ਪਟਿਆਲਾ (ਰਾਜੇਸ਼, ਰਾਣਾ)—ਪੰਜਾਬੀਆਂ ਦਾ ਅੱਜ ਸੰਸਾਰ ਭਰ ਵਿਚ ਡੰਕਾ ਬੋਲ ਰਿਹਾ ਹੈ। ਦੁਨੀਆ ਦੇ ਹਰ ਮੁਲਕ ਵਿਚ ਪੰਜਾਬੀ ਕਿਸੇ ਨਾ ਕਿਸੇ ਖੇਤਰ ਵਿਚ ਝੰਡੇ ਗੱਡ ਰਹੇ ਹਨ। ਇਸੇ ਕੜੀ ਦੇ ਤਹਿਤ ਪਟਿਆਲਾ ਦੇ 27 ਸਾਲਾ ਗੱਭਰੂ ਨੇ ਨਿਊਜ਼ੀਲੈਂਡ ਵਿਚ 'ਵਰਲਡ ਬੀਅਰਡ ਐਂਡ ਮਸ਼ਟੈਸ਼ ਐਸੋਸੀਏਸ਼ਨ' ਵੱਲੋਂ ਕਰਵਾਏ ਗਈ 'ਦਾੜ੍ਹੀ ਤੇ ਮੁੱਛਾਂ ਦੀ ਰਾਸ਼ਟਰੀ ਚੈਂਪੀਅਨਸ਼ਿਪ' ਜਿੱਤ ਲਈ ਹੈ। ਇਸ ਐਸੋਸੀਏਸ਼ਨ ਵੱਲੋਂ ਕਈ ਤਰ੍ਹਾਂ ਦੇ ਅਜਿਹੇ ਮੁਕਾਬਲੇ ਕਰਵਾਏ ਜਾਂਦੇ ਹਨ ਜਿਥੇ ਦਾੜ੍ਹੀ ਅਤੇ ਮੁੱਛਾਂ ਦੇ ਮੁਕਾਬਲੇ ਹੁੰਦੇ ਹਨ। ਇਸ ਵਾਰ ਰਾਸ਼ਟਰੀ ਮੁਕਾਬਲਾ 'ਦਾੜ੍ਹੀ ਤੇ ਸਟਾਇਲਡ ਮੁੱਛਾਂ' ਸਬੰਧੀ ਸੀ।
ਪਿਛਲੇ ਕੁਝ ਸਾਲਾਂ ਤੋਂ ਪਟਿਆਲਾ ਸ਼ਹਿਰ ਦਾ 27 ਸਾਲਾ ਨੌਜਵਾਨ ਬੀਰਇੰਦਰ ਸਿੰਘ ਜ਼ੈਲਦਾਰ (ਇੰਦਰ ਜ਼ੈਲਦਾਰ) ਪੁੱਤਰ ਜਰਨੈਲ ਸਿੰਘ ਜ਼ੈਲਦਾਰ ਇਨ੍ਹਾਂ ਮੁਕਾਬਲਿਆਂ ਵਿਚ ਸਮੁੱਚੇ ਭਾਰਤੀ ਭਾਈਚਾਰੇ ਦੀ ਹਾਜ਼ਰੀ ਲਾਵਾ ਰਿਹਾ ਹੈ। ਦਿਲਜੀਤ ਦੁਸਾਂਝ ਨੇ ਜਿਥੇ ਨਵੇਂ ਗੀਤ 'ਹੱਥ ਮੁੱਛਾਂ 'ਤੇ ਤਾਂ ਵਾਰ ਲੈਣ ਦੇ' ਨਾਲ ਲੱਖਾਂ ਨੌਜਵਾਨਾਂ ਦਾ ਦਿਲ ਜਿੱਤਿਆ ਹੈ ਉਥੇ ਹੀ ਨਿਊਜ਼ੀਲੈਂਡ ਵਸਦੇ ਬੀਰਇੰਦਰ ਸਿੰਘ ਨੇ 'ਦਾੜ੍ਹੀ ਤੇ ਮੁੱਛਾਂ ਦੀ ਰਾਸ਼ਟਰੀ ਚੈਂਪੀਅਨਸ਼ਿਪ' ਜਿੱਤ ਕੇ ਵੀ ਪੂਰੇ ਭਾਰਤੀ ਭਾਈਚਾਰੇ ਦਾ ਮਾਣ ਵਧਾਇਆ ਹੈ। ਮੁਕਾਬਲੇ ਦੌਰਾਨ ਬੰਨ੍ਹੀ ਪੱਗ ਜਿਥੇ ਸਿੱਖਾਂ ਦੀ ਪਛਾਣ ਵੀ ਕਰਵਾ ਗਈ, ਉਥੇ ਹੀ ਦਾੜ੍ਹੀ ਅਤੇ ਮੁੱਛਾਂ ਨੂੰ ਇੱਜ਼ਤ ਦਾ ਸਰੋਤ ਵੀ ਸਾਬਿਤ ਕਰ ਗਈ।
ਇਸ ਨੌਜਵਾਨ ਨੂੰ ਕੰਪਨੀ ਵੱਲੋਂ ਵੱਡੇ ਇਨਾਮ ਅਤੇ ਜੇਤੂ ਟਰਾਫੀ ਦੇ ਕੇ ਸਨਮਾਨਤ ਕੀਤਾ ਗਿਆ। ਇਹ ਨੌਜਵਾਨ ਪਿਛਲੇ ਕੁਝ ਸਮੇਂ ਤੋਂ ਅਜਿਹਾ ਕਰਨ ਦੀ ਤਮੰਨਾ ਪੂਰੀ ਕਰਨ ਵਿਚ ਲੱਗਿਆ ਹੋਇਆ ਹੈ ਕਿ ਉਹ ਪੰਜਾਬੀ ਨੌਜਵਾਨਾਂ ਨੂੰ ਨਸ਼ੇ ਤਿਆਗਣ ਅਤੇ ਦਾੜ੍ਹੀ-ਮੁੱਛ ਰੱਖਣ ਦਾ ਸੰਦੇਸ਼ ਕਿਸ ਤਰ੍ਹਾਂ ਦੇ ਸਕੇ। ਚੈਂਪੀਅਨਸ਼ਿਪ ਵਿਚ 40 ਲੋਕਾਂ ਨੇ ਭਾਗ ਲਿਆ ਸੀ, ਜਿਸ ਵਿਚ ਬੀਰਇੰਦਰ ਸਿੰਘ ਨੇ ਪਹਿਲਾ ਸਥਾਨ ਹਾਸਲ ਕੀਤਾ। ਬੀਰਇੰਦਰ ਸਿੰਘ ਨੇ ਕਿਹਾ ਕਿ ਉਸ ਦਾ ਇਹ ਸੁਪਨਾ ਹੈ ਕਿ ਪੰਜਾਬ ਵਿਚ ਵੀ ਅਜਿਹੇ ਮੁਕਾਬਲੇ ਹੋਣ ਤਾਂ ਜੋ ਗੁਰੂਆਂ ਵੱਲੋਂ ਬਖਸ਼ਿਸ਼ ਕੀਤੀ ਗਈ ਅਤੇ ਇਸ ਇਨਾਇਤ 'ਤੇ ਲੋਕ ਮਾਣ ਮਹਿਸੂਸ ਕਰਨ।
ਸੜਕ ਟੁੱਟੀ ਹੋਣ ਕਾਰਨ ਸਕੂਲ ਬੱਸ ਪਲਟੀ, ਲੋਕਾਂ ਨੇ ਨੈਸ਼ਨਲ ਹਾਈਵੇ ਕੀਤਾ ਜਾਮ
NEXT STORY 
