ਬਰਨਾਲਾ/ਭਦੌੜ (ਵਿਵੇਕ ਸਿੰਧਵਾਨੀ, ਰਾਕੇਸ਼): ਕਸਬਾ ਭਦੌੜ ਵਿਖੇ ਅੱਜ ਦੁਪਹਿਰ ਮੋਟਰਸਾਇਕਲ 'ਤੇ ਸਵਾਰ 4 ਵਿਅਕਤੀਆਂ ਨਾਲ ਹਾਦਸਾ ਵਾਪਰ ਗਿਆ ਜਿਸ ਕਾਰਨ ਤਿੰਨ ਵਿਅਕਤੀਆਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ ਅਤੇ ਇਕ ਦੀ ਹਾਲਤ ਗੰਭੀਰ ਬਣੀ ਹੋਈ ਹੈ ਜੋ ਹਸਪਤਾਲ ਦਾਖ਼ਲ ਹੈ।ਜਾਣਕਾਰੀ ਅਨੁਸਾਰ ਇਹ ਵਿਅਕਤੀ ਨਗਰ ਕੌਂਸਲ ਭਦੌੜ ਵਿਖੇ ਆਉਟਸੋਰਸਿੰਗ ਕੰਮ ਕਰਦੇ ਸਨ। ਅੱਜ ਜਦੋਂ ਆਪਣੇ ਸਾਥੀ ਮੁਰਾਰੀ ਲਾਲ ਪੁੱਤਰ ਸੁਰੇਸ਼ ਕੁਮਾਰ ਪਿੰਡ ਫੂਲੇਵਾਲ ਜ਼ਿਲ੍ਹਾ (ਬਠਿੰਡਾ) ਨੂੰ ਨਾਲ ਲੈ ਕੇ ਆ ਰਹੇ ਸਨ ਤਾਂ ਇਸ ਦੌਰਾਨ ਹੀ ਕੋਠੀ ਬੀੜ ਰੋਡ ’ਤੇ ਪੁਲੀ ਬਣੀ ਹੋਣ ਦੇ ਕਾਰਨ ਮੋਟਰਸਾਇਕਲ ਦਾ ਸੰਤੁਲਨ ਵਿਗੜ ਗਿਆ ਅਤੇ ਖੰਭੇ 'ਚ ਜਾ ਵੱਜਿਆ ਜਿਸ ਕਾਰਨ ਤਿੰਨ ਵਿਅਕਤੀਆਂ ਦੀ ਮੌਕੇ 'ਤੇ ਹੀ ਮੌਤ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ।
ਇਹ ਵੀ ਪੜ੍ਹੋ: ਕੈਪਟਨ ਸਾਬ੍ਹ! ਕਾਂਗਰਸ ਦੇ ਮੰਤਰੀ ਹੀ ਉਡਾ ਰਹੇ ਕੋਰੋਨਾ ਨਿਯਮਾਂ ਦੀਆਂ ਧੱਜੀਆਂ (ਵੀਡੀਓ)
ਭਰੋਸੇਯੋਗ ਸੂਤਰਾਂ ਤੋ ਮਿਲੀ ਜਾਣਕਾਰੀ ਅਨੁਸਾਰ ਨਗਰ ਕੋਂਸਲ ਭਦੌੜ ਵਿਖੇ ਆਉਟਸੋਰਸਿੰਗ ਕੰਮ ਕਰ ਰਹੇ ਸੈਮੂਅਲ ਪੁੱਤਰ ਕਾਲੀ ਚਰਨ (26) ਵਾਸੀ ਫਰੀਦਕੋਟ ਹਾਲ ਅਬਾਦ ਭਦੌੜ, ਸੁਰਿੰਦਰ ਕੁਮਾਰ (32) ਪੁੱਤਰ ਪ੍ਰਕਾਸ਼ ਚੰਦ ਵਾਸੀ ਭਦੌੜ, ਬੀਰੂ ਸਿੰਘ (35) ਪੁੱਤਰ ਇੰਦਰ ਸਿੰਘ ਵਾਸੀ ਮਲੋਟ ਹਾਲ ਅਬਾਦ ਭਦੌੜ, ਅਤੇ ਮੁਰਾਰੀ ਲਾਲ ਪੁੱਤਰ ਸੁਰੇਸ਼ ਕੁਮਾਰ ਵਾਸੀ ਪਿੰਡ ਫੂਲੇਵਾਲ ਜ਼ਿਲ੍ਹਾ (ਬਠਿੰਡਾ) ਚਾਰੇ ਵਿਅਕਤੀ ਆਪਣੇ ਡੀਲਕਸ ਮੋਟਰਸਾਇਕਲ ਨੰ: ਪੀ.