ਸੰਗਰੂਰ (ਬੇਦੀ, ਬਾਵਾ, ਯਾਦਵਿੰਦਰ, ਹਰਜਿੰਦਰ) : ਪੁਲਸ ਨੇ ਖਾਲਿਸਤਾਨ ਗਦਰ ਫੋਰਸ ਦੇ ਮੈਂਬਰ ਦੇ ਇਕ ਸਾਥੀ ਨੂੰ ਕਾਬੂ ਕਰਨ 'ਚ ਸਫ਼ਲਤਾ ਪ੍ਰਾਪਤ ਕੀਤੀ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆ ਐੱਸ. ਐੱਸ. ਪੀ. ਸੰਗਰੂਰ ਡਾ. ਸੰਦੀਪ ਗਰਗ ਨੇ ਦੱਸਿਆ ਕਿ ਰੈੱਡ ਅਲਰਟ ਤਹਿਤ ਜ਼ਿਲਾ ਸੰਗਰੂਰ 'ਚ ਗਸ਼ਤ ਤੇ ਨਾਕੇਬੰਦੀਆਂ ਕੀਤੀਆਂ ਹੋਈਆਂ ਹਨ ਤੇ ਜਿਸ ਦੇ ਚੱਲਦਿਆਂ ਸੰਗਰੂਰ ਪੁਲਸ ਉਸ ਵੇਲੇ ਵੱਡੀ ਸਫ਼ਲਤਾ ਮਿਲੀ ਜਦੋਂ ਵਿਲੀਅਮ ਜੇਜੀ ਡੀ.ਐੱਸ.ਪੀ. ਦਿੜਬਾ ਕਮ ਡੀ. ਐੱਸ. ਪੀ. (ਇੰਨਵੈਸਟੀਗੇਸ਼ਨ) ਸੰਗਰੂਰ ਦੀ ਯੋਗ ਅਗਵਾਈ ਹੇਠ ਸੀ. ਆਈ. ਏ. ਬਹਾਦਰ ਸਿੰਘ ਵਾਲਾ ਦੀ ਟੀਮ ਨੇ ਦੌਰਾਨੇ ਗਸ਼ਤ ਮੁਖਬਰੀ ਮਿਲਣ 'ਤੇ ਜਤਿੰਦਰ ਸਿੰਘ ਉਰਫ਼ ਬਿੰਦਰ (28) ਪੁੱਤਰ ਬੀਰਬਲ ਸਿੰਘ ਵਾਸੀ ਫਤਿਹ ਮਾਜਰੀ ਜ਼ਿਲਾ ਪਟਿਆਲਾ ਜੋ ਮੁਕੱਦਮਾ ਨੰਬਰ 132 ਮਿਤੀ 31-10-2018 ਅ/ਧ 13,16, 18,20 ਅਨਲਾਅਫੁੱਲ ਐਕਟੀਵਿਟੀ, 3/4/5 ਐਕਸਪਲੋਸਿਵ 1908 ਅਤੇ 25/54/59 ਆਰਮਜ਼ ਐਕਟ ਥਾਣਾ ਡਵੀਜ਼ਨ ਨੰ. 4 ਪਟਿਆਲਾ ਵਿਚ ਲੌਂੜੀਦਾ ਸੀ ਨੂੰ ਦਿੜਬਾ ਤੋਂ ਰਾਊਂਡਅੱਪ ਕੀਤਾ ਹੈ।
