ਆਈਜ਼ੌਲ/ਮਿਜ਼ੋਰਮ/ਜਲੰਧਰ, (ਬੋਧ ਪ੍ਰਕਾਸ਼ ਸਾਹਨੀ)– 2019 ਵਿਚ ਕੇਂਦਰ ਵਿਚ ਭਾਜਪਾ ਸਰਕਾਰ ਦੇ ਅਧੀਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਭੈਰਬੀ ਤੋਂ ਸੈਰੰਗ ਤੱਕ 50.38 ਕਿਲੋਮੀਟਰ ਲੰਬੀ ਰੇਲਵੇ ਲਾਈਨ ਦਾ ਨੀਂਹ ਪੱਥਰ ਰੱਖਿਆ, ਜਿਸ ਦੀ ਲਾਗਤ ਲਗਭਗ 9,000 ਕਰੋੜ ਰੁਪਏ ਸੀ, ਜੋ ਉੱਤਰ-ਪੂਰਬ ਨੂੰ ਬਾਕੀ ਭਾਰਤ ਨਾਲ ਜੋੜੇਗੀ। ਸਤੰਬਰ 2025 ਵਿਚ ਇਸ ਪ੍ਰਾਜੈਕਟ ਦੇ ਪੂਰਾ ਹੋਣ ਨਾਲ ਮਿਜ਼ੋਰਮ ਵਿਚ ਵਿਕਾਸ ’ਚ ਇਕ ਨਵੀਂ ਕ੍ਰਾਂਤੀ ਆਈ। ਇਸ ਪ੍ਰਾਜੈਕਟ ਦੇ ਪੂਰਾ ਹੋਣ ਨਾਲ ਸਥਾਨਕ ਲੋਕਾਂ ਦਾ ਜੀਵਨ ਆਸਾਨ ਹੋ ਗਿਆ ਹੈ। ਕੇਂਦਰ ਸਰਕਾਰ ਦੇ ਸਮਰਥਨ ਨਾਲ ਇਕ ਵਿਕਸਤ ਭਾਰਤ ਦੇ ਅਜਿਹੇ ਪ੍ਰਾਜੈਕਟ, ਜੋ ਆਮ ਲੋਕਾਂ ਨੂੰ ਲਾਭ ਪਹੁੰਚਾਉਂਦੇ ਹਨ, ਪੰਜਾਬ ਵਿਚ ਵੀ ਆਉਣੇ ਚਾਹੀਦੇ ਹਨ, ਜਿਸ ਨਾਲ ਨਾ ਸਿਰਫ਼ ਰੋਜ਼ਗਾਰ ਦੇ ਮੌਕੇ ਵਧਣਗੇ ਬਲਕਿ ਜੀਵਨ ਪੱਧਰ ਵਿਚ ਵੀ ਸੁਧਾਰ ਹੋਵੇਗਾ।
ਕੇਂਦਰ ਦੀ ਮੋਦੀ ਸਰਕਾਰ ਦੇ ਰੇਲਵੇ ਮੰਤਰਾਲੇ ਵੱਲੋਂ ਮਿਜ਼ੋਰਮ ਦੀ ਰਾਜਧਾਨੀ ਆਈਜ਼ੌਲ ਵਿਚ ਸ਼ੁਰੂ ਕੀਤਾ ਗਿਆ ਇਹ ਪ੍ਰਾਜੈਕਟ ਸੱਚਮੁੱਚ ਇਕ ਮੀਲ ਪੱਥਰ ਸਾਬਤ ਹੋ ਰਿਹਾ ਹੈ। 55 ਵੱਡੇ ਪੁਲਾਂ, 88 ਛੋਟੇ ਪੁਲਾਂ ਅਤੇ 45 ਸੁਰੰਗਾਂ ਵਾਲਾ ਇਹ 50.38 ਕਿਲੋਮੀਟਰ ਲੰਬਾ ਰੇਲਵੇ ਲਾਈਨ ਦਾ ਪ੍ਰੋਜੇਕਟ ਨਾ ਸਿਰਫ਼ ਪਹਾੜੀ ਯਾਤਰਾ ਨੂੰ 75 ਫੀਸਦੀ ਤਕ ਘਟਾਉਂਦਾ ਹੈ ਬਲਕਿ ਸਮਾਂ ਵੀ ਬਚਾਉਂਦਾ ਹੈ।
