ਭਵਾਨੀਗੜ੍ਹ (ਕਾਂਸਲ)- ਨੇੜਲੇ ਪਿੰਡ ਘਨੌੜ ਜੱਟਾਂ ਵਿਖੇ ਸ਼ਨੀਵਾਰ ਦੇਰ ਸ਼ਾਮ ਖੇਤਾਂ ’ਚ ਫ਼ਸਲਾਂ ਦੀ ਸੰਚਾਈ ਲਈ ਨਹਿਰੀ ਵਿਭਾਗ ਵੱਲੋਂ ਬਣਾਏ ਇਕ ਰਜਵਾਹੇ ਦੀ ਹੌਦੀ ’ਚ ਪਾੜ ਪੈ ਜਾਣ ਕਾਰਨ ਰਜਵਾਹੇ ਦਾ ਪਾਣੀ ਖੇਤਾਂ ’ਚ ਭਰ ਗਿਆ ਅਤੇ ਇਸ ਨਾਲ ਕਿਸਾਨਾਂ ਦੀ ਦੋ ਏਕੜ ਤਾਜੀ ਲਗਾਈ ਝੋਨੇ ਦੀ ਫ਼ਸਲ ਬੂਰੀ ਤਰ੍ਹਾਂ ਤਬਾਹ ਹੋ ਗਈ ਜਿਸ ਦੇ ਰੋਸ ਵੱਜੋਂ ਕਿਸਾਨਾਂ ਨੇ ਪੰਜਾਬ ਸਰਕਾਰ ਅਤੇ ਨਹਿਰੀ ਵਿਭਾਗ ਵਿਰੁੱਧ ਨਾਅਰੇਬਾਜ਼ੀ ਕੀਤੀ।
ਇਸ ਮੌਕੇ ਮੌਜੂਦ ਪੀੜਤ ਕਿਸਾਨਾਂ ਜਗਸੀਰ ਸਿੰਘ ਘਨੌੜ ਜੱਟਾਂ, ਗਿੰਨੀ ਰਾਮਗੜ੍ਹ, ਪ੍ਰਗਟ ਸਿੰਘ, ਗੁਰਚਰਨ ਸਿੰਘ ਅਤੇ ਨਿਰਮਲ ਸਿੰਘ ਨੇ ਦੱਸਿਆ ਕਿ ਨਹਿਰੀ ਵਿਭਾਗ ਵੱਲੋਂ ਖੇਤਾਂ ’ਚ ਫਸਲਾਂ ਦੀ ਸੰਚਾਈ ਲਈ ਬਣਾਏ ਗਏ ਰਾਜਵਾਹ ਦੀ ਪਿੰਡ ਘਨੋੜ ਜੱਟਾਂ ਵਿਖੇ ਮੇਨ ਟੇਲ ਨੇੜੇ ਬਣਾਈ ਗਈ ਹੌਦੀ ’ਚ ਦੇਰ ਸ਼ਾਮ ਪਾੜ ਪੈ ਜਾਣ ਕਾਰਨ ਰਾਜਵਾਹੇ ਦਾ ਵੱਡੀ ਮਾਤਰਾਂ ’ਚ ਪਾਣੀ ਖੇਤਾਂ ’ਚ ਭਰਨ ਕਾਰਨ ਇਥੇ ਹੌਦੀ ਨੇੜਲੇ ਖੇਤਾਂ ਵਾਲੇ ਕਿਸਾਨਾਂ ਦੀ ਦੋ ਏਕੜ ਤਾਜੀ ਲਈ ਝੋਨੀ ਦੀ ਫ਼ਸਲ ਬੂਰੀ ਤਰ੍ਹਾਂ ਤਬਾਹ ਹੋ ਗਈ। ਉਨ੍ਹਾਂ ਦੱਸਿਆ ਕਿ ਮੌਕੇ ’ਤੇ ਪਹੁੰਚੇ ਕਿਸਾਨਾਂ ਨੇ ਆਪਣੀਆਂ ਫ਼ਸਲਾਂ ਨੂੰ ਬਚਾਉਣ ਲਈ ਕਾਫ਼ੀ ਜਦੋਂ ਜਹਿਦ ਕਰਕੇ ਇਸ ਵਾਧੂ ਪਾਣੀ ਨੂੰ ਅੱਗੇ ਕੱਢਣ ਲਈ ਖੁੱਦ ਇਸ ਦਾ ਹੱਲ ਕਰ ਕੇ 200 ਏਕੜ ਦੇ ਕਰੀਬ ਫ਼ਸਲ ਦਾ ਡੁੱਬਣ ਤੋਂ ਬਚਾਅ ਕੀਤਾ।
