ਅੰਮ੍ਰਿਤਸਰ (ਇੰਦਰਜੀਤ)-ਆਬਕਾਰੀ ਤੇ ਕਰ ਵਿਭਾਗ ਦੇ ਮੋਬਾਈਲ ਵਿੰਗ ਨੇ ਟੈਕਸ ਚੋਰੀ ਦੇ ਇਕ ਮਾਮਲੇ ਵਿਚ ਡੀ. ਜੇ. ਸਮੇਤ 4 ਟਰੱਕ ਜ਼ਬਤ ਕਰ ਕੇ 3.53 ਲੱਖ ਰੁਪਏ ਦਾ ਜੁਰਮਾਨਾ ਵਸੂਲਿਆ ਗਿਆ। ਪੰਜਾਬ ਤੋਂ ਹਿਮਾਚਲ ਪ੍ਰਦੇਸ਼ ਜਾ ਰਹੇ ਦੋ ਟਰੱਕਾਂ ਨੂੰ ਜ਼ਬਤ ਕਰ ਕੇ 3.53 ਲੱਖ ਰੁਪਏ ਦਾ ਜੁਰਮਾਨਾ ਵਸੂਲਿਆ ਗਿਆ। ਇਹ ਕਾਰਵਾਈ ਮੋਬਾਈਲ ਵਿੰਗ ਅੰਮ੍ਰਿਤਸਰ ਰੇਂਜ ਦੇ ਸਹਾਇਕ ਕਮਿਸ਼ਨਰ ਮਹੇਸ਼ ਗੁਪਤਾ ਦੀਆਂ ਹਦਾਇਤਾਂ ’ਤੇ ਕੀਤੀ ਗਈ। ਇਸ ਤੋਂ ਇਲਾਵਾ 2 ਵਾਹਨਾਂ ’ਤੇ ਜੁਰਮਾਨਾ ਲਗਾਇਆ ਜਾਣਾ ਬਾਕੀ ਹੈ।
ਇਹ ਵੀ ਪੜ੍ਹੋ- ਕੱਪੜਾ ਵਪਾਰੀ ਦੇ ਮੁੰਡੇ ਨੇ ਆਪਣੇ ਆਪ ਨੂੰ ਮਾਰੀ ਗੋਲੀ
ਮੋਬਾਈਲ ਵਿੰਗ ਨੂੰ ਸੂਚਨਾ ਮਿਲੀ ਸੀ ਕਿ ਲੁਧਿਆਣਾ ਤੋਂ ਆਏ ਇਕ ਟਰੱਕ ਵਿਚ ਵਿਆਹਾਂ ਵਿਚ ਵਰਤੇ ਜਾਣ ਵਾਲੇ ਡੀ. ਜੇ. ਲੋਡ ਕੀਤਾ ਗਿਆ ਹੈ, ਜੋ ਕਿ ਕਿਸੇ ਸ਼ਹਿਰ ਵਿਚ ਵੇਚਣ ਲਈ ਜਾ ਰਹੇ ਹਨ। ਟੀਮ ਨੇ ਇਸ ’ਤੇ ਜਾਲ ਵਿਛਾਇਆ ਤਾਂ ਡਰਾਈਵਰ ਨੇ ਗੱਡੀ ਨੂੰ ਪੇਂਡੂ ਖੇਤਰ ਵੱਲ ਮੋੜ ਲਿਆ। ਇਸ ’ਤੇ ਸਟੇਟ ਟੈਕਸ ਅਫਸਰ ਪੰਡਿਤ ਰਮਨ ਸ਼ਰਮਾ ਨੇ ਹੁਸ਼ਿਆਰਪੁਰ ਨੇੜੇ ਨਾਕਾਬੰਦੀ ਕਰ ਕੇ ਵਾਹਨ ਨੂੰ ਘੇਰ ਲਿਆ। ਚੈਕਿੰਗ ਦੌਰਾਨ ਡਰਾਈਵਰ ਕੋਲ ਕੋਈ ਬਿੱਲ ਆਦਿ ਨਹੀਂ ਸੀ, ਜਿਸ ਕਰ ਕੇ ਟੀਮ ਨੇ 2.20 ਲੱਖ ਰੁਪਏ ਦਾ ਜੁਰਮਾਨਾ ਵਸੂਲਿਆ। ਹੋਰ ਜਾਣਕਾਰੀ ਮਿਲੀ ਕਿ ਅੰਮ੍ਰਿਤਸਰ ਦੇ ਅੰਦਰ ਇੱਕ ਵਾਹਨ ਵੈਲਡਿੰਗ ਰਾਡਾਂ ਨਾਲ ਲੱਦਿਆ ਹੋਇਆ ਸੀ। ਟੀਮ ਨੇ ਗੱਡੀ ਨੂੰ ਘੇਰ ਕੇ ਸਾਮਾਨ ਬਰਾਮਦ ਕਰ ਲਿਆ। ਇਸ ਦੇ ਡਰਾਈਵਰ ਕੋਲ ਵੀ ਬਿੱਲ ਨਹੀਂ ਸੀ। ਇਸ ਤੋਂ ਬਾਅਦ ਉਸ ਤੋਂ 1 ਲੱਖ 33 ਹਜ਼ਾਰ ਰੁਪਏ ਦਾ ਜੁਰਮਾਨਾ ਵਸੂਲਿਆ ਗਿਆ। ਇਸੇ ਤਰ੍ਹਾਂ ਦੋਵਾਂ ਵਾਹਨਾਂ ਤੋਂ 3.53 ਲੱਖ ਰੁਪਏ ਦਾ ਜੁਰਮਾਨਾ ਵਸੂਲਿਆ ਗਿਆ।
ਇਹ ਵੀ ਪੜ੍ਹੋ- ਅੱਗ ’ਚ ਸੜਨ ਕਾਰਨ ਵਿਆਹੁਤਾ ਔਰਤ ਦੀ ਮੌਤ, 2 ਸਾਲ ਪਹਿਲਾਂ ਹੋਇਆ ਸੀ ਵਿਆਹ
ਸਟੀਲ ਸਕ੍ਰੈਪ ਅਤੇ ਪਲਾਈ ਦੇ ਵਾਹਨਾਂ ਨੂੰ ਘੇਰਿਆ : ਸੂਚਨਾ ਮਿਲਣ ’ਤੇ ਮੋਬਾਈਲ ਵਿੰਗ ਨੇ ਅੰਮ੍ਰਿਤਸਰ ਤੋਂ ਜਾ ਰਹੀ ਇੱਕ ਗੱਡੀ ਨੂੰ ਘੇਰ ਕੇ ਕਾਬੂ ਕੀਤਾ, ਜਿਸ ਵਿੱਚ ਪਲਾਈ ਬੋਰਡ ਲੱਦੇ ਹੋਏ ਸਨ। ਟੀਮ ਨੇ ਜਦੋਂ ਸਾਮਾਨ ਦੀ ਜਾਂਚ ਕੀਤੀ ਤਾਂ ਇਹ ਟੈਕਸ ਚੋਰੀ ਦਾ ਮਾਮਲਾ ਪਾਇਆ ਗਿਆ। ਦੂਜੀ ਜਾਣਕਾਰੀ ਅਨੁਸਾਰ ਸਟੀਲ ਸਕਰੈਪ ਵਾਲੀ ਗੱਡੀ ਦਾ ਡਰਾਈਵਰ ਵੀ ਘੇਰਾਬੰਦੀ ਵਿੱਚ ਆ ਗਿਆ ਅਤੇ ਉਸ ਨੂੰ ਹੈੱਡਕੁਆਰਟਰ ਲਿਆਂਦਾ ਗਿਆ। ਰਮਨ ਸ਼ਰਮਾ ਅਨੁਸਾਰ ਮੁਲਾਂਕਣ ਤੋਂ ਬਾਅਦ ਜੁਰਮਾਨਾ ਲਗਾਇਆ ਜਾਵੇਗਾ।
ਇਹ ਵੀ ਪੜ੍ਹੋ- ਮੌਸਮ ਵਿਭਾਗ ਦੀ ਵੱਡੀ ਅਪਡੇਟ, ਪੰਜਾਬ 'ਚ ਇਨ੍ਹਾਂ ਦਿਨਾਂ ਨੂੰ ਪਵੇਗਾ ਮੀਂਹ
ਹਿਮਾਚਲ ਪ੍ਰਦੇਸ਼ ਨੂੰ ਜਾਣ ਵਾਲੇ ਟਰੱਕਾਂ ’ਤੇ ਤਿੱਖੀ ਨਜ਼ਰ