ਪ੍ਰੈੱਸ ਸੂਚਨਾ ਬਿਊਰੋ ਵੱਲੋਂ ਪੀ. ਆਈ. ਬੀ. ਆਈਜ਼ੌਲ ਦੇ ਸਹਿਯੋਗ ਨਾਲ 22-28 ਮਾਰਚ ਤੱਕ ਆਯੋਜਿਤ ਮੀਡੀਆ ਟੂਰ ਦੇ ਹਿੱਸੇ ਵਜੋਂ ਪੀ. ਆਈ. ਬੀ. ਜਲੰਧਰ ਦੇ ਮੀਡੀਆ ਅਤੇ ਸੰਚਾਰ ਅਧਿਕਾਰੀ ਡਾ. ਵਿਕਰਮ ਸਿੰਘ ਦੀ ਅਗਵਾਈ ਹੇਠ ਪੰਜਾਬ ਅਤੇ ਹਿਮਾਚਲ ਪ੍ਰਦੇਸ਼ ਦੇ ਪੱਤਰਕਾਰਾਂ ਦਾ ਇਕ ਵਫ਼ਦ ਅੱਜ ਸੈਰੰਗ ਰੇਲਵੇ ਸਟੇਸ਼ਨ ’ਤੇ ਪਹੁੰਚਿਆ। ਜਿੱਥੇ ਗੌਰਵ ਯਾਦਵ ਟ੍ਰੈਫਿਕ ਇੰਸਪੈਕਟਰ ਬਦਰਪੁਰ, ਸੰਜੇ ਚੰਦਾ ਟ੍ਰੈਫਿਕ ਇੰਸਪੈਕਟਰ ਸੇਫਟੀ ਅਤੇ ਗੁੱਡੂ ਕੁਮਾਰ ਸਟੇਸ਼ਨ ਮਾਸਟਰ ਸੈਰੰਗ ਤੇ ਮਲੱਯ ਨੰਦੀ ਨੇ ਵਫ਼ਦ ਦਾ ਸਵਾਗਤ ਕੀਤਾ। ਸਥਾਨਕ ਨਿਵਾਸੀਆਂ, ਵਪਾਰ ਤੇ ਸੈਰ-ਸਪਾਟੇ ਸਬੰਧੀ ਇਸ ਨਵੇਂ ਰੇਲਵੇ ਸਟੇਸ਼ਨ ਤੋਂ ਕੁਝ ਜਾਣਕਾਰੀਆਂ ਇੱਥੇ ਹਨ...
ਇਸ ਸਟੇਸ਼ਨ ਤੋਂ ਰਵਾਨਾ ਹੁੰਦੀਆਂ ਨੇ 4 ਰੇਲ ਗੱਡੀਆਂ
ਇਸ ਰੇਲਵੇ ਸਟੇਸ਼ਨ ਤੋਂ ਚਾਰ ਰੇਲਗੱਡੀਆਂ ਰਵਾਨਾ ਹੁੰਦੀਆਂ ਹਨ। ਰਾਜਧਾਨੀ ਐਕਸਪ੍ਰੈੱਸ, ਜੋ ਕਿ ਮਿਜ਼ੋਰਮ ਨੂੰ ਨਵੀਂ ਦਿੱਲੀ ਨਾਲ ਜੋੜਦੀ ਹੈ, ਹਫ਼ਤੇ ਵਿਚ ਸ਼ੁੱਕਰਵਾਰ ਨੂੰ ਰਵਾਨਾ ਹੁੰਦੀ ਹੈ ਤੇ ਐਤਵਾਰ ਨੂੰ ਨਵੀਂ ਦਿੱਲੀ ਦੇ ਆਨੰਦ ਪਰਵਤ ਰੇਲਵੇ ਸਟੇਸ਼ਨ ’ਤੇ ਪਹੁੰਚਦੀ ਹੈ। ਮਿਜ਼ੋਰਮ ਐਕਸਪ੍ਰੈੱਸ ਹਫ਼ਤੇ ਵਿਚ ਤਿੰਨ ਦਿਨ ਕੋਲਕਾਤਾ ਲਈ ਉਪਲਬਧ ਹੈ। ਆਈਜ਼ੌਲ ਇੰਟਰਸਿਟੀ (ਇੰਟਰਸਿਟੀ) ਸੈਰੰਗ ਤੋਂ ਗੁਹਾਟੀ ਤੱਕ ਰੋਜ਼ਾਨਾ ਚੱਲਦੀ ਹੈ ਜਦੋਂ ਕਿ ਇਕ ਯਾਤਰੀ ਰੇਲਗੱਡੀ ਵੀ ਕੁਝ ਮਹੀਨੇ ਪਹਿਲਾਂ ਸ਼ੁਰੂ ਹੋਈ ਸੀ, ਜੋ ਹਫ਼ਤੇ ਵਿਚ ਪੰਜ ਦਿਨ ਚੱਲਦੀ ਹੈ। ਇਹ ਸਟੇਸ਼ਨ ਸਤੰਬਰ 2025 ਤੋਂ ਰਸਮੀ ਤੌਰ ’ਤੇ ਸ਼ੁਰੂ ਹੈ ਅਤੇ ਸਟੇਸ਼ਨ ’ਤੇ ਕੈਸ਼ ਕਾਊਂਟਰ ਟਿਕਟ ’ਤੇ ਬੁਕਿੰਗ ਲਗਭਗ 400 ਯਾਤਰੀਆਂ ’ਤੇ ਰੋਜ਼ਾਨਾ ਹੁੰਦੀ ਹੈ। ਮਾਸਿਕ ਬੁਕਿੰਗ ਰਿਜਰਵੇਸ਼ਨ ਲਗਭਗ 1,000 ਦੀ ਹੈ।
