ਨਵਾਂਸ਼ਹਿਰ (ਬ੍ਰਹਮਪੁਰੀ)— ਪੰਜਾਬ ਸਰਕਾਰ ਨਿੱਤ ਨਵੇਂ ਕਾਰਨਾਮਿਆਂ ਕਰਕੇ ਲੋਕਾਂ ਦੇ ਰੋਹ ਦਾ ਸ਼ਿਕਾਰ ਹੋ ਰਹੀ ਹੈ, ਜਿਸ ਦਾ ਕਾਰਨ ਸਰਕਾਰ ਦਾ ਅਫ਼ਸਰਸ਼ਾਹੀ ਅਤੇ ਲੋਕਾਂ 'ਤੇ ਇਕੋ ਦਬਾਅ ਹੈ ਕਿ ਜਿੰਨੇ ਮਰਜ਼ੀ ਸਰਕਾਰ ਮਾੜੇ ਕੰਮ ਕਰੇ ਕੋਈ ਵੀ ਉਸ ਦੇ ਖ਼ਿਲਾਫ਼ ਨਹੀਂ ਬੋਲਣ ਦੇਣਾ। ਇਸੇ ਮੁਹਿੰਮ ਤਹਿਤ ਸਭ ਤੋਂ ਵੱਡਾ ਸਰਕਾਰ ਨੇ ਆਪਣਾ ਧੱਕਾ ਮੀਡੀਆ 'ਤੇ ਚਲਾਇਆ ਪਰ ਲੋਕਾਂ ਦੇ ਸਹਿਯੋਗ ਨਾਲ ਜਿਵੇਂ ਪੰਜਾਬ ਕੇਸਰੀ ਗਰੁੱਪ, ਸੋਸ਼ਲ ਮੀਡੀਆ ਪੱਤਰਕਾਰਾਂ ਨੂੰ ਨਹੀਂ ਦਬਾ ਸਕੀ। ਇਸ ਸਰਕਾਰ ਨੇ ਦੋ ਸਾਲ ਤੋਂ ਇਕ ਮੁਹਿੰਮ ਚਲਾਈ ਹੋਈ ਕਿ ਲੋਕਾਂ ਨੂੰ ਸਭ ਪਾਸੇ ਪੰਜਾਬ ਦੇ ਮੁੱਖ ਮੰਤਰੀ ਦੇ ਸਾਈਨ ਬੋਰਡ ਭਾਵ ਨਾਮ ਲਿਖੇ ਹੀ ਦਿੱਸਣ।
ਪਹਿਲਾਂ ਬਾਥਰੂਮਾਂ ਦਾ ਉਦਘਾਟਨ
ਸਾਲ ਕੁ ਪਹਿਲਾਂ ਪੰਜਾਬ ਸਰਕਾਰ ਸਕੂਲਾਂ ਵਿਚ ਜੇਕਰ ਕਿਸੇ ਵੀ ਬਾਥਰੂਮ ਦਾ ਕੇਂਦਰੀ ਫੰਡਾਂ ਨਾਲ ਨਵੀਨੀਕਰਨ ਹੁੰਦਾ ਸੀ ਤਾਂ ਉਸ ਬਾਥਰੂਮ ਅੱਗੇ ਪੰਜਾਬ ਸਰਕਾਰ ਦਾ ਨੀਂਹ ਪੱਥਰ ਬੋਰਡ ਲਗਾ ਕੇ ਲਿਖ ਦਿੱਤਾ ਜਾਂਦਾ ਸੀ ਕਿ ਬਾਥਰੂਮ ਜਾਂ ਪਖਾਨਿਆਂ ਦੇ ਨਵੀਨੀਕਰਨ ਉਤੇ ਖਰਚੀ ਰਕਮ ਦਾ ਵੇਰਵਾ ਅਤੇ ਉਦਘਾਟਨ ਕਰ ਦਿੱਤਾ ਜਾਂਦਾ। ਫਿਰ ਲੋਕਾਂ ਦੇ ਵਿਰੋਧ ਦਾ ਸਾਹਮਣਾ ਪਿੰਡ-ਪਿੰਡ ਆਮ ਆਦਮੀ ਪਾਰਟੀ ਦੇ ਆਗੂਆਂ ਨੂੰ ਕਰਨਾ ਪਿਆ, ਫਿਰ ਸਰਕਾਰ ਦੀ ਟਾਇਲਟ ਬਾਥਰੂਮ ਉਦਘਾਟਨ ਕਰਨ ਦੀ ਮੁਹਿੰਮ ਲੋਕਾਂ ਨੇ ਰੋਕ ਦਿੱਤੀ।
ਇਹ ਵੀ ਪੜ੍ਹੋ: ਜੇ ਪੁਲਸ ਅਫ਼ਸਰ ਆਪਣੇ ਪੁੱਤ ਨੂੰ ਨਸ਼ੇ ਤੋਂ ਨਹੀਂ ਬਚਾ ਸਕਿਆ ਤਾਂ ਆਮ ਲੋਕਾਂ ਦਾ ਕੀ ਹੋਵੇਗਾ : ਖਹਿਰਾ
ਟਰਾਂਸਫਾਰਮਾਂ ਦੇ ਉਦਘਾਟਨ
ਪਿਛਲੇ 8 ਕੁ ਮਹੀਨੇ ਪਹਿਲਾਂ ਪੰਜਾਬ ਦੇ ਮੰਤਰੀ, ਵਿਧਾਇਕ ਅਤੇ ਚੇਅਰਮੈਨ, ਅਹੁਦੇਦਾਰ ਜੇਕਰ ਕੋਈ ਟਰਾਂਸਫਾਰਮ ਨੂੰ ਖੰਭਿਆਂ ਉਤੇ ਰੱਖਣਾ ਹੁੰਦਾ ਤਾਂ ਉਨ੍ਹਾਂ ਖੰਭਿਆਂ ਅੱਗੇ ਖੜ੍ਹ ਕੇ ਉਦਘਾਟਨ ਦੇ ਬੋਰਡ ਲਗਾਏ ਜਾਂਦੇ, ਇਸ ਦਾ ਵੀ ਲੋਕਾਂ ਨੇ ਵਿਰੋਧ ਕੀਤਾ। ਸਰਕਾਰ ਦੇ ਨੁਮਾਇੰਦਿਆਂ ਨੂੰ ਮੂੰਹ ਦੀ ਖਾਣੀ ਪਈ ਇਹ ਵੀ ਬੰਦ ਕਰਨਾ ਪਿਆ।
ਸੜਕਾਂ ਦੀ ਮੁਰੰਮਤ ਬੋਰਡ ਮੁੱਖ ਮੰਤਰੀ ਦੇ
ਪੰਜਾਬ ਸਰਕਾਰ ਜਿਥੇ ਵੀ ਕਿਸੇ ਸੜਕ ਦਾ ਕੰਮ ਰੂਟੀਨ ਵਿਚ ਮੁਰੰਮਤ ਆਦਿ ਦਾ ਕਰਦੀ ਹੈ ਜਾਂ ਕੋਈ ਨਵੀਂ ਮੁਰੰਮਤ ਕੀਤੀ ਸੜਕ ਬਣਾਈ ਜਾਂਦੀ ਹੈ, ਉਸ ਦੇ ਅੱਗੇ ਇਕ ਨਵੀਂ ਕਿਸਮ ਦਾ ਬੋਰਡ (ਸਾਈਨ) ਲਗਾਇਆ ਜਾਂਦਾ ਹੈ, ਜਿਸ ਉਤੇ ਸੜਕ ਜਾਂ ਪਿੰਡ ਦਾ ਨਾਮ ਨਾਮਾਤਰ ਛੋਟੇ ਫੋਟੋ ਸਾਈਜ਼ ਵਿਚ ਲਿਖਿਆ ਹੁੰਦਾ ਹੈ ਪਰ ਬੋਰਡ ਉਪਰ ਲਿਖਿਆ ਜਾਂਦਾ ਇਹ ਸੜਕ ਮਾਣਯੋਗ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਵਲੋਂ ਬਣਵਾਈ ਹੈ, ਇਸ ਵਿਚ ਹੇਠਾਂ ਪਿੰਡ ਦਾ ਨਾਮ ਦਰਸਾਇਆ ਜਾਂਦਾ ਹੈ|
