ਜਲੰਧਰ (ਵਰੁਣ)–ਵਿਧਾਇਕ ਰਮਨ ਅਰੋੜਾ ਦੇ ਵਿਧਾਇਕ ਬਣਨ ਤੋਂ ਬਾਅਦ ਉਨ੍ਹਾਂ ਦੇ ਰਿਸ਼ਤੇਦਾਰ (ਜਗਦੰਬੇ ਫੈਸ਼ਨ ਹਾਊਸ ਦੇ ਮਾਲਕ) ਦਾ 2 ਸਾਲਾਂ ’ਚ 20 ਗੁਣਾ ਕਾਰੋਬਾਰ ਵਿਧਾਇਕ ਦੀ ਪਲਾਨਿੰਗ ਕਾਰਨ ਹੀ ਵਧਿਆ ਸੀ। ਵਿਜੀਲੈਂਸ ਨੇ ਵਿਧਾਇਕ ਦੇ ਰਿਸ਼ਤੇਦਾਰ ਦੀ ਜੋ ਬੈਂਕ ਸਟੇਟਮੈਂਟ ਕਢਵਾਈ ਹੈ, ਉਸ ’ਚ ਸੂਰਤ ਦੀ ਕੰਪਨੀ ਨਾਲ ਸਾਹਮਣੇ ਆਈ ਲੱਖਾਂ ਰੁਪਏ ਦੀ ਲੈਣ-ਦੇਣ ਦੀ ਸੱਚਾਈ ਵੀ ਸਾਹਮਣੇ ਆ ਗਈ ਹੈ। ਇਸ ਲੈਣ-ਦੇਣ ਅਤੇ ਜਗਦੰਬੇ ਫੈਸ਼ਨ ਹਾਊਸ ਦੇ ਮਾਲਕ ਅਤੇ ਵਿਧਾਇਕ ਦੇ ਰਿਸ਼ਤੇਦਾਰ ਨੂੰ ਲੈ ਕੇ ਕਈ ਨਵੇਂ ਸਬੂਤ ਵੀ ਵਿਜੀਲੈਂਸ ਤਕ ਪਹੁੰਚ ਗਏ ਹਨ।
ਜੇਕਰ ਭਰੋਸੇਯੋਗ ਸੂਤਰਾਂ ਦੀ ਮੰਨੀਏ ਤਾਂ ਵਿਧਾਇਕ ਨੇ ਇਹ ਸਾਰੀ ਖੇਡ ਕਾਲੇ ਧਨ ਨੂੰ ਚਿੱਟੇ ’ਚ ਬਦਲਣ ਲਈ ਖੇਡੀ ਸੀ। ਜਗਦੰਬੇ ਫੈਸ਼ਨ ਹਾਊਸ ਦੇ ਮਾਲਕ ਨਾਲ ਮਿਲ ਕੇ ਵਿਧਾਇਕ ਰਮਨ ਅਰੋੜਾ ਨੇ ਸੂਰਤ ਦੇ ਪਤੇ ’ਤੇ ਇਕ ਜਾਅਲੀ ਕੰਪਨੀ ਖੋਲ੍ਹੀ। ਹਾਲਾਂਕਿ ਕੁਝ ਚੀਜ਼ਾਂ ਸੂਰਤ ਤੋਂ ਆਈਆਂ ਸਨ ਪਰ ਸਾਰੇ ਸੂਟ ਜਲੰਧਰ ’ਚ ਇਕ ਕਿਰਾਏ ਦੀ ਫੈਕਟਰੀ ’ਚ ਡਿਜ਼ਾਈਨ ਅਤੇ ਸਿਲਾਈ ਕੀਤੇ ਗਏ ਸਨ। ਉੱਥੇ ਹੀ ਉਨ੍ਹਾਂ ਨੂੰ ਨਕਲੀ ਸੂਰਤ ਕੰਪਨੀ ਦੇ ਟੈਗ ਲਗਾ ਕੇ ਪੈਕ ਅਤੇ ਸਪਲਾਈ ਕੀਤਾ ਜਾਂਦਾ ਸੀ। ਕਾਲੇ ਧਨ ਨੂੰ ਘਰ ਲਿਜਾ ਕੇ ਉਨ੍ਹਾਂ ਦੇ ਬੈਂਕ ਖਾਤਿਆਂ ’ਚ ਟਰਾਂਸਫਰ ਕਰ ਕੇ ਚਿੱਟਾ ਕੀਤਾ ਜਾਂਦਾ ਸੀ। ਇਹੀ ਕਾਰਨ ਹੈ ਕਿ ਵਿਧਾਇਕ ਦੇ ਰਿਸ਼ਤੇਦਾਰ ਦਾ ਕਾਰੋਬਾਰ, ਜੋ ਪਹਿਲਾਂ ਲੱਖਾਂ ’ਚ ਹੁੰਦਾ ਸੀ, 2 ਸਾਲਾਂ ’ਚ ਹੀ 12 ਕਰੋੜ ਰੁਪਏ ਤੱਕ ਪਹੁੰਚ ਗਿਆ।
