ਨਵੀਂ ਦਿੱਲੀ (ਏਜੰਸੀ) - ਇਸ ਸਾਲ ਭਾਰਤ-ਪਾਕਿਸਤਾਨ ਸਰਹੱਦ 'ਤੇ ਡਰੋਨ ਦੇਖੇ ਜਾਣ ਦੀਆਂ ਘਟਨਾਵਾਂ 'ਚ ਤਿੰਨ ਗੁਣਾ ਵਾਧਾ ਹੋਇਆ ਹੈ। ਇੱਕ ਮੀਡੀਆ ਰਿਪੋਰਟ ਮੁਤਾਬਕ ਜਿੱਥੇ 2021 ਵਿੱਚ 104 ਡਰੋਨ ਦੇਖੇ ਗਏ ਹਨ, ਉੱਥੇ ਹੀ ਇਸ ਸਾਲ 23 ਦਸੰਬਰ ਤੱਕ ਸਰਹੱਦ 'ਤੇ 311 ਡਰੋਨ ਦੇਖੇ ਗਏ ਹਨ। ਇਹ ਸੀਮਾ ਸੁਰੱਖਿਆ ਬਲ (ਬੀ.ਐੱਸ.ਐੱਫ.) ਵੱਲੋਂ ਇਕੱਠੇ ਕੀਤੇ ਗਏ ਅੰਕੜੇ ਹਨ। ਭਾਰਤ ਦੀ ਪਾਕਿਸਤਾਨ ਨਾਲ 3323 ਕਿਲੋਮੀਟਰ ਦੀ ਸਰਹੱਦ ਸਾਂਝੀ ਹੈ। ਜਿਸ ਦੀ ਰਾਖੀ ਬੀ.ਐੱਸ.ਐਫ ਦੇ ਜਵਾਨ ਕਰਦੇ ਹਨ। ਜੇਕਰ ਅਸੀਂ 2020 ਦੀ ਗੱਲ ਕਰੀਏ ਤਾਂ ਸਰਹੱਦ 'ਤੇ ਦਾਖ਼ਲ ਹੋਣ ਵਾਲੇ ਡਰੋਨਾਂ ਦੀ ਗਿਣਤੀ ਚੌਗੁਣੀ ਹੋ ਗਈ ਹੈ। ਹਥਿਆਰਾਂ ਅਤੇ ਗੋਲਾ ਬਾਰੂਦ ਦੀ ਤਸਕਰੀ ਵੀ ਸ਼ਾਮਲ ਹੈ। ਹਾਲਾਂਕਿ, ਚੌਕਸ ਬੀ.ਐੱਸ.ਐੱਫ. ਦੇ ਜਵਾਨਾਂ ਨੇ ਅਜਿਹੇ 22 ਤੋਂ ਵੱਧ ਡਰੋਨਾਂ ਨੂੰ ਡੇਗ ਦਿੱਤਾ ਗਿਆ ਅਤੇ ਲਗਭਗ 45 ਕਿਲੋਗ੍ਰਾਮ ਹੈਰੋਇਨ ਅਤੇ ਹਥਿਆਰਾਂ ਅਤੇ ਗੋਲਾ ਬਾਰੂਦ ਦਾ ਜਖ਼ੀਰਾ ਜ਼ਬਤ ਕੀਤਾ, ਜਿਸ ਵਿੱਚ 7 ਗ੍ਰਨੇਡ, 2 ਮੈਗਜ਼ੀਨ, 60 ਗੋਲਾ ਬਾਰੂਦ ਅਤੇ ਹੋਰ ਹਥਿਆਰ ਸ਼ਾਮਲ ਸਨ।
ਇਹ ਵੀ ਪੜ੍ਹੋ: ਅਮਰੀਕਾ, ਕੈਨੇਡਾ 'ਚ ਬਰਫ਼ੀਲੇ ਤੂਫ਼ਾਨ ਕਾਰਨ 38 ਲੋਕਾਂ ਦੀ ਮੌਤ, -45 ਡਿਗਰੀ ਸੈਲਸੀਅਸ ਤੱਕ ਪੁੱਜਾ ਤਾਪਮਾਨ
ਇਸ ਸਾਲ 1 ਜਨਵਰੀ, 2020 ਤੋਂ 23 ਦਸੰਬਰ ਤੱਕ ਭਾਰਤ-ਪਾਕਿਸਤਾਨ ਸਰਹੱਦ 'ਤੇ ਦੇਖੇ ਗਏ ਕੁੱਲ 492 UAVs ਜਾਂ ਡਰੋਨਾਂ ਵਿੱਚੋਂ ਇਸ ਸਾਲ 311, 2021 ਵਿੱਚ 104 ਅਤੇ 2020 ਵਿੱਚ 77 ਦੇਖੇ ਗਏ। ANI ਵੱਲੋਂ ਐਕਸੈਸ ਕੀਤੇ ਗਏ ਡਾਟਾ ਤੋਂ ਇਹ ਪਤਾ ਲੱਗਦਾ ਹੈ। ਦੇਖੇ ਗਏ ਕੁੱਲ ਡਰੋਨਾਂ ਵਿਚੋਂ ਪੰਜਾਬ ਵਿੱਚ 369 ਯੂ.ਏ.ਵੀ., ਜੰਮੂ ਵਿੱਚ 75, ਰਾਜਸਥਾਨ ਵਿੱਚ 40 ਅਤੇ ਗੁਜਰਾਤ ਵਿੱਚ 8 ਡਰੋਨ ਦੇਖੇ ਗਏ ਹਨ।ਪੰਜਾਬ ਵਿੱਚ ਸਭ ਤੋਂ ਵੱਧ 164 ਡਰੋਨ ਅੰਮ੍ਰਿਤਸਰ ਵਿੱਚ, 96 ਗੁਰਦਾਸਪੁਰ ਵਿੱਚ, 84 ਫਿਰੋਜ਼ਪੁਰ ਵਿੱਚ ਅਤੇ 25 ਅਬੋਹਰ ਜ਼ਿਲ੍ਹੇ ਵਿੱਚ ਦੇਖੇ ਗਏ ਹਨ। ਜੰਮੂ ਫਰੰਟੀਅਰ ਦੇ ਤਹਿਤ, ਇੰਦਰੇਸ਼ਵਰ ਨਗਰ ਵਿੱਚ ਕੁੱਲ 35 ਡਰੋਨ, ਜੰਮੂ ਵਿੱਚ 29 ਅਤੇ ਸੁੰਦਰਬਨੀ ਵਿੱਚ 11 ਡਰੋਨ ਦੇਖੇ ਗਏ।
