ਡੇਰਾ ਬਾਬਾ ਨਾਨਕ (ਵਤਨ) - ਬੀਤੇ ਦਿਨ ਕਸਬਾ ਡੇਰਾ ਬਾਬਾ ਨਾਨਕ ਦੇ ਨਜ਼ਦੀਕ ਸ਼ਰਾਬ ਦੇ ਠੇਕੇਦਾਰਾਂ ਦੀ ਪ੍ਰਾਈਵੇਟ ਗੱਡੀ ਵੱਲੋਂ ਟੱਕਰ ਮਾਰਨ ਨਾਲ ਮਰਨ ਵਾਲੇ ਨੌਜਵਾਨਾ ਸੁਬੇਗ ਸਿੰਘ ਦੇਬੂ ਪੁੱਤਰ ਰਛਪਾਲ ਸਿੰਘ ਵਾਸੀ ਕੋਟ ਦਲਪੱਤ ਰਾਏ ਦਾ ਵੀਰਵਾਰ ਸਖਤ ਸੁਰੱਖਿਆ ਪ੍ਰਬੰਧਾਂ ਹੇਠ ਅੰਤਿਮ ਸੰਸਕਾਰ ਕਰ ਦਿੱਤਾ ਗਿਆ। ਮ੍ਰਿਤਕ ਸੁਭੇਗ ਸਿੰਘ ਦੀ ਚਿਖਾਂ ਨੂੰ ਅਗਨੀ ਉਸ ਦੇ ਪਿਤਾ ਰਛਪਾਲ ਸਿੰਘ ਨੇ ਦਿੱਤੀ, ਜਦ ਕੇ ਦੂਸਰੇ ਨੌਜਵਾਨ ਸੰਜੀਵ ਕੁਮਾਰ ਗੋਰੂ ਪੁੱਤਰ ਤਰਸੇਮ ਲਾਲ ਵਾਸੀ ਡੇਰਾ ਬਾਬਾ ਨਾਨਕ ਦਾ ਅੰਤਿਮ ਸਸਕਾਰ ਧਰਮਕੋਟ ਪੱਤਣ ਰਾਵੀ ਦਰਿਆ ਦੇ ਕਿਨਾਰੇ ਕੀਤਾ ਗਿਆ, ਜਿਸ ਦੀ ਚਿਖਾ ਨੂੰ ਅਗਨੀ ਉਸ ਦੇ ਚਾਚਾ ਅਸ਼ੋਕ ਕੁਮਾਰ ਮੰਗਾ ਨੇ ਦਿੱਤੀ। ਬੁੱਧਵਾਰ ਅੰਤਿਮ ਸਸਕਾਰ ਹੋਣ ਤੋਂ ਪਹਿਲਾਂ ਸਥਿਤੀ ਉਸ ਵੇਲੇ ਤਨਾਅ ਪੂਰਨ ਬਣ ਗਈ ਜਦ ਦੋਵਾਂ ਨੌਜਵਾਨਾਂ ਦੀਆਂ ਮ੍ਰਿਤਕ ਦੇਹਾ ਇਕੱਠੀਆਂ ਹੀ ਸਥਾਨਕ ਚੌਕ 'ਚ ਪੁੱਜ ਗਈਆਂ ਤੇ ਭਾਵੁਕ ਹੋਏ ਨੌਜਵਾਨ ਗੋਰੂ ਦੇ ਪਰਿਵਾਰਕ ਮੈਬਰਾਂ ਤੇ ਵੱਡੀ ਗਿਣਤੀ 'ਚ ਪਹੁੰਚੇ। ਉਨ੍ਹਾਂ ਦੇ ਦੋਸਤਾਂ ਤੇ ਰਿਸ਼ਤੇਦਾਰਾਂ ਨੇ ਮ੍ਰਿਤਕ ਦੇਹ ਨੂੰ ਕਸਬੇ ਦੇ ਪੁਰਾਣਾ ਬੱਸ ਸਟੈਡ ਦੇ ਮੇਨ ਚੌਕ 'ਚ ਰੱਖ ਕੇ ਧਰਨਾ ਲਾਉਣ ਦਾ ਐਲਾਨ ਕਰ ਦਿੱਤਾ ਤੇ ਕਿਹਾ ਕਿ ਜਿਨ੍ਹਾਂ ਸਮਾਂ ਪੁਲਸ ਵੱਲਂੋ ਦੋਸ਼ੀਆਂ ਨੂੰ ਗ੍ਰਿਫਤਾਰ ਨਹੀਂ ਕੀਤਾ ਜਾਦਾਂ, ਉਦੋਂ ਤੱਕ ਇਨ੍ਹਾਂ ਨੌਜਵਾਨਾਂ ਦਾ ਅੰਤਿਮ ਸਸਕਾਰ ਨਹੀਂ ਕੀਤਾ ਜਾਵੇਗਾ।