ਇਹ ਵੀ ਪੜ੍ਹੋ: ਆਪਣੇ ਪੁੱਤ ਬਚਾਉਣੇ ਹਨ ਤਾਂ ਛੱਡ ਦਿਓ ਪੰਜਾਬ...ਨਸ਼ੇ ਕਾਰਨ ਹੋਈ ਪੁੱਤਰ ਦੀ ਮੌਤ ਪਿੱਛੋਂ ਬੋਲਿਆ ਪੁਲਸ ਅਧਿਕਾਰੀ
ਹੁਣ ਹੱਦ ਹੋ ਗਈ ਹਰੀਜਨ ਸ਼ਬਦ ਗੈਰ-ਸੰਵਿਧਾਨਿਕ ਲਿਖ ਦਿੱਤਾ
ਜ਼ਿਲ੍ਹਾ ਨਵਾਂਸ਼ਹਿਰ ਦੇ ਪਿੰਡ ਗਹੂੰਣ ਵਿਖੇ ਬਹੁਤ ਹੀ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ, ਜਿਸ ਵਿਚ ਗਹੂੰਣ ਤੋਂ ਰੱਕੜਾਂ ਬੇਟ ਕਰੀਬ 670 ਮੀਟਰ ਸੜਕ ਜੋ ਬਹੁਤ ਘੱਟ ਲੰਬਾਈ ਦੀ ਹੈ, ਇਹ ਸੜਕ ਮਾਰਕੀਟ ਕਮੇਟੀ ਬਲਾਚੌਰ ਨੇ ਬਣਾਈ ਹੈ। ਇਸ ਬੋਰਡ ਉਪਰ ਗੈਰ-ਸੰਵਿਧਾਨਿਕ ਸ਼ਬਦ ਇਸ ਤਰ੍ਹਾਂ ਵਰਣਨ ਕੀਤਾ ਜਿਸ ਵਿਚ ਗਹੂੰਣ ਤੋਂ ਹਰੀਜਨ ਬਸਤੀ ਰੱਕੜਾਂ ਬੇਟ ਲਿਖਿਆ ਗਿਆ ਹੈ, ਜੋਕਿ ਜਾਤੀ ਸੂਚਕ ਦਾ ਪ੍ਰਤੀਕ ਹੈ, ਜਿਸ ਨੂੰ ਲਿਖਣਾ ਇਕ ਅਪਰਾਧਿਕ ਮਾਮਲਾ ਬਣਦਾ ਹੈ |
ਕੀ ਕਹਿੰਦੇ ਬਸਪਾ ਦੇ ਸੂਬਾ ਪ੍ਰਧਾਨ ਅਵਤਾਰ ਸਿੰਘ ਕਰੀਮਪੁਰੀ
ਜਦੋਂ ਉਕਤ ਬਾਰੇ ਬਹੁਜਨ ਸਮਾਜ ਪਾਰਟੀ ਦੇ ਸੂਬਾ ਪ੍ਰਧਾਨ ਅਤੇ ਸਾਬਕਾ ਰਾਜ ਸਭਾ ਮੈਂਬਰ ਅਵਤਾਰ ਸਿੰਘ ਕਰੀਮਪੁਰੀ ਨੇ ਕਿਹਾ ਕਿ ਪੰਜਾਬ ਸਰਕਾਰ ਜਿਥੇ ਆਪਣੀ ਰਾਜਨੀਤਿਕ ਤਾਕਤ ਦਾ ਇਸਤੇਮਾਲ ਵਿਰੋਧੀ ਪਾਰਟੀਆਂ ਅਤੇ ਮੀਡੀਆ ਨੂੰ ਦਬਾਉਣ ਲਈ ਕਰ ਰਹੀ ਹੈ, ਉਸ ਦੇ ਨਾਲ-ਨਾਲ ਗੈਰ-ਸੰਵਿਧਾਨਿਕ ਕਾਰਵਾਈਆਂ ਵੀ ਬੇਖ਼ੌਫ਼ ਕਰ ਰਹੀ ਹੈ। ਉਨ੍ਹਾਂ ਕਿਹਾਕਿ ਹਿੰਦੋਸਤਾਨ ਦੇ ਸੰਵਿਧਾਨ ਵਿਚ ਜਾਤੀ ਸੂਚਕ ਸ਼ਬਦ ਲਈ ਕੋਈ ਥਾਂ ਨਹੀਂ ਪਰ ਪੰਜਾਬ ਦੇ ਮੁੱਖ ਮੰਤਰੀ ਆਪਣੇ ਸਰਕਾਰੀ ਬੋਰਡਾਂ ਉਪਰ ਜਾਤੀ ਸੂਚਕ ਸ਼ਬਦ ਵਰਤ ਕੇ ਬਾਬਾ ਸਾਹਿਬ ਡਾਕਟਰ ਭੀਮ ਰਾਓ ਅੰਬੇਡਕਰ ਜੀ ਦੀ ਸੋਚ ਦੇ ਖ਼ਿਲਾਫ਼ ਕੰਮ ਕਰ ਰਹੀ ਹੈ, ਜਦਕਿ ਸਰਕਾਰੀ ਦਫਤਰਾਂ ਵਿਚ ਬਾਬਾ ਸਾਹਿਬ ਦੀ ਫੋਟੋ ਲਗਾ ਕੇ ਬਾਬਾ ਸਾਹਿਬ ਦੇ ਮਾਣ ਸਨਮਾਨ ਦਾ ਢੰਗੌਂਜ ਕਰ ਰਹੀ ਹੈ | ਇਸ ਲਈ ਇਸ ਬੋਰਡ ਨੂੰ ਲਗਾਉਣ ਵਾਲਿਆਂ ਅਤੇ ਪੰਜਾਬ ਸਰਕਾਰ ਦੇ ਮੁੱਖ ਮੰਤਰੀ ਖਿਲਾਫ਼ ਅਪਰਾਧਿਕ ਮਾਮਲਾ ਦਰਜ਼ ਕਰਕੇ ਸਖ਼ਤ ਕਨੂੰਨੀ ਕਾਰਵਾਈ ਹੋਣੀ ਚਾਹੀਦੀ ਹੈ |
ਇਸ ਮੌਕੇ ਬਲਾਚੌਰ ਹਲਕੇ ਦੇ ਸੀਨੀਅਰ ਬਸਪਾ ਆਗੂ ਡਾਕਟਰ ਰਜਿੰਦਰ ਲੱਕੀ ਨੇ ਕਿਹਾ ਕਿ 1964 ਵਿਚ ਇਕ ਵਿਸ਼ੇਸ਼ ਕਾਨੂੰਨ ਬਣਿਆ ਹੈ, ਜਿਸ ਅਨੁਸਾਰ ਹਰੀਜਨ ਸ਼ਬਦ ਦੀ ਵਰਤੋਂ ਕਰਨ ਵਾਲੇ ਜਾਂ ਲਿਖਣ ਵਾਲੇ ਖ਼ਿਲਾਫ਼ ਅਪਰਾਧਿਕ ਮਾਮਲਾ ਦਰਜ ਕਰਕੇ ਕਾਨੂੰਨੀ ਕਾਰਵਾਈ ਦੀ ਤਜਵੀਜ ਹੈ ਪਰ ਹਰੀਜਨ ਬਸਤੀ ਲਿਖ ਕੇ ਪੰਜਾਬ ਦੇ ਮੁੱਖ ਮੰਤਰੀ ਨੇ ਬਹੁਤ ਵੱਡਾ ਗੁਨਾਹ ਕੀਤਾ ਹੈ ਜਿਸ ਖ਼ਿਲਾਫ਼ ਉਹ ਕਨੂੰਨੀ ਕਾਰਵਾਈ ਸੂਬਾ ਪ੍ਰਧਾਨ ਕਰੀਮਪੁਰੀ ਜੀ ਦੀ ਰਹਿਨੁਮਾਈ ਹੇਠ ਕਰਵਾਉਣਗੇ।
ਇਹ ਵੀ ਪੜ੍ਹੋ: ਪੰਜਾਬ 'ਚ 2 ਦਿਨ ਅਹਿਮ! ਬਦਲੇਗਾ ਮੌਸਮ ਤੇ ਪਵੇਗਾ ਮੀਂਹ, ਵਿਭਾਗ ਵੱਲੋਂ 18 ਤਾਰੀਖ਼ ਤੱਕ ਹੋਈ ਵੱਡੀ ਭਵਿੱਖਬਾਣੀ
