ਚੰਡੀਗੜ੍ਹ (ਸਾਜਨ) : ਪ੍ਰਸ਼ਾਸਨ ਨੇ ਫਲੋਰ ਏਰੀਆ ਰੇਸ਼ੋ ਵਧਾਉਣ ਦੇ ਸੰਦਰਭ 'ਚ ਜੋ ਫੈਸਲਾ ਕੀਤਾ ਸੀ, ਹੁਣ ਛੇਤੀ ਹੀ ਇਸ ਦਾ ਫਾਇਦਾ ਸ਼ਹਿਰ ਦੇ ਲੋਕਾਂ ਨੂੰ ਮਿਲੇਗਾ। ਖਾਸ ਤੌਰ ਤੋਂ ਸਕੂਲਾਂ ਅਤੇ ਕਾਲਜਾਂ ਨੂੰ ਹੋਸਟਲ ਆਦਿ ਦਾ ਫਲੋਰ ਏਰੀਆ ਵਧਾਉਣ 'ਚ ਸੌਖ ਹੋਵੇਗੀ। ਨਿਗਮ ਕਮਿਸ਼ਨਰ ਕੇ. ਕੇ. ਯਾਦਵ ਦੀ ਕਮੇਟੀ ਨੇ ਆਪਣੀ ਰਿਪੋਰਟ ਪ੍ਰਸ਼ਾਸਨ ਨੂੰ ਸੌਂਪ ਦਿੱਤੀ ਹੈ। ਕੇ. ਕੇ. ਯਾਦਵ ਦੀ ਪ੍ਰਧਾਨਗੀ 'ਚ ਇਹ ਕਮੇਟੀ ਬਣਾਈ ਗਈ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਪੰਜਾਬ ਦੀ ਤਰਜ਼ 'ਤੇ ਹੀ ਚੰਡੀਗੜ੍ਹ 'ਚ ਐੱਫ. ਏ. ਆਰ. ਦੇ ਰੇਟ ਲਾਗੂ ਕਰਨ ਦੀ ਸਿਫਾਰਸ਼ ਪ੍ਰਸ਼ਾਸਨ ਨੂੰ ਕੀਤੀ ਗਈ ਹੈ। ਇਸ ਮੁਤਾਬਕ ਉਦਯੋਗਾਂ ਨੂੰ ਗਰਾਊਂਡ ਕਵਰੇਜ 'ਚ 5 ਫੀਸਦੀ ਤੱਕ ਦੀ ਵਾਧੂ ਛੋਟ ਮਿਲ ਸਕਦੀ ਹੈ। ਫਿਲਹਾਲ ਪ੍ਰਸ਼ਾਸਕ ਦੇ ਐਡਵਾਈਜ਼ਰ ਮਨੋਜ ਪਰਿਦਾ ਬਾਹਰ ਹਨ, ਇਸ ਲਈ ਛੇਤੀ ਹੀ ਇਸ 'ਤੇ ਉਨ੍ਹਾਂ ਦੇ ਆਉਣ ਤੋਂ ਬਾਅਦ ਫੈਸਲਾ ਹੋਵੇਗਾ।
ਪਲਾਟ ਦੇ ਮੂਲ ਆਕਾਰ ਦੇ ਹਿਸਾਬ ਨਾਲ 35 ਫ਼ੀਸਦੀ ਲੈਣ ਦੀ ਸਿਫਾਰਿਸ਼
ਜਾਣਕਾਰੀ ਮੁਤਾਬਕ ਕਮੇਟੀ ਨੇ ਵਾਧੂ ਐੱਫ. ਏ. ਆਰ. ਦੀ ਦਰ ਦੀ ਗਿਣਤੀ ਬੋਲੀ ਜਾਂ ਫਿਰ ਕੁਲੈਕਟਰ ਰੇਟ ਦੇ ਆਧਾਰ 'ਤੇ ਅਤੇ ਮੂਲ ਐੱਫ. ਏ. ਆਰ. ਅਤੇ ਪਲਾਟ ਦੇ ਆਕਾਰ ਦੇ ਹਿਸਾਬ ਨਾਲ 35 ਫ਼ੀਸਦੀ ਤਕ ਲੈਣ ਦੀ ਸਿਫਾਰਿਸ਼ ਕੀਤੀ ਹੈ। ਇਸ 'ਚ ਕਿਹਾ ਗਿਆ ਹੈ ਕਿ ਕੁਲੈਕਟਰ ਰੇਟ 'ਤੇ ਵਾਧੂ ਐੱਫ. ਏ. ਆਰ. ਉਦੋਂ ਲੱਗ ਸਕੇਗਾ, ਜਦੋਂ ਸਬੰਧਤ ਜਾਇਦਾਦ ਦੀ ਨੀਲਾਮੀ ਪੰਜ ਸਾਲ ਤੋਂ ਜ਼ਿਆਦਾ ਸਮੇਂ ਤੋਂ ਪਹਿਲਾਂ ਕੀਤੀ ਗਈ ਹੋਵੇ, ਉਦੋਂ ਕੁਲੈਕਟਰ ਰੇਟ ਦੀ ਵਰਤੋਂ ਮੂਲ ਰੇਟ ਦੇ ਰੂਪ 'ਚ ਕੀਤੀ ਜਾਵੇਗੀ।
ਦੱਸਿਆ ਜਾਂਦਾ ਹੈ ਕਿ ਸਕੂਲਾਂ ਅਤੇ ਕਾਲਜਾਂ ਦੇ ਮਾਮਲੇ 'ਚ ਜਿਥੇ 2017 ਦੀ ਨੀਤੀ ਦੇ ਅਨੁਸਾਰ ਵਾਧੂ ਐੱਫ. ਏ. ਆਰ. 0.25 ਫੀਸਦੀ ਦੀ ਇਜਾਜ਼ਤ ਮਿਲੀ ਹੈ। ਵਾਧੂ ਐੱਫ. ਏ. ਆਰ. ਲਈ ਭੁਗਤਾਨ ਕੀਤੇ ਜਾਣ ਵਾਲੀ ਰਾਸ਼ੀ ਕੁਲੈਕਟਰ ਰੇਟ ਦੀ ਦਰ ਦੇ ਲਗਭਗ 17 ਫੀਸਦੀ ਲਈ ਜਾਵੇਗੀ।
ਲੜਾਈ ਜ਼ਿਲਾ ਪ੍ਰੀਸ਼ਦ ਚੇਅਰਮੈਨ ਦੀ ਕੁਰਸੀ ਦੀ, ਨਿਸ਼ਾਨੇ 'ਤੇ ਕਾਂਗਰਸ ਦੇ ਕਈ ਦਿੱਗਜ
NEXT STORY 
