ਚੰਡੀਗੜ੍ਹ (ਪਾਲ) : ਪੀ. ਜੀ. ਆਈ. ਕਈ ਸਾਲਾਂ ਤੋਂ ਬ੍ਰੇਨ ਡੈੱਡ ਮਰੀਜ਼ਾਂ ਦੇ ਅੰਗ ਟ੍ਰਾਂਸਪਲਾਂਟ ਕਰ ਰਿਹਾ ਹੈ। ਪੀ. ਜੀ. ਆਈ. ਵਿਚ ਦਾਨ ਕੀਤੇ ਦਿਲ ਪੂਰੇ ਦੇਸ਼ ਵਿਚ ਧੜਕ ਰਹੇ ਹਨ। ਜੇਕਰ 11 ਸਾਲਾਂ ਦੇ ਅੰਕੜਿਆਂ ’ਤੇ ਨਜ਼ਰ ਮਾਰੀਏ ਤਾਂ ਸ਼ਹਿਰ ’ਚ ਸਿਰਫ਼ 9 ਦਿਲ ਹੀ ਟ੍ਰਾਂਸਪਲਾਂਟ ਕੀਤੇ ਗਏ। 2013 ਵਿਚ ਪੀ. ਜੀ. ਆਈ. ਨੇ ਪਹਿਲਾ ਹਾਰਟ ਟ੍ਰਾਂਸਪਲਾਂਟ ਕੀਤਾ। ਹਾਲਾਂਕਿ ਦਿਲ ਦਾ ਟ੍ਰਾਂਸਪਲਾਂਟ ਹੋਰ ਅੰਗਾਂ ਦੇ ਮੁਕਾਬਲੇ ਜ਼ਿਆਦਾ ਮੁਸ਼ਕਿਲ ਅਤੇ ਮਹਿੰਗਾ ਹੈ, ਫਿਰ ਵੀ 36 ਦਿਲ ਦਾਨ ਕੀਤੇ ਜਾ ਚੁੱਕੇ ਹਨ। ਇਨ੍ਹਾਂ ਵਿਚੋਂ 27 ਦਿਲ ਦੇਸ਼ ਦੇ ਹੋਰ ਹਸਪਤਾਲਾਂ ਨਾਲ ਸਾਂਝੇ ਕੀਤੇ ਗਏ ਹਨ। ਪੀ. ਜੀ. ਆਈ. ’ਚ 1977 ’ਚ ਰੀਜ਼ਨਲ ਆਰਗਨ ਐਂਡ ਟਿਸ਼ੂ ਟ੍ਰਾਂਸਪਲਾਂਟ ਆਰਗੇਨਾਈਜ਼ੇਸ਼ਨ (ਰੋਟੋ) ਦੀ ਸਥਾਪਨਾ ਤੋਂ ਬਾਅਦ ਅੰਗ ਦਾਨ ਨੂੰ ਉਤਸ਼ਾਹ ਮਿਲਿਆ। 2015 ਤੋਂ ਰੋਟੋ ਦਿਲ ਅਤੇ ਹੋਰ ਅੰਗਾਂ ਦਾ ਡਾਟਾ ਰੱਖ ਰਿਹਾ ਹੈ। ਜੇਕਰ ਅੰਕੜਿਆਂ ’ਤੇ ਨਜ਼ਰ ਮਾਰੀਏ ਤਾਂ ਪੀ. ਜੀ. ਆਈ. ਹੁਣ ਤਕ ਦਿੱਲੀ ਨਾਲ ਸਭ ਤੋਂ ਵੱਧ 16 ਹਾਰਟ ਸ਼ੇਅਰ ਕਰ ਚੁੱਕਾ ਹੈ।
ਸੌਖਾ ਨਹੀਂ ਹੈ ਹਾਰਟ ਟ੍ਰਾਂਸਪਲਾਂਟ
2023 ਵਿਚ ਹੁਣ ਤਕ 5 ਦਿਲ ਡੋਨੇਟ ਹੋਏ ਹਨ, ਜਿਨ੍ਹਾਂ ਵਿਚੋਂ ਦੋ ਪੀ. ਜੀ. ਆਈ. ਵਿਚ ਹੀ ਟ੍ਰਾਸਪਲਾਂਟ ਹੋਏ। ਜਦੋਂਕਿ 3 ਦਿਲ ਦੂਜੇ ਸ਼ਹਿਰਾਂ ਨਾਲ ਸ਼ੇਅਰ ਕੀਤੇ ਗਏ। ਡਾਕਟਰਾਂ ਮੁਤਾਬਕ ਹਾਰਟ ਟਰਾਂਸਪਲਾਂਟ ਜ਼ਿਆਦਾ ਮੁਸ਼ਕਿਲ ਹੁੰਦਾ ਹੈ। ਆਰਗਨ ਸੈਂਸੇਟਿਵ ਹੋਣ ਦੇ ਨਾਲ-ਨਾਲ ਉਹ ਵੱਡਾ ਵੀ ਹੁੰਦਾ ਹੈ। ਥੋੜ੍ਹੀ ਜਿਹੀ ਇਨਫੈਕਸ਼ਨ ਹੋਣ ’ਤੇ ਜ਼ਿੰਦਗੀ ਖਤਰੇ ਵਿਚ ਪੈ ਜਾਂਦੀ ਹੈ।
ਇਹ ਵੀ ਪੜ੍ਹੋ : ਪੰਜਾਬ ਦੇ ਇਨ੍ਹਾਂ ਕਿਸਾਨਾਂ ਲਈ ਸਰਕਾਰ ਦਾ ਵੱਡਾ ਐਲਾਨ, ਖੇਤੀਬਾੜੀ ਅਧਿਕਾਰੀਆਂ ਨੂੰ ਦਿੱਤੇ ਗਏ ਹੁਕਮ
ਦਿਲ ਲਈ ਸਿਰਫ਼ ਇਕ ਜਾਂ ਦੋ ਮਰੀਜ਼ਾਂ ਦੀ ਹੀ ਵੇਟਿੰਗ
ਹਾਰਟ ਟ੍ਰਾਂਸਪਲਾਂਟ ਸਰਜਰੀ ਆਪਣੇ ਆਪ ਵਿਚ ਇਕ ਚੈਲੇਂਜ ਹੈ। ਹਾਰਟ ਡੋਨੇਟ ਕਰਨ ਤੋਂ ਬਾਅਦ, ਇਸਦੀ ਹਾਲਤ ਵੀ ਬਹੁਤ ਮਾਇਨੇ ਰੱਖਦੀ ਹੈ। ਕਈ ਵਾਰ ਦਿਲ ਦੀ ਹਾਲਤ ਠੀਕ ਨਹੀਂ ਹੁੰਦੀ ਤਾਂ ਊਰਜਾ ਟ੍ਰਾਂਸਪਲਾਂਟ ਨਹੀਂ ਹੁੰਦੀ। ਨਾਲ ਹੀ ਵੇਟਿੰਗ ਲਿਸਟ ਨਹੀਂ ਹੁੰਦੀ। ਆਮ ਤੌਰ ’ਤੇ ਦਿਲ ਲਈ ਇਕ ਜਾਂ ਦੋ ਮਰੀਜ਼ਾਂ ਦੀ ਹੀ ਵੇਟਿੰਗ ਰਹਿੰਦੀ ਹੈ। ਦਿਲ ਨੂੰ ਰਿਟ੍ਰੀਵ ਕਰਨ ਵਿਚ ਹੀ 4 ਤੋਂ 5 ਘੰਟੇ ਲੱਗ ਜਾਂਦੇ ਹਨ। ਟਰਾਂਸਪਲਾਂਟ ਦੀ ਗੱਲ ਕਰੀਏ ਤਾਂ ਇਸ ਵਿਚ ਘੱਟੋ-ਘੱਟ 14 ਤੋਂ 15 ਘੰਟੇ ਲੱਗਦੇ ਹਨ।
ਹੁਣ ਤਕ ਸ਼ੇਅਰ ਹੋਏ ਦਿਲ
ਏਮਜ਼ ਨਵੀਂ ਦਿੱਲੀ 6, ਮੇਦਾਂਤਾ ਹਸਪਤਾਲ ਗੁਰੂਗ੍ਰਾਮ 2, ਐੱਮ. ਜੀ. ਐੱਮ. ਹੈਲਥ ਕੇਅਰ ਹੈਲਥ ਕੇਅਰ ਚੇਨਈ 4, ਫੋਰਟਿਸ ਹਸਪਤਾਲ ਮੁੰਬਈ 1, ਸਰ ਐੱਚ. ਐੱਨ. ਰਿਲਾਇੰਸ ਹਸਪਤਾਲ ਮੁੰਬਈ 3, ਫੋਰਟਿਸ ਹਸਪਤਾਲ ਨਵੀਂ ਦਿੱਲੀ 1, ਆਰ. ਐਂਡ ਆਰ. ਹਸਪਤਾਲ ਨਵੀਂ ਦਿੱਲੀ 5, ਮੈਕਸ ਹਸਪਤਾਲ ਨਵੀਂ ਦਿੱਲੀ 2, ਸਫਦਰਜੰਗ ਹਸਪਤਾਲ ਨਵੀਂ ਦਿੱਲੀ 1
ਇਹ ਵੀ ਪੜ੍ਹੋ : ਪੰਜਾਬ ਦੇ 11 ਜ਼ਿਲ੍ਹਿਆਂ ਦੇ ਐੱਸ. ਐੱਸ. ਪੀਜ਼ ਨੂੰ ਨੋਟਿਸ ਜਾਰੀ, ਜਾਣੋ ਕੀ ਹੈ ਪੂਰਾ ਮਾਮਲਾ
ਡਾ. ਆਰ. ਐੱਮ. ਐੱਲ. ਹਸਪਤਾਲ ਨਵੀਂ ਦਿੱਲੀ 1
11 ਸਾਲਾਂ ’ਚ ਟ੍ਰਾਂਸਪਲਾਂਟ
ਸਾਲ ਪੀ. ਜੀ. ਆਈ. ਹਾਰਟ
2013 1 0
2014 0 1
2015 1 0
2016 1 1
2017 1 5
2018 0 2
2019 1 1
2020 1 0
2021 0 4
2022 1 10
2023 2 3 (ਅਜੇ ਤਕ)
ਕੁੱਲ 927
ਪੀ. ਜੀ. ਆਈ. ਆਰਗਨ ਟ੍ਰਾਂਸਪਲਾਂਟ ਵਿਚ ਸ਼ਾਨਦਾਰ ਕੰਮ ਕਰ ਰਿਹਾ ਹੈ, ਜਿਸ ਕਾਰਨ ਇਹ ਸਰਕਾਰੀ ਸੈਕਟਰ ਵਿਚ ਪਹਿਲੇ ਨੰਬਰ ’ਤੇ ਹੈ। ਰੇਨਲ ਟਰਾਂਸਪਲਾਂਟ ਵਿਚ ਵੀ ਚੰਗਾ ਕੰਮ ਕੀਤਾ ਜਾ ਰਿਹਾ ਹੈ। ਮਰੀਜ਼ਾਂ ਦੀ ਵੇਟਿੰਗ ਲਿਸਟ ਪਹਿਲੇ ਸਾਲ ਲਈ ਹੁੰਦੀ ਸੀ। ਹੁਣ ਇਹ 2 ਤੋਂ 3 ਦਿਨ ਤਕ ਪਹੁੰਚ ਗਈ ਹੈ।
-ਡਾ. ਵਿਵੇਕ ਲਾਲ, ਡਾਇਰੈਕਟਰ ਪੀ. ਜੀ. ਆਈ.
ਜਗ ਬਾਣੀ ਈ-ਪੇਪਰ ਪੜ੍ਹਨ ਅਤੇ ਐਪ ਡਾਊਨਲੋਡ ਕਰਨ ਲਈ ਹੇਠਾਂ ਦਿੱਤੇ ਲਿੰਕ ’ਤੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਮੁੜ ਚਰਚਾ 'ਚ 'ਕੁੱਲ੍ਹੜ ਪਿੱਜ਼ਾ' ਕੱਪਲ, ਸਹਿਜ ਅਰੋੜਾ ਬੋਲੇ, ਫੇਕ ਨਹੀਂ ਸੀ ਨਿੱਜੀ ਵੀਡੀਓ, ਇੰਝ ਹੋਈ ਵਾਇਰਲ
NEXT STORY 