ਕੀ ਕਹਿੰਦੇ ਕਾਂਗਰਸ ਦੇ ਜ਼ਿਲ੍ਹਾ ਪ੍ਰਧਾਨ ਅਜੇ ਮੰਗੂਪੁਰ
ਇਸ ਬਾਰੇ ਗੱਲ ਕਰਦਿਆਂ ਅੇਜ ਮੰਗੂਪੁਰ ਜ਼ਿਲ੍ਹਾ ਪ੍ਰਧਾਨ ਕਾਂਗਰਸ ਨੇ ਕਿਹਾ ਕਿ ਪੰਜਾਬ ਸਰਕਾਰ ਸੱਤਾ ਦੇ ਨਸ਼ੇ ਵਿਚ ਕਿਸੇ ਦਾ ਕਤਲ ਕਰਵਾ ਸਕਦੀ ਜਾਂ ਕਿਸੇ ਵੀ ਜਾਤੀ ਫਿਰਕੇ ਨੂੰ ਅਪਮਾਨਿਤ ਕਰ ਸਕਦੀ ਹੈ, ਜਿਸ ਦੀ ਮਿਸਾਲ ਗਹੂੰਣ ਰੋਡ ਤੋਂ ਰੱਕੜਾਂ ਬੇਟ ਕਰੀਬ ਅੱਧਾ ਕਿਲੋਮੀਟਰ ਸੜਕ ਦੀ ਮੁਰੰਮਤ ਕਰਕੇ ਕਿਰਤੀ ਪਰਿਵਾਰਾਂ ਨੂੰ ਜ਼ਲੀਲ ਕਰਨ ਲਈ ਹਰੀਜਨ ਸ਼ਬਦ ਦਾ ਇਸਤੇਮਾਲ ਕੀਤਾ, ਜਿਸ ਦੀ ਉਹ ਘੋਰ ਨਿੰਦਾ ਕਰਦੇ ਹਨ ਅਤੇ ਇਸ ਖ਼ਿਲਾਫ਼ ਕਰਵਾਈ ਕਰਵਾਉਣਗੇ।
ਕੀ ਕਹਿੰਦੇ ਭਾਜਪਾ ਜ਼ਿਲ੍ਹਾ ਪ੍ਰਧਾਨ ਐਡਵੋਕੇਟ ਲੱਕੀ
ਐਡਵੋਕੇਟ ਰਾਜਵਿੰਦਰ ਸਿੰਘ ਲੱਕੀ ਭਾਜਪਾ ਜ਼ਿਲ੍ਹਾ ਪ੍ਰਧਾਨ ਨੇ ਕਿਹਾ ਕਿ ਝਾੜੂ ਵਾਲਿਆਂ ਦੀ ਧੱਕੇਸ਼ਾਹੀਆਂ ਕਰਨ ਵਾਲੀ ਸਰਕਾਰ ਜਿਥੇ ਪਹਿਲਾਂ ਮੀਡੀਆ ਉਤੇ ਵਾਰ ਕਰਨ ਲੱਗੀ ਹੁਣ ਤਾਂ ਹੱਦ ਹੋ ਗਈ, ਜਿਸ ਸਨਮਾਨਯੋਗ ਹਸਤੀ ਡਾ. ਅੰਬੇਡਕਰ ਸਾਹਿਬ ਦੀਆਂ ਫੋਟੋਆਂ ਦਫਤਰਾਂ ਵਿੱਚ ਲਗਵਾ ਕਿ ਦਾ ਦਿਖਾਵਾ ਕਰਦੀ, ਉਸ ਦੇ ਹੀ ਸੰਵਿਧਾਨ ਨੂੰ ਨਹੀਂ ਮੰਨ ਰਹੀ। ਉਨ੍ਹਾਂ ਕਿਹਾ ਕਿ ਸੱਤਾ ਵਿਚ ਆਉਣ ਤੋਂ ਪਹਿਲਾਂ ਕਿਰਤੀ ਸਮਾਜ ਦਾ ਉਪ ਮੁੱਖ ਮੰਤਰੀ ਲਗਾਉਣ ਦੀ ਗੱਲ ਕੀਤੀ ਸੀ ਪਰ ਨਹੀਂ ਲਗਾਏ | ਹੁਣ ਐਸ. ਸੀ. ਸ਼ਬਦ ਨੂੰ ਦਰਨਿਕਾਰ ਕਰਦੀ ਹੋਈ ਸੌੜੀ ਸੋਚ ਨਾਲ ਹਰੀਜਨ ਸ਼ਬਦ ਦੀ ਵਰਤੋਂ ਕਰ ਰਹੀ ਹੈ, ਜਿਸ ਦੀ ਉਨ੍ਹਾਂ ਦੀ ਪਾਰਟੀ ਨਿੰਦਾ ਕਰਦੀ ਹੈ ਤੇ ਇਸ ਬਾਰੇ ਕਾਨੂੰਨੀ ਕਾਰਵਾਈ ਕਰਵਾਏਗੀ |