ਇਹ ਵੀ ਪੜ੍ਹੋ: ਪੰਜਾਬ ਦੇ ਲੋਕਾਂ ਨੂੰ ਘਰ ਬੈਠੇ ਹੋਵੇਗਾ ਫਾਇਦਾ, ਮਾਨ ਸਰਕਾਰ ਨੇ ਚੁੱਕਿਆ ਵੱਡਾ ਕਦਮ
ਇੰਨਾ ਹੀ ਨਹੀਂ, ਵਿਧਾਇਕ ਵੱਲੋਂ ਕਈ ਹੋਰ ਦੁਕਾਨਦਾਰਾਂ ਨੂੰ ਵੀ ਜਲੰਧਰ ’ਚ ਤਿਆਰ ਕੀਤੇ ਫਰਜ਼ੀ ਕੰਪਨੀ ਦੇ ਸੂਟ ਵੇਚਣ ਲਈ ਸਪਲਾਈ ਕੀਤੇ ਜਾਂਦੇ ਸਨ ਜਿਸ ਦਾ ਰੈਕੇਟ ਕਾਫ਼ੀ ਵੱਡਾ ਹੈ। ਦੁਕਾਨਦਾਰਾਂ ਨੂੰ ਤਾਂ ਪਤਾ ਹੁੰਦਾ ਸੀ ਪਰ ਗਾਹਕਾਂ ਨੂੰ ਸੂਰਤ ਤੋਂ ਤਿਆਰ ਹੋ ਕੇ ਆਇਆ ਸੂਟ ਕਹਿ ਕੇ ਵੇਚ ਦਿੱਤਾ ਜਾਂਦਾ ਸੀ। ਕੁਝ ਦੇਰ ਪਹਿਲਾਂ ਹੀ ਵਿਧਾਇਕ ਰਮਨ ਅਰੋੜਾ ਨੇ ਆਪਣੇ ਰਿਸ਼ਤੇਦਾਰ ਦੇ ਨਾਂ ’ਤੇ 80 ਮਰਲੇ ਜ਼ਮੀਨ ਨਾਗਰਾ ਫਾਟਕ ਨੇੜੇ ਖਰੀਦੀ ਸੀ, ਜਦਕਿ ਦੂਜੀ ਫੈਕਟਰੀ ਬਣਾਉਣ ਲਈ ਰਣਵੀਰ ਕਲਾਸਿਕ ਨੇੜੇ ਕਰੋੜਾਂ ਦਾ ਪਲਾਟ ਖਰੀਦਿਆ ਗਿਆ ਸੀ। ਇਸ ਸਮੇਂ ਉਹ ਫਿਲਹਾਲ ਕਿਰਾਏ ’ਤੇ ਫੈਕਟਰੀ ਲੈ ਕੇ ਬਸਤੀ ਬਾਵਾ ਖੇਲ ਇਲਾਕੇ ’ਚ ਚਲਾ ਰਹੇ ਹਨ, ਜਿਸ ’ਚ 150-200 ਕਾਰੀਗਰ ਕੰਮ ਕਰ ਰਹੇ ਹਨ।
ਵਿਧਾਇਕ ਗ੍ਰਿਫ਼ਤਾਰ ਨਾ ਹੁੰਦੇ ਤਾਂ ਹੁਣ ਤਕ ਦੋਵੇਂ ਫੈਕਟਰੀਆਂ ਸ਼ਿਫਟ ਹੋ ਜਾਣੀਆਂ ਸਨ। ਵਿਜੀਲੈਂਸ ਕੋਲ ਖਰੀਦੀ ਗਈ ਪ੍ਰਾਪਰਟੀ ਦੀਆਂ ਤਸਵੀਰਾਂ ਅਤੇ ਹੋਰ ਸਬੂਤ ਪਹੁੰਚ ਗਏ ਹਨ, ਜਿਨ੍ਹਾਂ ਦੀ ਹੁਣ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਇਸ ਰੈਕੇਟ ’ਚ ਤੰਗ ਬਾਜ਼ਾਰਾਂ ਦੇ ਕਈ ਲੇਡੀਜ਼ ਸੂਟ ਕਾਰੋਬਾਰੀ ਜਾਂਚ ਦੇ ਘੇਰੇ ’ਚ ਆ ਸਕਦੇ ਹਨ, ਜੋ ਵਿਧਾਇਕ ਦੇ ਨਜ਼ਦੀਕੀ ਵੀ ਹਨ ਅਤੇ ਕਈ ਪ੍ਰਾਪਰਟੀਆਂ ’ਚ ਭਾਈਵਾਲ ਵੀ ਹਨ।
ਇਹ ਵੀ ਪੜ੍ਹੋ: ਜਲੰਧਰ-ਅੰਮ੍ਰਿਤਸਰ ਹਾਈਵੇਅ ’ਤੇ ਬਿਨਾਂ ਡਰਾਈਵਰ ਤੇਲ ਨਾਲ ਭਰਿਆ ਟੈਂਕਰ ਦੌੜਿਆ, ਮਚੀ ਹਫ਼ੜਾ-ਦਫ਼ੜੀ
ਫੁੱਟਬਾਲ ਚੌਂਕ ਨੇੜੇ ਵਾਲੀ ਪ੍ਰਾਪਰਟੀ ਵੀ ਆਈ ਸਾਹਮਣੇ
ਦੂਜੇ ਪਾਸੇ ਫੁੱਟਬਾਲ ਚੌਂਕ ਵਾਲੀ ਪ੍ਰਾਪਰਟੀ ਵੀ ਸੁਰਖੀਆਂ ’ਚ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਜ਼ਮੀਨ ਲਈ ਡਾਕਟਰ ਅਤੇ ਹੋਰ ਲੋਕਾਂ ਵਿਚਕਾਰ ਝਗੜਾ ਚੱਲ ਰਿਹਾ ਸੀ। ਜਿਉਂ ਹੀ ਵਿਧਾਇਕ ਕੋਲ ਮਾਮਲਾ ਪਹੁੰਚਿਆ ਤਾਂ ਉਨ੍ਹਾਂ ਕਥਿਤ ਤੌਰ ’ਤੇ ਦਬਾਅ ਪਾਇਆ ਅਤੇ ਬਾਅਦ ’ਚ ਉਕਤ ਜ਼ਮੀਨ ਬਹੁਤ ਸਸਤੇ ਰੇਟ ’ਤੇ ਖਰੀਦ ਲਈ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਪ੍ਰਾਪਰਟੀ ’ਚ ਕਈ ਹਿੱਸੇਦਾਰ ਬਣੇ, ਜਿਸ ’ਤੇ ਹੋਟਲ ਬਣਾਇਆ ਜਾਣਾ ਸੀ। ਹੁਣ ਉਕਤ ਜ਼ਮੀਨ ਖਰੀਦਣ ਲਈ ਪੈਸੇ ਕਿੱਥੋਂ ਆਏ, ਇਸ ਦੀ ਜਾਂਚ ਵਿਜੀਲੈਂਸ ਵਿਭਾਗ ਕਰ ਸਕਦਾ ਹੈ।
ਦੂਜੇ ਪਾਸੇ ਰਾਮਾ ਮੰਡੀ ਇਲਾਕੇ ’ਚ ਬਣਾਈ ਗਈ ਪੰਜ ਮੰਜ਼ਿਲਾਂ ਇਮਾਰਤ ਦੇ ਮਾਲਕ ਨੇ ਆਪਣਾ ਪੱਖ ਰੱਖਦੇ ਹੋਏ ਕਿਹਾ ਕਿ ਇਹ ਇਮਾਰਤ ਪੁਰਾਣੀ ਹੈ ਅਤੇ ਹਨੇਰੀ ਆਉਣ ਕਾਰਨ ਸ਼ਟਰਿੰਗ ਡਿੱਗ ਗਈ ਸੀ, ਜਿਸ ਨੂੰ ਠੀਕ ਕਰਵਾਇਆ ਜਾ ਰਿਹਾ ਹੈ, ਨਾ ਕਿ ਕੋਈ ਨਵਾਂ ਉਸਾਰੀ ਦਾ ਕੰਮ ਚਲਾਇਆ ਜਾ ਰਿਹਾ ਹੈ।