ਕਿਸਾਨਾਂ ਨੇ ਦੱਸਿਆ ਕਿ ਨਹਿਰੀ ਵਿਭਾਗ ਵੱਲੋਂ ਪਿੰਡ ਬਾਲਦ ਦੀ ਬ੍ਰਾਂਚ ਤੋਂ ਪਿੰਡ ਕਪਿਆਲ, ਰਾਮਗੜ੍ਹ ਅਤੇ ਪਿੰਡ ਘਨੋੜ ਜੱਟਾਂ ਦੇ ਕਿਸਾਨਾਂ ਨੂੰ ਖੇਤਾਂ ’ਚ ਫਸ਼ਲਾਂ ਦੀ ਸੰਚਾਈ ਲਈ ਨਹਿਰੀ ਪਾਣੀ ਦੇਣ ਲਈ ਬਣਾਇਆ ਗਿਆ ਰਾਜਵਾਹੇ ਦੀ ਹੱਦ ਪਿੰਡ ਘਨੋੜ ਜੱਟਾਂ ਵਿਖੇ ਆ ਕੇ ਖਤਮ ਹੋ ਜਾਂਦੀ ਹੈ ਤੇ ਨਹਿਰੀ ਵਿਭਾਗ ਵੱਲੋਂ ਇਸ ਦੇ ਵਾਧੂ ਪਾਣੀ ਦੀ ਨਿਕਾਸੀ ਦਾ ਕੋਈ ਹੱਲ ਨਹੀਂ ਕੀਤਾ ਗਿਆ ਜਿਸ ਕਾਰਨ ਜਦੋਂ ਵੀ ਬਰਸਾਤ ਹੁੰਦੀ ਹੈ ਤਾਂ ਕਿਸਾਨਾਂ ਵੱਲੋਂ ਇਸ ਰਾਜਵਾਹੇ ਦੇ ਪਾਣੀ ਦੀ ਵਰਤੋਂ ਨਾ ਕੀਤੇ ਜਾਣ ਕਾਰਨ ਰਜਵਾਹੇ ਦੇ ਪਾਣੀ ਦੇ ਓਵਰਫਲੋ ਹੋ ਜਾਣ ’ਤੇ ਇਸ ਰਜਵਾਹੇ ਜਾਂ ਫਿਰ ਇਸ ਹੌਦੀ ’ਚ ਪਾੜ ਪੈ ਜਾਂਦਾ ਹੈ ਅਤੇ ਹਰ ਸਾਲ ਇਥੇ ਕਿਸਾਨਾਂ ਦਾ ਨੁਕਸਾਨ ਹੁੰਦਾ ਹੈ।
ਉਨ੍ਹਾਂ ਦੋਸ਼ ਲਗਾਇਆ ਕਿ ਬੀਤੇ ਦਿਨ ਜਦੋਂ ਕਿਸਾਨਾਂ ਨੇ ਇਸ ਹੌਦੀ ’ਚ ਤਰੇੜਾਂ ਪੈਂਦੀਆਂ ਦੇਖੀਆਂ ਤਾਂ ਉਨ੍ਹਾਂ ਵੱਲੋਂ ਇਸ ਦੀ ਵੀਡੀਓ ਬਣਾ ਕੇ ਸਬੰਧਤ ਵਿਭਾਗ ਦੇ ਅਧਿਕਾਰੀਆਂ ਨੂੰ ਭੇਜ ਦਿੱਤੀ ਸੀ ਅਤੇ ਇਸ ਰਜਵਾਹੇ ਦਾ ਪਾਣੀ ਬੰਦ ਕਰਨ ਦੀ ਅਪੀਲ ਵੀ ਕੀਤੀ ਸੀ। ਪਰ ਵਿਭਾਗ ਵੱਲੋਂ ਕਥਿਤ ਤੌਰ ’ਤੇ ਇਸ ਨੂੰ ਅਣਗੌਲਿਆ ਕੀਤਾ ਗਿਆ ਅਤੇ ਦੁਪਹਿਰ ਅਤੇ ਸ਼ਾਮ ਨੂੰ ਇਲਾਕੇ ਅੰਦਰ ਹੋਈ ਤੇਜ਼ ਬਰਸਾਤ ਕਾਰਨ ਰਜਵਾਹੇ ’ਚ ਪਾਣੀ ਦਾ ਪੱਧਰ ਹੋਰ ਵੱਧ ਜਾਣ ਕਾਰਨ ਪਾਣੀ ਦੇ ਓਵਰਫਲੋ ਹੋ ਜਾਣ ’ਤੇ ਇਹ ਹੌਦੀ ’ਚ ਪਾੜ ਪੈ ਗਿਆ। ਜਿਸ ਨਾਲ ਕਿਸਾਨਾਂ ਦੀ ਫ਼ਸਲ ਨੁਕਸਾਨੀ ਗਈ।
ਕਿਸਾਨਾਂ ਨੇ ਸਰਕਾਰ ਤੇ ਵਿਭਾਗ ਤੋਂ ਮੰਗ ਕੀਤੀ ਕਿ ਕਿਸਾਨਾਂ ਨੂੰ ਉਨ੍ਹਾਂ ਦੇ ਹੋਏ ਨੁਕਸਾਨ ਦਾ ਵੱਧ ਤੋਂ ਵੱਧ ਮੁਆਵਜਾ ਦਿੱਤਾ ਜਾਵੇ, ਇਸ ਰਜਵਾਹੇ ਦੇ ਨਿਰਮਾਣ ਕਾਰਜਾਂ ’ਚ ਵਰਤੇ ਗਏ ਮਟੀਰੀਅਲ ਦੀ ਜਾਂਚ ਕਰਵਾਈ ਜਾਵੇ, ਰਜਵਾਹੇ ਦਾ ਅੱਗੇ ਹੋਰ ਨਿਰਮਾਣ ਕਰਵਾਕੇ ਇਸ ਨੂੰ ਅੱਗੇ ਪਿੰਡ ਘਨੌੜ ਜੱਟਾਂ ਵਿਖੇ ਨਹਿਰ ’ਚ ਪਾਇਆ ਜਾਵੇ ਜਿਸ ਨਾਲ ਇਸ ਦਾ ਵਾਧੂ ਪਾਣੀ ਅੱਗੇ ਨਹਿਰ ’ਚ ਪੈਣ ਨਾਲ ਇਸ ਦੇ ਟੁੱਟਣ ਤੋਂ ਬਚਾਅ ਹੋਵੇਗਾ ਤੇ ਇਸ ਰਜਵਾਹੇ ਦੀਆਂ ਸਾਈਡਾਂ ਨੂੰ ਮਜਬੂਤ ਕਰਨ ਲਈ ਇਸ ਦੇ ਨਾਲ ਚੰਗੀ ਕਿਸਮ ਦੀ ਮਿੱਟੀ ਤੇ ਘਾਹ ਵਗੈਰਾ ਲਗਾਇਆ ਜਾਵੇ ਅਤੇ ਬਰਸਾਤ ਹੋਣ ’ਤੇ ਇਸ ’ਚ ਪਾਣੀ ਦੀ ਸਪਲਾਈ ਬੰਦ ਕੀਤੀ ਜਾਵੇ।
ਮਸਜਿਦ ਨੇੜੇ ਧਾਰਮਿਕ ਕਿਤਾਬਾਂ ਦੀ ਦੁਕਾਨ ਨੂੰ ਲਾਈ ਅੱਗ! CCTV 'ਚ ਕੈਦ ਹੋਏ 3 ਮੁਲਜ਼ਮ
NEXT STORY 