ਅਕਾਲੀ ਦਲ ਬਾਦਲ ਦੇ ਆਗੂ
ਉਕਤ ਬਾਰੇ ਗੱਲ ਕਰਦਿਆਂ ਹਨੀ ਟੌਂਸਾ ਜ਼ਿਲ੍ਹਾ ਆਗੂ ਅਕਾਲੀ ਦਲ ਬਾਦਲ, ਅਸ਼ੋਕ ਨਾਨੋਵਾਲ ਸੀਨੀਅਰ ਆਗੂ, ਗੁਰਪ੍ਰੀਤ ਗੁੱਜਰ, ਯਾਦਵਿੰਦਰ ਯਾਦੀ, ਪੰਮੀ ਬਰੇਤਾ ਆਦਿ ਨੇ ਕਿਹਾ ਕਿ ਗਹੰੂਣ ਤੋਂ ਰੱਕੜਾਂ ਬੇਟ ਮੁਰੰਮਤ ਕੀਤੀ ਸੜਕ ਦੇ ਬੋਰਡ ਉਤੇ ਜਾਤੀ ਸੂਚਕ ਹਰੀਜਨ ਸ਼ਬਦ ਦਾ ਇਸਤੇਮਾਲ ਕਰਕੇ ਆਮ ਆਦਮੀ ਪਾਰਟੀ ਸਰਕਾਰ ਨੇ ਆਪਣੀ ਜਾਤੀਵਾਦ ਨੂੰ ਬੜਾਵਾ ਦੇਣ ਵਾਲੀ ਸੋਚ ਨੂੰ ਉਜਾਗਰ ਕੀਤਾ, ਜਿਸ ਦਾ ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਪਾਰਟੀ ਸਖ਼ਤ ਨਿੰਦਾ ਕਰਦੇ ਹੋਏ ਮੁੱਖ ਮੰਤਰੀ ਖ਼ਿਲਾਫ਼ ਕਾਰਵਾਈ ਕਰਨ ਲਈ ਐੱਸ. ਸੀ. ਕਮਿਸ਼ਨ ਦੇ ਚੇਅਰਮੈਨ ਜਸਵੀਰ ਗੜੀ ਜੋ ਇਸ ਇਲਾਕੇ ਨਾਲ ਸੰਬੰਧਤ ਹਨ, ਨੂੰ ਮਿਲ ਕੇ ਲਿਖਤੀ ਦੇਣਗੇ।
ਇਹ ਵੀ ਪੜ੍ਹੋ: ਪੰਜਾਬ ਸਰਕਾਰ ਦੇ 'ਯੁੱਧ ਨਸ਼ੇ ਵਿਰੁੱਧ' ਦੀ ਖੁੱਲ੍ਹੀ ਪੋਲ! ਪੁਲਸ ਮੁਲਾਜ਼ਮ ਦੇ ਪੁੱਤ ਦੀ ਓਵਰਡੋਜ਼ ਕਾਰਨ ਮੌਤ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਵੱਡੀ ਖ਼ਬਰ: MLA ਪਰਗਟ ਸਿੰਘ ਨੂੰ ਜੰਮੂ-ਕਸ਼ਮੀਰ ਪੁਲਸ ਨੇ ਕੀਤਾ ਡਿਟੇਨ
NEXT STORY 