ਕੁਝ ਦਿਨਾਂ ਵਿਚ ਪੰਜਾਬ ਤੋਂ ਮੰਡੀ ਗੋਬਿੰਦਗੜ੍ਹ ਨੂੰ ਜਾਣ ਵਾਲੇ ਟਰੱਕਾਂ ’ਤੇ ਤਿੱਖੀ ਨਜ਼ਰ ਰੱਖੀ ਜਾ ਰਹੀ ਹੈ। ਪੂਰੇ ਸੂਬੇ ਤੋਂ ਮੰਡੀ ਵੱਲ ਜਾਣ ਵਾਲੀਆਂ ਸੜਕਾਂ ਜੀ. ਐੱਸ. ਟੀ. ਵਿਭਾਗ ਨੇ ਸੀਲ ਕੀਤੀਆ ਹੋਈਆ ਹਨ। ਪਹਿਲਾਂ ਮੋਬਾਈਲ ਵਿੰਗ ਦੇ ਅਧਿਕਾਰੀ ਵਾਹਨਾਂ ਦੀ ਨਿਗਰਾਨੀ ਕਰਦੇ ਸਨ, ਜਦੋਂ ਕਿ ਹੁਣ ਸਰਕਲ ਦੇ ਕਈ ਸਟੇਟ ਟੈਕਸ ਅਫ਼ਸਰ ਅਤੇ ਸਟੇਟ ਟੈਕਸ ਇੰਸਪੈਕਟਰ ਵਾਹਨਾਂ ਦੀ ਨਿਗਰਾਨੀ ਕਰ ਰਹੇ ਹਨ। ਹਿਮਾਚਲ ਦੇ ਸਨਅਤੀ ਹੱਬ ਬੱਦੀ ਇਲਾਕੇ ਵਿੱਚ ਲੋਹੇ ਦੇ ਸਕਰੈਪ ਦੀ ਬਹੁਤ ਜ਼ਿਆਦਾ ਖਪਤ ਹੁੰਦੀ ਹੈ, ਜਿਸ ਕਾਰਨ ਹਿਮਾਚਲ ਪ੍ਰਦੇਸ਼ ਨੂੰ ਜਾਣ ਵਾਲੇ ਟਰੱਕਾਂ ’ਤੇ ਤਿੱਖੀ ਨਜ਼ਰ ਰੱਖੀ ਜਾ ਰਹੀ ਹੈ। ਪਿਛਲੇ ਹਫਤੇ ਰਮਨ ਸ਼ਰਮਾ ਨੇ ਬੱਦੀ ਨੂੰ ਜਾਂਦੇ ਸਮੇਂ ਬੈਟਰੀ ਲੀਡ ਸਕ੍ਰੈਪ ਨਾਲ ਭਰੇ ਟਰੱਕ ਨੂੰ ਕਾਬੂ ਕੀਤਾ ਸੀ ਅਤੇ 16 ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ ਸੀ। ਜਗ ਬਾਣੀ ਨੇ 4 ਦਿਨ ਪਹਿਲਾਂ ਇਨ੍ਹਾਂ ਟਰੱਕਾਂ ਬਾਰੇ ਅਟਕਲਾਂ ਵਾਲੀ ਖ਼ਬਰ ਛਾਪੀ ਸੀ, ਜੋ ਸਹੀ ਨਿਕਲੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਹੁਣ Reel ਬਣਾਉਣ ਵਾਲਿਆਂ ਨੂੰ ਹੋਵੇਗੀ ਜੇਲ੍ਹ! ਪੰਜਾਬ 'ਚ ਜਾਰੀ ਹੋਏ ਸਖ਼ਤ ਹੁਕਮ (ਵੀਡੀਓ)
NEXT STORY 
