ ਕਾਫੀ ਹੱਦ ਤੱਕ ਘੱਟ ਕੀਤਾ ਜਾ ਸਕਦਾ ਹੈ। ਇਸ 'ਚ ਬਹੁਤ ਸਾਰੇ ਵਿਟਾਮਿਨ, ਮੈਗਨੀਜ਼ ਅਤੇ ਕਾਪਰ ਵੀ ਪਾਇਆ ਜਾਂਦਾ ਹੈ, ਜਿਨ੍ਹਾਂ ਦੀ ਸਰੀਰ ਨੂੰ ਸੁਚਾਰੂ ਢੰਗ ਨਾਲ ਚਲਾਉਣ 'ਚ ਅਹਿਮ ਭੂਮਿਕਾ ਹੁੰਦੀ ਹੈ। ਤੁਸੀਂ ਵੀ ਜਾਣੋ ਅਦਰਕ ਦੇ ਇਹ ਲਾਭ-
ਕੰਨ ਦਰਦ ਤੋਂ ਦੇਵੇ ਰਾਹਤ
ਕੰਨ 'ਚ ਦਰਦ ਹੋਣ 'ਤੇ ਅਦਰਕ ਦਾ ਰਸ ਕੱਢ ਕੇ, ਗਰਮ ਕਰਕੇ ਕੰਨ 'ਚ ਥੋੜ੍ਹਾ-ਥੋੜ੍ਹਾ ਪਾਉਣ ਨਾਲ ਦਰਦ ਤੋਂ ਰਾਹਤ ਮਿਲਦੀ ਹੈ।
ਛਾਤੀ ਦੇ ਦਰਦ ਤੋਂ ਛੁਟਕਾਰਾ
ਅਦਰਕ ਦੇ ਰਸ ਦੀਆਂ 40 ਬੂੰਦਾਂ ਅਤੇ ਇਕ ਗ੍ਰਾਮ ਮਿਸ਼ਰੀ ਦਾ ਸੇਵਨ ਕਰਨ ਨਾਲ ਛਾਤੀ ਦੇ ਦਰਦ ਤੋਂ ਛੁਟਕਾਰਾ ਮਿਲਦਾ ਹੈ।
ਸਾਹ ਸੰਬੰਧੀ ਰੋਗਾਂ ਤੋਂ ਛੁਟਕਾਰਾ
ਅਦਰਕ ਦਾ ਰੋਜ਼ਾਨਾ ਸੇਵਨ ਸਾਹ ਸੰਬੰਧੀ ਰੋਗਾਂ ਦੇ ਮਰੀਜ਼ਾਂ ਲਈ ਚੰਗਾ ਹੈ। ਅਦਰਕ ਦੇ ਜੂਸ 'ਚ ਮੇਥੀ ਦਾਣਾ ਅਤੇ ਸ਼ਹਿਦ ਮਿਲਾ ਕੇ ਖਾਣ ਨਾਲ ਸਾਹ ਦੇ ਮਰੀਜ਼ਾਂ ਨੂੰ ਕਾਫੀ ਰਾਹਤ ਮਿਲਦੀ ਹੈ।
ਦੰਦ ਦਰਦ ਤੋਂ ਦੇਵੇ ਮੁਕਤੀ
ਦੰਦ ਦਰਦ ਹੋਣ 'ਤੇ ਅਦਰਕ ਦੇ ਟੁਕੜਿਆਂ ਨੂੰ ਦੰਦਾਂ ਵਿਚਾਲੇ ਦਬਾਉਣ ਨਾਲ ਦਰਦ ਦੂਰ ਹੁੰਦਾ ਹੈ।
ਉਲਟੀ ਰੋਕਣ 'ਚ ਸਹਾਇਕ
ਉਲਟੀਆਂ ਆਉਂਦੀਆਂ ਹੋਣ ਤਾਂ ਅਦਰਕ ਦਾ ਸੇਵਨ ਤੁਹਾਨੂੰ ਕੁਝ ਰਾਹਤ ਦੇ ਸਕਦਾ ਹੈ। ਉਲਟੀਆਂ ਰੋਕਣ ਲਈ ਅਦਰਕ ਅਤੇ ਪਿਆਜ ੇਦੇ ਰਸ ਦੀ ਬਰਾਬਰ ਮਾਤਰਾ ਲਾਭਦਾਇਕ ਹੁੰਦੀ ਹੈ। ਇਹੀ ਕਾਰਨ ਹੈ ਕਿ ਸਰਜਰੀ ਜਾਂ ਕੀਮੋਥੈਰੇਪੀ ਤੋਂ ਬਾਅਦ ਹੋਣ ਵਾਲੀਆਂ ਇਹੋ ਜਿਹੀਆਂ ਸਮੱਸਿਆਵਾਂ 'ਚ ਡਾਕਟਰ ਵੀ ਅਦਰਕ ਦੇ ਸੇਵਨ ਦੀ ਸਲਾਹ ਦਿੰਦੇ ਹਨ।
ਪਾਚਨ 'ਚ ਫਾਇਦੇਮੰਦ
