ਐਂਟਰਟੇਨਮੈਂਟ ਡੈਸਕ : ਪੰਜਾਬ ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਨਵਜੋਤ ਸਿੱਧੂ ਨੂੰ ਲੈ ਕੇ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਹਾਲ ਹੀ 'ਚ ਜਾਣਕਾਰੀ ਮਿਲੀ ਹੈ ਕਿ ਸਿਆਸਤ ਤੋਂ ਦੂਰ ਰਹਿ ਰਹੇ ਨਵਜੋਤ ਸਿੱਧੂ 'ਬਿੱਗ ਬੌਸ ਓਟੀਟੀ 3' 'ਚ ਜਾ ਰਹੇ ਹਨ। ਨਵਜੋਤ ਸਿੱਧੂ ਨੇ ਇਸ ਦੀ ਜਾਣਕਾਰੀ ਆਪਣੇ ਸੋਸ਼ਲ ਮੀਡੀਆ ਫੇਸਬੁੱਕ ਅਕਾਊਂਟ 'ਤੇ ਇਕ ਪੋਸਟ ਸਾਂਝੀ ਕਰਦਿਆਂ ਦਿੱਤੀ ਹੈ। ਉਨ੍ਹਾਂ ਨੇ ਆਪਣੇ ਇਕ ਤਸਵੀਰ ਸਾਂਝੀ ਕੀਤੀ ਹੈ, ਜਿਸ ਦੀ ਕੈਪਸ਼ਨ 'ਚ ਲਿਖਿਆ ਹੈ- '' Major Sidhu in Bigg Boss - dream come true।''
ਦੱਸ ਦੇਈਏ ਕਿ 'ਬਿੱਗ ਬੌਸ OTT 3' ਦਾ ਅੱਜ 2 ਅਗਸਤ ਨੂੰ ਫਾਈਨਲ ਐਪੀਸੋਡ ਹੈ। ਸ਼ੋਅ ਦੇ ਫਿਨਾਲੇ ਲਈ ਮੇਕਰਸ ਨੇ ਪੂਰੀ ਤਿਆਰੀ ਕਰ ਲਈ ਹੈ। ਅਨਿਲ ਕਪੂਰ ਵੀ ਅੱਜ ਸ਼ੋਅ 'ਚ ਪੂਰੇ ਜੋਸ਼ 'ਚ ਨਜ਼ਰ ਆਉਣ ਵਾਲੇ ਹਨ। ਨਵਜੋਤ ਸਿੱਧੂ ਕਾਫ਼ੀ ਸਮੇਂ ਤੋਂ ਸਿਆਸਤ ਤੋਂ ਦੂਰੀ ਬਣਾ ਕੇ ਬੈਠੇ ਹਨ। ਉਹ ਆਪਣੀ ਕੈਂਸਰ ਪੀੜਤ ਪਤਨੀ ਨਾਲ ਵੱਧ ਤੋਂ ਵੱਧ ਸਮਾਂ ਬਿਤਾ ਰਹੇ ਹਨ। ਨਵਜੋਤ ਸਿੱਧੂ ਕਲਰਸ ਚੈਨਲ 'ਤੇ ਚੱਲ ਰਹੇ 'ਬਿੱਗ ਬੌਸ ਓਟੀਟੀ 3' 'ਚ ਦਿਖਾਈ ਦੇਣਗੇ।
ਅੱਜ ਹੋਵੇਗਾ ਗ੍ਰੈਂਡ ਫਿਨਾਲੇ
'ਬਿੱਗ ਬੌਸ ਓਟੀਟੀ 3' ਦੇ ਗ੍ਰੈਂਡ ਫਿਨਾਲੇ ਤੋਂ ਪਹਿਲਾਂ ਸ਼ੋਅ ਦੇ ਸਾਰੇ ਪ੍ਰਤੀਯੋਗੀਆਂ ਨੂੰ ਘਰ 'ਚ ਬੁਲਾਇਆ ਜਾਵੇਗਾ ਅਤੇ ਉਹ ਸਾਰੇ ਇੱਕ-ਇੱਕ ਕਰਕੇ ਆਪਣਾ ਡਾਂਸ ਪ੍ਰਦਰਸ਼ਨ ਦੇਣਗੇ। ਇਸ ਦੇ ਨਾਲ ਹੀ ਜੀਓ ਸਿਨੇਮਾ ਨੇ ਚੋਟੀ ਦੇ 5 ਪ੍ਰਤੀਯੋਗੀਆਂ ਦੇ ਡਾਂਸ ਪ੍ਰਦਰਸ਼ਨ ਦਾ ਵੀਡੀਓ ਵੀ ਸਾਂਝਾ ਕੀਤਾ ਹੈ।
