ਦੇਹਰਾਦੂਨ- ਬਾਜ਼ਾਰ 'ਚ ਮਿਲਣ ਵਾਲੇ ਕਿਊਟ ਟੇਡੀ ਤੋਂ ਆਪਣੇ ਬੱਚਿਆਂ ਨੂੰ ਦੂਰ ਰੱਖੋਗੇ ਤਾਂ ਉਨ੍ਹਾਂ ਦੀ ਸਿਹਤ ਲਈ ਚੰਗਾ ਹੋਵੇਗਾ। ਜੇਕਰ ਤੁਹਾਡੇ ਬੱਚੇ ਨੂੰ ਐਲਰਜੀ ਹੈ ਤਾਂ ਉਸ ਨੂੰ ਤੁਰੰਤ ਟੇਡੀ ਬੀਅਰ ਤੋਂ ਦੂਰ ਕਰ ਦਿਓ। ਡਾਕਟਰਾਂ ਦਾ ਕਹਿਣਾ ਹੈ ਕਿ ਟੇਡੀ ਬੀਅਰ ਤੋਂ ਵੀ ਕਈ ਬੱਚਿਆਂ ਨੂੰ ਅਸਥਮਾ ਹੋਣ ਦਾ ਖਤਰਾ ਰਹਿੰਦਾ ਹੈ। ਪਟੇਲਨਗਰ ਸਥਿਤ ਇਕ ਹੋਟਲ 'ਚ ਵਿਸ਼ਵ ਅਸਥਮਾ ਦਿਵਸ 'ਤੇ ਮੈਕਲੀਓਡਮ ਫਾਰਮਾ ਕੰਪਨੀ ਵੱਲੋਂ ਆਯੋਜਿਤ ਪੱਤਰਕਾਰ ਵਾਰਤਾ 'ਚ ਸ਼੍ਰੀਮਹੰਤ ਇੰਦਰੇਸ਼ ਹਸਪਤਾਲ ਦੇ ਸੀਨੀਅਰ ਛਾਤੀ ਅਤੇ ਟੀਬੀ ਰੋਗ ਮਾਹਰ ਡਾ. ਡੀਐੱਸ ਜੰਗਪਾਂਗੀ ਅਤੇ ਡਾ. ਵੈਭਵ ਚਾਚਰਾ ਨੇ ਇਸ ਬਾਰੇ ਜਾਣਕਾਰੀ ਦਿੱਤੀ।
ਡਾਕਟਰਾਂ ਨੇ ਦੱਸਿਆ ਕਿ ਅਸਥਮਾ ਤੇਜ਼ੀ ਨਾਲ ਫੈਲ ਰਿਹਾ ਹੈ। ਦੂਜਾ ਕਾਰਨ ਵਾਤਾਵਰਣ ਪ੍ਰਦੂਸ਼ਣ ਹੈ। ਮੌਸਮ 'ਚ ਤਬਦੀਲੀ ਕਾਰਨ ਅਸਥਮਾ ਹੁਣ ਬੱਚਿਆਂ 'ਚ ਵੀ ਹੋਣ ਲੱਗਾ ਹੈ। ਪਹਿਲਾਂ ਇਹ ਬਜ਼ੁਰਗਾਂ 'ਚ ਹੁੰਦਾ ਸੀ। ਇਸ ਦੌਰਾਨ ਕੰਪਨੀ ਦੇ ਖੇਤਰੀ ਪ੍ਰਬੰਧਕ ਕਪਿਲ ਉਨੀਆਲ, ਪਰਿਵੇਜ ਖਾਨ, ਮਨਜੀਤ ਸਿੰਘ ਆਦਿ ਵੀ ਮੌਜੂਦ ਸਨ। ਮੰਗਲਵਾਰ ਨੂੰ ਵਿਸ਼ਵ ਅਸਥਮਾ ਦਿਵਸ 'ਤੇ ਸ਼੍ਰੀ ਮਹੰਤ ਇੰਦਰੇਸ਼ ਹਸਪਤਾਲ 'ਚ ਮੁਫ਼ਤ ਸਿਹਤ ਕੰਪਲੈਕਸ ਦਾ ਆਯੋਜਨ ਕੀਤਾ ਗਿਆ। ਕੰਪਲੈਕਸ 'ਚ ਕੰਪਿਊਟਰ ਵੱਲੋਂ ਫੇਫੜਿਆਂ ਦੀ ਜਾਂਚ ਦੀ ਸਹੂਲਤ ਪ੍ਰਦਾਨ ਕੀਤੀ ਗਈ। ਕੁੱਲ 153 ਮਰੀਜ਼ਾਂ ਦੇ ਸਿਹਤ ਦੀ ਜਾਂਚ ਕੀਤੀ ਗਈ। ਕੰਪਲੈਕਸ 'ਚ ਪਲਮੋਨਰੀ ਮੈਡੀਸਿਨ ਵਿਭਾਗ ਦੇ ਵਿਭਾਗ ਪ੍ਰਧਾਨ ਡਾ. ਜਗਦੀਸ਼ ਰਾਵਤ, ਡਾ. ਦੇਵ ਸਿੰਘ ਜੰਗਪਾਂਗੀ, ਡਾ. ਅਵਿਸ਼ਮ ਅਤੇ ਡਾ. ਵੈਭਵ ਚਾਚਰਾ ਨੇ ਮਰੀਜ਼ਾਂ ਦੀ ਜਾਂਚ ਕੀਤੀ।
ਸਲਮਾਨ ਨੂੰ ਸਜ਼ਾ ਮਿਲਣ ਤੋਂ ਬਾਅਦ 'ਸਿਰ ਜੁੜੀਆਂ ਭੈਣਾਂ' ਨੇ ਖਾਣਾ-ਪੀਣਾ ਛੱਡਿਆ (ਦੇਖੋ ਤਸਵੀਰਾਂ)
NEXT STORY 