ਅਦਰਕ ਭੋਜਨ 'ਚ ਮੌਜੂਦ ਪ੍ਰੋਟੀਨ ਨੂੰ ਤੋੜਨ 'ਚ ਮਦਦ ਕਰਦਾ ਹੈ, ਜਿਸ ਕਾਰਨ ਪਾਚਨ ਸੰਬੰਧੀ ਸਮੱਸਿਆਵਾਂ ਨਹੀਂ ਹੁੰਦੀਆਂ। ਪੇਟ ਸੰਬੰਧੀ ਰੋਗਾਂ ਤੋਂ ਛੁਟਕਾਰੇ ਲਈ ਭੋਜਨ 'ਚ ਅਦਰਕ ਦੀ ਵਰਤੋਂ ਜ਼ਰੂਰ ਕਰੋ ਅਤੇ ਜਿਨ੍ਹਾਂ ਲੋਕਾਂ ਨੂੰ ਗੈਸ ਦੀ ਸਮੱਸਿਆ ਹੈ, ਉਨ੍ਹਾਂ ਨੂੰ ਸਬਜ਼ੀ 'ਚ ਅਦਰਕ ਜ਼ਰੂਰ ਸ਼ਾਮਲ ਕਰਨਾ ਚਾਹੀਦੈ। ਇਸ ਦੇ ਸੇਵਨ ਨਾਲ ਭੋਜਨ ਦੇ ਪੌਸ਼ਟਿਕ ਗੁਣਾਂ ਨੂੰ ਪਚਾਉਣ 'ਚ ਮਦਦ ਮਿਲਦੀ ਹੈ, ਜਿਸ ਨਾਲ ਭੁੱਖ ਵਧਦੀ ਹੈ।
ਕੈਂਸਰ 'ਚ ਲਾਭਦਾਇਕ
ਅਦਰਕ ਦੇ ਸੇਵਨ ਨਾਲ ਕੈਂਸਰ ਵਰਗੀ ਜਾਨਲੇਵਾ ਬੀਮਾਰੀ ਤੋਂ ਬਚਿਆ ਜਾ ਸਕਦਾ ਹੈ। ਇਹ ਕੈਂਸਰ ਪੈਦਾ ਕਰਨ ਵਾਲੇ ਸੈੱਲਜ਼ ਨੂੰ ਖਤਮ ਕਰਦਾ ਹੈ। ਇਕ ਖੋਜ ਅਨੁਸਾਰ ਅਦਰਕ ਛਾਤੀਆਂ ਦੇ ਕੈਂਸਰ ਪੈਦਾ ਕਰਨ ਵਾਲੇ ਸੈੱਲ ਨੂੰ ਵਧਣ ਤੋਂ ਰੋਕਦਾ ਹੈ।
ਸਿਰਦਰਦ 'ਚ ਦੇਵੇ ਅਰਾਮ
ਮਾਈਗ੍ਰੇਨ ਦੇ ਦਰਦ ਦੌਰਾਨ ਸਿਰ 'ਤੇ ਅਦਰਕ ਦਾ ਲੇਪ ਲਗਾਉਣ ਨਾਲ ਰਾਹਤ ਮਿਲਦੀ ਹੈ। ਇਹ ਲੇਪ ਸਿਰ ਦੇ ਹਿੱਸੇ 'ਚ ਖੂਨ ਸੰਚਾਰ ਤੇਜ਼ ਕਰਦਾ ਹੈ, ਜਿਸ ਨਾਲ ਦਰਦ 'ਚ ਤੁਰੰਤ ਅਰਾਮ ਮਿਲਦਾ ਹੈ।
ਗਠੀਏ 'ਚ ਅਰਾਮ
ਜੇਕਰ ਗਠੀਏ ਤੋਂ ਪੀੜਤ ਹੋ ਤਾਂ ਨਹਾਉਣ ਵਾਲੇ ਪਾਣੀ 'ਚ ਇਸ ਦਾ ਰਸ ਮਿਲਾ ਕੇ ਨਹਾਉਣ ਨਾਲ ਜੋੜਾਂ ਦੇ ਦਰਦ ਦੀ ਸਮੱਸਿਆ ਖਤਮ ਹੋ ਜਾਂਦੀ ਹੈ।
ਮਾਹਵਾਰੀ 'ਚ ਅਰਾਮ
ਅਦਰਕ ਦੇ ਐਂਟੀਇੰਫਲਾਮੇਟਰੀ ਗੁਣ ਔਰਤਾਂ ਨੂੰ ਮਾਹਵਾਰੀ ਦੇ ਦਰਦ ਤੋਂ ਰਾਹਤ ਦਿਵਾਉਣ 'ਚ ਸਹਾਇਕ ਸਿੱਧ ਹੁੰਦੇ ਹਨ। ਇਹ ਮਾਹਵਾਰੀ ਦੌਰਾਨ ਹੋਣ ਵਾਲੀਆਂ ਗੈਸਟਰਿਕ ਸਮੱਸਿਆਵਾਂ ਦੂਰ ਰੱਖਣ 'ਚ ਵੀ ਸਹਾਇਕ ਹੈ।
ਅੱਖਾਂ ਲਈ ਫਾਇਦੇਮੰਦ
ਅਦਰਕ ਨੂੰ ਸਾੜ ਕੇ ਬਾਰੀਕ ਪੀਸ ਕੇ ਅੱਖਾਂ 'ਚ ਲਗਾਉਣ ਨਾਲ ਅੱਖਾਂ ਨਿਰੋਗ ਰਹਿੰਦੀਆਂ ਹਨ।
ਅਨਾਰ ਦਾ ਇਹ ਫਾਇਦਾ ਕਰ ਦੇਵੇਗਾ ਤੁਹਾਨੂੰ ਹੈਰਾਨ
NEXT STORY 