ਮਾਲ ਗੱਡੀਆਂ ਦੀ ਆਮਦ ਵੀ ਹੋਈ ਸ਼ੁਰੂ
ਪਿਛਲੇ ਛੇ ਮਹੀਨਿਆਂ ਵਿਚ ਲਗਭਗ 70 ਮਾਲ ਗੱਡੀਆਂ ਇਸ ਨਵੇਂ ਸਟੇਸ਼ਨ ’ਤੇ ਆਈਆਂ ਹਨ, ਜੋ ਸੀਮਿੰਟ, ਰੇਤ, ਆਟੋਮੋਬਾਈਲ ਤੇ ਕ੍ਰੈਸ਼ਰ ਵਰਗੇ ਸਾਮਾਨ ਨੂੰ ਲੈ ਕੇ ਆਉਦੀਆਂ ਹਨ, ਇਹ ਵਿਕਾਸ ਨੂੰ ਤੇਜ਼ ਕਰ ਰਹੀਆਂ ਹਨ। ਐੱਫ. ਸੀ. ਆਈ. ਰਾਹੀਂ ਵੀ ਪੰਜਾਬ ਤੋਂ 2 ਮਾਲ ਗੱਡੀਆਂ ਅਨਾਜ ਲੇ ਕੇ ਆਈਆਂ ਹਨ, ਜਿਸ ਨੇ ਵਪਾਰ ਨੂੰ ਇਕ ਨਵਾਂ ਹੁਲਾਰਾ ਦਿੱਤਾ ਹੈ।
ਜ਼ਮੀਨ ਤੋਂ 114 ਮੀਟਰ ਉੱਚਾ ਇਕ ਪੁਲ
ਇਸ ਰੇਲਵੇ ਟਰੈਕ ’ਤੇ 114 ਮੀਟਰ ਉੱਚਾ ਇਕ ਪੁਲ ਵੀ ਬਣਾਇਆ ਗਿਆ ਹੈ, ਜੋ ਕਿ ਕੁਤੁਬ ਮੀਨਾਰ ਤੋਂ ਵੀ 42 ਮੀਟਰ ਉੱਚਾ ਹੈ, ਜੋ ਇਕ ਨਵੇਂ ਭਾਰਤ ਨੂੰ ਸੋਚ ਨੂੰ ਦਰਸਾਉਂਦਾ ਹੈ। ਨਿਰਮਾਣ ਦੀ ਲਾਗਤ 160 ਕਰੋੜ ਰੁਪਏ ਆਈ ਹੈ। ਇਸ ਪ੍ਰਾਜੈਕਟ ਵਿਚ ਸਭ ਤੋਂ ਲੰਬੀ ਸੁਰੰਗ 1800 ਮੀਟਰ ਹੈ। ਰਿਪੋਰਟਾਂ ਅਨੁਸਾਰ ਪੂਰਾ ਪ੍ਰਾਜੈਕਟ ਜਰਮਨ ਤਕਨਾਲੋਜੀ ’ਤੇ ਆਧਾਰਿਤ ਹੈ, ਜੋ ਕਿ ਇਕ ਵਿਕਸਤ ਭਾਰਤ ਲਈ ਇਕ ਇਤਿਹਾਸਕ ਕਦਮ ਹੈ।
ਇਹ ਪ੍ਰਾਜੈਕਟ ਮਿਜ਼ੋਰਮ ਤੋਂ ਮਿਆਂਮਾਰ ਸਰਹੱਦ ਤੱਕ 70 ਕਿਲੋਮੀਟਰ ਸਫ਼ਰ ਘਟਾ ਦੇਵੇਗਾ
ਇਹ ਉੱਤਰ-ਪੂਰਬ ਪ੍ਰਾਜੈਕਟ ਮਿਆਂਮਾਰ ਤੱਕ ਪਹੁੰਚਣ ਵਾਲਾ ਸੀ। ਮਿਜ਼ੋਰਮ ਤੋਂ ਮਿਆਂਮਾਰ ਸਰਹੱਦ ਤੱਕ ਸੜਕ ਰਾਹੀਂ ਦੂਰੀ ਲਗਭਗ 180 ਕਿਲੋਮੀਟਰ ਹੈ ਜਦਕਿ ਰੇਲ ਰੂਟ ਇਸ ਦੂਰੀ ਨੂੰ ਸਿਰਫ਼ 70 ਕਿਲੋਮੀਟਰ ਤੱਕ ਘਟਾ ਦੇਵੇਗਾ। ਇਹ ਪ੍ਰਾਜੈਕਟ ਇਸ ਵੇਲੇ ਹੋਲਡ ’ਤੇ ਹੈ।
