ਲੁਧਿਆਣਾ(ਮੁੱਲਾਂਪੁਰੀ)- ਪੰਜਾਬ ਦੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਬੀਤੇ ਕੱਲ ਦੇਸ਼ ਦੇ ਸਾਬਕਾ ਪ੍ਰਧਾਨ ਮੰਤਰੀ ਅਤੇ ਚੋਟੀ ਦੇ ਕਾਂਗਰਸੀ ਨੇਤਾ ਡਾ. ਮਨਮੋਹਨ ਸਿੰਘ ਦੇ ਨਿਵਾਸ ਅਸਥਾਨ 'ਤੇ ਉਨ੍ਹਾਂ ਨੂੰ ਅਚਨਚੇਤ ਮਿਲਣ ਗਏ। ਭਾਵੇਂ ਸਰਕਾਰੀ ਪੱਖ ਤੋਂ ਇਹ ਮਿਲਣੀ ਸ਼ਿਸ਼ਟਾਚਾਰੀ ਦੱਸੀ ਜਾ ਰਹੀ ਹੈ ਪਰ ਪੰਜਾਬ ਦੇ ਲੋਕ ਇਸ ਫੇਰੀ ਦੇ ਇਹ ਅਰਥ ਕੱਢ ਰਹੇ ਹਨ ਕਿ ਸ. ਬਾਦਲ ਪੰਜਾਬ ਦੀਆਂ ਮੰਡੀਆਂ ਵਿਚ ਰੁਲ ਰਹੇ ਕਿਸਾਨ ਅਤੇ ਖੱਜਲ-ਖੁਆਰ ਹੋ ਰਹੀ ਪੰਜਾਬ ਦੀ ਫਸਲ ਦੀ ਖਰੀਦ ਦਾ ਕੋਈ ਉਚਿਤ ਪ੍ਰਬੰਧ ਕੇਂਦਰ ਸਰਕਾਰ ਵਲੋਂ ਨਾ ਕਰਨ 'ਤੇ ਆਪਣੇ ਪੁਰਾਣੇ ਸਾਥੀ ਅਤੇ ਦੇਸ਼ ਦੇ ਪ੍ਰਧਾਨ ਮੰਤਰੀ ਨੂੰ ਮਿਲ ਕੇ ਮਨ ਹੌਲਾ ਕਰਨਾ ਦੱਸਿਆ ਜਾ ਰਿਹਾ ਹੈ, ਕਿਉਂਕਿ ਦੇਸ਼ ਵਿਚਲੀ ਮਨਮੋਹਨ ਸਰਕਾਰ 8 ਸਾਲ ਪੰਜਾਬ 'ਚ ਬਾਦਲ ਸਰਕਾਰ ਮੌਕੇ ਕਿਸਾਨਾਂ ਦਾ ਕਣਕ ਤੇ ਝੋਨਾ ਮੰਡੀਆਂ 'ਚ ਕਿਸੇ ਵੇਲੇ ਵੀ ਰੁਕਿਆ ਨਹੀਂ ਸੀ। ਜਦੋਂ ਕਿ ਹੁਣ ਦੇਸ਼ ਅੰਦਰ ਬਾਦਲ ਆਪਣੀ ਭਾਈਵਾਲ ਮੋਦੀ ਸਰਕਾਰ ਜਿਸ ਨੇ ਪਹਿਲੀ ਕਣਕ ਦੀ ਫਸਲ ਦੀ ਖਰੀਦ ਮੌਕੇ ਕਿਸਾਨਾਂ ਨੂੰ ਵੱਡੀ ਰਾਹਤ ਦੇਣ ਦੀ ਬਜਾਏ ਕਈ ਤਰ੍ਹਾਂ ਦੀਆਂ ਪਾਬੰਦੀਆਂ ਲਗਾ ਰੱਖੀਆਂ ਹਨ, ਤੋਂ ਅੰਦਰੋਂ-ਅੰਦਰੀ ਦੁਖੀ ਹਨ। ਸ਼ਾਇਦ ਇਹ ਸਭ ਕੁਝ ਦੇਖ ਕੇ ਅਤੇ ਪੁਰਾਣੇ ਦਿਨਾਂ ਨੂੰ ਯਾਦ ਕਰਕੇ ਸ. ਬਾਦਲ ਨੇ ਡਾ. ਮਨਮੋਹਨ ਦੇ ਦਰਬਾਰ ਜਾ ਕੇ ਹਾਜ਼ਰੀ ਭਰੀ ਹੋਵੇ। ਇਸ ਫੇਰੀ 'ਤੇ ਰਾਜਸੀ ਮਾਹਿਰਾਂ ਦਾ ਇਹ ਤਰਕ ਹੈ ਕਿ ਸ. ਬਾਦਲ ਜਦੋਂ ਦੀ ਦੇਸ਼ ਅੰਦਰ ਮੋਦੀ ਸਰਕਾਰ ਬਣੀ ਹੈ ਕੇਵਲ ਸ਼੍ਰੀ ਮੋਦੀ ਨੂੰ ਇਕ ਜਾਂ ਦੋ ਵਾਰ ਦਿੱਲੀ ਮਿਲੇ ਹਨ। ਜਦੋਂ ਕਿ ਇਨ੍ਹਾਂ ਦਿਨਾਂ ਵਿਚ ਸ. ਬਾਦਲ ਨੇ ਮੋਦੀ ਨੂੰ ਮਿਲਣ ਦਾ ਸਮਾਂ ਮੰਗਿਆ ਹੋਵੇਗਾ ਸ਼ਾਇਦ ਮਿਲਣ 'ਚ ਦੇਰੀ ਦੀ ਭਿਣਕ ਲੱਗਣ 'ਤੇ ਸ. ਬਾਦਲ ਨੇ ਮੌਕਾ ਹੱਥੋਂ ਨਾ ਗੁਆਉਂਦਿਆਂ ਦੇਸ਼ ਦੇ ਸਾਬਕਾ ਪ੍ਰਧਾਨ ਮੰਤਰੀ ਡਾ. ਮਨਮੋਹਨ ਸਿੰਘ ਦਾ ਦਰਵਾਜ਼ਾ ਖੜਕਾਇਆ ਤਾਂ ਜੋ ਸ਼ਿਸ਼ਟਾਚਾਰੀ ਦੀ ਮਿਲਣੀ 'ਤੇ ਮੋਦੀ ਦੀਆਂ ਬੰਦ ਅੱਖਾਂ ਤੇ ਕੰਨ ਖੁੱਲ੍ਹ ਸਕਣ ਤੇ ਪੰਜਾਬ ਦੇ ਕਿਸਾਨਾਂ ਨੂੰ ਮੰਡੀਆਂ 'ਚ ਲੱਗੇ ਕਣਕ ਦੀ ਫਸਲ ਦੇ ਢੇਰਾਂ ਦੀ ਖਰੀਦ ਹੋਣ 'ਤੇ ਰਾਹਤ ਮਿਲ ਸਕੇ।
ਇਥੇ ਦੱਸਣਾ ਉਚਿਤ ਹੋਵੇਗਾ ਕਿ ਪੰਜਾਬ ਦੇ ਕਿਸਾਨ ਜਿਥੇ ਮਨਮੋਹਨ ਸਿੰਘ ਸਰਕਾਰ ਨੂੰ ਯਾਦ ਕਰ ਰਹੇ ਹਨ, ਉਥੇ ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ਸਰਕਾਰ ਮੌਕੇ ਕਣਕ ਦੀ ਖਰੀਦ ਮੌਕੇ ਲੁੱਟੇ ਗਏ ਨਜ਼ਾਰਿਆਂ ਨੂੰ ਵੀ ਚੇਤੇ ਕਰ-ਕਰ ਕੇ ਅੰਦਰੋਂ ਅੰਦਰੀ ਝੂਰ ਰਹੇ ਹਨ ਅਤੇ ਇਹ ਵੀ ਕਿਆਸ ਅਰਾਈਆਂ ਲੱਗ ਰਹੀਆਂ ਹਨ ਕਿ ਹੁਣ ਕਿਹੜੀ ਗਿੱਦੜ-ਸਿੰਙੀ ਲੈਣ ਲਈ ਬਾਦਲ ਮਨਮੋਹਨ ਸਿੰਘ ਕੋਲ ਗਏ ਹਨ।
ਪੋਤਰੇ ਦੇ ਪ੍ਰੇਮ ਵਿਆਹ ਕਾਰਨ ਦਾਦੇ ਨੂੰ ਗੁਆਉਣੀ ਪਈ ਜਾਨ
NEXT STORY 
