ਫਰੀਦਕੋਟ (ਜਗਤਾਰ)— ਸ਼ਹਿਰ 'ਚ ਘੁੰਮਦੇ ਲਾਵਾਰਿਸ ਪਸ਼ੂਆਂ ਦੀ ਸੰਭਾਲ ਦੇ ਲਈ ਫਰੀਦਕੋਟ ਨੂੰ ਨਗਰ ਪਰੀਸ਼ਦ ਵਲੋਂ ਨਵੀਂ ਗੱਡੀ ਖਰੀਦਣ ਸਮੇਂ ਗਊ ਸੈਸ ਲਗਾਉਣ ਦਾ ਪ੍ਰਸਤਾਵ ਜਾਰੀ ਕੀਤਾ ਗਿਆ ਹੈ। ਪ੍ਰਸਤਾਵ ਨੂੰ ਲੈ ਕੇ ਕੋਈ ਇਤਰਾਜ਼ ਸਾਹਮਣੇ ਨਾ ਆਉਣ 'ਤੇ ਵਿਭਾਗ ਨੂੰ ਭੇਜਿਆ ਗਿਆ। ਹੁਣ ਇਕ ਹੋਰ ਨੋਟੀਫਿਕੇਸ਼ਨ ਜਾਰੀ ਕਰ ਦਿੱਤਾ ਗਿਆ ਹੈ। ਇਸ ਦੇ ਮੁਤਾਬਕ ਹੁਣ ਜੇਕਰ ਕੋਈ ਚਾਰ ਪਹੀਆ ਵਾਹਨ ਖਰੀਦਦਾ ਹੈ ਤਾਂ ਡੀਲਰ ਨੂੰ 1000 ਰੁਪਏ ਗਊ ਸੈਸ ਦੇ ਰੂਪ 'ਚ ਅਦਾ ਕਰਨਾ ਪਵੇਗਾ ਅਤੇ 2 ਪਹੀਆ ਵਾਹਨ ਦੀ ਰਜਿਸਟਰੇਸ਼ਨ ਦੇ ਸਮੇਂ 200 ਰੁਪਏ ਪ੍ਰਤੀ ਵਾਹਨ ਅਦਾ ਕਰਨੇ ਪੈਣਗੇ। ਜਲਦ ਹੀ ਇਸ ਨੋਟੀਫਿਕੇਸ਼ਨ ਦੇ ਮੁਤਾਬਕ ਨਿਯਮ ਲਾਗੂ ਹੋ ਜਾਵੇਗਾ ਅਤੇ ਫਰੀਦਕੋਟ ਨਿਵਾਸੀਆਂ ਦੀ ਜੇਬ 'ਤੇ ਹੁਣ ਹੋਰ ਬੋਝ ਵਧ ਜਾਵੇਗਾ। ਇਸ ਮਾਮਲੇ 'ਚ ਨਗਰ ਕੌਂਸਲ ਦੇ ਈ.ਓ. ਅੰਮ੍ਰਿਤਪਾਲ ਸਿੰਘ ਨੇ ਦੱਸਿਆ ਕਿ ਲਗਾਤਾਰ ਅਵਾਰਾ ਪਸ਼ੂਆਂ ਦੀ ਵਧ ਰਹੀ ਸਮੱਸਿਆ ਦੇ ਹੱਲ ਲਈ ਇਨ੍ਹਾਂ ਨੂੰ ਸਰਕਾਰੀ ਗਊਸ਼ਾਲਾ 'ਚ ਰੱਖਣ ਅਤੇ ਇਨ੍ਹਾਂ ਦੀ ਸੰਭਾਲ ਕਰਨ ਨੂੰ ਲੈ ਕੇ ਪੰਜਾਬ ਦੇ ਸਾਰੇ ਨਗਰ ਕੌਂਸਲ ਵਲੋਂ ਇਕ ਪ੍ਰਸਤਾਵ ਲਿਆਇਆ ਗਿਆ ਸੀ, ਜਿਸ 'ਚ ਨਵੀਂ ਗੱਡੀ ਦੀ ਬਿਲਿੰਗ 'ਤੇ ਗਊ ਸੈਸ ਦੇ ਰੂਪ 'ਚ ਟੈਕਸ ਇਕੱਠਾ ਕੀਤਾ ਜਾਵੇਗਾ, ਜੋ ਅਵਾਰਾ ਪਸ਼ੂਆਂ ਦੇ ਸੰਭਾਲ ਦੇ ਲਈ ਇਸਤੇਮਾਲ ਕੀਤਾ ਜਾਵੇਗਾ। ਵਿਭਾਗ ਨੇ ਨੋਟੀਫਿਕੇਸ਼ਨ ਜਾਰੀ ਕਰ ਦਿੱਤਾ ਹੈ, ਜੋ ਜਲਦ ਲਾਗੂ ਹੋ ਜਾਵੇਗਾ।
1 ਲੱਖ ਰੁਪਏ ਮੁਆਵਜ਼ੇ ਦਾ ਹੋਵੇਗਾ ਹੱਲ