ਇਸ ਮੌਕੇ ਹਾਜ਼ਰ ਡੀ. ਐੱਸ. ਪੀ ਦੀਪਕ ਰਾਏ ਨੇ ਇਸ ਨਾਜ਼ੁਕ ਸਥਿਤੀ ਨੂੰ ਸੰਭਾਲਦਿਆ ਪਰਿਵਾਰਕ ਮੈਬਰਾਂ ਨੂੰ ਵਿਸ਼ਵਾਸ ਦਿਵਾਇਆ ਕਿ ਪੁਲਸ ਵੱਲੋਂ ਜਲਦੀ ਹੀ ਉਕਤ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰਕੇ ਜੇਲ ਭੇਜਿਆ ਜਾਵੇਗਾ। ਡੀ. ਐੱਸ. ਪੀ ਦੇ ਵਿਸ਼ਵਾਸ ਦੇਣ ਮਗਰੋ ਸੰਜੀਵ ਕੁਮਾਰ ਗੋਰੂ ਦਾ ਅੰਤਿਮ ਸਸਕਾਰ ਗੱਡੀਆਂ ਦੇ ਕਾਫਲੇ ਰਾਹੀ ਧਰਮਕੋਟ ਪੱਤਣ ਰਾਵੀ ਦਰਿਆ ਦੇ ਕੰਡੇ ਕਰ ਦਿੱਤਾ ਗਿਆ।
ਕਸਬਾ ਡੇਰਾ ਬਾਬਾ ਨਾਨਕ ਵਿਖੇ ਸ਼ਰਾਬ ਦੇ ਠੇਕੇਦਾਰ ਦੇ ਕਰਿੰਦਿਆ ਵੱਲੋ ਗੱਡੀ ਮਾਰਨ ਨਾਲ 2 ਨੌਜਵਾਨਾਂ ਦੀ ਮੌਤ ਹੋ ਗਈ ਸੀ ਜਿਸ ਦੇ ਰੋਸ ਵਜੋਂ ਦੂਸਰੇ ਦਿਨ ਵੀ ਕਸਬਾ ਡੇਰਾ ਬਾਬਾ ਨਾਨਕ ਪੂਰਨ ਤੌਰ 'ਤੇ ਬੰਦ ਰਿਹਾ। ਕਸਬੇ ਦੇ ਪ੍ਰਾਈਵੇਟ ਤੇ ਸਰਕਾਰੀ ਸਕੂਲਾਂ ਤੋਂ ਇਲਾਵਾ ਬੈਂਕਾਂ ਸਮੇਤ ਸਾਰੇ ਪ੍ਰਾਈਵੇਟ ਤੇ ਸਰਕਾਰੀ ਅਦਾਰੇ ਪੂਰਨ ਤੌਰ 'ਤੇ ਬੰਦ ਰਹੇ। ਇਸ ਮੌਕੇ ਕਿਸੇ ਅਣਸੁਖਾਵੀ ਘਟਨਾ ਨੂੰ ਮੱਦੇਨਜ਼ਰ ਰੱਖਦਿਆ ਪੁਲਸ ਪ੍ਰਸ਼ਾਸਨ ਵੱਲੋਂ ਸੁਰੱਖਿਆ ਦੇ ਕਰੜੇ ਪ੍ਰਬੰਧ ਕੀਤੇ ਗਏ ਜਿਸ ਦੀ ਨਿਗਰਾਨੀ ਖੁਦ ਐੱਸ. ਐੱਸ. ਪੀ. ਬਟਾਲਾ ਉਪਿੰਦਰਜੀਤ ਸਿੰਘ ਘੁੰਮਣ ਕਰ ਰਹੇ ਸਨ। ਇਸ ਮੌਕੇ ਡੀ. ਐੱਸ. ਪੀ ਦੀਪਕ ਰਾਏ ਤੇ ਐੱਸ. ਐੱਚ. ਓ ਅਵਤਾਰ ਸਿੰਘ ਵੱਲੋਂ ਪੁਲਸ ਪਾਰਟੀਆਂ ਨੂੰ ਲੈ ਕੇ ਥਾਂ ਥਾਂ ਤੇ ਨਾਕੇ ਲਗਾ ਕੇ ਆਉਣ ਜਾਣ ਵਾਲੇ ਵਾਹਨਾ ਦੀ ਚੈਕਿੰਗ ਕੀਤੀ ਜਾ ਰਹੀ ਸੀ।