ਟਰਾਫੀ ਅਤੇ ਇਨਾਮੀ ਰਕਮ
ਉਸੇ ਸਮੇਂ ਹਾਲ ਹੀ ਦੇ ਐਪੀਸੋਡ 'ਚ ਨਿਰਮਾਤਾਵਾਂ ਨੇ 'ਬਿੱਗ ਬੌਸ ਓਟੀਟੀ 3' ਦੀ ਟਰਾਫੀ ਦਾ ਪਰਦਾਫਾਸ਼ ਕੀਤਾ ਸੀ, ਜਿਸ 'ਚ ਇੱਕ ਸੁਨਹਿਰੀ ਅੱਖ ਹੈ ਅਤੇ ਇੱਕ ਆਦਮੀ ਗੱਦੀ 'ਤੇ ਬੈਠਾ ਹੈ। ਇਸ ਦੇ ਨਾਲ ਹੀ ਸ਼ੋਅ ਦੇ ਜੇਤੂ ਨੂੰ 25 ਲੱਖ ਰੁਪਏ ਦੀ ਨਕਦ ਰਾਸ਼ੀ ਇਨਾਮ ਵਜੋਂ ਦਿੱਤੀ ਜਾਵੇਗੀ ਅਤੇ ਜੇਤੂ ਨੂੰ ਟਰਾਫੀ ਵੀ ਦਿੱਤੀ ਜਾਵੇਗੀ।
ਦੱਸ ਦੇਈਏ ਕਿ ਟੌਪ 5 'ਚ ਆਉਣ ਤੋਂ ਬਾਅਦ ਅਰਮਾਨ ਮਲਿਕ ਦੀ ਦੂਜੀ ਪਤਨੀ ਕ੍ਰਿਤਿਕਾ ਮਲਿਕ, ਸਾਈ ਕੇਤਨ ਰਾਓ ਅਤੇ ਅਦਾਕਾਰ ਰਣਵੀਰ ਸ਼ੋਰੇ ਸ਼ੋਅ ਤੋਂ ਬਾਹਰ ਹੋ ਗਏ ਹਨ। ਇਸ ਦੇ ਨਾਲ ਹੀ ਹੁਣ 'ਬਿੱਗ ਬੌਸ ਓਟੀਟੀ 3' ਦਾ ਟਾਈਟਲ ਮੁਕਾਬਲਾ ਨੇਜ਼ੀ ਅਤੇ ਸਨਾ ਮਕਬੂਲ ਵਿਚਾਲੇ ਹੋਣ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ 'ਬਿੱਗ ਬੌਸ ਓਟੀਟੀ 3' ਦੀ ਹਰ ਪਲ ਖ਼ਬਰ ਦੇਣ ਵਾਲੀ ਖ਼ਬਰੀ ਨੇ ਜੇਤੂਆਂ ਦੀ ਸੂਚੀ ਜਾਰੀ ਕੀਤੀ ਹੈ।
ਸਨਾ ਮਕਬੂਲ ਜਾਂ ਨੇਜ਼ੀ?
ਖ਼ਬਰੀ ਮੁਤਾਬਕ, ਕ੍ਰਿਤਿਕਾ ਮਲਿਕ, ਸਾਈ ਕੇਤਨ ਰਾਓ ਨੂੰ ਸ਼ੋਅ ਤੋਂ ਬਾਹਰ ਕਰ ਦਿੱਤਾ ਗਿਆ ਹੈ। ਜਦੋਂ ਕਿ 'ਬਿੱਗ ਬੌਸ OTT 3' ਦੇ ਦੂਜੇ ਰਨਰ ਅੱਪ ਰਣਵੀਰ ਸ਼ੋਰੇ, ਰਨਰ ਅੱਪ ਨੇਜ਼ੀ ਅਤੇ ਵਿਜੇਤਾ ਸਨਾ ਮਕਬੂਲ ਹੈ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਖੇਤ 'ਚ ਸਪਰੇਅ ਕਰਦਿਆਂ ਕਿਸਾਨ ਹੋਇਆ ਬੇਹੋਸ਼, 4 ਦਿਨਾਂ ਬਾਅਦ ਮੌਤ
NEXT STORY 