ਇਸ ਦੇ ਇਲਾਵਾ ਸ਼ਰਾਬ, ਬਿਜਲੀ ਅਤੇ ਸੀਮੈਂਟ ਦੀ ਬੋਰੀ 'ਤੇ ਵੀ ਵੱਖ-ਵੱਖ ਦਰਾਂ ਵਾਲ ਗਊ ਸੈਸ ਵਸੂਲ ਕੀਤਾ ਜਾਵੇਗਾ।
ਉੱਥੇ ਉਨ੍ਹਾਂ ਨੇ ਕਿਹਾ ਕਿ ਜੇਕਰ ਅਵਾਰਾ ਪਸ਼ੂਆਂ ਦੇ ਨਾਲ ਕੋਈ ਹਾਦਸਾ ਪੇਸ਼ ਆਉਣ ਨਾਲ ਮੌਤ ਹੁੰਦੀ ਹੈ ਤਾਂ ਇਕ ਲੱਖ ਰੁਪਏ ਮੁਆਵਜ਼ੇ ਦੇ ਤੌਰ 'ਚੇ ਦੇਣ ਦਾ ਹੱਲ ਕੀਤਾ ਹੈ, ਪਰ ਕੁਝ ਕਾਰਨਾਂ ਕਰਕੇ ਅਜੇ ਇਹ ਲਾਗੂ ਨਹੀਂ ਹੋਇਆ।
ਨੋਟੀਫਿਕੇਸ਼ਨ ਦੇ ਬਾਅਦ ਹੀ ਵਸੂਲ ਸਕੋਗੇ ਗਊ ਸੈਸ
ਫਰੀਦਕੋਟ ਦੇ ਰੀਜਨਲ ਟਰਾਂਸਪੋਰਟ ਆਫਿਸਰ ਹਰਦੀਪ ਸਿੰਘ ਨੇ ਕਿਹਾ ਕਿ ਪੰਜਾਬ ਰੋਕਥਾਮ ਆਫ ਕਾਓ ਸਲਾਟਰ ਐਕਟ ਦੇ ਤਹਿਤ ਗੋਸੈਸ ਲਿਆ ਜਾਂਦਾ ਹੈ। ਇਹ ਅਜੇ ਕਾਰਪੋਰੇਸ਼ਨ 'ਚ ਲਾਗੂ ਹੋਇਆ ਹੈ ਅਤੇ ਜੇਕਰ ਲੋਕਲ ਬਾਡੀਜ਼ ਵਲੋਂ ਮਤਾ ਲਿਆ ਗਿਆ ਤਾਂ ਇਸ ਦੀ ਨੋਟੀਫਿਕੇਸ਼ਨ ਜਾਰੀ ਹੋਵੇਗੀ ਤਾਂ ਉਸ ਸਮੇਂ ਵਸੂਲ ਕੀਤਾ ਜਾਵੇਗਾ।
ਲੋਕਾਂ ਦੀ ਰਾਏ ਗਊ ਸੈਸ ਲਗਾਉਣ ਵਾਜਬ ਨਹੀਂ
ਲੋਕਾਂ ਨੇ ਕਿਹਾ ਕਿ ਗਊ ਸੈਸ ਲਗਾਉਣਾ ਵਾਜਬ ਨਹੀਂ ਹੈ। ਪਹਿਲਾਂ ਹੀ ਗਊ ਸੈਸ ਦੇ ਨਾਂ 'ਤੇ ਪੰਜਾਬ ਦੇ ਲੋਕ ਕਰੋੜਾਂ ਰੁਪਏ ਟੈਕਸ ਦੇ ਚੁੱਕੇ ਹਨ ਫਿਰ ਵੀ ਸਮੱਸਿਆ ਉਸੇ ਤਰ੍ਹਾਂ ਹੀ ਹੈ ਅਤੇ ਲਾਵਾਰਿਸ ਪਸ਼ੂਆਂ ਦੀ ਤਦਾਦ ਦਿਨੋਂ-ਦਿਨ ਵਧਦੀ ਜਾ ਰਹੀ ਹੈ। ਇਸ ਨਾਲ ਹਾਦਸਿਆਂ 'ਚ ਕੋਈ ਲੋਕਾਂ ਦੀ ਜਾਨ ਜਾ ਚੁੱਕੀ ਹੈ ਪਰ ਸਰਕਾਰ ਵਲੋਂ ਉਨ੍ਹਾਂ ਨੂੰ ਕੋਈ ਮੁਆਵਜ਼ਾ ਨਹੀਂ ਦਿੱਤਾ ਜਾਂਦਾ।
ਕਾਂਗਰਸੀ ਆਗੂ ਦੇ ਮੈਡੀਕਲ ਸਟੋਰ 'ਚੋਂ ਬਰਾਮਦ ਹੋਈਆਂ ਨਸ਼ੀਲੀਆਂ ਗੋਲੀਆਂ
NEXT STORY 
