ਫਗਵਾੜਾ (ਜਲੋਟਾ) : ਫਗਵਾੜਾ 'ਚ ਕੌਮੀ ਰਾਜਮਾਰਗ ਨੰਬਰ-1 'ਤੇ ਸਥਾਨਕ ਬੱਸ ਸਟੈਂਡ ਦੇ ਲਾਗੇ ਮੇਨ ਪੁਲ 'ਤੇ ਐਤਵਾਰ ਦੇਰ ਰਾਤ ਨੂੰ ਉਸ ਵੇਲੇ ਭਾਜੜਾਂ ਪੈ ਗਈਆਂ, ਜਦੋਂ ਇੱਕ ਚੱਲਦੀ ਹੋਈ ਇੰਡੀਗੋ ਕਾਰ ਨੂੰ ਵੇਖਦੇ ਹੀ ਵੇਖਦੇ ਭਿਆਨਕ ਅੱਗ ਲੱਗ ਗਈ। ਗਣੀਮਤ ਇਹ ਰਹੀ ਹੈ ਕਿ ਜਿਵੇਂ ਹੀ ਕਾਰ 'ਚ ਅੱਗ ਲੱਗਣ ਦਾ ਪਤਾ ਕਾਰ ਸਵਾਰ ਪਰਿਵਾਰ ਦੇ ਮੈਂਬਰਾਂ ਨੂੰ ਲੱਗਿਆ ਤਾਂ ਉਹ ਸਮਾਂ ਰਹਿੰਦੇ ਕਾਰ 'ਚੋਂ ਬਾਹਰ ਨਿਕਲ ਗਏ ਜਿਸ ਕਾਰਨ ਉਹ ਜਿਊਂਦੇ ਝੁਲਸਣ ਤੋਂ ਬਚ ਗਏ ਹਨ।
ਇਹ ਵੀ ਪੜ੍ਹੋ : ਪੁਲਸ ਦੀ ਵੱਡੀ ਸਫ਼ਲਤਾ! ਫਗਵਾੜਾ 'ਚ 'ਆਪ' ਆਗੂ ਦੇ ਘਰ ’ਤੇ ਗੋਲ਼ੀਆਂ ਚੱਲਣ ਦੇ ਮਾਮਲੇ 'ਚ 3 ਗ੍ਰਿਫ਼ਤਾਰ
ਜਾਣਕਾਰੀ ਅਨੁਸਾਰ, ਜਿਸ ਕਾਰ 'ਚ ਅੱਗ ਲੱਗੀ ਸੀ, ਉਸ ਵਿੱਚ ਇੱਕੋ ਪਰਿਵਾਰ ਦੇ 4 ਮੈਂਬਰ ਜਿਨ੍ਹਾਂ 'ਚ ਪਤੀ-ਪਤਨੀ ਅਤੇ ਇਹਨਾਂ ਦੇ 2 ਬੱਚੇ ਸ਼ਾਮਲ ਹਨ, ਸਵਾਰ ਸਨ। ਇਸ ਦੌਰਾਨ ਕਾਰ ਨੂੰ ਲੱਗੀ ਅੱਗ ਨੂੰ ਵੇਖਦੇ ਹੋਏ ਲੋਕਾਂ ਵੱਲੋਂ ਇਸ ਦੀ ਸੂਚਨਾ ਫਗਵਾੜਾ ਫਾਇਰ ਬ੍ਰਿਗੇਡ ਦੀ ਟੀਮ ਨੂੰ ਦਿੱਤੀ ਗਈ ਜਿਸ ਤੋਂ ਕੁਝ ਸਮੇਂ ਬਾਅਦ ਮੌਕੇ 'ਤੇ ਪੁੱਜੀ ਫਾਇਰ ਬ੍ਰਿਗੇੜ ਦੀ ਟੀਮ ਨੇ ਫਾਇਰ ਟੈਂਡਰ ਗੱਡੀ ਦੀ ਸਹਾਇਤਾ ਦੇ ਨਾਲ ਭੜਕੀਆਂ ਹੋਈਆਂ ਅੱਗ ਦੀਆਂ ਲਪਟਾਂ 'ਤੇ ਪਾਣੀ ਦਾ ਛਿੜਕਾਅ ਕਰਦੇ ਹੋਏ ਇਸ ਨੂੰ ਕਾਬੂ ਕੀਤਾ। ਵਾਪਰੇ ਅਗਨੀਕਾਂਡ ਦੌਰਾਨ ਫਗਵਾੜਾ 'ਚ ਕੌਮੀ ਰਾਜ ਮਾਰਗ ਨੰਬਰ-1 'ਤੇ ਪਾਸ ਹੋਣ ਵਾਲਾ ਟਰੈਫਿਕ ਕੁਝ ਸਮੇਂ ਲਈ ਪ੍ਰਭਾਵਿਤ ਹੋਇਆ।
