ਅੰਮ੍ਰਿਤਸਰ (ਅਣਜਾਨ)- ਅੰਮ੍ਰਿਤਸਰ ਵਿਚ ਸਿਹਤ ਸਹੂਲਤਾਂ ਦੀ ਹਾਲਤ ਚਿੰਤਾਜਨਕ ਹੈ। ਹਰ ਰੋਜ਼ ਹਜ਼ਾਰਾਂ ਲੋਕ ਆਪਣਾ ਇਲਾਜ ਕਰਵਾਉਣ ਲਈ ਇਥੋਂ ਦੇ ਗੁਰੂ ਨਾਨਕ ਹਸਪਤਾਲ ਤੇ ਸਿਵਲ ਹਸਪਤਾਲ ਵਿਚ ਖੱਜਲ ਹੁੰਦੇ ਵੇਖੇ ਜਾਂਦੇ ਹਨ। ਕਈ ਵਾਰ ਤਾਂ ਇਸ ਦਾ ਨਤੀਜਾ ਇਥੇ ਇਲਾਜ ਕਰਵਾਉਣ ਆਏ ਵਿਅਕਤੀਆਂ ਨੂੰ ਆਪਣੀ ਜਾਨ ਗੁਆ ਕੇ ਭੁਗਤਨਾ ਪੈਂਦਾ ਹੈ। ਇਹ ਪ੍ਰਗਟਾਵਾ ਆਮ ਆਦਮੀ ਪਾਰਟੀ ਦੇ ਆਗੂ ਕੁਲਦੀਪ ਸਿੰਘ ਧਾਲੀਵਾਲ ਨੇ ਵੇਰਕਾ ਵਿਖੇ ਪੂਰਬੀ ਹਲਕੇ ਦੇ ਕੋ ਇੰਚਾਰਜ ਅਨਿਲ ਮਹਾਜਨ ਵੱਲੋਂ ਰੱਖੀ ਇਕ ਇਕੱਤਰਤਾ ਨੂੰ ਸੰਬੋਧਨ ਕਰਨ ਮੌਕੇ ਕੀਤਾ। ਉਨ੍ਹਾਂ ਕਿਹਾ ਕਿ ਇਹ ਸਭ ਸਰਕਾਰ ਦੀ ਢਿੱਲੀ ਕਾਰਗੁਜਾਰੀ ਤੇ ਲਾਪਰਵਾਹੀ ਦਾ ਨਤੀਜਾ ਹੈ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਦਿਹਾਤੀ ਇਲਾਕਿਆਂ ’ਚ ਖੁੱਲੀਆਂ ਕਲੀਨਿਕਾਂ ਬਾਰੇ ਕਿਹਾ ਕਿ ਅਜਿਹੇ ਕਲੀਨਿਕਾਂ ਨੂੰ ਖੋਲ ਕੇ ਸਰਕਾਰ ਸਿਰਫ ਖਾਨਾਪੂਰਤੀ ਕਰ ਰਹੀ ਹੈ ਕਿਉਂਕਿ ਮਰੀਜਾਂ ਲਈ ਇਥੇ ਦਵਾਈਆਂ ਤਾਂ ਮੁਹੱਈਆ ਹੁੰਦੀਆਂ ਨਹੀਂ ਹਨ। ਧਾਲੀਵਾਲ ਨੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਇਕ ਵਾਰ ਰਿਵਾਇਤੀ ਪਾਰਟੀਆਂ ਦੇ ਜਾਲ ’ਚੋਂ ਮੁਕਤ ਤਾਂ ਹੋ ਕੇ ਦੇਖਣ। ਪੰਜਾਬ ਵਿਚ ਵੀ ਦਿੱਲੀ ਵਰਗੀਆਂ ਸਿਹਤ ਸੁਵਿਧਾਵਾਂ ਪ੍ਰਦਾਨ ਜਰੂਰ ਕੀਤੀਆਂ ਜਾਣਗੀਆਂ। ਧਾਲੀਵਾਲ ਨੇ ਕਿਹਾ ਕਿ ਅੱਜ ਦੇ ਸਮੇਂ ਵਿਚ ਦਿੱਲੀ ਦੇ ਸਰਕਾਰੀ ਹਸਪਤਾਲਾਂ ਵਿਚ ਮੁੱਫਤ ਇਲਾਜ ਤੇ ਦਵਾਈਆ ਮਿਲ ਰਹੀਆਂ ਹਨ ਤੇ ਉੱਥੇ ਕਿਸੇ ਵੀ ਤਰ੍ਹਾਂ ਦੀ ਕੁਤਾਹੀ ਨਹੀਂ ਵਰਤੀ ਜਾਂਦੀ। ਇਸ ਮੌਕੇ ਬੂਟਾ ਰਾਮ, ਸੁਰਿੰਦਰ ਸਿੰਘ, ਕੋ ਇੰਚਾਰਜ ਹਲਕਾ ਪੂਰਬੀ ਅਨਿਲ ਮਹਾਜਨ, ਕੰਸ ਰਾਜ, ਭਾਰਦਵਾਜ, ਪਵਨ ਕੁਮਾਰ, ਜਗਦੀਪ ਸਿੰਘ, ਅਮਰੀਕ ਸਿੰਘ, ਕਸ਼ਮੀਰ ਸਿੰਘ ਰੰਧਾਵਾ ਆਦਿ ਹਾਜ਼ਰ ਸਨ।
ਸਹੁਰਾ ਪਰਿਵਾਰ ਤੋਂ ਦੁਖੀ ਵਿਆਹੁਤਾ ਨੇ ਲਾਈ ਖੁਦ ਨੂੰ ਅੱਗ
NEXT STORY 