ਬੀ. 19 ਟੀ 7248 ਤੇ ਸਵਾਰ ਹੋ ਕੇ ਪਿੰਡ ਫੂਲੇਵਾਲ ਤੋ ਆਪਣੇ ਸਾਥੀ ਮੁਰਾਰੀ ਲਾਲ ਪੁੱਤਰ ਸ਼ੁਰੇਸ਼ ਕੁਮਾਰ ਨੂੰ ਨਾਲ ਲੈ ਕੇ ਭਦੌੜ ਵਿਖੇ ਕੋਠੀ ਬੀੜ ਨੈਣੇਵਾਲ ਵਾਲੀ ਰੋਡ ਤੇ ਆ ਰਹੇ ਸੀ।
ਇਹ ਵੀ ਪੜ੍ਹੋ: ਘਰੇਲੂ ਖਪਤਕਾਰਾਂ ਨੂੰ ਮਿਲੇਗੀ ਵੱਡੀ ਰਾਹਤ : ਪੰਜਾਬ ਰੈਗੂਲੇਟਰੀ ਕਮਿਸ਼ਨ ਅੱਜ ਕਰ ਸਕਦੈ ਨਵੀਆਂ ਬਿਜਲੀ ਦਰਾਂ ਦਾ ਐਲਾਨ
ਰਸਤੇ ਵਿੱਚ ਬਣੀ ਪੁਲੀ ਤੇ ਮੋਟਰਸਾਇਕਲ ਦਾ ਸੰਤੁਲਨ ਵਿਗੜਨ ਦੇ ਕਾਰਨ ਮੋਟਰਸਾਇਕਲ ਬਿਜਲੀ ਦੇ ਖੰਭੇ ਨਾਲ ਟਕਰਾਉਣ ਦੇ ਕਾਰਨ ਸੈਮੂਅਲ ਪੁੱਤਰ ਕਾਲੀ ਚਰਨ, ਸੁਰਿੰਦਰ ਕੁਮਾਰ ਪੁੱਤਰ ਪ੍ਰਕਾਸ ਚੰਦ, ਬੀਰੂ ਸਿੰਘ ਪੁੱਤਰ ਇੰਦਰ ਸਿੰਘ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ, ਜਦੋਂਕਿ ਮੁਰਾਰੀ ਲਾਲ ਸਿਵਲ ਹਸਪਤਾਲ ਬਰਨਾਲਾ ਵਿਖੇ ਜੇਰੇ ਇਲਾਜ ਹੈ। ਘਟਨਾ ਸਥਾਨ ’ਤੇ ਥਾਣਾ ਭਦੌੜ ਦੇ ਐੱਸ.ਐੱਚ.ਓ. ਮੁਨੀਸ਼ ਕੁਮਾਰ ਆਪਣੀ ਪੂਰੀ ਪੁਲਸ ਟੀਮ ਨਾਲ ਪਹੁੰਚ ਚੁੱਕੇ ਸਨ ਅਤੇ ਕਾਰਵਾਈ ਵਿੱਚ ਜੁਟ ਗਏ ਸਨ।
ਇਹ ਵੀ ਪੜ੍ਹੋ: ਮੌੜ ਹਲਕੇ ਤੋਂ 'ਆਪ' ਵਿਧਾਇਕ ਕਮਾਲੂ ਕਰ ਸਕਦੈ ਨੇ ਵੱਡਾ ਸਿਆਸੀ ਧਮਾਕਾ, ਕਾਂਗਰਸ ਨਾਲ ਨੇੜਤਾ ਦੇ ਚਰਚੇ
ਨੋਟ - ਇਸ ਖ਼ਬਰ ਸੰਬੰਧੀ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦੱਸੋ?
ਸੰਘਰਸ਼ ਦੇ ਲੇਖੇ ਲੱਗੀ ਇਕ ਹੋਰ ਜਾਨ, ਟਿਕਰੀ ਸਰਹੱਦ ਤੋਂ ਪਰਤੇ ਕਿਸਾਨ ਦੀ ਮੌਤ
NEXT STORY 