ਇਹ ਵੀ ਪੜ੍ਹੋ: ਪੰਜਾਬ 'ਚ ਅਗਲੇ 3 ਦਿਨ ਭਾਰੀ! ਇਨ੍ਹਾਂ 9 ਜ਼ਿਲ੍ਹਿਆਂ ਲਈ Alert, ਮੌਸਮ ਦੀ ਹੋਈ ਵੱਡੀ ਭਵਿੱਖਬਾਣੀ
ਰਾਜੂ ਮਦਾਨ ਦੀ ਗ੍ਰਿਫ਼ਤਾਰੀ ਲਈ ਛਾਪੇਮਾਰੀ ਜਾਰੀ
ਵਿਜੀਲੈਂਸ ਟੀਮਾਂ ਵਿਧਾਇਕ ਰਮਨ ਅਰੋੜਾ ਦੇ ਰਿਸ਼ਤੇਦਾਰ ਰਾਜੂ ਮਦਾਨ ਦੀ ਭਾਲ ’ਚ ਲਗਾਤਾਰ ਛਾਪੇਮਾਰੀ ਕਰ ਰਹੀਆਂ ਹਨ। ਇੰਨਾ ਸਮਾਂ ਬੀਤ ਜਾਣ ਦੇ ਬਾਅਦ ਵੀ ਰਾਜੂ ਮਦਾਨ ਨੂੰ ਗ੍ਰਿਫ਼ਤਾਰ ਨਹੀਂ ਕੀਤਾ ਜਾ ਸਕਿਆ। ਰਾਜੂ ਮਦਾਨ ਨੂੰ ਪਨਾਹ ਦੇਣ ਵਾਲਿਆਂ ਵਿਰੁੱਧ ਵੀ ਕਾਨੂੰਨੀ ਕਾਰਵਾਈ ਤੈਅ ਹੈ। ਹਾਲਾਂਕਿ ਵਿਧਾਇਕ ਦਾ ਪੁੱਤਰ ਦੁਬਈ ਭੱਜ ਗਿਆ ਸੀ ਪਰ ਜੇਕਰ ਰਾਜੂ ਮਦਾਨ ਨੂੰ ਗ੍ਰਿਫ਼ਤਾਰ ਕਰ ਲਿਆ ਜਾਂਦਾ ਹੈ, ਤਾਂ ਤਹਿਸੀਲ ਦੇ ਐਨਕ ਵਾਲੇ ਰਜਿਸਟਰੀ ਕਲਰਕ ਤੋਂ ਲੈ ਕੇ ਫਾਈਨਾਂਸਰ ਅਤੇ ਵਿਧਾਇਕ ਦੇ ਗਰੁੱਪ ਨਾਲ ਜੁੜੇ ਹੋਰ ਬਹੁਤ ਸਾਰੇ ਲੋਕਾਂ ਦਾ ਪਰਦਾਫ਼ਾਸ਼ ਹੋ ਸਕਦਾ ਹੈ।
ਇਹ ਵੀ ਪੜ੍ਹੋ: ਸੁਖਦੇਵ ਸਿੰਘ ਢੀਂਡਸਾ ਦੀ ਅੰਤਿਮ ਅਰਦਾਸ ਮੌਕੇ ਪਹੁੰਚੇ ਡੇਰਾ ਬਿਆਸ ਮੁਖੀ ਗੁਰਿੰਦਰ ਸਿੰਘ ਢਿੱਲੋਂ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਬਠਿੰਡਾ ’ਚ ਗਰਮੀ ਦਾ ਕਹਿਰ, ਹਸਪਤਾਲਾਂ ’ਚ ਹੀਟ ਸਟਰੋਕ ਦੇ ਮਰੀਜ਼ ਵਧੇ
NEXT STORY 