ਇਸ ਦੌਰਾਨ ਜਾਣਕਾਰੀ ਦਿੰਦਿਆਂ ਕਾਰ ਮਾਲਕ ਬਲਜੀਤ ਸਿੰਘ ਨੇ ਦੱਸਿਆ ਕਿ ਉਹ ਖੰਨਾ ਦੇ ਰਹਿਣ ਵਾਲੇ ਹਨ। ਉਹਨਾਂ ਦੱਸਿਆ ਕਿ ਅੱਜ ਉਹ ਆਪਣੇ ਪਰਿਵਾਰ ਜਿਸ 'ਚ ਉਹਨਾਂ ਦੀ ਪਤਨੀ ਅਤੇ 2 ਬੱਚੇ ਸ਼ਾਮਿਲ ਹਨ, ਸਮੇਤ ਇੰਡੀਗੋ ਕਾਰ 'ਚ ਬੈਠ ਕੇ ਫਗਵਾੜਾ ਤੋਂ ਜਦੋਂ ਪਾਸ ਕਰ ਰਹੇ ਸਨ ਤਾਂ ਅਚਾਨਕ ਕਾਰ ਦੇ ਅੰਦਰ ਕੁਝ ਸੜਨ ਦੀ ਬਦਬੂ ਆਉਣ ਲੱਗ ਪਈ। ਇਸ 'ਤੇ ਉਹਨਾਂ ਆਪਣੀ ਕਾਰ ਨੂੰ ਕੌਮੀ ਰਾਜਮਾਗ ਨੰਬਰ ਇੱਕ 'ਤੇ ਪੁਲ 'ਤੇ ਹੀ ਵਿੱਚ ਸੜਕ ਰੋਕ ਦਿੱਤਾ ਤੇ ਫੌਰੀ ਤੌਰ ਤੇ ਉਹ ਅਤੇ ਉਹਨਾਂ ਦੇ ਪਰਿਵਾਰਿਕ ਮੈਂਬਰ ਕਾਰ 'ਚੋਂ ਬਾਹਰ ਆ ਨਿਕਲੇ। ਉਹਨਾਂ ਦੱਸਿਆ ਕਿ ਇਸ ਤੋਂ ਤੁਰੰਤ ਬਾਅਦ ਉਹਨਾਂ ਦੀ ਕਾਰ ਨੂੰ ਭਿਆਨਕ ਅੱਗ ਲੱਗ ਗਈ।
ਇਹ ਪੁੱਛੇ ਜਾਣ 'ਤੇ ਕੀ ਇੰਡੀਗੋ ਕਾਰ 'ਚ ਅੱਜ ਅੱਗ ਕਿਉਂ ਲੱਗੀ ਹੈ? ਉਹਨਾਂ ਕਿਹਾ ਕਿ ਉਹਨਾਂ ਨੂੰ ਨਹੀਂ ਪਤਾ ਕਿ ਇਸ ਸਭ ਕਿਉਂ ਅਤੇ ਕਿਸ ਕਾਰਨ ਹੋਇਆ ਹੈ ਪਰ ਉਹ ਪਰਮਾਤਮਾ ਦਾ ਸ਼ੁਕਰਾਨਾ ਕਰਦੇ ਹਨ ਜਿਹਨਾਂ ਉਸ ਨੂੰ ਅਤੇ ਉਹਨਾਂ ਦੇ ਪਰਿਵਾਰ ਨੂੰ ਅੱਜ ਕਾਰ 'ਚ ਜਿਊਂਦਿਆਂ ਸੜਨ ਤੋਂ ਵਾਲ-ਵਾਲ ਬਚਾ ਲਿਆ। ਮਾਮਲੇ ਦੀ ਜਾਣਕਾਰੀ ਫਗਵਾੜਾ ਪੁਲਸ ਨੂੰ ਦੇ ਦਿੱਤੀ ਗਈ ਹੈ। ਪੁਲਸ ਵਾਪਰੇ ਅਗਨੀਕਾਂਡ ਦੇ ਕਾਰਨਾਂ ਦੀ ਜਾਂਚ ਕਰ ਰਹੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Simarjit Bains ਦਾ Toll Plaza 'ਤੇ ਪੈ ਗਿਆ 'ਪੰਗਾ', ਪੱਕੇ ਮੋਰਚੇ ਦੀ ਦਿੱਤੀ ਚਿਤਾਵਨੀ (ਵੀਡੀਓ)
NEXT STORY 