ਮੌਜੂਦਾ ਸਮੇਂ ਭੈਰਵੀ ਤੋਂ ਸੈਰੰਗ ਤੱਕ ਰੇਲਵੇ ਲਾਈਨ ''ਤੇ ਚੱਲਣ ਵਾਲੀਆਂ ਰੇਲਗੱਡੀਆਂ ਲਈ ਡੀਜ਼ਲ ਇੰਜਣਾਂ ਨੂੰ ਇਸ ਸਮੇਂ ਨਿਊ ਕੂਚ ਬਿਹਾਰ ਵਿਚ ਬਦਲਿਆ ਜਾ ਰਿਹਾ ਹੈ, ਪਰ ਇਸ ਰੂਟ ''ਤੇ ਬਿਜਲੀ ਦੀਆਂ ਲਾਈਨਾਂ ਵਿਛਾਉਣ ਦਾ ਕੰਮ ਅਗਲੇ ਕੁਝ ਮਹੀਨਿਆਂ ਵਿਚ ਪੂਰਾ ਹੋਣ ਦੀ ਆਸ ਹੈ।
ਇਸ ਸਟੇਸ਼ਨ ''ਤੇ, ਗੈਰ-ਮਿਜ਼ੋਰਮ ਨਿਵਾਸੀਆਂ ਨੂੰ ਮਿਜ਼ੋਰਮ ਜਾਣ ਲਈ ਇਕ ਈਨਰ ਲਾਈਨ ਪਰਮਿਟ (ILP) ਪ੍ਰਾਪਤ ਕਰਨਾ ਲਾਜ਼ਮੀ ਹੈ। ਇਹ ਪਰਮਿਟ ਇਕ ਹਫ਼ਤੇ ਲਈ ਵੈਧ ਹੈ ਅਤੇ ਇਸਦੀ ਕੀਮਤ ₹350 ਹੈ। ਇਸ ਪਰਮਿਟ ਨੂੰ ਹੋਰ ਵਧਾਇਆ ਜਾ ਸਕਦਾ ਹੈ।
ਇਸ ਨਾਲ 4 ਤੋਂ 5 ਘੰਟੇ ਦੀ ਸੜਕ ਯਾਤਰਾ ਨੂੰ ਰੇਲ ਨੇ ਘਟਾ ਕੇ ਇਕ ਘੰਟੇ ਕਰ ਦਿੱਤਾ ਹੈ ਅਤੇ ਪਹਾੜੀ ਸੜਕ ’ਤੇ ਜਾਨ-ਮਾਲ ਦੇ ਨੁਕਸਾਨ ਦੀ ਸੰਭਾਵਨਾ ਘੱਟ ਗਈ ਹੈ। ਮਿਜੋਰਮ ਭਾਰਤ ਦਾ ਹਿੱਸਾ ਹੋਣ ਦੇ ਬਾਵਜੂਦ ਆਵਾਜਾਈ ਪੱਖੋਂ ਦੇਸ਼ ਨਾਲੋਂ ਕਟਿਆ ਸੀ, ਇਸ ਪ੍ਰਾਜੈਕਟ ਨੇ ਮਿਜ਼ੋਰਮ ਨੂੰ ਬਾਕੀ ਭਾਰਤ ਨਾਲ ਸੰਪਰਕ ਪ੍ਰਦਾਨ ਕੀਤਾ ਹੈ।
ਜੇਕਰ ਸਮੇਂ ਦਿਆ ਸਰਕਾਰਾਂ ਪੰਜਾਬ ਦੇ ਵਿਕਾਸ ਅਤੇ ਖੁਸ਼ਹਾਲੀ ਲਈ ਵਿਸ਼ੇਸ਼ ਪ੍ਰਾਜੈਕਟ ਲੈ ਕੇ ਆਉਂਦੀ ਹੈ ਤਾਂ ਪੰਜਾਬ ਵੀ ਵਿਕਾਸ ਵੀ ਇਕ ਨਵੀਂ ਦਿਸ਼ਾ ਲੈ ਸਕਦਾ ਹੈ।
"ਪੰਜਾਬ ਦਾ ਰੱਬ ਹੀ ਰਾਖਾ"! ਹਿਰਾਸਤ 'ਚ ਭੁੱਲਰ ਦੀ ਇੰਟਰਵਿਊ 'ਤੇ ਜਾਖੜ ਨੇ ਘੇਰੀ 'ਆਪ' ਸਰਕਾਰ
NEXT STORY 