ਇਹ ਵੀ ਪੜ੍ਹੋ: ਸਪੇਨ 'ਚ ਬੱਸ ਨਦੀ 'ਚ ਡਿੱਗਣ ਕਾਰਨ 6 ਲੋਕਾਂ ਦੀ ਮੌਤ
ਰਾਜਸਥਾਨ ਵਿੱਚ ਸ੍ਰੀ ਗੰਗਾਨਗਰ ਵਿੱਚ 32 ਡਰੋਨ, ਬਾੜਮੇਰ ਵਿੱਚ 7, ਬੀਕਾਨੇਰ ਅਤੇ ਜੈਸਲਮੇਰ ਉੱਤਰ ਵਿੱਚ 3-3, ਜੈਸਲਮੇਰ ਦੱਖਣ ਵਿੱਚ 2 ਅਤੇ ਭੁਜ ਵਿੱਚ 1 ਡਰੋਨ ਦੇਖਿਆ ਗਿਆ। ਅੰਕੜਿਆਂ ਵਿੱਚ ਇਹ ਵੀ ਦੱਸਿਆ ਗਿਆ ਹੈ ਕਿ ਇਸ ਸਾਲ 1 ਜੁਲਾਈ ਤੋਂ 23 ਦਸੰਬਰ ਤੱਕ ਕੁੱਲ 206 ਡਰੋਨ ਡਰੋਨ ਦੇਖੇ ਗਏ। ਇਨ੍ਹਾਂ ਵਿੱਚੋਂ ਅਗਸਤ ਵਿੱਚ ਸਭ ਤੋਂ ਵੱਧ 45 ਡਰੋਨ ਦੇਖੇ ਗਏ। ਇਸ ਤੋਂ ਬਾਅਦ ਸਤੰਬਰ ਵਿੱਚ 44, ਅਕਤੂਬਰ ਵਿੱਚ 38, ਨਵੰਬਰ ਵਿੱਚ 36 ਅਤੇ ਦਸੰਬਰ ਵਿੱਚ 24 ਡਰੋਨ ਦੇਖੇ ਗਏ। ਇਨ੍ਹਾਂ ਵਿੱਚੋਂ ਅੰਮ੍ਰਿਤਸਰ ਵਿੱਚ 60, ਫਿਰੋਜ਼ਪੁਰ ਵਿੱਚ 55, ਗੁਰਦਾਸਪੁਰ ਵਿੱਚ 39, ਅਬੋਹਰ ਵਿੱਚ 23, ਸ੍ਰੀ ਗੰਗਾਨਗਰ ਵਿੱਚ 10, ਇੰਦਰੇਸ਼ਵਰ ਨਗਰ ਵਿੱਚ 6, ਜੰਮੂ ਵਿੱਚ 5, ਬਾੜਮੇਰ ਵਿੱਚ 3, ਜੈਸਲਮੇਰ ਉੱਤਰੀ ਵਿੱਚ 2 ਅਤੇ ਬੀਕਾਨੇਰ ਵਿੱਚ 1 ਮਾਮਲਾ ਦਰਜ ਕੀਤਾ ਗਿਆ। ਬੀ.ਐੱਸ.ਐੱਫ. ਅਧਿਕਾਰੀਆਂ ਨੇ ਏ.ਐੱਨ.ਆਈ. ਨੂੰ ਦੱਸਿਆ ਕਿ ਪਾਕਿਸਤਾਨ ਵੱਲੋਂ ਸਰਹੱਦ ਪਾਰ ਤੋਂ ਹਥਿਆਰਾਂ, ਵਿਸਫੋਟਕਾਂ ਅਤੇ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਲਈ ਡਰੋਨਾਂ ਦੀ ਵਰਤੋਂ ਕੀਤੀ ਜਾ ਰਹੀ ਹੈ।
ਇਹ ਵੀ ਪੜ੍ਹੋ: ਮਾਣ ਵਾਲੀ ਗੱਲ, ਅਮਰੀਕੀ ਮਰੀਨ 'ਚ ਸਿੱਖਾਂ ਨੂੰ ਦਾੜ੍ਹੀ ਰੱਖਣ ਤੇ ਦਸਤਾਰ ਸਜਾਉਣ ਦੀ ਮਿਲੀ ਇਜਾਜ਼ਤ
ਨੋਟ: ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ।
ਜਲੰਧਰ 'ਚ ਇਨਸਾਨੀਅਤ ਹੋਈ ਸ਼ਰਮਸਾਰ, ਘਰ ਦੇ ਬਾਥਰੂਮ 'ਚੋਂ ਮਿਲਿਆ ਭਰੂਣ
NEXT STORY 
