ਟਾਂਡਾ ਉੜਮੁੜ (ਵਰਿੰਦਰ ਪੰਡਿਤ, ਮੋਮੀ) : ਪਿੰਡ ਤਲਵੰਡੀ ਡੱਡੀਆਂ ਵਿਚ ਇਕ ਔਰਤ ਨੂੰ ਕਤਲ ਕਰਨ ਦੇ ਦੋਸ਼ ਵਿਚ ਟਾਂਡਾ ਪੁਲਸ ਨੇ ਉਸਦੇ ਪਤੀ ਅਤੇ ਸ਼ਹਿ ਦੇਣ ਵਾਲੀ ਸੱਸ ਖ਼ਿਲਾਫ਼ ਕਤਲ ਦਾ ਮਾਮਲਾ ਦਰਜ ਕੀਤਾ ਹੈ। ਪੁਲਸ ਨੇ ਮ੍ਰਿਤਕ ਜਸਵੀਰ ਕੌਰ ਦੇ ਭਰਾ ਜਗਤਾਰ ਸਿੰਘ ਪੁੱਤਰ ਨਿਰੰਜਨ ਸਿੰਘ ਵਾਸੀ ਬਸੋਆ ਦੇ ਬਿਆਨਾਂ ’ਤੇ ਮ੍ਰਿਤਕਾ ਦੇ ਪਤੀ ਸੁਖਵਿੰਦਰ ਸਿੰਘ ਪੁੱਤਰ ਬਲਵਿੰਦਰ ਸਿੰਘ ਅਤੇ ਸੱਸ ਗੁਰਮੀਤ ਕੌਰ ਵਾਸੀ ਤਲਵੰਡੀ ਡੱਡੀਆਂ ਖ਼ਿਲਾਫ਼ ਦਰਜ ਕੀਤਾ ਹੈ।
ਇਹ ਹਨ ਬਿਆਨ
ਥਾਣਾ ਮੁਖੀ ਟਾਂਡਾ ਇੰਸਪੈਕਟਰ ਬਿਕਰਮ ਸਿੰਘ ਨੇ ਦੱਸਿਆ ਕਿ ਜਗਤਾਰ ਸਿੰਘ ਨੇ ਆਪਣੇ ਬਿਆਨ ਵਿਚ ਦੱਸਿਆ ਕਿ ਉਸਦੀ ਭੈਣ ਜਸਵੀਰ ਕੌਰ ਦਾ ਵਿਆਹ 2007 ਵਿਚ ਹੋਇਆ ਸੀ ਅਤੇ ਉਸਦੇ ਦੋ ਬੱਚੇ ਹਨ। ਉਸਦਾ ਜੀਜਾ ਅਕਸਰ ਉਸਦੀ ਭੈਣ ਨਾਲ ਮਾਰ ਕੁਟਾਈ ਕਰਦਾ ਰਹਿੰਦਾ ਸੀ ਅਤੇ ਇਸ ਨੂੰ ਲੈ ਕੇ ਕਈ ਵਾਰ ਪੰਚਾਇਤਾਂ ਵੀ ਹੋ ਚੁੱਕੀਆਂ ਹਨ। 31 ਮਈ ਨੂੰ ਉਸਨੂੰ ਉਸਦੀ ਭੈਣ ਨੇ ਦੋ ਵਾਰ ਫੋਨ ਕਰਕੇ ਦੱਸਿਆ ਕਿ ਉਸਦਾ ਪਤੀ ਉਸਦੀ ਕੁੱਟਮਾਰ ਕਰ ਰਿਹਾ ਹੈ ਜਦੋਂ ਉਹ ਆਪਣੀ ਭੈਣ ਦੇ ਘਰ ਪਹੁੰਚਿਆ ਤਾ ਉਹ ਮੰਜੇ ’ਤੇ ਨਰਵਸ ਹੋਣ ਕਰਕੇ ਲੇਟੀ ਪਈ ਸੀ। ਉਸਨੂੰ ਟਾਂਡਾ ਦੇ ਸਰਕਾਰੀ ਹਸਪਤਾਲ ਵਿਚ ਮੁੱਢਲੀ ਡਾਕਟਰੀ ਮਦਦ ਦੇਣ ਉਪਰੰਤ ਉਹ ਥਾਣੇ ਜਾਣਕਾਰੀ ਦੇਣ ਚਲਾ ਗਿਆ ਅਤੇ ਉਸਦੀ ਭੈਣ ਨੂੰ ਉਸਦੀ ਮਾਸੀ ਦੀ ਨੂੰਹ ਮਲਕੀਤ ਕੌਰ ਆਪਣੀ ਸਕੂਟਰੀ ’ਤੇ ਬੈਠਾ ਆਪਣੇ ਪਿੰਡ ਪ੍ਰੇਮਪੁਰ ਲੈ ਗਈ।
ਇਸ ਦੌਰਾਨ ਰਸਤੇ ਵਿਚ ਵੀ ਜਸਵੀਰ ਪੇਟ ਵਿਚ ਦਰਦ ਬਾਰੇ ਕਹਿੰਦੀ ਰਹੀ, ਜਦੋਂ ਉਹ ਪ੍ਰੇਮਪੁਰ ਘਰ ਸਾਹਮਣੇ ਪਹੁੰਚਿਆ ਹੀ ਸੀ ਕਿ ਉਸਦੀ ਭੈਣ ਬੇਹੋਸ਼ ਹੋ ਕੇ ਡਿੱਗ ਗਈ ਅਤੇ ਉਸਦੀ ਮੌਤ ਹੋ ਗਈ। ਜਗਤਾਰ ਸਿੰਘ ਨੇ ਦੋਸ਼ ਲਾਇਆ ਕਿ ਉਸਦੀ ਭੈਣ ਦੀ ਮੌਤ ਉਸਦੇ ਜੀਜੇ ਵੱਲੋਂ ਆਪਣੀ ਮਾਂ ਦੀ ਸ਼ਹਿ ਨਾਲ ਕੀਤੀ ਕੁੱਟਮਾਰ ਨਾਲ ਹੋਈ ਹੈ। ਪੁਲਸ ਨੇ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਥਾਣਾ ਮੁਖੀ ਨੇ ਦੱਸਿਆ ਕਿ ਪੋਸਟ ਮਾਰਟਮ ਡਾਕਟਰਾਂ ਦਾ ਬੋਰਡ ਬਣ ਵਾ ਕੇ ਕਰਵਾਇਆ ਜਾ ਰਿਹਾ ਹੈ।
ਕੋਰੋਨਾ ਨੂੰ ਦੇਖਦਿਆਂ ਪੀ. ਜੀ. ਦੇ ਐਂਟਰੈਂਸ ਐਗਜ਼ਾਮ ਮੁਲਤਵੀ
NEXT STORY 
