ਜਲੰਧਰ (ਖੁਸ਼ਬੂ)— ਜਿਸ ਉਮਰ 'ਚ ਬੱਚੇ ਆਪਣੇ ਮਾਪਿਆਂ ਦਾ ਹੱਥ ਫੜ ਕੇ ਚੱਲਣਾ ਸਿੱਖਦੇ ਹਨ, ਉਸ ਉਮਰ 'ਚ ਪਾਵਨੀ ਭਾਟੀਆ 25 ਫੁੱਟ ਡੂੰਘੇ ਪਾਣੀ 'ਚ ਤੈਰਾਕੀ ਕਰ ਰਹੀ ਹੈ। ਸੋਢਲ ਰੋਡ 'ਤੇ ਰਹਿਣ ਵਾਲੀ 6 ਸਾਲ ਦੀ ਪਾਵਨੀ ਭਾਟੀਆ ਨੇ ਨਾ ਸਿਰਫ ਕਈ ਮੈਡਲ ਹਾਸਲ ਕੀਤੇ ਹਨ, ਸਗੋਂ ਸ਼ਹਿਰ ਦੀ ਯੰਗੈਸਟਰ ਸਵਿਮਰ ਹੋਣ ਦਾ ਖਿਤਾਬ ਵੀ ਹਾਸਲ ਕਰ ਚੁੱਕੀ ਹੈ। ਇਸ ਸਮੇਂ ਪਾਵਨੀ ਸਵਾਮੀ ਸੰਤ ਦਾਸ ਪਬਲਿਕ ਸਕੂਲ 'ਚ ਪਹਿਲੀ ਜਮਾਤ 'ਚ ਪੜ੍ਹ ਰਹੀ ਹੈ।
ਢਾਈ ਸਾਲ ਦੀ ਉਮਰ 'ਚ ਪਾਵਨੀ ਨੂੰ ਉਸ ਦੇ ਪਿਤਾ ਰਿਗਵੇਦ ਭਾਟੀਆ ਨੇ ਤੈਰਾਕੀ ਸਿਖਾਉਣੀ ਸ਼ੁਰੂ ਕੀਤੀ ਸੀ ਅਤੇ 3 ਸਾਲ ਦੀ ਉਮਰ 'ਚ ਉਹ ਤੈਰਾਕੀ ਕਰਨ ਲੱਗ ਪਈ ਸੀ। ਹਾਲ ਹੀ 'ਚ ਪਾਵਨੀ ਨੇ 41ਵੀਂ ਜ਼ਿਲਾ ਪ੍ਰਾਇਮਰੀ ਸਕੂਲ ਗੇਮਸ ਤੈਰਾਕੀ ਮੁਕਾਬਲਾ 50 ਮੀਟਰ ਬ੍ਰੈਸਟ ਸਟ੍ਰੋਕ, ਬੈਕ ਸਟ੍ਰੋਕ ਅਤੇ ਬਟਰ ਫਲਾਈ 'ਚ ਗੋਲਡ ਮੈਡਲ ਹਾਸਲ ਕੀਤਾ ਹੈ। ਇਹ ਮੁਕਾਬਲਾ ਐੱਮ. ਆਰ. ਇੰਟਰਨੈਸ਼ਨਲ ਪਬਲਿਕ ਸਕੂਲ ਆਦਮਪੁਰ ਵਿਚ ਹੋਇਆ ਸੀ। ਹੁਣ ਉਹ ਸੂਬਾ ਪੱਧਰ 'ਤੇ ਹੋਣ ਵਾਲੀਆਂ ਪ੍ਰਾਇਮਰੀ ਸਕੂਲ ਗੇਮਸ ਤੈਰਾਕੀ ਮੁਕਾਬਲਾ ਸੰਗਰੂਰ ਵਿਚ ਹਿੱਸਾ ਲਵੇਗੀ।
ਪਾਵਨੀ ਦੇ ਪਿਤਾ ਰਿਗਵੇਦ ਭਾਟੀਆ ਨੇ ਦੱਸਿਆ ਕਿ ਇਸ ਮੁਕਾਬਲੇ 'ਚ ਪਾਵਨੀ ਸਭ ਤੋਂ ਘੱਟ ਉਮਰ ਦੀ ਖਿਡਾਰਣ ਹੋਵੇਗੀ। ਪਾਵਨੀ ਨੂੰ ਉਨ੍ਹਾਂ ਨੇ ਛੋਟੀ ਉਮਰ 'ਚ ਹੀ ਤੈਰਾਕੀ ਕਰਨਾ ਸਿਖਾ ਦਿੱਤਾ ਸੀ। ਇਸ ਸਮੇਂ ਉਹ 25 ਫੁੱਟ ਪਾਣੀ ਦੇ ਅੰਦਰ ਤੱਕ ਤੈਰਾਕੀ ਕਰਨ ਦੇ ਨਾਲ 10 ਫੁੱਟ ਤੋਂ ਜੰਪ ਵੀ ਕਰ ਲੈਂਦੀ ਹੈ। ਪਾਵਨੀ ਦੇ ਪਿਤਾ ਖੁਦ ਲੈਕਚਰਾਰ ਹੋਣ ਦੇ ਨਾਲ ਪੰਜਾਬ ਸਿੱਖਿਆ ਵਿਭਾਗ ਵਿਚ ਸਵਿਮਿੰਗ ਕੋਚ ਵੀ ਹਨ। 1997 ਵਿਚ ਉਹ ਬੈਸਟ ਵਾਟਰ ਪੋਲੋ ਪਲੇਅਰ ਆਫ ਪੰਜਾਬ ਰਹਿ ਚੁੱਕੇ ਹਨ।
ਜਿੱਤ ਚੁੱਕੀ ਹੈ ਇਹ ਮੈਡਲ ਅਤੇ ਐਵਾਰਡ
ਚੰਡੀਗੜ੍ਹ 'ਚ ਇੰਟਰ ਸਟੇਟ ਓਪਨ ਸਵਿਮਿੰਗ ਚੈਂਪੀਅਨਸ਼ਿਪ 'ਚ ਅੰਡਰ 9 'ਚ 25 ਮੀਟਰ ਬ੍ਰੈਸਟ ਸਟ੍ਰੋਕ 'ਚ ਗੋਲਡ, 25 ਮੀਟਰ ਫ੍ਰੀ ਸਟਾਈਲ 'ਚ ਬਰਾਊਂਜ਼ ਤੇ ਬੈਕ ਸਟ੍ਰੋਕ 'ਚ ਸਿਲਵਰ ਮੈਡਲ।
ਸਹੋਦਿਆ ਅੰਡਰ-12 ਉਮਰ ਦੀ ਕੈਟਾਗਰੀ ਵਿਚ 50 ਮੀਟਰ ਬ੍ਰੈਸਟ ਸਟ੍ਰੋਕ ਵਿਚ ਕਾਂਸੇ ਦਾ ਤਮਗਾ।
ਸਵਾਮੀ ਸੰਤ ਦਾਸ ਸਕੂਲ ਵਿਚ ਵੀ ਉਸ ਨੂੰ 2 ਵਾਰ ਬੈਸਟ ਸਵਿਮਰ ਦਾ ਐਵਾਰਡ ਮਿਲ ਚੁੱਕਾ ਹੈ।
5 ਕਿਲੋਮੀਟਰ ਦੀ ਮਿੰਨੀ ਮੈਰਾਥਨ ਵਿਚ ਵੀ ਯੰਗੈਸਟ ਐਥਲੀਟ ਦਾ ਟਾਈਟਲ ਜਿੱਤ ਚੁੱਕੀ ਹੈ।
15 ਅਗਸਤ 2018 ਨੂੰ ਜਲੰਧਰ ਦੇ ਡੀ. ਸੀ. ਵਰਿੰਦਰ ਸ਼ਰਮਾ ਤੇ ਖੇਡ ਮੰਤਰੀ ਰਾਣਾ ਗੁਰਮੀਤ ਸਿੰਘ ਸੋਢੀ ਕੋਲੋਂ ਆਊਟਸਟੈਂਡਿੰਗ ਸਵਿਮਰ ਦਾ ਐਵਾਰਡ ਮਿਲਿਆ।
ਪੰਜਾਬ ਸਟੇਟ ਮਾਡਰਨ ਪੈਂਟਾਥਲਾਨ ਚੈਂਪੀਅਨਸ਼ਿਪ ਲੁਧਿਆਣਾ ਅੰਡਰ-9 ਵਿਚ ਸਿਲਵਰ ਮੈਡਲ ਮਿਲਿਆ।
ਖਹਿਰਾ ਦੇ ਅਸਤੀਫੇ 'ਤੇ 'ਆਪ' ਨੇ ਖੋਲ੍ਹੀਆਂ ਬੰਦੂਕਾਂ, ਵਿਰੋਧੀਆਂ ਨੇ ਮਾਰੇ ਤਿੱਖੇ ਤੀਰ
NEXT STORY 