ਇਸ ਮੌਕੇ ਚੇਅਰਮੈਨ ਗੁਰਪ੍ਰਤਾਪ ਸਿੰਘ ਖੁਸ਼ਹਾਲਪੁਰ, ਜਥੇਦਾਰ ਅਮਰੀਕ ਸਿੰਘ ਸਾਹਪੁਰ ਮੈਂਬਰ ਅੰਤ੍ਰਿਗ ਕਮੇਟੀ, ਭਾਈ ਸਰਵਨ ਸਿੰਘ ਅਗਵਾਨ, ਬਾਪੂ ਪੂਰਨ ਸਿੰਘ ਪੱਡਾ, ਰਛਪਾਲ ਸਿੰਘ ਪੱਡਾ, ਤਰਸੇਮ ਸਿੰਘ ਪੱਡਾ, ਅਸ਼ੋਕ ਕਮਾਰ ਮੰਗਾਂ, ਦਵਿੰਦਰ ਪਾਲ ਪਾਲੀ, ਕੰਮਲਜੀਤ ਸਿੰਘ ਟੋਨੀ ਪੀ ਏ, ਮੁਨੀਸ਼ ਮਹਾਜਨ, ਸੁਖਵਿੰਦਰ ਸਿੰਘ ਅਗਵਾਨ, ਬਲਦੇਵ ਰਾਜ ਡਾਇਮੰਡ, ਹਰਮੇਸ਼ ਵਿੱਗ, ਬੀਬੀ ਕੁਲਵੰਤ ਕੋਰ ਸਾਰੇ ਕੌਂਸਲਰ, ਚੇਅਰਮੈਨ ਮਨਮੋਹਨ ਸਿੰਘ ਪੱਖੋਕੇ, ਜਨਕ ਰਾਜ ਮਹਾਜਨ, ਚੰਦਾ ਸਿੰਘ ਹਰੂਵਾਲ, ਬਾਬਾ ਮਿੰਟੀ, ਰਜੇਸ਼ ਗੁਪਤਾ, ਨਰਿੰਦਰ ਸਿੰਘ ਭਿੰਡਰ, ਸੱਤਪਾਲ ਸੌਕੀ, ਸੁਰਜੀਤ ਸਿੰਘ ਖੁਸ਼ਹਾਲਪੁਰ, ਗੁਰਮੀਤ ਸਿੰਘ ਖਾਸਾਂਵਾਲੀ, ਰਿੰਕਾ ਅਗਵਾਨ,ਸਤਬੀਰ ਸਿੰਘ ਬਿੱਟੂ, ਚੰਦਾ ਸਿੰਘ ਹਰੂਵਾਲ, ਇੰਦਰਜੀਤ ਸਿੰਘ ਖੇਦਬੇਟ, ਸੁਖਜੀਤ ਸਿੰਘ ਨੇਕੀ, ਮੇਜਰ ਸਿੰਘ ਠੇਠਰਕੇ, ਮਹਿੰਦਰ ਸਿੰਘ ਖੁਸ਼ਹਾਲਪੁਰ, ਸੱਜਣ ਸਿੰਘ ਖਲੀਲਪੁਰ, ਹਰਪਾਲ ਸਿੰਘ ਰੰਧਾਵਾ, ਬਲਦੇਵ ਸਿੰਘ ਧਰਮਾਬਾਦ, ਮੱਖਣ ਸਿੰਘ ਸਾਹਪੁਰ, ਹਰਜੀਤ ਸਿੰਘ ਠੇਠਰਕੇ, ਮਾਸਟਰ ਸਤਨਾਮ ਸਿੰਘ,ਸਰਪੰਚ ਮੋਹਨ ਸਿੰਘ, ਦਰਸ਼ਨ ਸਿੰਘ ਸਮੇਤ ਵੱਡੀ ਗਿਣਤੀ 'ਚ ਪੁੱਜੇ ਲੋਕਾਂ ਨੇ ਦੋਵਾਂ ਨੌਜਵਾਨਾਂ ਨੂੰ ਨਮ ਅੱਖਾਂ ਨਾਲ ਅੰਤਿਮ ਵਿਦਾਇਗੀ ਦਿੱਤੀ।
ਜ਼ਿਲੇ 'ਚ ਜਲਦ ਸ਼ੁਰੂ ਹੋਵੇਗਾ ਈ-ਰਜਿਸਟਰੀ ਪ੍ਰੋਜੈਕਟ : ਡਿਪਟੀ ਕਮਿਸ਼ਨਰ
NEXT STORY 