ਡਾ. ਗਰਗ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਕੁੱਝ ਦਿਨ ਪਹਿਲਾਂ ਪਟਿਆਲਾ ਪੁਲਸ ਵੱਲੋ ਸ਼ਬਨਮਦੀਪ ਸਿੰਘ ਪੁੱਤਰ ਜਸਵੀਰ ਸਿੰਘ ਵਾਸੀ ਅਰਨੈਟੂ ਥਾਣਾ ਘੱਗਾ ਹਾਲ ਡੇਰਾ ਕਾਹਨਗੜ੍ਹ•ਰੋਡ ਸਮਾਨਾ ਜੋ ਖਾਲਿਸਤਾਨ ਗਦਰ ਫੋਰਸ ਦਾ ਮੈਂਬਰ ਸੀ ਅਤੇ ਦੇਸ਼ ਵਿਰੋਧੀ ਗਤੀਵਿਧੀਆਂ ਵਿਚ ਸ਼ਾਮਿਲ ਸੀ, ਵਿਰੁੱਧ ਪਹਿਲਾਂ ਹੀ ਉਪਰੋਕਤ ਮੁਕੱਦਮਾ ਦਰਜ ਸੀ। ਪੁਲਸ ਮੁਤਾਬਕ ਉਕਤ ਜਤਿੰਦਰ ਸਿੰਘ ਸ਼ਬਨਮਦੀਪ ਸਿੰਘ ਦਾ ਸਾਥੀ ਸੀ ਤੇ ਮੁਕੱਦਮਾ ਉਕਤ ਵਿਚ ਪਟਿਆਲਾ ਪੁਲਸ ਲੌਂੜੀਦਾ ਸੀ ਜੋ ਆਪਣੀ ਗ੍ਰਿਫਤਾਰੀ ਤੋਂ ਡਰਦਾ ਲੁੱਕਦਾ ਆ ਰਿਹਾ ਸੀ।
ਡਾ. ਗਰਗ ਨੇ ਦੱਸਿਆ ਕਿ ਜਤਿੰਦਰ ਸਿੰਘ ਉਰਫ ਬਿੰਦਰ ਨੇ ਪੁੱਛਗਿੱਛ ਦੌਰਾਨ ਦੱਸਿਆ ਉਸਨੇ ਸ਼ਬਨਮਦੀਪ ਸਿੰਘ ਤੇ ਹੋਰ ਮੈਂਬਰਾਂ ਨਾਲ ਮਿਲ ਕੇ ਅੱਤਵਾਦੀ ਜਥੇਬੰਦੀਆਂ ਤੋਂ ਪੈਸੇ ਲੈਣ ਲਈ ਉਨ੍ਹਾਂ ਵੱਲੋਂ ਦਿੱਤੇ ਗਏ ਟਾਸਕਾਂ ਨੂੰ ਪੂਰਾ ਕਰਦੇ ਹੋਏ ਦਹਿਸ਼ਤ ਫਿਲਾਉਣ ਦੀ ਮਨਸ਼ਾ ਨਾਲ ਹਰਿਆਣੇ ਵਿਚ ਇਕ ਉਜਾੜ ਸਕੂਲ ਵਰਗੇ ਖਾਲੀ ਪਏ ਕਮਰੇ ਨੂੰ ਅਤੇ ਇਕ ਠੇਕਾ ਨੂਮਾ ਖੋਖੇ ਅੱਗ ਲਗਾਈ। ਇਸ ਤੋਂ ਇਲਾਵਾ ਸਮਾਣਾ ਦੇ ਇਲਾਕੇ ਵਿਚ ਵੀ ਪੁਰਾਣੇ ਠੇਕੇ ਦੇ ਖੋਖੇ ਨੂੰ ਅੱਗ ਲਗਾਕੇ ਵੀਡੀਓ ਬਣਾ ਲਈ। ਡਾ. ਗਰਗ ਨੇ ਉਕਤ ਵਲੋਂ ਆਉਣ ਵੇਲੇ ਸਮੇਂ ਵਿਚ ਪੰਜਾਬ ਵਿਚ ਦਹਿਸ਼ਤ ਫੈਲਾਉਣ ਦੀ ਯੋਜਨਾ ਸੀ, ਜਿਸ ਨੂੰ ਪੁਲਸ ਨੇ ਨਾਕਾਮ ਕਰ ਦਿੱਤਾ ਹੈ।
ਨਿਰੰਕਾਰੀ ਮਿਸ਼ਨ ਵਲੋਂ ਮ੍ਰਿਤਕਾਂ ਦੇ ਪਰਿਵਾਰਾਂ ਨੂੰ 10-10 ਲੱਖ ਰੁਪਏ ਦੇਣ ਦਾ ਐਲਾਨ
NEXT STORY 
