ਅੱਜਕਲ ਕੰਪਿਊਟਰ ਸਭ ਦੀ ਜ਼ਿੰਦਗੀ ਦਾ ਅਹਿਮ ਹਿੱਸਾ ਬਣ ਗਿਆ ਹੈ। ਵਰਕਪਲੇਸ ਹੋਵੇ ਜਾਂ ਘਰ, ਅਸੀਂ ਬਿਨਾਂ ਕੰਪਿਊਟਰ ਤੋਂ ਆਪਣਾ ਕੰਮ ਨਹੀਂ ਕਰ ਸਕਦੇ। ਇਹੀ ਕਾਰਨ ਹੈ ਕਿ ਕਈ ਘੰਟੇ ਕੰਮ ਕਰਨ 'ਤੇ ਥਕਾਵਟ ਹੋਣ ਦੇ ਬਾਵਜੂਦ ਨੌਜਵਾਨ ਲਗਾਤਾਰ ਕੰਪਿਊਟਰ 'ਤੇ ਕੰਮ ਕਰਦੇ ਰਹਿੰਦੇ ਹਨ, ਕਿਉਂਕਿ ਮਨ 'ਚ ਇਹ ਹੀ ਇੱਛਾ ਰਹਿੰਦੀ ਹੈ ਕਿ ਉਹ ਆਪਣੇ ਕੰਮ 'ਚ ਆਪਣਾ 100 ਫੀਸਦੀ ਦੇਣ ਤਾਂਕਿ ਬੌਸ ਉਨ੍ਹਾਂ ਦੇ ਕੰਮ ਤੋਂ ਖੁਸ਼ ਹੋਵੇ। ਅਜਿਹੇ ਵਿਚ ਕੰਪਿਊਟਰ ਤੁਹਾਡੇ ਦਿਲ-ਦਿਮਾਗ ਅਤੇ ਸਰੀਰ 'ਤੇ ਹਾਵੀ ਹੋਣ ਲੱਗਦਾ ਹੈ। ਇਸ ਦੇ ਲਈ ਕੁਝ ਗੱਲਾਂ ਦਾ ਧਿਆਨ ਰੱਖਣਾ ਬਹੁਤ ਹੀ ਜ਼ਰੂਰੀ ਹੈ।
► ਕੰਪਿਊਟਰ 'ਤੇ ਕੰਮ ਕਰਨ ਲਈ ਤੁਸੀਂ ਜਿਸ ਕੁਰਸੀ ਦੀ ਵਰਤੋਂ ਕਰ ਰਹੇ ਹੋ, ਉਹ ਸਹੀ ਡਿਜ਼ਾਈਨ ਦੀ ਹੋਣੀ ਚਾਹੀਦੀ ਹੈ।
► ਕੁਰਸੀ 'ਚ ਪੂਰੀ ਪਿੱਠ ਨੂੰ ਸਪੋਰਟ ਮਿਲਣੀ ਚਾਹੀਦੀ ਹੈ, ਜਿਸ ਨਾਲ ਬੈਠਣ ਵੇਲੇ ਪਿੱਠ ਅਤੇ ਹੱਥਾਂ ਨੂੰ ਸਹਾਰਾ ਮਿਲ ਸਕੇ।
► ਕੀ-ਬੋਰਡ ਅਤੇ ਮਾਊਸ 90 ਡਿਗਰੀ ਦੇ ਕੋਣ 'ਤੇ ਮੁੜੀ ਕੂਹਣੀ ਦੀ ਸੇਧ 'ਚ ਰੱਖੋ। ਵਧੀਆ ਹੋਵੇਗਾ ਕਿ ਤੁਹਾਡਾ ਕੀ-ਬੋਰਡ ਥੋੜ੍ਹੀ ਢਲਾਨ 'ਤੇ ਹੋਵੇ।
► ਬੈਠਿਆਂ ਤੁਹਾਡਾ ਬੈਲੇਂਸ ਬਿਲਕੁਲ ਸਹੀ ਹੋਣਾ ਚਾਹੀਦਾ ਹੈ ਅਤੇ ਲੋੜ ਪੈਣ 'ਤੇ ਪੈਰਾਂ ਨੂੰ ਫੁੱਟ ਰੈਸਟ ਨਾਲ ਸਹਾਰਾ ਦੇਣਾ ਚਾਹੀਦਾ ਹੈ।
► ਕੰਪਿਊਟਰ 'ਤੇ ਕੰਮ ਕਰਨ ਵੇਲੇ ਫੋਨ ਨੂੰ ਮੋਢਿਆਂ ਅਤੇ ਗਰਦਨ 'ਚ ਦਬਾ ਕੇ ਗੱਲ ਨਾ ਕਰੋ, ਸਗੋਂ ਉਸ ਸਮੇਂ ਕੁਝ ਦੇਰ ਲਈ ਆਪਣਾ ਕੰਮ ਰੋਕ ਕੇ ਪਹਿਲਾਂ ਫੋਨ 'ਤੇ ਗੱਲ ਕਰ ਲਓ।
► ਜੇ ਤੁਸੀਂ ਦੇਰ ਤੱਕ ਫੋਨ 'ਤੇ ਗੱਲ ਕਰਨੀ ਹੈ ਤਾਂ ਗੱਲ ਕਰਨ ਲਈ ਹੈੱਡਫੋਨ ਦੀ ਵਰਤੋਂ ਕਰੋ।
► ਕੰਮ ਕਰਨ ਵੇਲੇ ਸਰੀਰ ਨੂੰ ਢਿੱਲਾ ਰੱਖੋ ਅਤੇ ਸ਼ਾਂਤ ਮਨ ਨਾਲ ਆਪਣਾ ਸਾਰਾ ਕੰਮ ਖਤਮ ਕਰੋ।
► ਕੀ-ਬੋਰਡ ਅਤੇ ਮਾਊਸ ਦੀ ਵਰਤੋਂ ਘੱਟ ਕਰਨ ਲਈ ਆਵਾਜ਼ ਪਛਾਣ ਕੇ ਕੰਮ ਕਰਨ ਵਾਲੇ ਸਾਫਟਵੇਅਰ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ।
► ਮਾਨੀਟਰ ਦੀ ਚਮਕ ਅਤੇ ਕਿਰਨਾਂ ਘੱਟ ਕਰਨ ਲਈ ਐਂਟੀ ਗਲੈਮਰ ਕੋਟਿੰਗ ਜਾਂ ਗਲਾਸ ਲਗਾਓ।
ਸੰਡੇ ਹੋ ਜਾਂ ਮੰਡੇ, ਰੋਜ਼ ਨਾ ਖਾਓ ਆਂਡੇ
NEXT STORY