ਮੁੰਬਈ- ਮਥੁਰਾ ਤੋਂ ਭਾਜਪਾ ਸੰਸਦ ਮੈਂਬਰ ਅਤੇ ਸਾਬਕਾ ਅਦਾਕਾਰਾ ਹੇਮਾ ਮਾਲਿਨੀ ਵੀਰਵਾਰ ਸ਼ਾਮ ਨੂੰ ਇਕ ਸੜਕ ਹਾਦਸੇ 'ਚ ਗੰਭੀਰ ਰੂਪ ਨਾਲ ਜ਼ਖਮੀ ਹੋ ਗਈ ਸੀ। ਸੂਤਰਾਂ ਮੁਤਾਬਕ ਪੁਲਸ ਨੇ ਹੇਮਾ ਮਾਲਿਨੀ ਦੇ ਡਾਰਈਵਰ ਮਹੇਸ਼ ਠਾਕੁਰ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਦੌਸਾ 'ਚ ਹੋਏ ਹਾਦਸੇ 'ਚ ਇਕ ਬੱਚੀ ਦੀ ਮੌਤ ਤੋਂ ਪੁਲਸ ਨੇ ਉਨ੍ਹਾਂ ਦੇ ਖਿਲਾਫ ਮਾਮਲਾ ਦਰਜ ਕੀਤਾ ਸੀ। ਇਸ ਹਾਦਸੇ 'ਚ ਹੇਮਾ ਮਾਲਿਨੀ ਜ਼ਖਮੀ ਹੋ ਗਈ ਅਤੇ ਆਲਟੋ ਕਾਰ 'ਚ ਸਵਾਰ ਇਕ ਬੱਚੀ ਦੀ ਮੌਤ ਹੋ ਗਈ। ਇਸ ਹਾਦਸੇ 'ਚ ਅੱਠ ਹੋਰ ਲੋਕ ਜ਼ਖਮੀ ਹੋ ਗਏ ਸਨ। ਪੁਲਸ ਨੇ ਹੇਮਾ ਮਾਲਿਨੀ ਦੇ ਕਾਰ ਡਰਾਈਵਰ ਦੇ ਖਿਲਾਫ ਤੇਜ਼ ਰਫਤਾਰ ਅਤੇ ਲਾਪਰਵਾਹੀ ਨਾਲ ਕਾਰ ਚਲਾਉਣ ਦਾ ਮਾਮਲਾ ਦਰਜ ਕੀਤਾ ਸੀ। ਹੇਮਾ ਮਾਲਿਨੀ ਜੈਪੁਰ ਦੇ ਫੋਰਟਿਸ ਹਸਪਤਾਲ 'ਚ ਦਾਖਲ ਹੈ ਅਤੇ ਉਹ ਖਤਰੇ ਤੋਂ ਬਾਹਰ ਹੈ। ਇਸ ਦੌਰਾਨ ਹਸਪਤਾਲ 'ਚ ਹੇਮਾ ਨੂੰ ਮਿਲਣ ਵਾਲਿਆਂ ਦੀ ਲਾਈਨ ਲੱਗੀ ਹੋਈ ਹੈ। ਸੂਤਰਾਂ ਮੁਤਾਬਕ ਉਸ ਦੇ ਪਤੀ ਧਰਮਿੰੰਦਰ ਮੁੰਬਈ ਤੋਂ ਜੈਪੁਰ ਪਹੁੰਚ ਚੁੱਕੇ ਹਨ ਉਧਰ ਦੋਵੇ ਬੇਟੀਆਂ ਅਤੇ ਦਾਮਾਦ ਪਹਿਲਾਂ ਹੀ ਉਸ ਦੇ ਨਾਲ ਹਨ। ਘਰ ਵਾਲਿਆਂ ਤੋਂ ਇਲਾਵਾ ਬੀਜੇਪੀ ਦੇ ਤਮਾਮ ਆਲਾ ਨੇਤਾ ਵੀ ਉਸ ਨੂੰ ਮਿਲਣ ਪਹੁੰਚੇ ਹਨ। ਰਾਜਸਥਾਨ ਦੀ ਮੁੱਖ ਮੰਤਰੀ ਵਸੁੰਧਰਾ ਰਾਜੇ ਵੀ ਹੇਮਾ ਦਾ ਹਾਲ ਜਾਣਨ ਲਈ ਹਸਪਤਾਲ ਪਹੁੰਚੀ ਹੈ।
ਹੌਟ ਫਿਗਰ ਲਈ ਸੰਨੀ ਕਰ ਰਹੀ ਹੈ ਇਕ ਕੰਮ (ਦੇਖੋ ਤਸਵੀਰਾਂ)
NEXT STORY 
